سؤال بخصوص "زكـــــــــــاة المـــــــــــــــــال

[A7MED_PHARMA]

السلام عليكم

شوفوا ياشباب
أنا عارف إن زكاة المال بتكون ربع العشر
أنا عاوز أحسب زكاة المال على صيدليتي
يعني مثلا
أنا عندي دوا أنا مشتريه من الشركات أو المخازن بـ75 الف ..علشان يكون سعر بيعه للمستهلك 100 ألف
يعني أنا ربحي في رأس مالي 25 ألف
إزاي أحسب زكاة مالهم
وياريت إخواتي إلي عندهم فكرة يدلوني ..علشان لازم أطلع زكاة المال عن السنة دي والسنة إلي فاتت


وشكرا جدا جدا للإفادة

[أحمد كمال]

بس كده؟ انا لسه قاري الفتوى طازة :)

ادي اللينك

ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ - ط¹ظ†ط¯ظ‡ طµظٹط¯ظ„ظٹط© ظˆطط§ظ„ ط¹ظ„ظٹظ‡ط§ ط§ظ„طظˆظ„ ظپظƒظٹظپ ظٹط®ط±ط¬ ط²ظƒط§طھظ‡ط§طں

و ادي نص الفتوى

السؤال : أخي يمتلك صيدلية وحال عليها الحول فهل يقع زكاة على ما يوجد بها من الأدوية ومستلزماتها الأخرى ؟

الجواب :
الحمد لله

المال المعروض للتجارة تجب فيه الزكاة بشرطين :

الشرط الأول : بلوغ النصاب .

الشرط الثاني : مرور الحول عليه ؛ لقوله صلى الله عليه وسلم : (لَا زَكَاةَ فِي مَالٍ حَتَّى يَحُولَ عَلَيْهِ الْحَوْلُ) رواه الترمذي (632) ، وابن ماجة (1792) ، واللفظ له ، وصححه الألباني رحمه الله .

وزكاة عروض التجارة تجب في كل ما أُعِدَّ للبيع والتجارة ، فيدخل في ذلك أدوية الصيدلية وجميع المستلزمات التي تباع فيها ، أما ما لا يباع فلا زكاة فيه ، كالأثاث والرفوف والأجهزة (كالمكيف والكمبيوتر) ... إلخ .

وانظر لمزيد الفائدة جواب السؤال رقم (50726) .

وعلى هذا ، فعلى أخيك أن يُقَوِّم ما يُباع في الصيدلية إذا مَرَّ الحول بالثمن الذي يبيع به عند نهاية الحول ، ويضيف إلى ذلك الأرباح التي ربحها من الصيدلية ، ولم ينفقها بل لا تزال معه ، ويزكي الجميع ، فيخرج 2.5 بالمائة .

وينبغي أن يُعلم أن حول عروض التجارة ، هو تكملة حول النقود التي اشتريت بها ، ولا يُحسب من يوم شرائها ، ولبيان ذلك ينظر جواب السؤال رقم (32715) .

والله أعلم

[أحمد كمال]

وعلى هذا ، فعلى أخيك أن يُقَوِّم ما يُباع في الصيدلية إذا مَرَّ الحول بالثمن الذي يبيع به عند نهاية الحول ، ويضيف إلى ذلك الأرباح التي ربحها من الصيدلية ، ولم ينفقها بل لا تزال معه ، ويزكي الجميع ، فيخرج 2.5 بالمائة .


يعني تشوف مجموع الادوية اللي عندك بسعر البيع مش الشراء ..... و مجموع ارباحك اللي ما اتصرفتش لسه ..... و تطلع ربع العشر من ده كله

يعني لو اجمالي جرد الصيدلية بسعر البيع 100 الف ..... و معاك 100 الف ارباح ..... تطلع 5000 ......

[A7MED_PHARMA]

طيب إستاذ أحمد ..إحسب معايا كده

أنا فرشت الصيدلية من سنتين بحوالي(سعر بيع المستهلك) 40 الف
ودلوقتي الصيدليه فيها دوا (سعر بيع المستهلك ) حوالي 100 الف
..المفروض تبقا الحسبة كام عن السنة إلي فاتت .والسنة دي

.
وشكرا جدا للرد يا أستاذ أحمـــــــــــــــد

[A7MED_PHARMA]

وأنا طبعا ما أخدتش منها ربح ...كل إلي كانت بتجيبه ..كنت بعمل بيه ستوكات
غير مصاريفي الشخصية طبعا

[أحمد كمال]

طيب إستاذ أحمد ..إحسب معايا كده

أنا فرشت الصيدلية من سنتين بحوالي(سعر بيع المستهلك) 40 الف
ودلوقتي الصيدليه فيها دوا (سعر بيع المستهلك ) حوالي 100 الف
..المفروض تبقا الحسبة كام عن السنة إلي فاتت .والسنة دي

.
وشكرا جدا للرد يا أستاذ أحمـــــــــــــــد

شوف يا سيدي مالناش دعوة وقت الفرش كان الحاجات بكام ....

و سيبنا من السنة اللي فاتت ..... خلينا في دلوقتي

معاك ادوية ب 100 الف يبقى 2500 جنيه زكاتك عنهم

معاك اي ارباح ما صرفتهاش على نفسك و لا عالستوكات و لا على اي حاجة في الدنيا ...... مثلا فرضا يعني معاك 50 الف في البنك ...... يبقى ال 50 الف دول عليهم 1250 جنيه زكاة ..... بس

طبعا كل الكلام ده بافتراض ان الصيدلية + السيولة النقدية تتجاوز نصاب الزكاة و مر عليها الحول

بالنسبة لمن سنة ........ لازم ترجع لدفاترك و تشوف من سنة كان فيه دوا بكام في الصيدلية و رصيد حسابك البنكي كام و تطلع 2.5% برضه ...... و باذن الله بعد كده تحاول طبعا ما تاخرش الزكاة

وأنا طبعا ما أخدتش منها ربح ...كل إلي كانت بتجيبه ..كنت بعمل بيه ستوكات
غير مصاريفي الشخصية طبعا

مادام اللي جاي رايح سواء على ستوكات او توضيب او مرتبات او مصاريف شخصية او جواز او شراء شقة او عربية (مادامتا لغير التجارة - لاستعمالك الشخصي او استعمالك في العمل زي الموتوسيكل بتاع الدليفري مثلا ماعليهوش زكاة) يبقى ما عليكش زكاة على المال السائل نفسه مادام مفيش متبقي .... بس لو فيه متبقي تزكي عنه ......

[A7MED_PHARMA]

تسلملي يا أستــــــــاذ أحمد
وربنا يجازيك عني خير

[MTAK]

اولا اشكر الاحمدين باشا على السؤال و الاجابة
بالمناسبة يا جماعه
طالما الموضوع فى الزكاة
معظمنا موظفين
طيب الزكاة تتحسب على ايه
المفروض يعدى على المال حول "سنة كاملة"
طيب المرتب بيتحول للبنك
طيب نفترض ان اول السنة كان رصيدى "س"
و فى نهاية العام كان رصيد "س+1"
هل اطلع الزكاة على س فقط
طيب لو مافيش رصيد ثابت او مافيش رصيد اصلا
يعنى المرتب بييجى ممكن احوش منه ربعه و اصرفهم الشهر الذى يليه
يعنى مش عارف اوضح ازاى
الخلاصه اقصد حالة الموظف "اى ليس التاجر او المزارع او ما شابه"

جزاكم الله خيرا

[أحمد كمال]

اولا اشكر الاحمدين باشا على السؤال و الاجابة
بالمناسبة يا جماعه
طالما الموضوع فى الزكاة
معظمنا موظفين
طيب الزكاة تتحسب على ايه
المفروض يعدى على المال حول "سنة كاملة"
طيب المرتب بيتحول للبنك
طيب نفترض ان اول السنة كان رصيدى "س"
و فى نهاية العام كان رصيد "س+1"
هل اطلع الزكاة على س فقط
طيب لو مافيش رصيد ثابت او مافيش رصيد اصلا
يعنى المرتب بييجى ممكن احوش منه ربعه و اصرفهم الشهر الذى يليه
يعنى مش عارف اوضح ازاى
الخلاصه اقصد حالة الموظف "اى ليس التاجر او المزارع او ما شابه"

جزاكم الله خيرا

لو ما بتحوشش حاجة زي حالاتي يبقى ما عليكش زكاة :)

لو بتحوش .... فيه حسبتين

تشوف المال اللي مر عليه الحول و تطلع عليه الزكاة

او كل سنة تشوف رصيدك كام و تطلع عليه الزكاة

و دول رأيين شرعيين و عليهم خلاف ..... الأول هو الأدق و التاني هو الأحوط ....

[MTAK]

احمد باشا
فعلا ناس كتير قالتلى اخذ بالرأى الاحوط
جزاك الله خيرا