Tweet
زي ما بعضكم عارف انا بقالي 12 يوم في حالة مرضية غامضة محدش عارف هي ايه
و طبعا انا هاطق من الزهق في البيت ......
قاعد بافكر
ازاي البني ادم ده ولا حاجة ......
شوية بكتيريا و لا فيرس و لا حتى جهازه المناعي هو شخصيا ممكن يقلب عليه و يوريه أيام سودة
ازاي ان ممكن في لحظة تفقد كل حاجة ..... كل دنيتك ......
ازاي انك ممكن تكون غرقان في دنيتك و ناسي اخرتك ..... و فجأة تلاقي ان الدنيا ممكن في ثانية كلها تروح منك ....
ازاي ان ممكن في لحظة مصيرك يبقى واقف على كام نقطة دم محطوط عليهم محلول في معمل و مستني تشوف نتيجة تحليل ..... انا امبارح كنت باتشوي على الجنبين زي الفرخة على شواية بنار هادية لمجرد انتظاري لنتيجة تحليل فيرس سي
ازاي ان في لحظة محدش هينفعك غير ربنا ..... لا فلوس و لا دكاترة و لا مستشفى ...... لا تامين صحي و لا معارف و لا قرايب ..... ولا حاجة ...... ربنا ...... ربنا اللي انت مقصر معاه أوي ..... و انت عارف انك مقصر معاه ..... و مكسوف انك ترجع له في زنقتك ...... زي ما كل مرة بتعمل ...... و خايف بعد ما يفرجها عليك ترجع تقصر تاني ...... و شيطانك اللي راكب و مدلدل و بيقول ما ربنا هيسترها حتى لو ما قربتش ..... و كله مكتوب ..... و خوفك انك تكتشف فجأة انك ممكن يكون عندك مرض terminal و ايامك معدودة و ساعتها ممكن - كله في علم الله - ربنا ما يقبلش توبتك لانها توبة بعد ما خلاص ......
فعلا الدنيا غرورة ..... و بتاخدك و تغريك و تنسيك ان ممكن ما يبقاش فيه بكرة ...... او ممكن يبقى فيه بكرة بس يبقى يوم اسود على دماغك ما تعرفش تعيشه .....
انا باعترف اني مقصر ..... و ربنا يسامحني ...... لو انت مقصر ...... ما تستناش اما يحصل لك زيي ....... ارجع لربنا تاني ...... عشان و الله ما حد هينفعك غيره في الدنيا و لا في الاخرة ..... و لا شغل و لا شركة مالتي ناشيونال و لا فلوس و لا موبايلات و لا عربية و لا زوجة و لا اب و ام و لا اي حد ...... مالكش غيره .......
رحمة ربنا بالبني آدم فعلا مفيش زيها ...... تقصر تقصر و ترجع و ربنا باذنه يقبل توبتك ...... سد على الشيطان باب هو انت هترجع لربنا بأنهي وش؟ انت مش لسه عامل كذا و كذا ....... مش مهم ...... ارجع له ...... لله المثل الأعلى بس انت اما بتعمل مصيبة ابوك مش هيدبحك ...... ابوك و امك دول قد ما بيحبوك و رحيمين عليك رحمتهم بيك ماتجيش حاجة قدام رحمة ربنا بيك و بينا كلنا ......
و يا رب انزع مني شبهة الرياء ...... انا كتبت الكلام ده فضفضة لا اكثر و لا اقل ...... استودعكم الله ...... و دعواتكم ليا .....
و طبعا انا هاطق من الزهق في البيت ......
قاعد بافكر
ازاي البني ادم ده ولا حاجة ......
شوية بكتيريا و لا فيرس و لا حتى جهازه المناعي هو شخصيا ممكن يقلب عليه و يوريه أيام سودة
ازاي ان ممكن في لحظة تفقد كل حاجة ..... كل دنيتك ......
ازاي انك ممكن تكون غرقان في دنيتك و ناسي اخرتك ..... و فجأة تلاقي ان الدنيا ممكن في ثانية كلها تروح منك ....
ازاي ان ممكن في لحظة مصيرك يبقى واقف على كام نقطة دم محطوط عليهم محلول في معمل و مستني تشوف نتيجة تحليل ..... انا امبارح كنت باتشوي على الجنبين زي الفرخة على شواية بنار هادية لمجرد انتظاري لنتيجة تحليل فيرس سي
ازاي ان في لحظة محدش هينفعك غير ربنا ..... لا فلوس و لا دكاترة و لا مستشفى ...... لا تامين صحي و لا معارف و لا قرايب ..... ولا حاجة ...... ربنا ...... ربنا اللي انت مقصر معاه أوي ..... و انت عارف انك مقصر معاه ..... و مكسوف انك ترجع له في زنقتك ...... زي ما كل مرة بتعمل ...... و خايف بعد ما يفرجها عليك ترجع تقصر تاني ...... و شيطانك اللي راكب و مدلدل و بيقول ما ربنا هيسترها حتى لو ما قربتش ..... و كله مكتوب ..... و خوفك انك تكتشف فجأة انك ممكن يكون عندك مرض terminal و ايامك معدودة و ساعتها ممكن - كله في علم الله - ربنا ما يقبلش توبتك لانها توبة بعد ما خلاص ......
فعلا الدنيا غرورة ..... و بتاخدك و تغريك و تنسيك ان ممكن ما يبقاش فيه بكرة ...... او ممكن يبقى فيه بكرة بس يبقى يوم اسود على دماغك ما تعرفش تعيشه .....
انا باعترف اني مقصر ..... و ربنا يسامحني ...... لو انت مقصر ...... ما تستناش اما يحصل لك زيي ....... ارجع لربنا تاني ...... عشان و الله ما حد هينفعك غيره في الدنيا و لا في الاخرة ..... و لا شغل و لا شركة مالتي ناشيونال و لا فلوس و لا موبايلات و لا عربية و لا زوجة و لا اب و ام و لا اي حد ...... مالكش غيره .......
رحمة ربنا بالبني آدم فعلا مفيش زيها ...... تقصر تقصر و ترجع و ربنا باذنه يقبل توبتك ...... سد على الشيطان باب هو انت هترجع لربنا بأنهي وش؟ انت مش لسه عامل كذا و كذا ....... مش مهم ...... ارجع له ...... لله المثل الأعلى بس انت اما بتعمل مصيبة ابوك مش هيدبحك ...... ابوك و امك دول قد ما بيحبوك و رحيمين عليك رحمتهم بيك ماتجيش حاجة قدام رحمة ربنا بيك و بينا كلنا ......
و يا رب انزع مني شبهة الرياء ...... انا كتبت الكلام ده فضفضة لا اكثر و لا اقل ...... استودعكم الله ...... و دعواتكم ليا .....
Comment