إعـــــــلان

Collapse

.

,
See more
See less

كيف يمكنك استخراج رخصة قيادة بدون "واسطة أو رشوة"

Collapse
X
 
  • Filter
  • الوقت
  • Show
Clear All
new posts

  • كيف يمكنك استخراج رخصة قيادة بدون "واسطة أو رشوة"




    لن أسرد عليكم تفاصيل مغامرات "مواطن في وحدة مرور" فلن يشعر بكم المرارة والأسى إلا من خاض التجربة بنفسه ، سأكتفي فقط بمحاولة تقديم المعونة ، يمكن تنفع أي منكم ممن يفكر خوض نفس التجربة وبنفس النهج ، لعل وعسى استطيع مساعدتكم لخوض هذه المغامرة كما فعلت ولكن بأقصر الطرق.



    الخطوة الأولى : تجميع الأوراق


    لا بد من وصولك لوحدة المرور في الساعة التاسعة صباحا وإلا ولن تستطيع إنهاء هذه المرحلة في نفس اليوم، وبمجرد تجميع الأوراق وتسليمها في الشباك المخصص لذلك وتحديد موعد الاختبار تكون قد انتهيت من هذه المرحلة، في معظم الأحيان لن تتمكن من الانتقال للمراحل التالية في نفس اليوم، واليك الأوراق المطلوبة:


    1- عدد2 شهادة طبية (عيون وباطنة) من عيادة طبية برقم قيد الدكتور في نقابة الأطباء، ومرفق صورة شخصية بكل شهادة.


    2- عدد 2 صورة شخصية.


    3- مستخرج رسمي من المؤهل للإطلاع عليه فقط + صورة منه.


    4- نماذج استخراج رخصة قيادة خاصة من خزانة وحدة المرور التابع لها.


    5- ملف ورقي لحفظ الأوراق فيه ، مهم جداً ورقك يترفض من غيرة!!



    الخطوة الثانية: اختبار القيادة


    للسيارات :


    استعن بسيارة صديق أو قريب لك أو أذهب لأحد مراكز تعليم القيادة وقم بقيادة السيارة في أحد الساحات الخالية مع التركيز على تدريب قيادة السيارة والمرور بها بين قوالب الطوب بشكل (زجزاج) ذهابا ورجوعا للخلف حتى تستطيع المرور دون أن تتوقف السيارة منك أو أن تلمس الطوب.


    إذا لم تستطع المرور بسهولة حاول في يوم آخر ولا تحاول الإقدام على استخراج الرخصة بدون تلك التدريبات فللاختبار رهبة خاصة (تكفيك ساعات الانتظار لتفقد أعصابك وترتبك عند أول ضغطة على دواسة البنزين).


    في اليوم المحدد للاختبار يجب أن تكون متواجدا في وحدة المرور في تمام التاسعة صباحا ، نظرا لأن موعد الاختبار يتوقف على مزاج القائمين عليه، فلا بد لك من التحلي بالصبر ولا تحاول أن تستعلم عن دورك، فما عليك سوى انتظار الفرج!



    للدراجات النارية (الموتوسيكلات):
    وطبعا دول ربنا معاهم
    اختبار قيادة "الموتوسيكل" أصعب ما تتخيل، فلا بد من الدوران حول الأقماع في أصغر قطر ممكن لأصغر "موتوسيكل" موجود في السوق مع عدم التوقف أو إنزال قدمك على أرض الاختبار!.


    رجال المرور يفتشون عن الرخص دائما
    أما إذا قمت بشراء "موتوسيكل راسينج" أو أي من الموتوسيكلات ذات القطر الكبير ، فلا بد من البحث عن موتوسيكل صديق أو الاتفاق مع أحد المتقدمين للاختبار لاستخدام "الموتوسكل" الخاص به أثناء اختبارك ، فأبحث دائما عن الأصغر.



    هتعمل ايه انت السبب مش عايز تطلع رخصه استحمل بقى



    الخطوة الثالثة والأخيرة : اختبار الإشارات



    هذا الاختبار تغير تماما عما كان عليه في الماضي، فلم يعد يقتصر علي الإشارات فحسب بل تم إضافة بعض الأسئلة الخاصة بصيانة السيارة ومواصفات مصابيح الإضاءة بل وصل الأمر إلى ملاحظة الأوكازيون في المحال التجارية بدلا من ملاحظة صديق في سيارة مقابلة!! (كلام غريب شوية ولكن هذا هو الاختبار!).


    المهم، قم بشراء الكُتيب الخاص بالاختبار النظري من وحدة المرور الرئيسية (لا يُباع في أي وحدة مرور عادية) ومذاكرته جيدا ، لكن للأسف ورغم كل هذا المجهد لن يمكنك النجاح في هذا الاختبار بمهارتك في القيادة أو بمعلوماتك عنها أو حتى بالفهلوة، فبعض هذه الأسئلة لا يمت للمنطق بأي صلة.


    الاختبار يتم عن طريق الكمبيوتر ، فهو عبارة عن 12 سؤالا يتم اختيارها عشوائيا ببرنامج مخصوص ، كما أن هناك فترة زمنية محدد للإجابة على كل سؤال وهي 10 ثوان فقط ، بعدها يتم الانتقال للسؤال التالي أوتوماتيكيا ويتم خصمة من النتيجة الكلية، وأعلم أنه لكي تنجح في هذا الاختبار لابد أن يتخطى مجموع إجاباتك 85 % ما يعني أنه في حال إجابتك على سؤالين فقط بشكل مختلف عن المسجل في البرنامج فلن تجتازه!



    الآن فقط وبعد تعرفك على طريقة اختبار القيادة العملي والنظري يمكنك أن تذهب لوحدة المرور التابع لها محل سكنك لإستخراج رخصة قيادة (بدون واسطة .. بدون فلوس).


    [OVERLINE] [/OVERLINE][OVERLINE]
    منقول للافاده
    [/OVERLINE]
    [COLOR=indigo][I][SIZE=6][/SIZE][/I][/COLOR]لا اله الا الله محمد رسول الله

  • #2
    يختلف الترتيب عندنا شوية بس هى نفس الخطوات ما عدا المتسكل دور و إطلع
    و فى حاجة كمان إجابات الكمبيوتر فى كام سؤال غير الى فى الكتبا زى فى حالة عطل الفرامل يتم إستخدام الغيار العكسى دا فى الكمبيوتر و فى الكتاب فرامل اليد و بعدين الغيار العكسى "سقط نقلة"
    [CENTER][URL="http://www.facebook.com/pages/Opel-Vectra-B/118286498828"][sor2]http://badge.facebook.com/badge/118286498828.2713.630313105.png[/sor2][/URL]


    [B][SIZE=4]لما نعيش فى تبات و نبات و نجيب صبيان و بنات إسمى هو الى هيخدوه منى و بس[/SIZE][/B]


    [/CENTER]

    Comment


    • #3
      تصدق بالله اول مرة اعرف خطوات استخراج الرخصة
      انا كل اللي عملته اني اتصورت

      Comment


      • #4
        هى فين الاجابة

        ولا هى ده اسهل طريقة للاصدار رخصة
        [CENTER][SIZE="3"]حسبى الله ونعم الوكيل :36_2_33: [/SIZE][/CENTER]

        Comment


        • #5
          المشاركة الأصلية كتبت بواسطة نور القمر مشاهدة المشاركة
          تصدق بالله اول مرة اعرف خطوات استخراج الرخصة
          انا كل اللي عملته اني اتصورت

          وياترااااا كام واحد دعااااا على اللى طلعلك الرخصة (بهزر )

          على فكرة انا طلعت رخصتين خاصة ومهنية بدون اى واسطة او فلوس والله (دفعت بس للموظفين عشان اخلص الورق)
          بس الموضوع محتاج اولااا الاستعانة بالله وتكون نيتك انك متدفعش رشوة الا لما تكووون خلاص مفيش حل تانى
          ثانياااا برووود برووود وهدوووء اعصاب
          ثالثاااا كلاحة ورخامة ورزالة ومناهدة
          رابعااا متيئسش واعرف ان مفيش قانون ولانظام فى بلدنا واللى عاوز يعمل حاجة بيعملهاااا
          يعنى الموظف لما يقولك دة النظام او القانون اعرف انة عاوز يخلص منك فمتسيبوش
          لازم طبعااا تعمل حسابك انك تنقطعلهم لحد ماتخلص مصلحتك
          يعنى لاتحط فى دماغك شغل او اى حاجة تانية
          وتحياتى
          [I]قد تعلمت الصمت من الثرثار .والتساهل من المتعصب .واللطف من الغليظ...
          والاغرب انني لا اعترف بجميل هؤلاء المعلمين !![/I]

          Comment


          • #6
            انا اول مرة رحت فشلت نظرى بسبب خناقة مع الست اللى بتمتحنى :)

            تانى مرة رحت الساعة 12 الظهر و اخدت الرخصة الحمد لله الساعة 1 و نص , الاختبار التانى كان الساعة 1 و اتصورت و الرخصة اخدت ربع ساعة و روحت .

            Comment


            • #7
              بس على فكرة انا شوفت بنت بتطلع رخصة مهنية فى المرور
              طبعاااا المرور كلة تنح حتى الظباط
              بس كانت بنت امورة وشكلهاا بنت ناس وانتا عارف شهامة المصريين يعنى مكنوش بيخلوهااا تقف فى اى طوابير كانو بيدخلوها المكتب تقعد لحد ماالموظف يخلصلها ورقها
              والظابط مخلهاش تمتحن ونجحها ومشاها -بس معتقدش ان كان معاها واسطة
              تخيل بقى لو كانت وحشة حبتين كانو
              على فكرة والله كل المصريين جواهم خير بس من برة الصداااا خلاص كلهم
              [I]قد تعلمت الصمت من الثرثار .والتساهل من المتعصب .واللطف من الغليظ...
              والاغرب انني لا اعترف بجميل هؤلاء المعلمين !![/I]

              Comment


              • #8
                المشاركة الأصلية كتبت بواسطة rockana9112007 مشاهدة المشاركة

                على فكرة والله كل المصريين جواهم خير بس من برة الصداااا خلاص كلهم
                جواهم خير , علشان خلصوا ورق بنت حلوة !

                Comment


                • #9
                  المشاركة الأصلية كتبت بواسطة Terrible_DaRsH مشاهدة المشاركة
                  انا اول مرة رحت فشلت نظرى بسبب خناقة مع الست اللى بتمتحنى :)

                  .
                  انا بصراحة ربناااا مبتقفش قصادى اى ست فى اى مصلحة حكومية بعرف اتفاهم على طووول
                  وكتير بدعى ربنا ان اللى اتعامل معاها واحدة ست حتى لو كانت حيزبون ارحم من الرجالة بالذات الفلاحين
                  [I]قد تعلمت الصمت من الثرثار .والتساهل من المتعصب .واللطف من الغليظ...
                  والاغرب انني لا اعترف بجميل هؤلاء المعلمين !![/I]

                  Comment


                  • #10
                    المشاركة الأصلية كتبت بواسطة rockana9112007 مشاهدة المشاركة

                    وياترااااا كام واحد دعااااا على اللى طلعلك الرخصة (بهزر )

                    بصراحة مسمعتهاش بودني غير مرة واحدة وكنت غلطانة فعلا
                    لعلمك انا اخطائي نادرة لان سواقتي هادية ورزينة وبعل اللي ورايا وبجيبله شلل

                    هي ايه الرخصة المهنية دي وفايدتها ايه

                    Comment


                    • #11
                      المشاركة الأصلية كتبت بواسطة terrible_darsh مشاهدة المشاركة
                      جواهم خير , علشان خلصوا ورق بنت حلوة !
                      اهو اى حد ينجى من المهزلة بتاعت المرور ياعم درش بدون مايكون قريب وتبع فلان باشا
                      اى تفائل وخلاص
                      [I]قد تعلمت الصمت من الثرثار .والتساهل من المتعصب .واللطف من الغليظ...
                      والاغرب انني لا اعترف بجميل هؤلاء المعلمين !![/I]

                      Comment


                      • #12
                        سياسه الجهات الحكوميه المحترمه فى بلدنا العزيز :
                        ان يطلع عين اللى خلفوا جدودنا و لا نستطيع الاعتراض و الا تقف كل مصالحنا ..
                        مشكور على موضوعك و استكمالاً لموضوعك لاستخراج رخصة قياده
                        انا فضلت فى المرور يوم السبت اللى فات من 9 صباحاً الى 5 مساءً
                        علشان أغير النمر القديمه بالجديده بس !!!
                        شكراااااااااً
                        توقيع : مواطن مفروووس !!
                        [SIGPIC][/SIGPIC]
                        https://www.facebook.com/groups/SWIFTCLUBINEGYPT/

                        Comment


                        • #13
                          المشاركة الأصلية كتبت بواسطة نور القمر مشاهدة المشاركة
                          بصراحة مسمعتهاش بودني غير مرة واحدة وكنت غلطانة فعلا
                          لعلمك انا اخطائي نادرة لان سواقتي هادية ورزينة وبعل اللي ورايا وبجيبله شلل

                          هي ايه الرخصة المهنية دي وفايدتها ايه
                          الرخصة المهنية دى متقسمة ثلاث درجات -ثالثة وبتسوقى بيهااا التاكسى والربع نقل والميكروباص .والبنت كانت بتطلعهاااا تقريبااا عشان تشتغل فى تاكسى العاصمة
                          وفعلااا شوفت اكتر من واحدة سايقة التاكسى الاصفر وساعات مكنوش مصريات
                          الدرجة التانية عشان النقل الدوبل والمينى باص
                          الدرجة الاولى عشان الاتوبيسات والنقل والمقطورة (ربنا يكفيكى شرهم )
                          [I]قد تعلمت الصمت من الثرثار .والتساهل من المتعصب .واللطف من الغليظ...
                          والاغرب انني لا اعترف بجميل هؤلاء المعلمين !![/I]

                          Comment


                          • #14
                            المشاركة الأصلية كتبت بواسطة نور القمر مشاهدة المشاركة
                            تصدق بالله اول مرة اعرف خطوات استخراج الرخصة
                            انا كل اللي عملته اني اتصورت

                            واسطه يعنى يا نور
                            [COLOR=indigo][I][SIZE=6][/SIZE][/I][/COLOR]لا اله الا الله محمد رسول الله

                            Comment


                            • #15
                              المشاركة الأصلية كتبت بواسطة zaza_lanos مشاهدة المشاركة
                              هى فين الاجابة

                              ولا هى ده اسهل طريقة للاصدار رخصة

                              [COLOR=indigo][I][SIZE=6][/SIZE][/I][/COLOR]لا اله الا الله محمد رسول الله

                              Comment

                              Working...
                              X