اكتر من كدة اية

[Mohamed.Ramah]

الصينيين دلوقتى مدوا استثماراتهم الى الحلاقة عاوزين يحلقوا للناس وكمان تلاقيهم فى اى مكان سواء منطقة شعبية واتجاههم ايضا للريف والقرى فبداو يتعاملو بالقسط تخيلوا ياجماعة وصلو لاية ام تدخل جمعية مع ام محمد وام مدحت علشان تشترى بالقسط من الست اوشين او ام اوشين ولسة ياجماعة بيدرسوا موضوع على الزعماء مواطنين ببلاش حيستبدلوا الناس اللى ملهاش شغلة ولا مشغلة بناس صينين منتجين وفعالين الواحد بقى متوغوش ههههههههههههههههههههههههههه

[Mostafa.Mahran]

الواحد لو فتح بطنه هيلاقى مكتوب عليها صنع فى الصين

[نور القمر]

خلي تنابلة السلطان نايمين في العسل مستنيين وظيفة رئيس مجلس ادارة في شركة مرموقة لحد ما يندموا حيث لا ينفع الندم
وفي الاخر يقولك بطالة ومش لاقيين شغل
امال الصينين دول لاقيين شغل ليه !!!!

[Mohamed.Ramah]

بجد لاتعليق انا مش عارف لو كلنا اشتغلنا كدة ونرضى باللى اتقسملنا لامن برضوا الناس تقولك امرمت نفسى علشان 500 جنية وفية اللى بيجيلو بالاكتر وبيرفض وفية اللى ملوش مزاج يشتغل ومقضيا وطبعا الطيور على اشكلها تقع

[rockana9112007]

لا معلش انا مش موافق على اللى انتم بتقولو
الخمسميت جنية دول ممكن يفرقو مع واحد صينى هو اصلا فى بلدة مش لاقى ياكل وطبعاااا احنا كمصريين عندنا عقدة الخواجة فمبهورين جدااا جدااا بالصينيين اللى بيعملو كدة
هحكيلكو موقف عمرى ماهنساة
كنت مرة نازل على السلم فى بيت واحد صاحبى فسمعت مندوب مبيعات من اللى بيلفو على البيوت شاب مصرى وشكلة والله غلبان ومحترم بيقول لواد صغير ممكن ياحبيبى تناديلى ماما او حد كبير هو كان تقريبااا معاة حاجات حريمى بيبعهااا بس مش فاكر والله هيا اية
المهم لاقيت الراجل جوزالست خارج من الشقة بال.......والفانلة وقام رازع الواد حتت قلم محترم
الواد خاد بعضة ومشى وطبعاااا
طبعااا لما ييجى واحد صينى يخبط على الباب ويبيع نفس اللى بيبيعو الشاب دة ويمكن اسوء
طبعاااا صحاب البيت بيرحبو بية جدااااا وبيعدو يضحكولو زى الهبل عشان عندنا دايماااا الاجنبى راجل محترم وفاهم احسن مننا وأمين ومصدر ثقة

[rockana9112007]

وعلى فكرة ياجماعة الصينيين اللى بيجو مصر دول بيجو من محافظات ومناطق من الصين فعلااا مش لاقيين يكلو وعايشين عيشة الكلاب فبالنسبلة مصر دى فرصة كويسة جداااا
وبيعيشو فى شقق مع بعض كل اربعين واحد فى شقة رجالة وستات وبيمارسو الجنس مع بعض زى الكلاب بدون تمييز
وفعلاااا هما نجحو فى مجالات فى مصر احنا المصريين فشلنا فيهاااا مع انهم اقل مننا بمراحل
ودة بسبب مجتمعنا المتخلف ونظرتنا الهبلة والسطحية للاجنبى
ومعلش ياجماعة انا شاب ومتعلم تعليم حكومى ودخلت واحدة من كليات القمة بمجهودى الحمد لله
ومتمرمط فى الشغل وطلعان عين اللى خلفونى .وبكتشف ان سواق التاكسى بيكسب احسن منى
وبيتمرمط نصف مرمطى .هل تعتقدو انى لو اشتغلت سواق تاكسى نظرت اللى حواليا ليا مش هتبصلى بأستهانة واستخفاف
مع ان المجتمع فى اشد الحاجة لناس محترمة وكويسة ومتعلمة يشتغلو شغلانات زى دى عشان المعاناة اللى بنشوفها على يد الجهلاء والبلطجية
بس برضة نفس المجتمع مش هيحترم اللى هيعمل كدة ودة واقع
عشان كدة تلاقو خريجيين كليات وشباب محترمة قاعدين على القهاوى مش لاقيين شغل
وشركة زى تاكسى العاصمة مش لاقية شباب وناس محترمة تشتغل سواقين عندهااا
ومش لاقية الا نفس عينة سواقين الميكروباص والتاكسى اللى فى الشارع

[rockana9112007]

خلي تنابلة السلطان نايمين في العسل مستنيين وظيفة رئيس مجلس ادارة في شركة مرموقة لحد ما يندموا حيث لا ينفع الندم
وفي الاخر يقولك بطالة ومش لاقيين شغل
امال الصينين دول لاقيين شغل ليه !!!!

والله ياست نور القمر فى شباب كتير مش عاوزة تشتغل رئيس مجلس ادارة
بس لو تلاحظى حضرتك ان فية شغلانات مجهودها البدنى والجسمانى وتكلفتها كبيرة جدااااا قياسا بالمرتب اللى انتى هتخدية اخر الشهر عشان كدة تلاقى ناس كتير بتحسبهااا وتلاقى انها مش مستاهلة
وبعدين انا عاوز اقول ان فية شركات كتير فى مصر بتعامل الموظفين بنوع من السخرة وهيا بتكسب ملايين
وتلاقى بند الدعاية واالاعلان كام مليار جنية
وبيزودونا كل سنة علاوة عشرة جنية -

[Haitham10]

ياباشا احنا فى بلد لو عايز وظيفه حكومية ملهاش مرتب بتدفع من 15 ل25 الف جنيه واعرف واحد اهبل لان دة اقل ما يقال عنه دفع 45 الف جنيه عشان يشتغل في الكهربا ويقبض 350 جنيه تقريبا علي مااتذكر والناس برضه مابتصدق تدفع ولا كانهم بيدوروا علي دهب رغم انه لو اشتغل 10 سنين مش هيلم الفلوس الي دفعها كمجمل مرتب شهري !!
لا تعليق

[Mohamed.Ramah]

انا بتكلم على الللى بيجيلو شغل وبيرفضة ومهما كان الشغل او الوظيفة فمش هتهمنى نظرة الناس اخر الشهر المهم تكون شغلانة شريفو والواحد يعمل بمايرضضى الله وربنا حيكرمة ويرزققم من حيث لا تعلمون ححكيلكم على موقف اخو زميلنا كان شغال سواق تاكسى وهو كان قاعد على القهوة لوحدة بعد اما ركن التاكس بتاعة وهو قاعد سمع 2 بيتكلموا عن شغل سواقين فاعتذر وقالهم حضرتكوا محتاجين سواقين انا معايا تاكس بتاعى وبعرف اسوق وورالهم رخصة شوفو النصيب ردوا علية وقالولة احنا محتاجين سواقين بيشتغل على عربيات الشركة بتاعتنا بس فى السعودية هو طبعا مسك فى الفرصة وخلص ورقة وربنا كرمة وهو عايش هناك ومتجوز حاليا وعندة ولد وبنت وربنا كارمة وفاتحها علية ومستنى اخوة يخلص جامعة علشان يسافرلو هناك

[Mohamed.Ramah]

ياباشا احنا فى بلد لو عايز وظيفه حكومية ملهاش مرتب بتدفع من 15 ل25 الف جنيه واعرف واحد اهبل لان دة اقل ما يقال عنه دفع 45 الف جنيه عشان يشتغل في الكهربا ويقبض 350 جنيه تقريبا علي مااتذكر والناس برضه مابتصدق تدفع ولا كانهم بيدوروا علي دهب رغم انه لو اشتغل 10 سنين مش هيلم الفلوس الي دفعها كمجمل مرتب شهري !!
لا تعليق

حضرتك اللى قالك 45 الف دة مش صحيح اذا كان البترول 30 الى 40 ومرتب 3.000 ازاى بقى المجال دة يدفع فية كدة واللى فى نفس الوقت اى شغل تانى حكومى حيديلو اكتر من اللى بياخد من 500 الى 700 جنية هو اكيد اتدحك علية والناس اللى اخدت منوا فلوس نصبت علية

[Mohamed.Ramah]

[QUOTE=rockana9112007;3872342900]وعلى فكرة ياجماعة الصينيين اللى بيجو مصر دول بيجو من محافظات ومناطق من الصين فعلااا مش لاقيين يكلو وعايشين عيشة الكلاب فبالنسبلة مصر دى فرصة كويسة جداااا
وبيعيشو فى شقق مع بعض كل اربعين واحد فى شقة رجالة وستات .................................................. ......

ياريت حضرتك تراعى الالفاظ علشان معانا اعضاء بجميع الفئات والاعمار فى المنتدى رجال وسيدات وشباب واولاد

وفعلاااا هما نجحو فى مجالات فى مصر احنا المصريين فشلنا فيهاااا مع انهم اقل مننا بمراحل
ودة بسبب مجتمعنا المتخلف ونظرتنا الهبلة والسطحية للاجنبى

فكرة التسويق الصحيح دى ملهاش دعوة بنظرتنا خالص الناس دة بتجيب بضاعة تبعهلنا فعلا شكلها جميل ورخيص وبيفاصلوا جامد فى السعر وفى نفس الوقت مفيش هنا زيها دى فكرتهم بيجيبوا بضاعة جيدة بسعر اقل ومفيهومش طريقة ادحك على الزبون ولبس الحاجة علشان كدة هما بيبيعوا

ومعلش ياجماعة انا شاب ومتعلم تعليم حكومى ودخلت واحدة من كليات القمة بمجهودى الحمد لله
ومتمرمط فى الشغل وطلعان عين اللى خلفونى .وبكتشف ان سواق التاكسى بيكسب احسن منى
وبيتمرمط نصف مرمطى .هل تعتقدو انى لو اشتغلت سواق تاكسى نظرت اللى حواليا ليا مش هتبصلى بأستهانة واستخفاف

عمر ماكان الشغل عيب مادام محترم وشريف المهم نظرة الناس دة مش هتفدنى كل اول شهر لما اجى ادخل بيتى او اشترى اى حاجة وميكونش معايا فلوس يبقى نظرة الناس متهمنيش او ادفع قسط او ايجار

[Haitham10]

حضرتك اللى قالك 45 الف دة مش صحيح اذا كان البترول 30 الى 40 ومرتب 3.000 ازاى بقى المجال دة يدفع فية كدة واللى فى نفس الوقت اى شغل تانى حكومى حيديلو اكتر من اللى بياخد من 500 الى 700 جنية هو اكيد اتدحك علية والناس اللى اخدت منوا فلوس نصبت علية

انا بقول امثلة للسخريه وخلاص هو الي انا ولا الي انت قلته دة حاجة تفرح اصلا ً
دة انا عندي اطلع علي الترب اشوفلي مكان ولا اعمل كدة لو فلوسي حلال بجد ومتعوب فيها

[Terrible_DaRsH]

وعلى فكرة ياجماعة الصينيين اللى بيجو مصر دول بيجو من محافظات ومناطق من الصين فعلااا مش لاقيين يكلو وعايشين عيشة الكلاب فبالنسبلة مصر دى فرصة كويسة جداااا
وبيعيشو فى شقق مع بعض كل اربعين واحد فى شقة رجالة وستات وبيمارسو الجنس مع بعض زى الكلاب بدون تمييز
وفعلاااا هما نجحو فى مجالات فى مصر احنا المصريين فشلنا فيهاااا مع انهم اقل مننا بمراحل

على فكرة يا باشا انا ساكن جمبي حوالى 4000 واحد صينى , احب اقولك ان 80 % منهم دخلوا فى الاسلام و متزوجين و ازواجهم محجبات و بيحفظوا القران و شغالين هنا و فاتحين محلات اكل صينى كمان و حاليا بقى عندهم سيارات و بقوا عزوة و الفضل لله فى الاول طبعا ثم للبعوث الاسلامية .

الفكرة انهم مجتهدين شوية و فى بلدهم مش لاقيين ياكلوا فعلا , بس عندهم ميزة لانهم بيجيبوا البضاعة من بلدهم هناك برخص التراب و بيبيعوها هنا باسعار كويسة و كمان هما كشعب بيحبوا بعض و بيخافوا على بعض جدا فتلاقيهم دايما عندهم روح النجاح ..

على العموم منهم لله اللى خلوا شعبنا يوصل للحالة دى .