إعـــــــلان

Collapse

.

,
See more
See less

رحلة الى اوروبا .. بعض الاسئلة ؟؟

Collapse
X
 
  • Filter
  • الوقت
  • Show
Clear All
new posts

  • #31
    [QUOTE=ghazy12;3872367816]شوف يا كريم بك.... بالنسبه لقضية الفيزا..

    ألمانيا... صعبه جدااا.....
    فرنسا.... صعبه بس مش قوي....
    ايطاليا.... عادي.....
    اسبانيا.... عادي....
    مين قال ايطاليا عادى انا كنت طالع عن طريق الحكومة الايطالية وكنت بروح القنصلية من غير حجز لانك لازم تحجز بالتليفون قبل ما تروح وتسجل اسمك عشان تاخد ميعاد ومع ذلك طلعو عينى والفيز خدتها بعد اكتر من شهر وبشروط مجحفة كانو بيتللكو وبيطلبو لبن العصفور لاكن الحمد لله فضلت وراهم لغاية ما خدتها وخدتها تشنجن يعنى ادخل بيها اى دولة اوربية
    [CENTER]في الماضي كان الخطر الكبير الذي يواجه المصريين النظام الفاسد[/CENTER]
    [CENTER]الان الخطر الاكبر الذي يواجه مصر والمصريين هو الجهل[/CENTER]

    Comment


    • #32
      [QUOTE=mahmoudysf;3872368245]
      المشاركة الأصلية كتبت بواسطة ghazy12 مشاهدة المشاركة
      شوف يا كريم بك.... بالنسبه لقضية الفيزا..

      ألمانيا... صعبه جدااا.....
      فرنسا.... صعبه بس مش قوي....
      ايطاليا.... عادي.....
      اسبانيا.... عادي....
      مين قال ايطاليا عادى انا كنت طالع عن طريق الحكومة الايطالية وكنت بروح القنصلية من غير حجز لانك لازم تحجز بالتليفون قبل ما تروح وتسجل اسمك عشان تاخد ميعاد ومع ذلك طلعو عينى والفيز خدتها بعد اكتر من شهر وبشروط مجحفة كانو بيتللكو وبيطلبو لبن العصفور لاكن الحمد لله فضلت وراهم لغاية ما خدتها وخدتها تشنجن يعنى ادخل بيها اى دولة اوربية
      انا مش قصدي انها عادي يعني هتطلع زي فيزا الصين في يومين مثلا...

      انا قصدي عادي يعني اقل صعوبه من مثيلاتها في دول الاتحاد الاوروبي...

      لكن خاللي بالك ان الموضوع ده بيفرق من سفاره للتانيه و من شخص لآخر...

      يعني من ضمن الحاجات اللطيفه اللي حصلت لأحد الأصدقاء و هو مسافر ألمانيا انهم
      طلبوا منه كشف بحسابه في البنك و في الأنترفيو اتسأل عن (جده) بالتفصيل الممل...

      عادي يعني الكلام ده.... المهم انك طلعتها في الاخر, لكن مقولتلناش دفعت كام؟؟؟
      [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
      [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
      [CENTER][SIGPIC][/SIGPIC][/CENTER]

      Comment


      • #33
        المشاركة الأصلية كتبت بواسطة ahmed-moga مشاهدة المشاركة
        صدقني يابشمهندس محمد انا كنت زيك كده الأول ومش بس كده انا اقنعت اصحاب كتير ليا كانوا واخدين قرار بالسفر وخلتهم مايسفروش ودلوقتي بيدعوا عليه وحالهم بقي اسوأ وطبعا انا منهم للأسف بلدنا دلوقتي وهقولها علي الملأ مش هخاف من حد ويارب صوتي يوصل لأعلي سلطه في مصر ياحكومتنا انتم اللي بتعملوا الشباب المتطرف وتجار المخدرات وتجار السلاح انتم السبب في فساد الذمم والأخلاق لما يكون شباب مثلي عاملين مشروع علشان يعيشوا عيشه حلال ومالهومش في الحركات السياسيه ولاغيرها وعايزيين يتجوزوا ويفتحوا بيت ويعملوا اسره تيجي حكومتنا الغاليه علينا وتهدملهم المشروع ده وتخسره حوالي 65 الف جنيه تقريبا 80% من رأس ماله بحجج وهميه وبقرارات عنتريه يبقي عايزينهم يعملوا ايه انا عن نفسي انا خلاص زهقت من البلد ديه ومش عايز اقعد فيها دية مبقتش بلدنا بقت بلد السلطه والنفوذ واصحاب الفلوس وبكره بلد السلطه والنفوذ هاتتدور علي اصحاب الفلوس و المشاريع الكبيره حسبي الله ونعم الوكيل عايزيين ياخدوا فلوس من اي حد علشان يعوضوا اللي صرفوه علي لاعبين الكره اللي كل واحد خدله مليون جنيه ومحدش يقولي انهم جابوا الكاس ماهو الكاس ده اكبر انتصار لينا ومش محتاجيين مكافآه أكبر منه بقينا زي عصر محمد علي كل ماالدوله الخزينه بتاعتها تفضي يدوروا علي الشعب بالضرايب علشان يملوها تاني وفي العصر بتاعنا ده لقوا حجج تانيه غير الضرايب وهي المخالفات اشي مخالفات مروريه وأشي مخالفات ضريبه عقاريه وأشي مخالفه ب1500 جنيه لكل من يرمي ورقه من شباك العربيه واشي مخالفات مصنفات فنيه
        بكره هاتدفع مخالفه علي الهوا اللي هاتشمه بالجيوب الأنفيه
        انا عن نفسي وعن حسن تربيتي مش هبقي حد من دول انا كل اللي هاعمله اني هاسافر بره وهابدأ بالمتبقي معايا ده اذا سابولي حاجه ومحبسونيش وكفايه اني اعرف اخبار بلدي الحقيقيه من بره وافرح لفوزها في اي انتصار من بره مش هاقول غير جمله جلال الشرقاوي (عيب يابلدي تعملي معانا كده عيب )
        علي فكره ياجماعه الأيام الجايه هاتشوفوا تزايد ملحوظ جدا علي السفارات وفي الطلبات المقدمه للهجره خارج البلد وشويه شويه هاتشوفوا الوليد بن طلال سحب كل مشاريعه من البلد مش بعيد كمان 5 مليون جنيه اللي دفعهم في ارض توشكي هايدفعهم 50 مليون جنيه علشان يسبوه يمشي من البلد

        Comment


        • #34
          شوف انا سافرت ايطاليا بس مش سياحة كانت بعثة او تقدر تقول منحة دراسية لمدة شهرين يعنى المفروض ان المركز الثقافى الايطالي هو اللي كان متكفل بحكاية الفيزا ومع ذلك كانو فى القنصلية الايطالية بيعاملونا اخر قرف وبيطلبو لبن العصفور وشيكات سياحية وخلافة المهم خدت الفيزا بعد عذاب
          نيجي بقى لرحلة ايطاليا البلد جميلة جدا وشعب ودود تحس انك مش في بلد اوربي غير التعامل باحترام واحترام ادميتك في كل مكان
          المهم انا طبعا كنت مع مجموعة شباب فطبعا مش هنسكن فى فندق احنا اجرنا شقة في مكان جميل جدا وكان الشهر تقريبا 400 يورو وكانت بتطل على منظر في غاية الروعة بس ده مش فى روما فى مقاطعة اسمها بيروجا مدينة سياحية عاملة زى القاهرة الفاطمية عندنا كدة كلها مرتفعا ومنخفضات وجبال ككلها اشجار وغابات بتبعد عن روما زى اسكندرية والقاهرة مثلا
          بالنسة للاكل كنا بنشتري الطلبات ونطبخ احنا لدرجة اننا كنا احيانا بنخبز عيش وطبعا البيتز والكرونة هناك مش هقولك لو عايز تغير وكدة والاسعار بالطريقة دى هتكون حنينة شوية والاهم مش هتسكن فين وتاكل فين المهم هو انك تتمتع بالمكان
          [CENTER]في الماضي كان الخطر الكبير الذي يواجه المصريين النظام الفاسد[/CENTER]
          [CENTER]الان الخطر الاكبر الذي يواجه مصر والمصريين هو الجهل[/CENTER]

          Comment


          • #35
            يعني اعمل حسابي علي ايطاليا ولا بلاش لايطلعلي المافيا الأيطاليه متهيألي دبي احسن وهي بتشجع المشاريع ومش هاحس اني غريب ولا اروح فين حد يدلني

            Comment


            • #36
              الفيزا الي اوربا بي 50 يورو و مش بترجع تاني لو مختش موافقة

              Comment


              • #37
                المشاركة الأصلية كتبت بواسطة ghazy12 مشاهدة المشاركة
                انا سمعت رقم غريييييب في فيزا (شنجل)... بلاش نقوله علشان انا مش متأكد منه

                بس انا كنت مسافر شغل لألمانيا 10 أيام, و رايح زياره لمصنع هناك, و هما اللي باعتين الدعوه ليا
                و هيتصرفوا في كل حاجه, لكن الفيزا اللي هتطلعي كانت زي سياحه مؤقته, مش شنجل طبعا
                لكن كانت هتساعدني جداا بما اني سافرت قبل كده و خدت فيزا لأوروبا اني اطلع فيزا شنجل...

                الموضوع بيعتمد على كذا حاجه (ده المفروض) لكن ممكن تترفض بردو و بدون ابداء أسباب.... لكن بشكل عام...

                1- رايح تعمل ايه هناك (سياحه ولا شغل ولا دراسه ولا هجره.......)؟؟؟
                2- المستوى الثقافي و الاجتماعي؟؟؟
                3- على حسب سبب السفر هيكون في اسئله تانيه...
                4- اللغات... مش مهمه قوي, لكن اللي اعرفه ان فرنسا بتغلس في الموضوع ده

                ممكن تدفع و تمام... و تلاقيهم بيرجعولوك فلوسك و شكراا مفيش فيزا و للأسف مش بيقولوا اسباب...

                ممكن تطلعها بالفلس و الكلام ده, بس هتسمع أرقام فلكيه بردو لكن هتطلع...

                انا والله مش بقفلها في وشك خالص... لكن بقولك اللي ممكن تسمعه فعلا...
                المفروض انك لو طالع مع شركة سياحه يكون ليهم سكك في موضوع الفيزا ده...

                انا بردو هسألك ناس و هقولك يا باشا....

                قصدك شنجن :)

                بص اسهل فيزا شنجن تاخدها حاليا هي ايطاليا او اسبانيا او هولندا

                و على فكرة هي مش مستحيلة لو شغال في مكان كويس و دخلك كويس و عندك ما يثبت انك مش هتسافر عشان تكت و تكسر فيزا و تلبد ...... و كل ما يبقى فيه روابط اكتر تربطك بمصر زي املاك او عقارات او سيارات او وظيفة او اسرة و وضع مستقر بيطمئنوا اكتر
                [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                [URL="https://goo.gl/30fu9U"]Registered Migration Agent - MARN 1575106[/URL]
                [/COLOR][/CENTER][/SIZE]

                Comment


                • #38
                  المشاركة الأصلية كتبت بواسطة أحمد كمال مشاهدة المشاركة
                  قصدك شنجن :)

                  بص اسهل فيزا شنجن تاخدها حاليا هي ايطاليا او اسبانيا او هولندا

                  و على فكرة هي مش مستحيلة لو شغال في مكان كويس و دخلك كويس و عندك ما يثبت انك مش هتسافر عشان تكت و تكسر فيزا و تلبد ...... و كل ما يبقى فيه روابط اكتر تربطك بمصر زي املاك او عقارات او سيارات او وظيفة او اسرة و وضع مستقر بيطمئنوا اكتر
                  بشمهندس محمد بيتريق زي فيلم همام في امستر دام لما كان الراجل النصاب بيقوله (أحلي فيزا شنجل)هههههههههههههه مش كده يابشمهندس محمد

                  Comment


                  • #39
                    سيبك من اوروبا لان الفيزا فعلا عندهم صعبة
                    ممكن تاخد فيزا المملكة المتحدة (بريطانيا) وتروح لندن وهتستمتع جدا هناك والفيزا بتاعتهم مش معقدة زى اوروبا بس فيه برضه بعض الاجراءات الى هاتعملها بس بصراحة الناس محترمين جدا والميزة فى لندن انها لها تقاليد مختلفة عن باقى الدول ودا هيخليك تبقى مستمتع اكثر وهتحس انك شوفت تغير فعلا عن مصر يعنى مثلا الجو فى الغالب ممطر على مدار اليوم بس بيبقى جميل وهتحب تمشى فيه وهتلاقى الناس كلها ماشية بشماسى الناس هناك بتسوق السيارات من جهة اليمين عكسنا
                    ثانيا هتستعجب فعلا من النظام فى المرور هناك هتحس اننا فى مصر عايشين فى غابة مش فى مدينة
                    ثالثا وسائل المواصلات الرائعة من تاكسى لندن المميز الى الاتوبيس الاحمر اللى بدورين وطبعا مترو الانفاق الشهير هناك ويسمى بالشبكة العنكبوتية(اقوى وافضل شبكة مواصلات فى اوروبا ثم تأتى بعدها فرنسا)
                    الشوبينج هناك رائع وفى خصومات بتوصل الى 90% لدرجة انك لو مسافر بشنطة واحدة ممكن ترجع باربع شنط
                    المتاحف فى لندن فعلا مالهاش حل ومش هتصدق نفسك من اللى بتشوفه فيها مثل(متحف التاريخ الطبيعى -متحف الشمع) والحدائق رائعة وطبعا غير المعالم التى تشتهر بيها لندن مثل ساعة بيج بن -برج لندن -تغير الحرس الملكى فى قصر باكينجهام بالاس

                    Comment


                    • #40
                      المشاركة الأصلية كتبت بواسطة wal مشاهدة المشاركة
                      سيبك من اوروبا لان الفيزا فعلا عندهم صعبة
                      ممكن تاخد فيزا المملكة المتحدة (بريطانيا) وتروح لندن وهتستمتع جدا هناك والفيزا بتاعتهم مش معقدة زى اوروبا بس فيه برضه بعض الاجراءات الى هاتعملها بس بصراحة الناس محترمين جدا والميزة فى لندن انها لها تقاليد مختلفة عن باقى الدول ودا هيخليك تبقى مستمتع اكثر وهتحس انك شوفت تغير فعلا عن مصر يعنى مثلا الجو فى الغالب ممطر على مدار اليوم بس بيبقى جميل وهتحب تمشى فيه وهتلاقى الناس كلها ماشية بشماسى الناس هناك بتسوق السيارات من جهة اليمين عكسنا
                      ثانيا هتستعجب فعلا من النظام فى المرور هناك هتحس اننا فى مصر عايشين فى غابة مش فى مدينة
                      ثالثا وسائل المواصلات الرائعة من تاكسى لندن المميز الى الاتوبيس الاحمر اللى بدورين وطبعا مترو الانفاق الشهير هناك ويسمى بالشبكة العنكبوتية(اقوى وافضل شبكة مواصلات فى اوروبا ثم تأتى بعدها فرنسا)
                      الشوبينج هناك رائع وفى خصومات بتوصل الى 90% لدرجة انك لو مسافر بشنطة واحدة ممكن ترجع باربع شنط
                      المتاحف فى لندن فعلا مالهاش حل ومش هتصدق نفسك من اللى بتشوفه فيها مثل(متحف التاريخ الطبيعى -متحف الشمع) والحدائق رائعة وطبعا غير المعالم التى تشتهر بيها لندن مثل ساعة بيج بن -برج لندن -تغير الحرس الملكى فى قصر باكينجهام بالاس
                      تصدق و الله فكرة .. مش عارف ازاى مجتش على بالي :)

                      طبعا لندن او انجلترا في العموم بلد جميلة جدا ..

                      بس اظن انها اغلى من الباقيين ولا ايه ؟؟؟

                      ياريت لو حضرتك عندك فكرة عن التكلفة اكون شاكر جدا ..
                      [CENTER][SIGPIC][/SIGPIC][/CENTER]

                      Comment


                      • #41
                        السلام عليكم ورحمة الله

                        احييك علي الفكرة .. بس احب اقولك انها غير عملية ... لانها هاتبقي مكلفة جدا لو هاتعملها بنفسك الا اذا كان عندك خبرة كويسة ومعرفة ودراية بكل دولة حضرتك هاتزورها

                        لكن بما ان الناس اتكلمت عن الفيز وامكانية الحصول عليها لدول الاتحاد الاوروبي انا هاتكلم من واقع خبرتي انا
                        اولا تكاليف الفيزا لاي دولة 50 - 60 يورو فقط لا غير -و اليورو تقريبا 8.20 جنيه- ... وفي بعض الحالات بتتعفي من مصاريف الفيزا ... في حالات السفر لمشروعات تبادل ثقافي او شبابي ... او رحلة علمية ... او لظروف انسانية زي رعاية مريض من الاقرباء او الاضطهاد السياسي -والعياذ بالله- من الدولة الام

                        وطبعا الفيزا دي اسمها شنجل .. يعني ممكن تاخد فيزا شنجل من سفارة اسبانيا و تطلع بيها فرنسا ... ده عادي جدا و كذلك التنقل بين الدول الاوروبية

                        ماعدا انجلترا .. مش انجلترا بس لا UK كلها يعني انجلترا و اسكوتنلادا وويلز .. ليهم فيزا خاصة بيهم

                        انواع الفيز بتختلف بناء علي الغرض من السفر... بس كل الفيز بتشترك ان سيادتك يكون ليك حساب في البنك تجيب كشف بيه -سواء دفتر توفيرأو فيزا او حساب جاري- وتقدمه للسفارة
                        وخطاب HR من جهة العمل .
                        ولو نوع الفيزا عمل او تبادل ثقافي او اي حاجه تانية غير السياحة بتجيب حضرتك كمان جواب الدعوة من المكان اللي حضرتك رايحه

                        ولازم تعمل حاجه اسمها تأمين مسافر في واحدة من شركات التأمين .. وقيمة البوليصة اللي حضرتك بتدفعها بتتحدد بناء علي الوقت اللي انت هاتقضيه

                        بالنسبة للسفارات .. السفارة الالمانية مش غلسة ولا حاجه يمكن ارحم من سفارة فرنسا و ايطاليا
                        ايطاليا زحمة بشكل مستفز

                        بس هو بشكل عام التعامل علي الشباك بتاع السفارات مش لذيذ .. لازم تكون مجهز ورقك كويس

                        بالنسبة لحجز تذاكر الطيران ... اكذوبة بقي ان مصر للطيران هي الارخص .. فيه شركات كتير محترمة بتعمل عروض ارخص بمراحل من مصر للطيران .. بس حضرتك عليك وعل مكتب سياحة مش شركة الطيران مباشرة ... وقدر الامكان هات التذاكر قبل موعد السفر بشهر علي الاقل علشان تاخد تخفيض كويس

                        بالنسبة للاقامة .. فعلا زي ما تقدم مجموعة من الاخوة
                        احب اقولك ان طرق الاقامة في الدول الاوروبية كتيييييييييييييييييير جدا وبرضو دي عايزة حد حرك وفاهم
                        1 - الفنادق والاوتيلات أسعارها غالية نسبيا
                        2- بيوت الشباب خدمة جيدة واسعار متوسطة
                        3- بيوت المضيفين "غالبا مجانية ولكن لابد من التنسيق معهم قبل السفر" وعلي فكرة في اسر كتييير جدا بتحب تستضيف الناس اللي جايين اقامات قصيرة في دولة من الدول
                        4- حاجه اسمها scout و دي زي بيت شباب لاكن مستواه صعب شوية وبيبقي بتكلفة زهيدة جدا جدا او بدون تكاليف

                        بالنسبة للانتقالات الداخلية .. غالية جدا ... اسعارالتاكسي افترا ... و الاوتوبيس نسبيا ارخص من التاكسي و القطار
                        القطار غالي يكاد يقارب سعر الطيران خاصة في الرحلات بين الدول الاوروبية

                        تحديدا ألمانيا و عن تجربة القطر من ليبزج الي برلين تقريبا يكلف 50 يورو


                        بالنسبة للاكل و الشرب
                        مش غالي
                        بالنسبة للمحالات المشهورة في اوروبا كلها "الاشهر subway" ممكن تاكل ب 5 يورو وجبة كمبو
                        ولو حضرتك عايز تبعد عن اللحوم والدواجن فيه محلات بتبيع سمك takeaway زي محل nordsea fish ده هايل جدا جدا .. السندويتش تقريبا من 2.5 يورو لحد 5 يورو برضو

                        مطاعم الاكل الشيك غالية جدا ... خصوصا فرنسا

                        الشرب ... اولا مية الحنفية هايلة للشرب
                        المياه المعدنية غالية جدا مقارنة بمشروبات تانية - صندوق البيرة 24 زجاجه ب 5 يورو - وسعر زجاجه المية المعدنية ال فيتال 2.5 يورو

                        المزارات السياحية دي بقي علي حسب

                        اخيرا وليس اخرا .. ما انصحكش تسافر اكتر من دولة في وقت قصير كده ... ركز في مكان علشان تشوفه كويس وتفهمه .. وعموما اوروبا كلها شبه بعضها .. بس لو هاتزور ركز في مدن كبيرة

                        ارشحلك اسبانيا ، ايطاليا ،هولندا، فرنسا ، بلجيكا ، وممكن ألمانيا علي الترتيب

                        تحياتي و يا رب اكون قدرت اساعد شوية
                        و اسف للاطالة
                        [CENTER][SIZE=5][COLOR=blue]ليل طويل[/COLOR] ... [COLOR=purple]هم ثقيل[/COLOR] ... [COLOR=seagreen]وهم سرمدي[/COLOR][/SIZE][/CENTER]
                        [CENTER][SIZE=5][COLOR=blue]صبر جميل[/COLOR]... [COLOR=purple]شاب فتي[/COLOR] ... [COLOR=seagreen]ورود وحلم جميل نقي[/COLOR][/SIZE][/CENTER]

                        [CENTER]د.حسام الزلباني:smartass:[/CENTER]

                        Comment


                        • #42
                          لو تبع شركة سياحة هما هيظبطوا كل حاجة ...

                          لو السبب الرئيسى سياحة لمدة بسيطة إسبوع مثلا هتدخل بسهولة ..
                          [CENTER][SIZE=3][COLOR=DarkRed][B]نفسن براحتك ..
                          إشتم براحتك ...
                          إغلط و متعوزش تتحاسب ...
                          إتبلطج و خدها دراع و أعمل دكر ..
                          إحجر على الرأى التانى و إتريق على الناس ..
                          إنت عن جدارة عالم ثالث و متتكلمش تانى على الهجرة. [/B][/COLOR][/SIZE]
                          [/CENTER]

                          Comment


                          • #43
                            بص هى المشكلة ان الجنيه الاسترلينى تكلفته مرتفعة امام الجنية المصرى يعنى تقريبا الجنية الاسترلينى يعادل عشرة جنية مصرى بس مش عارف حاليا هو بكام باظبط

                            الاقامة فى لندن هى اللى سعرها مرتفع يعنى مثلا لو فردين ممكن تقعدوا الليلة من 70 الى 100 استرلينى ودا هيبقى فندق ثلاث نجوم بس يفى بالغرض

                            بعد كده الاكل مش غالى والمواصلات معقولة يعنى بتجيب كارت عامل زى الفيزا وبتركب بيه الاوتوبيس والاندرجراوند معا بحوالى 25 استرلينى والكارت مدته اسبوع وتركب وتنزل فى اى وقت

                            المتاحف فى منها كتير مجانا والباقى باسعار رمزية ماعدا متحف الشمع غالى شوية

                            سعر التاشيرة من مصر هتكلفك حوالى 750 جنية مصرى وتذكرة الطيران ذهاب وعودة بحوالى3600 جنية مصرى صبعا مصر للطيران

                            التسوق والشراء فى بريطانيا رائع ومالوش مثيل فى اوروبا لدرجة هتلاقى ناس من مختلف الجنسيات من دول اوروبا بيشتروا من لندن لانهم بيعملوا خصومات رائعة وحقيقية فعلا مش زى اللى عندنا

                            Comment


                            • #44
                              طب ياجماعه ايه احسن بلد واسهل في أجراءات السفر ليها علشان اعمل مشروع يعني لو هاسافر علشان اعمل مشروع معقول التكالييف يعني بما يعادل 350 الف جنيه مصري يعني هابيع العربيه والشركه والشقه وماتبقي معي من رأس المال ممكن اعمل مشروع رائج ايه وفي اي بلد في ناس كتير نصحوني بدبي علي اساس انها بتشجع عمل المشاريع لكن مابتشجعش الذهاب للعمل عند آخرون مستني الرد

                              Comment


                              • #45
                                المشاركة الأصلية كتبت بواسطة zalpany2000 مشاهدة المشاركة
                                السلام عليكم ورحمة الله

                                احييك علي الفكرة .. بس احب اقولك انها غير عملية ... لانها هاتبقي مكلفة جدا لو هاتعملها بنفسك الا اذا كان عندك خبرة كويسة ومعرفة ودراية بكل دولة حضرتك هاتزورها

                                لكن بما ان الناس اتكلمت عن الفيز وامكانية الحصول عليها لدول الاتحاد الاوروبي انا هاتكلم من واقع خبرتي انا
                                اولا تكاليف الفيزا لاي دولة 50 - 60 يورو فقط لا غير -و اليورو تقريبا 8.20 جنيه- ... وفي بعض الحالات بتتعفي من مصاريف الفيزا ... في حالات السفر لمشروعات تبادل ثقافي او شبابي ... او رحلة علمية ... او لظروف انسانية زي رعاية مريض من الاقرباء او الاضطهاد السياسي -والعياذ بالله- من الدولة الام

                                وطبعا الفيزا دي اسمها شنجل .. يعني ممكن تاخد فيزا شنجل من سفارة اسبانيا و تطلع بيها فرنسا ... ده عادي جدا و كذلك التنقل بين الدول الاوروبية

                                ماعدا انجلترا .. مش انجلترا بس لا uk كلها يعني انجلترا و اسكوتنلادا وويلز .. ليهم فيزا خاصة بيهم

                                انواع الفيز بتختلف بناء علي الغرض من السفر... بس كل الفيز بتشترك ان سيادتك يكون ليك حساب في البنك تجيب كشف بيه -سواء دفتر توفيرأو فيزا او حساب جاري- وتقدمه للسفارة
                                وخطاب hr من جهة العمل .
                                ولو نوع الفيزا عمل او تبادل ثقافي او اي حاجه تانية غير السياحة بتجيب حضرتك كمان جواب الدعوة من المكان اللي حضرتك رايحه

                                ولازم تعمل حاجه اسمها تأمين مسافر في واحدة من شركات التأمين .. وقيمة البوليصة اللي حضرتك بتدفعها بتتحدد بناء علي الوقت اللي انت هاتقضيه

                                بالنسبة للسفارات .. السفارة الالمانية مش غلسة ولا حاجه يمكن ارحم من سفارة فرنسا و ايطاليا
                                ايطاليا زحمة بشكل مستفز

                                بس هو بشكل عام التعامل علي الشباك بتاع السفارات مش لذيذ .. لازم تكون مجهز ورقك كويس

                                بالنسبة لحجز تذاكر الطيران ... اكذوبة بقي ان مصر للطيران هي الارخص .. فيه شركات كتير محترمة بتعمل عروض ارخص بمراحل من مصر للطيران .. بس حضرتك عليك وعل مكتب سياحة مش شركة الطيران مباشرة ... وقدر الامكان هات التذاكر قبل موعد السفر بشهر علي الاقل علشان تاخد تخفيض كويس

                                بالنسبة للاقامة .. فعلا زي ما تقدم مجموعة من الاخوة
                                احب اقولك ان طرق الاقامة في الدول الاوروبية كتيييييييييييييييييير جدا وبرضو دي عايزة حد حرك وفاهم
                                1 - الفنادق والاوتيلات أسعارها غالية نسبيا
                                2- بيوت الشباب خدمة جيدة واسعار متوسطة
                                3- بيوت المضيفين "غالبا مجانية ولكن لابد من التنسيق معهم قبل السفر" وعلي فكرة في اسر كتييير جدا بتحب تستضيف الناس اللي جايين اقامات قصيرة في دولة من الدول
                                4- حاجه اسمها scout و دي زي بيت شباب لاكن مستواه صعب شوية وبيبقي بتكلفة زهيدة جدا جدا او بدون تكاليف

                                بالنسبة للانتقالات الداخلية .. غالية جدا ... اسعارالتاكسي افترا ... و الاوتوبيس نسبيا ارخص من التاكسي و القطار
                                القطار غالي يكاد يقارب سعر الطيران خاصة في الرحلات بين الدول الاوروبية

                                تحديدا ألمانيا و عن تجربة القطر من ليبزج الي برلين تقريبا يكلف 50 يورو


                                بالنسبة للاكل و الشرب
                                مش غالي
                                بالنسبة للمحالات المشهورة في اوروبا كلها "الاشهر subway" ممكن تاكل ب 5 يورو وجبة كمبو
                                ولو حضرتك عايز تبعد عن اللحوم والدواجن فيه محلات بتبيع سمك takeaway زي محل nordsea fish ده هايل جدا جدا .. السندويتش تقريبا من 2.5 يورو لحد 5 يورو برضو

                                مطاعم الاكل الشيك غالية جدا ... خصوصا فرنسا

                                الشرب ... اولا مية الحنفية هايلة للشرب
                                المياه المعدنية غالية جدا مقارنة بمشروبات تانية - صندوق البيرة 24 زجاجه ب 5 يورو - وسعر زجاجه المية المعدنية ال فيتال 2.5 يورو

                                المزارات السياحية دي بقي علي حسب

                                اخيرا وليس اخرا .. ما انصحكش تسافر اكتر من دولة في وقت قصير كده ... ركز في مكان علشان تشوفه كويس وتفهمه .. وعموما اوروبا كلها شبه بعضها .. بس لو هاتزور ركز في مدن كبيرة

                                ارشحلك اسبانيا ، ايطاليا ،هولندا، فرنسا ، بلجيكا ، وممكن ألمانيا علي الترتيب

                                تحياتي و يا رب اكون قدرت اساعد شوية
                                و اسف للاطالة
                                مشاء الله معلومات وفيرة جدا :) ..

                                بس هل الكلام البعد الفيزا دة .. على اساس اني طالع لوحدي ولا مع شركة سياحة ؟
                                المشاركة الأصلية كتبت بواسطة wal مشاهدة المشاركة
                                بص هى المشكلة ان الجنيه الاسترلينى تكلفته مرتفعة امام الجنية المصرى يعنى تقريبا الجنية الاسترلينى يعادل عشرة جنية مصرى بس مش عارف حاليا هو بكام باظبط

                                الاقامة فى لندن هى اللى سعرها مرتفع يعنى مثلا لو فردين ممكن تقعدوا الليلة من 70 الى 100 استرلينى ودا هيبقى فندق ثلاث نجوم بس يفى بالغرض

                                بعد كده الاكل مش غالى والمواصلات معقولة يعنى بتجيب كارت عامل زى الفيزا وبتركب بيه الاوتوبيس والاندرجراوند معا بحوالى 25 استرلينى والكارت مدته اسبوع وتركب وتنزل فى اى وقت

                                المتاحف فى منها كتير مجانا والباقى باسعار رمزية ماعدا متحف الشمع غالى شوية

                                سعر التاشيرة من مصر هتكلفك حوالى 750 جنية مصرى وتذكرة الطيران ذهاب وعودة بحوالى3600 جنية مصرى صبعا مصر للطيران

                                التسوق والشراء فى بريطانيا رائع ومالوش مثيل فى اوروبا لدرجة هتلاقى ناس من مختلف الجنسيات من دول اوروبا بيشتروا من لندن لانهم بيعملوا خصومات رائعة وحقيقية فعلا مش زى اللى عندنا
                                كلام زاى الفل ..

                                بس نفس السؤال .. هل دة لو لوحدي ولا مع شركة سياحة ؟

                                اظن ان شركة السياحة بتتكفل بكل حاجة و تقولي التكلفة الكلية ..

                                فياترى التكلفة بتاعت شركات السياحة دي تبقى عاملة ازاى ؟
                                [CENTER][SIGPIC][/SIGPIC][/CENTER]

                                Comment

                                Working...
                                X