بتسمع ايه في العربية ؟

[eng_mkhalaf]

ما شاء اللة كلة بيشغل قراءن واللة الواحد حس أنة مش أنسان خالص لأتى معظم الوقت بشغل أغانى وساعات قراءن

[TAG_Turbo0]

Kenni G
Nogom FM

[Hossam_Hassan]

عبد المطلب و اتسلطن واقعد اغنى معاه بدون كلل

[tarekkasaby]

فى الاول قرن كريم
بعد شويه الجديد كله
او طبعا محمد فؤاد الكبير قوى
لو موسيقى هاديه عمر خيرت او عاشق الساكس سمير سرور او Kenny G

[dr_3eshoo]

انا مش متخيل العربيه من غير ابني حبيبي الكاست
الصبح بدري طبعا قران عبد الصمد
شويه ابتدي اشغل الاغاني
في الزحمه بشغل فريق اسمه بودا بار و كافي دلمار و دي اغني هاديه لترويق الدم
لما اطلع زراعي بشغل طبعا سلطان الطرب جورج واسوف و بحب له طبيب جراح و سلف و دين و يالي جمالك
اما في اي طريق تاني يا اما محمد منير يا اما شرين
باليل طبعا سيده الغناء العربي ام كلثوم للسلطنه و الدماغ العاليه
الراديو نادر لما بشغله لانه بقى عباره عن شويه اعلانات و زفت
لما بشغله بيبقى قران الكريم و مفيش غيره

[oshy]

الصبح و أنا رايح لازم أحمد العجمى سورة يوسف ( بستريح أوى و أنا بسمع العجمى )
و أنا ماشى عادى عمرو دياب أو اليسا أو حماقى
و أنا خارج خروجه مع صحابى بشغل اللى عايزينه
و الأجنبى بيجيله أوقات برضه
لكن كل ده ممكن يتغير فى أى وقت حسب الموود يعنى لو مسافر و مضايق ممكن مشغلش حاجه خالص يعنى بحالات

[ZALABANY]

السلام عليكم ورحمة الله
إخواني الأعزاء
أنا من الناس اللي بحب يبقي جنبي صوت وانا سايق خاصة لو لوحدي فبشغل ازاعة القرآن الكريم وعندي بأه شرايط أناشيد إسلامية جميله جدا طبعا على رأسهم الشيخ العملاق مشاري راشد يليه أحمد أبو خاطر
أحيانا كتير الواحد نفسه بتشده انه يبقى عايز يسمع اغنية ماهو برده ممكن ما تبقاش عايز تسمع قرآن طول الوقت فعلا لو سمعته الأناشيد الدينيةى وخاصة مشاري راشد هاتلاقو فيها أجمل بديل عن الأغاني على الأقل حاجه حلال
لنتق الله فيما نسمع ونحاول بقدر الإمكان ما نضيعش وقتنا في سماع شئ مش مفيد ده غير انه حرام كمان عندي شريط أذكار الصباح والمساء لمشاري راشد وده برده أساسي عندي
وفقنا الله لما يحبه ويرضاه

[Eng.Ahmed]

انا على الطرق السريعه بحب اسمع فيروز او kenny G و ساعات جورج وسوف

[sab3aawy]

فى مشوار الصباح:يبدأ الساعة 7:05 الى 7:50 تقريبا بسمع البرنامج العام من أول نشرة سبعة وبعدين تقارير المراسلين (اصبح خميس ابو العافية وعباس متولى وحازم فودة بالنسبة لى اصدقاء يوميين لازم اسمع صوتهم)، بعد قتاقرير المراسلين اقلب على غذاعة القرآن اسمع الشيخ رفعت وبعدين برنامج احمد عمر هاشم وبعدين الشعراوى، ارجع بعدها للبرانامج العام تانى اسمع حالة الطقس وتقرير احمد عاصم عن المررور التى تذكرنى بعبد الحليم حافض وهو يقول ، طريقك يا ولدى مسدود مسدود مسدود

لو نازل متأخر بعد تسعة بيكوكن البرنامج العام وبسمع برنامج الى ربات البيوت :) :) :) :) :)

ونا راجع آخر النهار بيتراوح المشوار من 5 الى سبعة ونص حسب موعد خروجى، لو صادفتنى 5 فى الطريق بسمع المسلسل بتاع البرنامج العام (الشهر اللى فات كان شفيقة ومتولى والشهر ده فى مسلسل بتاع فؤاد المهندس وشويار اسمه انا وبابويا) ، وبعدين اقلب على نجوم إف إم اقعد اسمع الهلس بتاع مروان قدرى وكريم الحميدى والاغانى والإعلانات العجيبة بتاعتهم دى اللى غالبا مبركزش معاها لكن بتشكل لى نوع من انواع الونس الذى لا غنى عنه، ولو جت عليا الساعة سبعة اقلب علىالبرنامج العام اسمع الف ليلة وليلة، الشهر اللى فات كانوا جايبين حكاية ماندو ووردشان،والشهرد ه نور وعروسة البحور، وبعدين ارجع لنجوم إف إم تانى على اجمل سبعة الساعة سبعة وجيهان عبد الله ومزيد من الهلس المسلى
اكتر حاجة بحبها فى نجوم إف إم ان هم حاسين ان زبونهم الأساسى هو قائدى السيارات لأن يظهر محدش بيسمع راديو فى البيت، فتلاقى حديثهم كله موجه لركاب السيارات ودايما متوقعين ان اللى بيتفاعل معاهم بالردود والرسايل هم ركاب السيارات

[running_man]

قرأن الأول ...... بصراحة مش كتير
موسيقا عمر خيرت ..... و اتفرج على روقان الأعصاب