انا والراديو والكورنيش

[SHNORY]

اول امبارح كنت انا ووالدتي بنتمشي علي الكورنيش بعد يوم عمل مقرف وروحنا كام مشوار
وجينا عند ميامي كده واحنا ماشيين فقولتلها ايه رايك اشغل الراديو
وكنت بقالي فتره طويله مسمعتش الراديو
فجيبته علي الاف ام وبدات ادور
لحد ما لقيت محطه كده فيها شويه اغاني وبرنامج حواري
وبعد كده روحت لحد القلعه وقولت ناكل جيلاتي
ووقفت عند سور القلعه احب في مامتي كالعاده وناكل الجيلاتي (سامعني يا حاج احمد ابراهيم)

المهم الساعه كانت 2
وفجاه لقت المذيع بيقول نعلن عن تمثيليه يوميات نائب في الارياف
وبدات التمثيليه عن جرائم قتل غامضه
بيني وبينكم اتشديت اوي اني اسمعها لاخرها
فقولت لوالدتي هي التمثيليه دي بتقعد قد ايه
فقالتلي حوالي نص ساعه
قولتلها وماله ادينا بنسمعها ونص ساعه مش مشكله
خلصنا الجيلاتي والتمثيليه لسه مخلصتش بس الاحداث كانت تحفه
فقولت اتمشي شويه علي البحر لحد ما تخلص
فوصلت لحد استانلي وقولت يمكن تخلص
بس مخلصتش
فرجعت علي مهلي وماشي وكان الجو تحفه
وقولت يمكن تخلص
مخلصتش برضه
روحت لحد القلعه تاني
وقولت يمكن تخلص
برضه مخلصتش
فقولت اروح بقي واكيد حتخلص في السكه
دخلت نفق قنال السويس وشارع الرصافه وخلاص داخل علي البيت
فحسيت انها لسه مش حتخلص دلوقتي
روحت لافف وداخل شارع ابوقير وبعده سيدي جابر وبرضه مخلصتش
والساعه بقت 3 وشويه
المهم روحت وطالع جري علي البيت طلعت الراديو من وسط الكراكيب وجيبت المحطه ولقيتها
قولت هييييييييييييييييييييييييييييه اخيرا لقيتها
وفضلت لحد الساعه 3 ونص لحد ما خلصت بغلق القضيه ضد مجهول
طبعا دمي اتحرق
هههههههههههههههه
بس اتبسطتت جدا من حاجه
اني طول ما انا بسمعها
مفيش اعلانات
ولا اتصل ب0900
ولا حد بيرقص
ولا حد بيقلع
وقمه الاحترام
وقمه الاثاره
وتتشد جدا انك لازم تكمل الموضوع للاخر
وبجد انا نويت طول ما انا في العربيه اسمع الراديو
ويتحرق التليفزيون بقرفه وبقله ادبه وبالعري اللي فيه

[نور القمر]

متهيألي كان في زمان تمثيلية في التليفزيون بنفس الاسم وفاكرة اني كنت صغيره اوي بس كانت بتشدني لكن مش فاكرة اكتر من العنوان والبطل كان لابس طربوش

[أشرف فتحى]

الله عليك يا رايق....

متهيألي كان في زمان تمثيلية في التليفزيون بنفس الاسم وفاكرة اني كنت صغيره اوي بس كانت بتشدني لكن مش فاكرة اكتر من العنوان والبطل كان لابس طربوش

زمان ده الى هوه من كام سنه بالضبط يا نور.....

[SHNORY]

متهيألي كان في زمان تمثيلية في التليفزيون بنفس الاسم وفاكرة اني كنت صغيره اوي بس كانت بتشدني لكن مش فاكرة اكتر من العنوان والبطل كان لابس طربوش

هي فعلا كانت تمثيليه زمان
بس طالما شوفتيها وانتي صغيره يبقي انا كنت كبير ساعتها
هههههههههههههههههههههههههههههههههههههههههههههه
يوميات نائب في الارياف دي كانت قصه واقعه لتوفيق الحكيم نفسه
لانه كان وكيل نيابه

الله عليك يا رايق....

ماهو انا بلحق اشوف اسكندريه قبل الغزو القاهري والمدن الاخري لاسكندريه

زمان ده الى هوه من كام سنه بالضبط يا نور.....:f_eyeb1[1]:

كنت انت لسه متولدتش يا اشرف

[نور القمر]

زمان ده الى هوه من كام سنه بالضبط يا نور.....

من زمااااااااااااان اوي من 17 سنه ونص وانا كان عندي 5 سنين ونص

كنت انت لسه متولدتش يا اشرف

ده على اساس اشرف لسه تحت ال 23 سنة مش كدة

[MTAK]

فعلا الراديو ده تحفه
انا باعشقه
اقولك على حاجة فى سرك
انا بانزل التمثلييات دى و بقعد اسمعها اكتر من مرة
حاجات زى عواد باع ارضه
و تاج الجزيرة

[أشرف فتحى]

من زمااااااااااااان اوي من 17 سنه ونص وانا كان عندي 5 سنين ونص



ده على اساس اشرف لسه تحت ال 23 سنة مش كدة

آآآآآآآآآآآآآآآآآآآآآآآآآه.....ليت الشباب يعود يوما.......أقوم بقى أخد دوا الروماتيزم.....

[أشرف فتحى]

تصدق يا شنورى فى نفس الوقت تقريبا كنت راكب العربيه وبسمع الراديو لانى من عشاق الراديو.....

وكان فى اوبريت إذاعى....مسمعتوش من يجى 20 سنه كده ولا حاجه.....

بتاع ايه بقى.....عواد باع ارضه يا ولاد.........شوفوا طوله وعرضه..يا ولااااد....

بطوله العملاق صلاح منصور فى دور عواد

تصدق كنت فرحان جدا ومكنتش متضايق انى وقفت فى اشارات روكسى بتاع ساعه الا ربع.......

واللذيذ بقى ايه....كان قدامى عربيه لانوس عليها استيكر نايل موتورز.....

أحاول اشد انتباهه باى شكل عشان اتعرف عليه...وهوه ولا هو هنا...

يعم طب اسلم عليك ونتعرف بس.....أبدا ...

وفى الاخر طلعت قدامه عشان يشوفنى لازق الاستيكر على الزجاج الخلفى....سبنى ومشى.......

[MTAK]

بتاع ايه بقى.....عواد باع ارضه يا ولاد.........شوفوا طوله وعرضه..يا ولااااد....

بطوله العملاق صلاح منصور فى دور عواد
.......

تحفه اذاعية
عندى على الكمبيوتر و لا امل من سماعه ابدا

[rockana9112007]

هيا فعلااا مسلسلات جميلة .وابوياا من هواة الراديو وبيكرة التليفزيون عماااااا فكنت بسمعهااا وهو مشغل الراديو ..بس مفيش فعلااا انتاج جديد ..كل الحاجات الكويسة قديمة

[magyver]

لا فعلا رااااااااااايق
تصدق عايز اخد الحااجة ونعمل كدا

[pro_samir]

دي طبعا اذاعة البرنامج العام

والسهرة اليومية بتيجي الساعة 2 ص لحد 3:30

زمان أيام الروقان كنت مدمن راديو وكان في شوية برامج كدة متتفوتش زي كتاب عربي علّم العالم دة كان 11 وتلت أو ونص بالليل و برنامج وقال الفيلسوف قرب الساعة واحدة مش فاكر كام بالظبط

غير بقي برامج الأصطباحة كلمتين وبس و بالسلامة يا حبيبي و همسة عتاب

ولما تصحي متأخر يدوب تلحق أبلة فضيلة الساعة 10 الا ربع ههههههههه

ولحد دلوقتي لسة فاكر حلقة علي الناصية كانت مستضيفة دكتور جاي من أمريكا بيتكلم عن ثورة الأنترنت واحنا بنسمع بقي ونقول سبحان الله ههههههههه دة كان فى أول التسعينات طبعا قبل ما النت ينتشر وأيام الدايل أب أبو اشتراك تتذل وتدفع

من أجمل الحاجات اللي مش هنساها برضو مع ليالي الصيف اذاعة القرآن والمصحف المرتل بتاع المنشاوي و عبد الباسط تحديدا مش عارف لية من الراديو ليهم طعم تاني خالص ، هما كانو بيبقو ورا بعض وبعدين يدخلو في مشايخ تانيين زي الحصري والبنا .. كنت بزعل جدا لما يخلصو وبستانهم علي ما ييجو تاني

والساعة 12 قطوف من حدائق الأيمان

بجد العيشة مع الراديو كانت جو تاني خالص


علي فكرة كل المحطات دي بتيجي علي الريسيفر عادي خالص مش لازم الراديو

[m.aligamal]

يجماعه الراديو مسلسلاته روعه انا فاكر و انا فى ثانويه عامه كنت بجيب الشرق الاوسط و استمع لافلام و مسلسلات و كانت اكتر حاجه بتضحكنى لما يزيعوا فيلم و تلاقى واحد عمال يشرح الى بيحصل تحس انك عامل زى الاعمى و ده الى واخد بايدك و بجد احساس رائع انك بتتخيل مع الاذاعه بجد التليفزيون و الكمبيوتر سرقوا مننا متعه سماع الراديوا و الله زمان ياراديو

طيب فاكرين الف ليله و ليله الى كانت برضه عالشرق الاوسط و الله كانت تحفه رعب بجد مش زى الى كانت بتيجى فى التلفزيون و تقعد تضحك عليهم


مقلتليش يا شونرى كلت جيلاتى عزه الى فى بحرى ولا حد غيره ؟؟؟؟

[m.aligamal]

دي طبعا اذاعة البرنامج العام

والسهرة اليومية بتيجي الساعة 2 ص لحد 3:30

زمان أيام الروقان كنت مدمن راديو وكان في شوية برامج كدة متتفوتش زي كتاب عربي علّم العالم دة كان 11 وتلت أو ونص بالليل و برنامج وقال الفيلسوف قرب الساعة واحدة مش فاكر كام بالظبط

غير بقي برامج الأصطباحة كلمتين وبس و بالسلامة يا حبيبي و همسة عتاب

ولما تصحي متأخر يدوب تلحق أبلة فضيلة الساعة 10 الا ربع ههههههههه

ولحد دلوقتي لسة فاكر حلقة علي الناصية كانت مستضيفة دكتور جاي من أمريكا بيتكلم عن ثورة الأنترنت واحنا بنسمع بقي ونقول سبحان الله ههههههههه دة كان فى أول التسعينات طبعا قبل ما النت ينتشر وأيام الدايل أب أبو اشتراك تتذل وتدفع

من أجمل الحاجات اللي مش هنساها برضو مع ليالي الصيف اذاعة القرآن والمصحف المرتل بتاع المنشاوي و عبد الباسط تحديدا مش عارف لية من الراديو ليهم طعم تاني خالص ، هما كانو بيبقو ورا بعض وبعدين يدخلو في مشايخ تانيين زي الحصري والبنا .. كنت بزعل جدا لما يخلصو وبستانهم علي ما ييجو تاني

والساعة 12 قطوف من حدائق الأيمان

بجد العيشة مع الراديو كانت جو تاني خالص





علي فكرة كل المحطات دي بتيجي علي الريسيفر عادي خالص مش لازم الراديو

فعلا فكرتنى بايام زمان و ياسلام على تسجيلات من زمن فات وكان فى برنامج بتاع الحوادث و همسه عتاب و عالناصيه بجد تحفه البرامج

بس على فكره سماع الراديو فى الراديو نفسه متعه لايضاهيها متعه مش عالرسيفر احساس الواحد كده وهوا بيبحث فى الراديو ابو بكره وتلاقيه ملغوش و تطلع الاريال و تقف تطنطط فى حته فيها ارسال و يسلام فى الصيف بقا الارسال حلو ايام جميله و الله بجد التليفزيون و الكمبيوتر سرقوا مننا متعه جميله زى الراديو

[menocomp]

بجد احساس رائع انك بتتخيل مع الاذاعه بجد التليفزيون و الكمبيوتر سرقوا مننا متعه سماع الراديوا و الله زمان ياراديو

فى الراديو الواحد بيطلق لعقلة العنان فى التخيل على عكس التليفزيون بيطلب مع الواحد انتخة.