إعـــــــلان

Collapse

.

,
See more
See less

ما مدى الحرية التى تحصل عليها وما مدى الحرية التى تمنحها؟

Collapse
X
 
  • Filter
  • الوقت
  • Show
Clear All
new posts

  • ما مدى الحرية التى تحصل عليها وما مدى الحرية التى تمنحها؟

    ما مدى الحرية التى تحصل عليها
    وما مدى الحرية التى تمنحها؟



    كل منا يتمتع بمقدار مختلف من الحريات على حسب البيئة التى يتعامل معها

    يعنى فى البيت كابن متاح له حرية بحدود معينة يتحكم فى تحديدها الآباء
    فى العمل حدود حريته دى بتختلف حسب موقعه ومركزه الوظيفى وحسب طبيعة رؤساؤه ومدى ايمانهم بالحرية ومدى ما يمنحونه لللآخرين
    فى المجتمع والوسط الذى يتعامل معه من اقارب واصدقاء يختلف ايضا مقدار الحرية المسموح له التعامل فى حدودها حسب طبيعة الوسط الاجتماعى وطباع من يتعامل معهم
    فهل انت راض عن هذا المقدار من الحرية الذى تحصل عليه فى كل هذه الاوضاع؟؟؟؟؟؟
    السؤال الاهم
    _ ما مقدار الحرية الذى تسمح به للآخرين ممن تتعامل معهم
    اسرتك.. ابناءك ..مرؤسيك..زملاءك
    _هل يوازى مقدار ماتحصل عليه او بمعنى ادق ما تتمنى ان تحصل عليه من حرية مقدار ما تمنحه للآخرين؟؟؟؟؟؟؟؟؟؟
    [CENTER][URL]https://www.facebook.com/NMTechShop/[/URL] [/CENTER]

  • #2
    ايه الموضوع الجامد ده

    عموما بالنسبه لى ارفض تماما ان يكون ليا اى تعليق على من حولى لعدم التسبب فى اى حراج
    لكنى افرض على من هم حولى بمعرفه ما لهم وما عليهم بطريقه غير مباشره

    واذا اردت ان تطاع فامر بما يستطاع

    Comment


    • #3
      منور الموضوع يا محمد ويشرفنى انك اول واحد شارك
      بس عاوزين رد باستفاضة عن كده
      ولا الاسئلة دى مالهاش اجابة؟؟؟؟؟؟؟
      [CENTER][URL]https://www.facebook.com/NMTechShop/[/URL] [/CENTER]

      Comment


      • #4
        بعد السلام عليكم ..على حضرتك وعلى أستاذ محمد


        .
        طبعا مفيش حدود مطلقة للحرية
        يعني مثلا
        بالنسبة لحدود الحرية إلي بسمح بيها لإخويا الصغير مثلا
        أخويا في ثانويه عامة ..يعني في قمة إفراز هرمون الذكوره عنده ..حاسس إنه راجل وبقا بيعلي صوته بداعي ومن غير داعي
        ساعتها لازم أحط له حدود ..ماينفعش يخطيها
        وإلا يكون ( ذنبه على جنبه )...حسب العقوبات إلي هيكون مستنيها مني
        يعني هوا عارف إنه لو على صوته على والدته ...هوا عارف إن مصيره علقة سخنة(جـــداً)
        بجوار كده
        أنا مديله حريه في حاجات تانيه ..يعني بسمح له يركب العربية عادي في أي وقت يحبه
        وبسمح له يلبس من هدومي لو حب كده ....
        والحرية طبعا بتكون على أد عقل الشخص إلي قدامك ..وعلى حدود إمكانياته
        يعني محمود لو مش بيعرف يسوق العربية كويس ...طبعا مش هيكون حر إنه ياخدها
        فهمتيني
        يعني الشخص يكون حر على أد عقله ..وعلى أد إمكانياته
        والمقياس لكده
        العقل والمنطق....................

        أنا متابع الموضوع معاكي
        [rmade]http://im58.gulfup.com/qswdwL.jpg[/rmade]

        Comment


        • #5
          هتكلم عن نفسي ..
          والدي ووالدتي مدييني الحرية على الاخر بصراحة يعني اكتر من ناس صحابي كتير
          في الثانوية العامة والدي عمره ما قالي ذاكر لحد يوم النتيجة قالي عملت ايه قولتله كذا قالي مبروك عايز تدخل ايه قولتله هندسة
          ودخلت هندسة
          المهم انهم فعلا سايبني براحتي عالاخر خالص ويمكن صحابي كتير بيحسدوني عالحرية دي بس بالعكس بأى انا بحس انها بتيجي على دماغي لان من زمان باخد قراراتي لوحدي ولما بغلط بتيجي على دماغي :d:d لانه بيقولولي انت اللي اخترت مش احنا ههههههه
          وساعات بحس برضو بسبب الموضوع دة اني بقيت متردد في حاجات كتير :s:s لاني بقيت عارف اني انا اللي هتدبس مش حد تاني
          ف انا شايف ان دي حاجة كويسة اني انا اللي بتحمل مسؤولية قراري وفي نفس الوقت حاجة وحشة لاني ساعتها بتزنق ومش بعرف اقولهم حاجة :d:d بس ساعات كتير مكدبش عليكم بيبأى نفسي حد يقولي لا
          متتاخرش متورحش متجيش
          نفسي حد يقولي ذااااااااااااااااااااااكر ههههههههههههههههههه



          بالنسبة للحرية الممنوحة للاخرين ف انا مقتنع بمبدا الممنوع مرغوب دايما
          ممممم انا مثلا عندي اختي الصغيرة هي في تالتة اعدادي دلوقتي
          انا شايف ان السن دة خطر جدا وبحاول فعلا ابص للناس حوليا بيتعاملوا ازاي في السن دي بلاقي قرف لما بروح النادي مثلا بنات وولاد بيهزروا مع بعض بالايد وضحك و حاجات تجن

          المهم اني بعد اتكلم معاها واقولها لو حد كلمك قوليلي وكدة وانا اخوكي لاني نفسي متخافش مني وتخبي عليا
          بس وربنا يستر بأى :d:d
          [FONT=Trebuchet MS][SIZE=6][COLOR=RoyalBlue][CENTER][COLOR=DimGray]Fo[COLOR=DarkOrange]2[/COLOR]sh Mania
          join me on [URL="http://www.facebook.com/pages/Fo2sh-Mania/124047427607483#%21/pages/Fo2sh-Mania/124047427607483"][COLOR=RoyalBlue]facebook[/COLOR][/URL]
          [/COLOR][/CENTER]
          [/COLOR][/SIZE][/FONT]

          Comment


          • #6
            المشاركة الأصلية كتبت بواسطة baskota مشاهدة المشاركة
            منور الموضوع يا محمد ويشرفنى انك اول واحد شارك
            بس عاوزين رد باستفاضة عن كده
            ولا الاسئلة دى مالهاش اجابة؟؟؟؟؟؟؟
            الشرف ليا انا طبعا وفعلا انا اتكلمت بايجاز وبناءا عليه
            قررنا نحول من نايل يلو الى نايل بلو لاستخدام خاصيه الاقتباس المتعدد
            ونجيب الاسئله ونجاوب


            المشاركة الأصلية كتبت بواسطة baskota مشاهدة المشاركة

            فهل انت راض عن هذا المقدار من الحرية الذى تحصل عليه فى كل هذه الاوضاع؟؟؟؟؟؟
            لما كنت منضم لاسرتى وبحكم طبيعه والدى اكيد كنت خاضع لنظامه لانه رب الاسره وانا افتكر فى سن قبل 12 سنه كان عقابى انى اتحرم من خروجى للنادى مثلا اللى مقتصر على يوم واحد فقط فى الاسبوع وطبعا كان لازم انفذ
            وبعدها كان عقابى انى اتحرم من انى اركب عربيته الخاصه
            وفى فتره الجامعه الدنيا اتغيرت تماما وده لان دراستى كانت فى السويس واقامتى كانت هناك ياعنى حريه 100% وده اللى خلانى اعرف ياعنى ايه حدود للحريه دى وانى استغلها صح وده كان باين جدا لما رجعت اعيش وسط اسرتى بحريه مطلقه بدون الزامى من اى شخص بمواعيد بدون تعليق على اللبس بدون تعليق على الشكل العام بدون تعليق على حياتى الشخصيه
            لقيت انه بسبب عدم التعليق لازم الزم حدودى ولا اتخطاها واراعى شعور الاخرين



            السؤال الاهم
            _ ما مقدار الحرية الذى تسمح به للآخرين ممن تتعامل معهم
            اسرتك.. ابناءك ..مرؤسيك..زملاءك
            اول تجربه ليا فى الحياه كنت صاحب عمل وكان بدايت كلامى مع اى حد يشتغل معايا هو منعى من التعليقات على تصرفات الغير وده طبعا بالالتزام ومعرفه ما له وما عليه

            اما اسرتى اتعودوا على مشاركتى لهم فى بعض الاشياء المهمه وعدم الرجوع لى فى بعض الشؤن الاخرى اللى مش لازم انى اقول رائى فيها ودى طبعا بتيجى بمرور الوقت والتفاهم


            _هل يوازى مقدار ماتحصل عليه او بمعنى ادق ما تتمنى ان تحصل عليه من حرية مقدار ما تمنحه للآخرين؟؟؟؟؟؟؟؟؟؟
            يصراحه مش مع كل الناس وخصوصا بعد وفاه والدى ولسه فى اخ اصغر لازم ارسم ليه الطريق السليم واخليه يشوف مستقبله بس طبعا بطريقه غير مباشره



            ومنور الموضوع يا د. احمد

            Comment


            • #7
              سؤال صعب جدا
              انا رغم اني قريت ردود الإخوة , الا اني حاسس اني مازلت مش عارف اجاوب
              ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

              [sor2]http://imageshack.us/a/img838/2058/8l0n.jpg[/sor2]

              Comment


              • #8
                زى ما قال باشمهندس تامر
                سؤال صعب

                اولا يعنى ايه حريه
                ايه تعريفها
                هل هى صلاحيات تمنح لك او تمنحها لغيرك و بالمثل تمنعها عن غيرك و غيرك يمنوعها عنك
                هل ينفع نطبق كلام زى ده على حرية تفكير
                ---
                شخصيا لا اعتقد مثلا انه لما اب يعطى لأبنه سلطة اتخاذ قرارات انه كده اعطاه حرية
                اعتقد ان كده بيسجنه جوه نفسه
                و بالمثل لو لم يعطه سلطة اتخاذ القرار فانه يسجنه ايضا
                يعنى ماحدش عاجبه حاجه

                لاحظوا انى تكلمت عن سلطة اتخاذ قرارات و ليس حرية اتخاذ قرار
                ------
                ممكن الموضوع يكون من شكل تانى

                هل انت راعى ام من الرعيه
                و هل لو انت راعى
                هل تعامل رعيتك بما يرضى الله و هل من يرعاك يعاملك بما يرضى الله
                --
                كلامى ملخبط شوية
                اعتذر عن هذا و لكنى فى موود مش حلو شوية
                و يبقى فى النهاية ما كتبته هو كــــــــــــلام

                وجـهـــــــــــــــــــــــة نظر
                [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
                [RIGHT]------------------[/RIGHT]
                [CENTER][COLOR=blue]بسم الله الرحمن الرحيم[/COLOR][/CENTER]
                [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
                [CENTER][COLOR=blue]صدق الله العظيم[/COLOR][/CENTER]
                [CENTER][COLOR=blue]التوبة 105[/COLOR][/CENTER]
                [COLOR=#ff0000][/COLOR]

                Comment


                • #9
                  فعلا سوال صعب

                  بس الحرية اللى اعرفها انى ماذيش غيرى او اخالف دينى او ضميرى
                  [B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]

                  Comment


                  • #10
                    موضوع جميل يا بسكوته

                    انا علشان اسهل الموضوع شويه هحاول اجاوب اسألتك ضمنيا في كلامي

                    لو هتكلم عن نفسي

                    فانا هنا في البيت واخد حريه حريه حريه حريه لو هقولها لبكره الصبح يمكن مقدرش اوصفها

                    فعلا مشوفتش حد من الي اعرفهم واخد حريه زيي

                    بس ارجع واقول ان اي شيء له حدود واي حريه اكيد ليها حدود معينه

                    اول امتحان وقعت فيه مع والدي كان في موضوع التدخين كنت في تالته اعدادي او اولي ثانوي تقريبا

                    كنا في كافتيريا وعزم عليا بنفسه بشيشه

                    بيني وبينكم انا مكسفتهوش واخدتها منه وشديت نفس

                    بس دي كانت اول مره فعلا اعمل كده فكانت النتيجه اني من كتر الكحه حسيت صدري هيطلع ودمعت وكان يوم ملوش ملامح

                    شويه و اداني تاني انا طبعا قلتله لا كفايه كده مش هشربها تاني

                    قالي لو هتشربها تاني هنشرب سوا لاكن لو دلوقت قلت انك مش هتشرب يبقي مشوفهاش مره تاني في بقك

                    قلتله لا يمكن وده وعد

                    والحمد لله حافظت في وعدي وطبعا هوا كان بيتابع ده من تحت لتحت

                    كنت برجع البيت وريحت لبسي كلها سجاير من صحابي الي بكون معاهم في العربيه مثلا

                    ومفيش ادني شك اني اكون انا الي بدخن

                    كتير يلاقي علب سجاير في العربيه

                    كان يعلق بس لما يقولي العلبه الـ LM مثلا انا اخدت منها سجاره ابقي قول لصاحبها

                    وقيس بقي علي هذا المثال باقي امثلة الحريه

                    من اول المذاكره ايام الثانويه والمذاكره ايام الكليه

                    كانت بتوصل اوقات بنتفرج ونسهر سوا علي التليفزيون ليلة الامتحان

                    عربيه ملكي في اي وقت محتاجها (بس اكون محتاجها بجد)

                    في حاجه كمان بس دي انا لواحدي بطلتها (نتيجة اني قدرت الحريه) كان في بنات زمايلي بيكلموني علي الارضي في البيت بس حسيته بيضايق

                    هوا مقليش لا بس انا حسيت كده لما كان يجي يقولي تليفون ليك

                    يمكن لو حد تاني ووالده قاله لا متخليش حد يتصل والكلام ده كانت قلبت معاه بعند(وحصلت مع ناس زمايلي)

                    الخلاصه ان والدي علمني المسئوليه واول شخص اختبرني في مسئوليته كان انا (نفسي)

                    اداني الحريه بس بطريقه احسن مليون مره من الي يبني الف حاجز حوالين ابنه

                    سابلي كل الخيارات بس هوا في الاول وفي الاخر عارف انه عرف يربي

                    انا بقول الكلام ده لاني مش عارف هقدر استعمل الاسلوب ده مع ابني؟؟؟

                    طيب لو ابني لاقيته استجاب واستغل الحريه دي بطريقه مش كويسه العيب هنا هيبقي من مين؟؟؟

                    هل انا الي معرفتش اربي؟؟؟

                    ولا ابني الي كان ميستحقش استعمل الاسلوب ده معاه ومكنش قد المسئوليه؟؟؟

                    انا بصراحه لسا مدخلتش اختبار ان ادي الحريه لحد واشوف النتيجه علشان ارد علي الاسئله دي

                    A.Yakout
                    [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

                    Comment


                    • #11
                      ما شاء الله واضح ان كلنا الحمدلله تمتعنا بقدر كبير من الحرية
                      وده اكيد كان له اثره على تقبلنا لحرية الآخرين
                      لكن اللى لاحظته ان الجميع متفق ان كل ما زادت الحرية كل ما زاد معاها احساسنا بالمسؤلية
                      انا كمان الحمدلله والدى رحمة الله عليه ادانى كل الثقة والحرية اللى بيها كنت اخاف اغلط عشان محسش انى خذلته
                      او انى لا استحقها
                      بس تفتكروا اولادنا لو اديناهم نفس المساحة من الحرية والقدر من الثقة للاعتماد عالنفس هيستعملوها صح
                      ولا المؤثرات الخارجية دلوقتى واللى اختلفت كتير ممكن يكون لها أثار ضارة

                      بس اللى محيرنى لما كلنا اتربينا على حرية الرأى طيب ليه دايما فى مشكلة فى تقبل الراى الآخر!!!!!!!!!!
                      [CENTER][URL]https://www.facebook.com/NMTechShop/[/URL] [/CENTER]

                      Comment


                      • #12
                        ايه المواضيع الجامده دي يا بسكوته... تغيبي تغيبي و تطلعي بموضوع جامد كده...

                        انا شخصيا بعامل الناس بشكل فيه حريه كبيره في التعبير عن الرأي و لكن في حدود الأدب و الاحترام المتبادل...

                        و بحب اتناقش لكن مش مع اي حد, لأن في ناس صعب جداا النقاش معاها و الموضوع بيقلب بحرق دم
                        و تلاقي كلام مرسل و خلاص بدون اثبات, او خروج عن النص... ساعتها لا مجال للنقاش

                        لكن بشكل عام انا مؤيد تماما لحرية النقاش مع كل الناس و مقتنع بأهميته مع الأب, الابن, الزوجه, رئيسي

                        انا مع الحريه (ذات الخطوط الحمراء) و ضد الحريه المطلقه.....

                        و لازم تكون الحريه ليها مبدأ ثابت و هو الأحترام في كل شئ.....
                        [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
                        [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
                        [CENTER][SIGPIC][/SIGPIC][/CENTER]

                        Comment


                        • #13
                          الحريه المطلقه مفسده مطلقه ...
                          ايه رايك يا بسكوته فى الجميله دى ؟؟
                          طبعا دى مش من تأليفى ده سمعتها من واحد اسمه هيكل كان بييجى على الجزيره ...
                          المهم
                          انا يعتبر واخد حريه كبيره جدا فى حاجات و حاجات لا...
                          المذاكره محدش بيقولى ذاكر ...
                          بس فى نفس الوقت مطلوب منى انجح ...
                          ازاى مش مهم بس المهم انجح ...
                          و اى طلب بطلبه يسهل عمليه النجاح الحمد لله مجاب من والدى زى مثلا كورسات ...(مش جمع اوبل كورسا لا دى كورسات دروس يعنى)...
                          الشغل انا واخد حريه و لكن تحت المراقبه من والدى (لانى شغال معاه) و طبعا مفيش مانع من بعض النصايح و التوجيهات ...الى هدفها فى الاخر مصلحتى و مصلحه الشغل ..
                          العربيه الحمد لله والدى جايبلى عربيه انا و اخويه بس مش معنى كده اننا نكسرها او كده ...بالعكس انا مره فرقعت الكاوتش مكنتش عارف اروح اقوله ايه !!!لان العجله اتقطعت و باظت خالص ...
                          و مش قارد اقولكو كنت عامل ازاى لما خبط الاكصدام و كسرته !!و هى لسه زيرو ...
                          انا عموما والدى مدينى حريه بس حدودها مش واسعه اوى يعنى مثلا مقدرش اتاخر برا البيت اوى و لو هتاخر بكلمه اقوله انى هتاخر ...
                          مش خوف و لكن احترام ليه ...
                          فى حاجات برده والدى سايبنى فيها على الاخر ...
                          مثلا عمره ما مسك موبايلى و لقى مسج و فتحها او ميزد و فتحه ..
                          او اتكلم فى الموبيل بعيد يقولى كنت بتكلم مين ...
                          سايبنى عادى بس برده تحت المراقبه ...

                          و بالنسبه لمقدار الحريه الى بمنحها للناس ...
                          يمكن مش بتحكم فى حريه حد غير فى الشغل و مش بيكون تحكم فى حد اد ما هو نظام شغل ...

                          و انا راضى تماما عن مقدار الحريه الى انا واخدها ...
                          و بجد شكرا يا بسكوته على الموضوع الجامد
                          [CENTER]
                          ولا تحسبن الذين قتلوا فى سبيل الله امواتا بل احياء عند ربهم يرزقون

                          [/CENTER]

                          Comment


                          • #14
                            اللى قدرت افهمه من ارائكم ان الحرية فى حد ذاتها مسؤلية............
                            [CENTER][URL]https://www.facebook.com/NMTechShop/[/URL] [/CENTER]

                            Comment


                            • #15
                              طبعا لو محدش عنده احساس بالمسئوليه استحاله يحس بالحريه او يعطيها حتى

                              Comment

                              Working...
                              X