بتنام وأنت سايق؟؟؟؟!!!!!

[ZALABANY]

السلام عليكم
أنا عندي مشكله خطيره جدا إني ممكن انام وأنا سايق ومش عارف أعمل فيها ايه
حصلت معايا حوالي 5 او 6 مرات بس اغلبهم ببقى مش نايم كويس مثلا يقالى يومين ما نمتش ومضطر اني اسوق فتلاقوني بسقط وانا سايق
بس أخطرهم كنت في اسكندرية بقضي يوم واكلت اكلة السمك التمام وشربت بعدها كوباية قهوة ( مش فنجان) واتحركت من اسكندرية مسكت الصحراوي لقيت النوم كابس عليا ركنت ونمت حوالي تلت ساعة صحيت غسلت وشي واتحركت مافيش 10 دقايق كنت بنام تاني استحملت شويه وبعدين ركنت نمت تانى وطلعت على كده 3 مرات في الطريق واول ما اطلع على الطريق واخد سرعتي يركبني النوم ربنا ستر ووصلت القاهرة بالعافية بس فعلا ما كنتش عارف اعمل ايه بس واضح ان المشكله كانت في اكلة السمك وربنا بيسترها

[tarekkasaby]

خلى بالك و ربنا يستر طريقك
فى ناس كتير زيك كده انصحك انك ماتسافرش لوحدك يعنى لو فيه امكانيه ان يبقى حد معاك
او تشغل الكاسيت بصوت عالى و تكون حاجه انت حافظها علشان تحاول تقول معاه
سواء قران او اغانى و اوعى الموسيقى الهاديه :d
غير كده اوعى تسافر و انت فى الحاله دى
و ربنا يسلمك من كل شر

[Xpert]

هوه حلك الكاسيت .. شغله و اهه اي دوشه جنبيك تخليك صاحي .. و بعدين لوعي تسوق و انت كطبق يومين .. لازم تنام كويس قبل ما تسوق و تمسك طريق .. و حاول تخلي السفر ..قبل الضلمه او بعد الفجر .. وبلاش سفر بين 10-3 بالليل عشان ده معاد نومك اصلاً ;) و جسمك بيكون عاوز ينام خلاص

[Ahmed Samy]

انا بافتح القزاز واطلع ايدي من الشباك : يفضل الهوا ((يطس)) في وشي طول الطريق

[ibrahimsaad]

الله يسترها معكم ومع الجميع

انا لسه ماجبتش عربيه بس اكبر مشكله عندى ان اول ماركب اى مواصله انام على طول

ربنا يستر بقى لما اجيب العربيه

[TAG_Turbo0]

الحمد لله لأ
المشكلة على فكرة لما يكون الى جنب الى سايق هو الى بينام بينيم السواق معاه

[tutankhamoun]

الحمد لله عمرها ما حصلت معايا
و دايما لا أقود السيارة و انا تعبان أو مرهق علشان الطريق

[3mr Farrag]

انا عندي المشكله ديه:( بنام احيانا حتي لو الطريق زحمه:)
بس مش نوم اوي....يعني عيني بتغفل شويه.....و مابشوفش غير الطريق القدامي و بسسسسسسسسس
و ماليش دعوه بالجنبي.....
بس طبعا ده لما ماكونش نايم كويس......
علشان الواحد يفوق بروح اجري شويه

[oshy]

عمرى ما عملتها و مستحيل أعملها
لو حتى مش قادر أفتح عينى أول ما بقعد على الدريكسيون بفوق على طول

[ali1spc]

تمام انا زيك كدة باكون تعبان واول ماسوق بفوق على طول

[noble911]

السلام عليكم
المشكلة مش بس انك تنام

المشكلة التانية انك و انت عايز تنام و بتكافح النوم
بتبقي استجابتك اقل من الشخص اللي ظروفه طبيعيه
و ده مش حيكون كويس في لحظات الخطر و القرارات المصيرية و المفاجاءت
و ربنا يسلم طريقك

[alshora]

السلام عليكم جميعا
حمدا لله على السلامة أولا
حافظ على أذكار الصباح والمساء دائما
لا تقد سيارتك وأنت متعب مجهد
إذا كانت المسألة متكررة ممكن يكون لها سبب طبي، فالمعروف أن الأشخاص المصابين بالشخير وانقطاع النفس أثناء النوم يكون لديهم ميل للنوم في النهار، لذلك ينبغي استشارة طبيب متخصص
ربنا يسلمنا جميعا من كل مكروه

[ahmed1981]

عمرى ما أنام وأنا سائق
وعمرى ما أنام وأنا قاعد جنب واحد سائق

والإخوة الزملاء اللي يحس إنه عايز ينام وهو سائق لازم يركن فوراً لأنها حالة خطر جداًاًاًاًاًاً
إنتحار

[segsauer]

انا بافتح القزاز واطلع ايدي من الشباك : يفضل الهوا ((يطس)) في وشي طول الطريق

1+:):):):):):):)

[eng_mkhalaf]

تمام انا زيك كدة باكون تعبان واول ماسوق بفوق على طول

+10000000000000