العضو محمد عبدالله ..عمل حادثة

[nour2007]

شكرا يا احلي اعضاء في المنتدي وربنا يخليكوا وانا الحمد لله سليم
انا هقولكوا علي اللي حصل . انا كنت في مدينة العبور
بالظبط في الحي السابع وسط الفيلل وكل الشوارع هناك بتبقي حارة رايح
وحارة جاي وفي تقاطعات كتيرة والرصيف اللي بين الحارتين بيبقي فيه زرع
والشوارع معظمها بتبقي هادية جدا انا كنت طالع من الشارع الفرعي فالمفروض
اني اقف ودا محصلش نتيجة لأن التقاطع من ناحية الشارع الرئيسي مكنتش العربية
التانية ظاهرة منة والزرع اللي بين حارتين الشارع الرئيسي كان حاجب الرؤية عني
وهنا غلطتي كان المفروض كنت اهدي خالص واستني لحد اما اتأكد ان مفيش حد
وباردوا كان عندي سرعة وحاولت اني اتفاداه بس مقدرتش وحصل التصادم والحمد
لله جت علي خير.
الحاجة المهمة اللي تخلي بالكوا منها في الشوارع فاضية والهادية إن الواحد دايما يبقي
مركز فيها اوي يمكن اكتر بكتير من الاماكن الزحمة لأن الواحد مش بيبقي مدي خوانه
لأي حاجة .معلش طولت عليكوا بس حبيت اقولكوا عشان تستفيدوا .

نصيحه مهمه جدا يا ريت كلنا نخلي بالنا منها
حمدا لله علي سلامتك وربنا يبارك فيك وترجع عربيتك احسن من الاول ان شاء الله

[magomago]

قدر الله وما شاء فعل
المهم انه بخير

[romeo_6887]

حمد لله علي سلامه الاستاذ محمد
و الحمد لله انها جت في الصاج بس