سؤال بجد والله ؟!!!!!!؟

[aboelnagah]

سؤال بجد والله.. يا ترى ايه شعور الست اللي بقالها كذا يوم بتاخد عيالها من الفجر وتروح تقف قدام المستودع عشان تجيب انبوبة بوتاجاز، وبترجع اخر النهار من غيرها؟ يا ترى بتقول مش مهم، المهم اخواتنا بيوصلهم الغاز بتاعنا في .. اسرائيل الشقيقة؟

منقول : موقع مصراوى




انما الكلام ده من جوايا من مواطن تعبان نفسيا من اللى بيحصل فى البلد :

حسبى الله ونعم والوكيل فى كل انسان يضيع هذا الوطن الغالى ويقضى على الشعب واحد بعد الاخر

انا والله من جوايا بعيط على حالنا وفى نفس الوقت بيصدى الغاز لشوية حيوانات وسفاحين وسايب الشعب مش لاقى يعمل اكل ولا كوباية شاى

والله مهذلة ... احنا بنرجع لورا ... احنا بقينا متخلفين وجهلاء ... والله والله والله وانا دارس تاريخ يتعمق العصر الفرعونى كان متقدم عننا دلوقتى

ليهم حق الشعوب الاخرى انها تبقى عاوزه تدوس علينا برجلها

[asbeats]

كالعادة.....

في انتظار تدخل السيد رئيس الجمهورية.......والقوات المسلحة الزراعية

[أبو إياد]

لو حد من المسئولين معندوش غاز طبيعى وبيستخدم انبوبه زيه زى اى مواطن ساكن فى مناطق بلا غاز كان الموضوع اتحل لكن كان ابدى بدل تصدير الغاز هو دخول الغاز الطبيعى لجميع بيوت المصريين وبعد كده نشوف هانصدر ولا لا ؟ لكن ...............

[shiko85]

المشكله فالناس نفسها مش قصدى الناس اللى رايحه تجيب انبوبه لا انا بتكلم عن الناس المسئولين عن بيع الأنابيب, انا هقولكم اللى كنت بشوفه زمان كل يوم الصبح
عندنا على اول الشارع مخزن انابيب و كنت كل يوم الصبح وانا رايح المدرسه او الكليه بشوف عربيه نقل كبيره جايبه الأنابيب للمخزن حوالى الساعه 7 ال 7:15
المهم الناس كالعاده صاحين بدرى (بحكم العاده يعنى طابور عيش طابور انابيب طابور.....) واقفين علشان يجيبوا انبوبه و من النظره المبدئيه كده للعربيه و ما تحمله من كميه كبيره من الأنابيب و النظر لعدد الناس نجد ان كل واحد ممكن ياخد 3 او 4 انابيب مش بس واحده, المهم انا كنت بروح المدرسه او الكليه و لما برجع بلاقى نفس المنظر بالظبط كما كان صباحا لم يختلف شئ الا الأحباط على وش الناس و فقدان الأمل فالحصول على الأنبوبه
طيب ايه السبب ؟؟
السبب طمع و جشع المشئولين عن البيع, بيبيعوا الأنابيب للعربيات اللى بتلف على البيوت و بيخدوا نسبه منهم و بدل ما الأنبوبه بـــ 2 او 3 جنيه يبعوها بـــ 10 او 15 جنيه و لو مش عجبك روح اقف فالطابور
يعنى المشكله مش فى ان مصر بتصدر غاز لأسرائيل و نسيانا, لا المشكله فالناس معدومى الضمير اللى اصبحوا اكثر من الناس فى مصر اه اكتر من البنى ادمين لان بكل بساطه لا يجوز و لا يصح ان نقول عليهم ادميين فهم ليسوا بشر و حسبى الله و نعم الوكيل و انا لله و انا اليه راجعون

[نور القمر]

ربنا يرحمنا برحمته
هي جات على الانابيب
بص حواليك وقولي على حاجة واحدة صح في البلد دي !!!!!!!!!!!!
انا كنت بشوف مصارعة بين الناس على انابيب الشركة عشان الانبوبة رخيصة مش عارفه ب4 جنيه تقريبا
كنت بقول طيب م يرحموا نفسهم من البهدلة ويشتروها ب 10 خلاص من عربيات التجار
اتاري في ناس ال 6 جنيه دي تفرق معاهم كتير
يعني ممكن ما يتغدوش يومين عشان مفيش 6 جنيه
وفي المقابل ناس تانية عايشة على اشلاء الفقراء
واحد زي عز واللي وراه يحصد الملايين من احتكاره للحديد
واحد زي محمد علي سليمان يقبض مليون و200 الف شهري
فريق المنتخب ياخد مكافأة مليون جنيه لكل فرد من فلوس الفقراء
واحد زي هشام طلعت مصطفى يصرف ملايين على فنانة غير مشهورة فما بالك لو مشهورة
حالة البذخ اللي عايشنها الوزراء بشكل غير طبيعي بالمرة في دولة نامية

المنفسنين بيشجعوا وانا معاهم

[aboelnagah]

كل اللى وصلت فيه البلد ده من واحد كلنا عارفينه

الحكومة باظط بسببه الله يحرم زمن الرجالة انور السادات وعبدالناصر كانوا بجد رجالة ووقفوا وقفة رجالة

بجد دى ناس دمها غالى انما احنا فى العصر ده اخر اخر شعوب العالم احنا متقدمين فى ايه ولا اى حاجة

غير شوية ناس صاعية هى اللى ماسكة البلد وبتصرف كل فلوسها على عاريات زانيات وخلاص وكل اللى دماغهم طظ فى البلد والشعب يارب يولع

عاملين ازمه وكأن الدنيا وقفت لما طلعت مصطفى دخل السجن وهيتعدم عادى يعنى وفيها ايه واحد دى اخرته ومشيه ورا الستات ايه يعنى

انا شاب لما اكون قاعد باليل على كافتيريا ولا حاجة والاقى الظابط داخل يشتم ويضرب علشان بالطاقات .. هى دى حال البلد بقا كله بيدوس على اللى تحته ... مفيش حد بيراقب حد مفيش حد بيحب حد

كل البلد بقت عاريات زانيات _ رجالة ماشية ورا العرى والنجاسة ويولع الشعب .. حكومة كل همها تلم فلوس وتشغل مناصب ويولع الشعب .. بلطجة ... حاكم ولا ببسال فى الشعب

نفسى اموت علشان ميجيش عليا يوم ملاقيش اكل ولا اشرب مايه

[menocomp]

مرة قريت كتاب مش فاكر أسمة اية كان بيقول أن أى مشكلة لها حل طالما انها مشكلة واحدة غير مرتبطة بمشكلة أخرى.
أحنا بئى فى مصر عندنا مشاكل من زمان وللاسف متحلتش فى لحظتها وبمرور الزمن بقت مشاكل مرتبطة ببعضها بشكل غريب عجيب علشان كدة أنا بقول لا أمل فى الاصلاح.
للاسف لاتوجد نقطة بداية نقدر من عندها نحل أى مشكلة وللاسف مصر بتتحرك من سئ الى اسوء.

[rockana9112007]

ربنا يرحمنا برحمته
هي جات على الانابيب
بص حواليك وقولي على حاجة واحدة صح في البلد دي !!!!!!!!!!!!
انا كنت بشوف مصارعة بين الناس على انابيب الشركة عشان الانبوبة رخيصة مش عارفه ب4 جنيه تقريبا
كنت بقول طيب م يرحموا نفسهم من البهدلة ويشتروها ب 10 خلاص من عربيات التجار
اتاري في ناس ال 6 جنيه دي تفرق معاهم كتير
يعني ممكن ما يتغدوش يومين عشان مفيش 6 جنيه
وفي المقابل ناس تانية عايشة على اشلاء الفقراء
واحد زي عز واللي وراه يحصد الملايين من احتكاره للحديد
واحد زي محمد علي سليمان يقبض مليون و200 الف شهري
فريق المنتخب ياخد مكافأة مليون جنيه لكل فرد من فلوس الفقراء
واحد زي هشام طلعت مصطفى يصرف ملايين على فنانة غير مشهورة فما بالك لو مشهورة
حالة البذخ اللي عايشنها الوزراء بشكل غير طبيعي بالمرة في دولة نامية

المنفسنين بيشجعوا وانا معاهم

معاكى فى اللى انتى قولتية
ولله الامر من قبل ومن بعد