مشكلة في توكيل العربية يا رجالة

[A7MED_PHARMA]

صباح الخير لرواد الإجتماعي

.
مشكله كبيره حصلت النهارده
الحقيقة هما مشكلتين
الأولى ..البيه الصغير (محمود أخويا ) أخد العربيه ..بعد ربع ساعة إتصل بيا ..إلحقني ياأحمد ..العربيه وقفت ومش عاوزة تشتغل..قولتله ..زي ما إنت ...إوعى تلعب في حاجة
روحت لقيت بيحاول يدورها ..مش عاوزه تدور
حطيت إيدي على قلبي ..وفتحت الكبوت .......
..
.

(موسيقا تصويريه بإيقاع تصاعدي)

.

سير الكاتينــــــــــــة إتقطع

(موسيقا تصويريه ..صمت كامل)

المهم ....المشكله دي حلها عند الميكانيكي
المشكله التانية ..وهيا الأهم
العربية أنا شاريها بإسم والدي من كام شهر
ومعايا التوكيل بتاعها ولسه ماسجلتهاش
بفتح التابلوه علشان أخد ورق العربيه والرخصه ..علشان العربية هتبات عند الميكانيكي النهاردة....
لقيت قزازة البرفااان إندلقت على التوكيل
البيانات واضحه ...بس اللون الازرق سايح على التوكيل كله
.
دلوقتي المفروض أعمل إيه ...ينفع أسجل العربية بالتوكيل ده..ولا الموظف مش هيرضى ..والمفروض أعمل واحد جديد ..ولا ينفع أعمل بدل فاقد ..ولا أعمل إيه بالظبط...

.
معلش طولت عليكم

تم تغيير عنوان الموضوع طبقا للقاعدة 16

مشرف الإجتماعي 2

[ghazy12]

سير الكاتينه مره واحده...!!!!!!!!

لو مش قابليين التوكيل ده... انزل طلع عليه بالرقم بتاعه على طول و اختمه طبق الأصل... مش هتاخد وقت

بس جرب تسجل بيه الأول......

و ربنا معاك والله....

[A7MED_PHARMA]

أه والله ياغازي يا أخويا
سير الكاتينه .....
مع إني أول ماإشتريت العربيه ..عملت لها طقم سيرفيس كامل
السيور وفلتر الهوا والبنزين والزيت ..وغيرت التيل ..والبوجيهات ..وشيكت على كل حاجة فيها
الغريبه
إن السير لسه راكب من 3 أو 4 شهور
..............................سألت الميكانيكي :إيه يخليه يتقطع بسرعة كده
قالي : يمكن أخوك قرص شويتين ..تلاته ..أربعة

.
وشكرا على الرد السريع

[ghazy12]

أه والله ياغازي يا أخويا
سير الكاتينه .....
مع إني أول ماإشتريت العربيه ..عملت لها طقم سيرفيس كامل
السيور وفلتر الهوا والبنزين والزيت ..وغيرت التيل ..والبوجيهات ..وشيكت على كل حاجة فيها
الغريبه
إن السير لسه راكب من 3 أو 4 شهور
..............................سألت الميكانيكي :إيه يخليه يتقطع بسرعة كده
قالي : يمكن أخوك قرص شويتين ..تلاته ..أربعة

.
وشكرا على الرد السريع

يا احمد الميكانيكي ده بيهزر اكييد... سير الكاتينه مستحيل يتقطع من قرص في المده دي..!!!!!

الأول الموضوع ده في اللانسر ولا اللانوس؟؟؟؟

[A7MED_PHARMA]

الانوس إتباعت خلاص ...الموضوع ده في الانسر
مع إن السير جديد ..ولما بصيت عليه ..لقيته لسه بحالته..يعني من غير تشقيق ولا إتهرى ولا أي حاجة.

الحمد لله خير

[ghazy12]

الانوس إتباعت خلاص ...الموضوع ده في الانسر
مع إن السير جديد ..ولما بصيت عليه ..لقيته لسه بحالته..يعني من غير تشقيق ولا إتهرى ولا أي حاجة.

الحمد لله خير

لا يا باشا.... انا كان معايا لانسر و عارف السير بتاعها شكله ايه....

%90 ده بسبب مسمار الكرنك..... شيك عليه لأنه في اللانسر بالذات بيريح
و ممكن جداا يقطع السير فعلا لو ريح بزياده.... و حاول تبقى متابعه باستمرار

و الحمد لله انها جت سليمه...

[A7MED_PHARMA]

مسمار الكرنك ..
ممكن برضوووو تصدق
..........عموما الحمد لله ..هيا ماجتش سليمة أوي
الصبابات راحت طبعا والحمد لله

[ahmed_khalil]

أه والله ياغازي يا أخويا
سير الكاتينه .....
مع إني أول ماإشتريت العربيه ..عملت لها طقم سيرفيس كامل
السيور وفلتر الهوا والبنزين والزيت ..وغيرت التيل ..والبوجيهات ..وشيكت على كل حاجة فيها
الغريبه
إن السير لسه راكب من 3 أو 4 شهور
..............................سألت الميكانيكي :إيه يخليه يتقطع بسرعة كده
قالي : يمكن أخوك قرص شويتين ..تلاته ..أربعة

.
وشكرا على الرد السريع

ايه الفتىىىىىىىىىىىىى ده
يتقطع من شد على العربيه؟؟؟
وةديها لميكانيكى تانى دى اول حاجه كده
اتقطع اعتقد انك مركبتش الاصلى

[HeMa_LanCeR]

اولا ربنا يستر ويبقي سير كاتينه فقط
وعلي فكره فعلا لو اتقرص علي العربيه جامد السير ممكن يقطع
بس في الحاله دي مش هيكون سير بس
عموما الحمد لله علي كده
وبالنسبه للتوكيل حاول فعلا تسجل بيه كده ولو مارضيش طلع عليه تاني

[A7MED_PHARMA]

شكرا ياشباب على الردود
المهم..........
بابا إشترى لمحمود أخويا (ثانويه عامه ) موتوسيكل علشان يروح عليه الدروس
وطبعا العربية هتقف يوم أو إتنين على الأقــــــــــــل
إضطريت - غصب عني والله - أخد الموتوسيكل بتاع محمود علشان أروح بيه الصيدلية بتاعتي
وعلشان أنا برجع من الصيدلية متأخر أوي ..ومفيش مواصلات طبعا
فأنا النهاردة - ولأول مرة في حياتي - أسوق موتوسيكل
شعـــــــــــــــــور مختلف خالص
أنا النهاردة يدوبك سيبت العربية عن الميكانيكي
وروحت محمود البيت
وأخدت الموتوسيكل وروحت الصيدلية ...والجو برررررررررد
برررررررررررررررررررررررررررررررررد

ربنا يكون في عون راكبي الموتوسيكلات

[ahmed ismail]

أنا النهاردة يدوبك سيبت العربية عن الميكانيكي
وروحت محمود البيت
وأخدت الموتوسيكل وروحت الصيدلية ...والجو برررررررررد
برررررررررررررررررررررررررررررررررد

ربنا يكون في عون راكبي الموتوسيكلات

بس سيبك انت انا سوقت موتسيكل واحد صاحبى مرتين تلاته


و كنت لاول مرة فى حياتى اسوق موتسيكلات



مكنتش اعرف انسواقتها بالمتعة ديه


بس هو خطر جدا على فكرة و بالذات لما بحود او الف

[أحمد كمال]

اكيد اتقطع لانه مش الاصلي

اتقطع من القرص دي نكتة الموسم !

[A.Saad]

تروح الشهر العقارى اللى طالع منه التوكيل وتطلع نسخة تانية
وخللى دى معاك لانها هتسها استخراجه

[A7MED_PHARMA]

ايه الفتىىىىىىىىىىىىى ده
يتقطع من شد على العربيه؟؟؟
وةديها لميكانيكى تانى دى اول حاجه كده
اتقطع اعتقد انك مركبتش الاصلى

والله كان مكتوب عليه made in japan ..وكان غالي كمان
النصيب بقا

اولا ربنا يستر ويبقي سير كاتينه فقط
وعلي فكره فعلا لو اتقرص علي العربيه جامد السير ممكن يقطع
بس في الحاله دي مش هيكون سير بس
عموما الحمد لله علي كده
وبالنسبه للتوكيل حاول فعلا تسجل بيه كده ولو مارضيش طلع عليه تاني

الحمد لله ..الصبابات كمان راحت ...وإحتمال 25 % نغير الوش على بعضه

بس سيبك انت انا سوقت موتسيكل واحد صاحبى مرتين تلاته


و كنت لاول مرة فى حياتى اسوق موتسيكلات



مكنتش اعرف انسواقتها بالمتعة ديه


بس هو خطر جدا على فكرة و بالذات لما بحود او الف

بس في البرد ده حراااااااااااااااااااااااااااام
كل عضلة في جسمي كانت بتترعش والله

اكيد اتقطع لانه مش الاصلي

اتقطع من القرص دي نكتة الموسم !

في ناس قالوا ممكن ..وناس قالوا إنه مــــــــــــــــــــش ممكن
عموما..
أنا عملت موضوع في قسم الانسر ..ومستني الرد الوافي بتاع المهندس / طـــارق

تروح الشهر العقارى اللى طالع منه التوكيل وتطلع نسخة تانية
وخللى دى معاك لانها هتسها استخراجه

شكرا على الرد الوافي
يعني الحمد لله ..الحمد لله
مش هضطر أروح لصاحب العربية تاني
أصلي كنت هضربه أخر مرة شوفته فيها
تخيل ...الإستب بتاع العربية كان 13 ..والعربية أساسا كاوتشها 14 .



.
وشكرا ياشباب جدا جدا

[mahmoodallam]

نفس المشكلة حصلت معايا
تاني يوم من تغيير سير الكاتينة السير اتقطع روحت رمتها للميكانيكي وانا قرفان منه بس الحمد لله الصبابات طلعت سليمة
لان جزء من السير هو اللي اتقطع مش كله المهم بقول للميكانيكي ايه السبب قالي احتمال السير ده يبقى مضروب
مع ان الميكانيكي هو اللي اشتراه بمعرفته المهم غيرنا السير والميكانيكي كان راجل محترم جدا ما رضيش يا خد فلوس قالي دي غلطتنا وبتاع قالتله لا من هنا لهنا خد نص المبلغ