ماذا تفعل لو كنت مكاني !!!!!!!!!!!!!!!!!!!

[ZALABANY]

السلام عليكم
أنا ياجماعة معايه عربية 28 على قد حالها والحمد لله راضي بيها
امبارح طالح الدائري بتاع المعادي من عند المريوطية ألاقي صوت حكه في الرفرف الشمال عندي ورا ببص فى المرايه الاقى عربيه تويوتا برادو اتوبيس خاص شرقية بيحك العربية بمنتهى الغباء وبعدين تخيلوا ايه اللي عملو ...
طلع يجري ويغرز بين العربيت عشان يهرب مني المهم حصلته عند الملف عشان الطريق كان زحمه حاولت اقفل عليه ما عرفتش بس كان نفسي انزل اكله بسناني فعلا نرفزني لدرجه لا تتخيلوها بس هرب بعد كده بمنتهى الجبن ولا حتى اعتذر وانا ولا عرفت اشوفه هاروح فيه فين ده 3500 سي سي بس قلت حسبي الله ونعم الوكيل ومشيت في طريقي بس فعلا الموقف كان زفت ساعتها تمنيت اني اكون مركب مدفع في عربيتي من قدام واروح ضاربه بالمدفع مفجره يلا مش مشكله بس انا اللي ضايقني التصرف مش الخبطه خالص في داهيه

[ZALABANY]

ما حدش يعرف فين ممكن اركب مدافع لل 28 وممكن تتكلف كام أجيبها من التوفيقية ولا منين :)

[mina_ramsis]

ما عرفتش تاخد نمره علشان تبهدله شويه علشان ديه ناس معندهاش دم

[tutankhamoun]

ما حدش يعرف فين ممكن اركب مدافع لل 28 وممكن تتكلف كام أجيبها من التوفيقية ولا منين :)

نفس اللي بحلم به كل يوم و أنا على الطريق
نفسي إن عربيتي يكون فيها صاروخ أرض أرض واسع المدى و أضربه لو واحد عمل غرزه قدامي و يروح الصاروخ قاتل أكبر عدد ممكن من اللي على الطريق
علشان أنا خلاص جبت جاز و عايز أموت الناس كلها من اللي بيعملوه على الطريق
و كان الله في عوننا جميعا

بالنسبة لمشكلة أخي الكريم حصلت معايا مع سواق ميكروباص و أحنا داخلين على المطب راح زانق نفسه بيني و بين العربية اللي على يميني و أنا كنت في أقصى اليسار و راح حاكك في الرفرف اليمين بتاعي و طلع يجري و هاتك يا غرز في وسط العربيات و حظي الحلو إنه كان محمل و العربية تقيلة علشان كدا قدرت أجيبه ووقفته و نزلت فيه شتيمة و هزأت أمه و بصيت على الرفرف لقيته و الحمد لله سليم و عربيته هو اللي أتخربشت ( معرفش ازاي ) ..... المهم أتصلت بالشرطة ....... عارفين قالولي أيه
خلصها ودي يا أستاذ أحنا مش فاضيين للحاجات دي !!!!!
الشرطة بتقول لمواطن أحنا مش فاضيين للحاجات دي
طيب مين اللي فاضي للحاجات دي ؟؟؟؟ عايز أعرف ؟؟
و حمدت ربنا أن أنا و عربيتي طلعنا سلام ( بضم السين) من الموقف ده و إلا ما كنت أخدت لا حق و لا باطل
و من ساعتها و أنا كافي خيري شري و اللي عايز يعدي .. يعدي بعيد عني و يغور في داهية تاخدوه هو و اللي خلاه يسوق
و حسبي الله و نعم الوكيل في سواقين مصر و مرور مصر
و لنا الله

[ZALABANY]

عارف فعلا انا بحزن على مصر والله احنا بلد ما عادش فينا فايده وحتى لو اخدت نمرته ولا هاعرف اعمله حاجه وابسط حاجه مش هاقدر اثبت
انا لما كنت فى الدوحة هناك الشرطه في منتهي الإحترام انا عايز اقلكم لو عربية ريحت بس على عربيه وخربشتها مش خبططها تقف مكانك والشرطه بتيجي تعاين وتخلص الموضوع الغلطان يصلح او شركة التأمين لكن هنا لو الشرطه جت واللي خابطك كان واصل شويه مش بعيد ياخدوك يحبسوك انت
حسبي الله ونعم الوكيل

[Xpert]

احب اقول الاول .. ان انا باعمل غرز .. و للاسف غرز موت .. ما علينا .. انا لو مكانك اعمل كتير .. لسبب واحد .. (ده ميزه عربيتي بقي) .. بي ام 3500 سي سي .. و اهم من الموتور بقي .. الاكصدام .. الاكصدام يا باسا عندي حاجه كده ايه .. سبرين عقبال ما توصل للشبكه و الفوانيس .. مصطبه يعني .. و بما انه متدمر اصلا (735 موديل 80) .. باكمل عليه علي الجماعه بتوع الميكروباص اللي مابيمشوش عدل .. ان كان انا اكصدامي متدمر .. فهو اكصدامه الوراني اغلي من عربيتي برضه :d بستقصدله الاكصدام اللي ورا .. و العين بالعين و السن بالسن و البادىء اظلم .. (و الدكر يجيبني علي الاسفلت :d :d :d
اما لو راكب عربيه "تعبانه" شويه .. باخد النمر و اتسلي عليه ... (معايا جنسيه تانيه بقي و باعيش فيها دور الاجنبي )
الاول كنت باستحرم .. بس سواقين الميكروباص بالذات بيفترو علي البشر ..

[ZALABANY]

أحييك بشده Xpert وربنا يكرمني واركب اكصدام زي بتاعك وأسقط بالمره موتو 4000 سي سي عشان تبقى كملت بس الواحد لازم يبقى عامل حسابه عشانلو حصل معاه موقف يتصرف على طول

[meza]

احب اقول الاول .. ان انا باعمل غرز .. و للاسف غرز موت .. ما علينا .. انا لو مكانك اعمل كتير .. لسبب واحد .. (ده ميزه عربيتي بقي) .. بي ام 3500 سي سي .. و اهم من الموتور بقي .. الاكصدام .. الاكصدام يا باسا عندي حاجه كده ايه .. سبرين عقبال ما توصل للشبكه و الفوانيس .. مصطبه يعني .. و بما انه متدمر اصلا (735 موديل 80) .. باكمل عليه علي الجماعه بتوع الميكروباص اللي مابيمشوش عدل .. ان كان انا اكصدامي متدمر .. فهو اكصدامه الوراني اغلي من عربيتي برضه :d بستقصدله الاكصدام اللي ورا .. و العين بالعين و السن بالسن و البادىء اظلم .. (و الدكر يجيبني علي الاسفلت :d :d :d
اما لو راكب عربيه "تعبانه" شويه .. باخد النمر و اتسلي عليه ... (معايا جنسيه تانيه بقي و باعيش فيها دور الاجنبي )
الاول كنت باستحرم .. بس سواقين الميكروباص بالذات بيفترو علي البشر ..

:D:D:D
إنت اللى هتجيبلنا حقنا من بتوع الميكروباص دول ... مش عارف شايفين نفسهم علينا ليه ... إنت كل يوم تاخدلك عشر ميكروباصات كده ;)

و ربنا ينتقم منهم واحد واحد ...... قادر يا كريم

[Xpert]

اكيد طبعاً .. دي ميزه العربيه اللي عضمها ناشف ..
اللي يركب لانسر و مش عارف ايه .. لو حصله الموقف ده هايقعد يعيط .. و اللي راكب حته حديده موديل 70 يدوس علي الشعب بالجزم ..
عشان كده .. الزيرو و العربيات الفافي ماتنفعش معانا :d
اهم حاجه في العربيه : تقضي الغرض .. موتور سريع .. عضم ناضف و الاكصدام بعيد :d
انا عن نفسي لو ركبت الزيرو .. مش هاتعيش معايا يومين علي بعض :d

[ZALABANY]

بس فعلا انت عربيتك 3500 سيسي ولا بتهزر ولو كانت كده دي اكيد خاربه بيتك في البنزين

[Xpert]

يا باشا حد مايعرفش البي ام 3500 ؟ (735 موديل 80) .. يا عم مش فارقه بنزين .. هاتمون ب 50 جنيه زياده يعني ؟
ياللا يا جدعان حمله تركيب الاكصدامات الامريكاني .. كله يركبها و ننتقم من سواقين المكروباص و التاكسي :d
شكلها وحش بس بتقضي الغرض ;)

[Ah.Farid]

ياريت تعرض صور للاكصدامات علشان كلنا هانشتريها

[Ah.Farid]

ياسلام فكرتونى بال128 الاصيلة كانت مهما تتخبط بردة ماشية وكانت بتنفع فى الزحام دلوقتى الواحد بيخاف من الاتوبيس والميكروباص والتاكسى وحتى التوك توك وكل من هب و دب بقت السواقة تكسير على بعض وغرز ومفيش احترام لأى شىء
دة انا مرة بال128 كنت واقف فى شارع حلوان الزراعى والطريق كلة واقف فاجئة لقيت الميكروباص اللى قدامى طلعت فى دماغة يرجع للخلف لية علشان يكلم سواق ميكروباص جانبة راح مكسر عندى فوانيس الامام رحت نازل مزعق فوجئت ان اللى سايق عيل مكملش 14 سنة بقيت هاتجنن وكلام الناس فى الشارع ينرفز اكتر
كلام من عينة (حصل خير وكويس انها جت على قد كدة , )
المهم مسكت الواد تلطيش وزعيق وصممت انة يدفع تمن الفوانيس اللى اتكسرت قعد يقلب فى جيوبة 2 جنية من هنا ونص جنية من هنا وسمعت كلام من الناس (يعنى هاتقبل العوض مايصحش )
المهم جمع 15 جنية ختهم منة وانا ماشى رحت حاططهم فى صندوق جامع علشان يتعلم الادب

وياريت كل واحد يخبط عربية يتحمل تكلفة تصلحها لكن اللى بيحصل كلة بيزوغ والشرطة مابتجبش حق حد

[Xpert]

بص .. اي عربيه عاديه .. فيه منها للسوق الامريكيه .. في الموديلات القديمه بيقبي اكصدامها اكبر لقدام .. بس خد بالك ان مش كل العربيات نزلت امريكا ... يعني ماعتقدش ان فيه هناك 128 مثلاً .. بس فيه 131 ..
ده مثلاُ في الاي ثرتي :
الاوروبي :


الامريكاني

[شاهين - بنز]

ياسيدي أنال مشكلتي إني قليل الأدب ف لو الموقف ده حصل معايا وماعتزرش وجري حجيبه لو كان في سابع أرض لإن مهما كان عربيتي أصغر من عربيته وحقدر أجيبه في الغرز بسهولة وساعتها حنزل أقوله ياجبااااااااااان يا ... ... ...