أحكام المزاح بالكلام ( النكت ) ------- هام جدا جدا

[Dr Ahmed]

أنا أعتقد أنى أفهم مغزى تثبيت الموضوع...
المنتدى الاجتماعى هو المختص بالمواضيع فى غير السيارات، وكثير من الأخوة يحبون نقل مواضيع عن النكت فى هذا المنتدى، وأحيانا يكون التنكيت فى صورة دعاء، وأحيانا يكون على طائفة من الناس وغيرها بما يوقع صاحب الموضوع فى مخالفة دينية نتيجة عدم العلم بحكم الدين فى التنكيت بهذه الصور..
ولتكرار نفس المشكلة من العديد من الأعضاء أعتقد أنه لذلك لزم تثبيت موضوع حكم الدين فى المزاح حتى نعلم الحكم وننتبه جميعا لما نكتب.
وإذا كان هناك هدف آخر من الإدارة أرجو توضيحه لنا جميعا..

[Abu Aly]

نرجو عدم فتح مواضيع قديمة وعدم خلط الأمور، كما نحذر الأخ كاتب الرسالة من إلقاء تهمة التكفير على أى عضو بالمنتدى خاصة مع عدم وجود أى دليل.
مشرف المنتدى

كلام سيادتك يؤكد كلامى .. طيب اشمعنى ابو على ميقدرش يفتح مواضيع او يتكلم فى مسأئل دينية ؟ و كمان يتم تثبيتها ؟ !! ثم مع احترامى
لما كتبه الاخ شهبور فى موضوع النكت و المزاح فهل رأيه هو الرأى النهائى فى اى موضوع دينى ؟
و لماذا تم ارسال اخر مداخلة لى الى قسم الشكاوى بدلا من ابقائها فى الموضوع المطروح فى المنتدى الاجتماعى ؟ .. ثم تم حذفه بسرعة شديدة
و اغلاق الموضوع ( اكتم على الخبر ماجور ! )
ثم لماذا تعيب على القاء تهمة التكفير .. يا سيدى الانصاف يقتضى ان تعيد قرأة مساجلاتى مع الاخ ابو عبدالله فى عدة مواضيع و ستجد
هذا المعنى واضح عدة مرات ..

ثانيا : سبق فى مناقشة ايضا مع الاخ العزيز ابو عبدالله الذى احمل له كل تقدير لانه لا شئ شخصى بالنسبة لى و تطرق الموضوع الى مسألة عرضية هى
موضوع الختان - و لم اكن انا الذى فتحت الموضوع - فظهر الاخ المشرف و قال بعصبية انه ازهرى و ان هذا الموضوع
محسوم !! .. و هذا يظهر ان كلامى عن تحيز المشرفين صحيح مع الاسف و تم ايضا اغلاق الموضوع مع ان نفس الموضوع - الختان - تم مناقشته
بأستفاضة و لعدة سنوات و شيخ الازهر و المفتى و عدد اخر من شيوخ الازهر - و هم طبعا ازهريين ! - ايدوا رأى عدم ختان الاناث ! و لا اعرف
الموضوع محسوم من من ؟ هناك اراء متعارضة فى هذا الشأن و الموضوع ليس فقط دينى بل اجتماعى و كثير من الاراء التى اكتبها فى شتى المواضيع
يكتب مثيل لها و اكتر فى الصحف اليومية التى تباع بالملايين على الارصفة كل يوم فلماذا الحساسية مما اكتب و التهجم على و اغلاق موضيعى ؟؟

ثم يا ريت الاخ المشرف يقول اسمه و ياريت لما يوجه لى كلام يوجه مثله لمن يتعرض لى و يحذرنى بأنى خارج عن شرع الله ( هذا حدث
و مستعد ارجع لمواضيع قديمة و ارسل لك النص الواضح الصريح ) .. لماذا لم تغضب للاساءة فى حقى و تنبه الكاتب ؟ الموضوع يا استاذى
هو تحيز لرأى دون رأى و لشخص دون شخص ..هذا هو الموضوع . مع الشكر .
================
مازلت تخلط الأمور يا سيد أبو على..
سياسة إدارة المنتدى تقضى بعدم الإفصاح عن شخصية المشرفين ولك أن تراجع المديرين فى هذا الأمر فى ساحة الاقتراحات..
واتهامك لشخص بأنه يكفّر الآخرين لا يقارن بإدعائك أنه يتهمك بالخروج عن الشرع، فالخروج عن الشرع لا يرقى ولا يقارن بالكفر..
واتهامك لى بالتحيز خالى من الصحة بل وخالى من المنطق وليس من المناسب أن أناقش ذلك معك الآن..
وبتعليقك على مداخلتى المكتوبة بالأحمر تكون مخالفا لأحد قواعد المنتدى المكتوبة فى اتفاقية التسجيل والتى تقضى بعدم التعليق على تنبيهات المشرفين ولهذا يلزم إنذارك بعدم تكرار هذا الفعل.
مشرف المنتدى

[أبو عبدالله]

انا مش فاهم هيا الناس بتزعل لما واحد يدعو الى فضيله اخلاقيه بتنهي عن التحدث بسخريه عن شخص اخر ومن ديننا ومن جلدتنا ومن بلدنا

انا والله لا اعلم ما هيا اهداف المعارضون

ايه اللي يزعل في كده

اولا انا اختلف مع كل من قال ان الموضوع ديني لأنه ليس هدفه الدين وانما هدفه تذكير وتنبيه لعادة نقع فيها كلنا خطأ او سهوا بان نتحدث عن اخواننا الصعايده بسخريه ونلوم على الاخرين انهم يسخرون منا

ثانيا ايه اللي دخل اسماء مشايخنا في لموضوع والاختلاف في الراي

انا عاوز افهم من كده ان في راي بيبيح السخريه من اي شخص حتى لو مش مسلم
ولو في راي ياريت حد يقولي وبالدليل

متهيالي هدف المعارض واضح وانا لا اعلم غيره لني لا اجد مبرر او سبب لما يقال في حقي

حتى توصل لمرحلة اني يقال عليا اني بكفر وان شاء الله يكون في ميزان حسناتي بإذن الله ولن اسامح في مثل هذا للأسف
لأنها من اكبر الأشياء التي تعتبر اهانه لشخصي

ولا اعلم لحد الان الهدف من المعارضه دي
هل هيا تأيد لهذا الخطأ
ام
هيا انكار لهذا الشئ الذي ندعو اليه
ام
هو لا ده ولا ده واهه فرقعه وخلاص


واخيرا هذا موضوع تذكيري لا اكثر ولا اقل للذين ينقولون او يقولون النكت على الصعايده او على اي شخص او جنس بعينه

في النهاي ارجو ان يتحدد الهدف من الكلام والرد ميبقاش كلمه من الشمال وكلمة من اليمين وانا مش عارف هو وجه الاعتراض على شخصي ولا على الموضوع ولا على الكلام ولا على التكفير ولا على المشايخ ولا على الأدارة ولا على الأسلوب ولا على ... ولا على ...... ولا على ......

حد يفهمني اصل الواحد تاه من كتر الشكاوي اكن احنا الوحشين واخوانا هما اللي حلوين

وفي النهايه كلنا نعرف ونرى الهدف من الموضوع ومش محتاجين حد يفسره على مزاجه لن الكلام واضح جدا انه تذكير للسخريه من بعضنا البعض وليس موضوع يدعو لرأي في الدين وهناك اراء اخرى ........

وشكرا

[Sharky]

بارك الله فيك يا أبو عبدالله و شكرا على هذا الموضوع

[eng_mkhalaf]

حاجة غريبة جدا - موضوع بقالة شهر وفضل أيام وليالى من غير تثبيت وفجاءة يتثبت - سبحان مغير الأحوال
على العموم من رإى الشخصى أنة لا يستحق التثبيت مع أحترامى الكامل للأخ أبو عبداللة (الله) - شهبور- لكن بالشكل ولو كل واحد جابلنا أحكام فى شىء ما فى حياتنا اليومية هيبقى كل امنتدى مواضيع مثبتة - شكرا
إلف مبروك يا أبو عبداللة (الله) على اتثبيت - ثبتك اللة (الله) يوم السؤال
=========================
العضو العزيز
تم تنبيهك أكثر من مرة أنك تكتب لفظ الجلالة خطأ
ماهى الوسيلة التى يمكن أن نذكرك بكتابة لفظ الجلالة بطريقة صحيحة؟؟
مشرف المنتدى

أنا طول عمرى بكتبها كدة وكمان
1- محدش فى المنتدى قالى عليها قبل كدة وعلق عليها أنا معرفشى الأدارة قالتها ليا قبل كدة أزاى وفين
وامام الجميع دلوقتى جييب ليا مداخلة من 2,286 مداخلة بتوعى حد من الأدارة علق التعليق دة وكمان أنا عايز رسالة واحدة خاصة فيها تحذير من كتابتها كدة

2- من باب أولى لو كتباتها كدة يبقى محرك البحث بتاع المنتدى يبقى عارفها - بس لو أنت بحثت عليها كدة هتلاقية جابهالك بالطريقتين :p

3- أنا عارف دلوقتى أنى هيجيلى تحذير أنى رديت على تعليق الأدارة ودة مخالف لقوانين المنتدى بس أعمل أية لازم كنت أعمل كدة علشان الحق يبان

4- الصراحة أنا حاسس من إللى بيحصل دة انى قاعد فى حضانة كل واحد قاعد مستنى التانى وبيتحجج بأى حاجة - أحنا يا جماعة أكبر من كدة

5- فى مداخلاات كتيرة لفظ الجلالة مكتوب زى ما أنا كاتب ومحدش كلمهم - أنا علشان أتكلمت بقيت
أبن البطة السودة
6- أنا ردى الأخير - حسبى اللة (الله) ونعم الوكيل
===========
تصرف الحضانة هو ما فعلت أنت وتستحق الإنذار الأول لتعمدك كتابة لفظ الجلالة خطأ مرة أخرى وتعمدك مخالفة القاعدة المشار إليها والخاصة بمنع التعليق على تنبيهات المشرفين ،وليس من مسئولية أحد أنك لم تلاحظ تصليح أخطائك السابقة.
مشرف المنتدى

[الريس]

يا جماعة مينفعش نتلكك و نتربص ببعض كده .. و كلامي ده موجه للجميع

[eng_mkhalaf]

يا جماعة هو كتابة لفظ الجلالة غلط يعتبر ذنب - دة كلام اول مرة أسمعة - طب يا فقهاء حد ممكن يجيب ليا حكم نسيان الشدة فى لفظ الجلالة
وكمان يا حضرة مشرف المنتدى أنت لم تجاوب على أسئلتى الواضحة فى المداخلة السابقة وذهبت إلى ما سبق ذكرة
وأخيرا
أنا طالما مشرفين المنتدى مش عجبهم كلامى وبيدونى أنذار ودية انا بعتبرها وصمة عار ليا وحاجة مش صغيرة فى حقى - فأنا علنيا أطالب بحذف عضويتى فورا من المنتدى دلوقتى لأنى بالشكل دة يبقى حرام عليا أبذل إى جهد فية وأعامل بهذة الطريقة - لأنى ببذل مجهود فية على حساب حاجات تانية فى حياتى وعدد مشاركاتى فى خلال 4 أشهر تعدى الألفين وعدد مواضيعى تعدى 120 موضوع وكمان أنا صاحب فكرة موضوع أستطاع فى أيام قليلة حصد أكبر عدد مشاركات وأكبر نسبة مشاهدة بالمقارنة بالمواضيع الغير مثبتة.
وشكرا لأدارة نايل على حسن معاملة أعضائها.
=========
يا أخى الفاضل وبدون تعصب: نحن نشكو من عدم وجود نظام نسير عليه فى كل مكان فى مصر ، ثم نشكو من أى نظام يتم تطبيقه !! وكما رأيت بنفسك فأنت تعلم القواعد وتخالفها ولا ترى فى ذلك سببا للتنبيه الذى أغضبك ولا للإنذار الذى تراه عارا!!
كنت أنتظر منك أن تطلب تصليح خطئك فى كتابة إسم ربك وأن ترى ذلك شيئا "مهما" لا أن تراه شئ عادى لا يستحق حتى التنبيه بل وتسخر منه وتطالب بمعرفة حكم" نسيان الشدة" وأنت أصبحت تكتب الإسم الخطأ عمدا.. هل أصبح احترام صاحب الاسم (الله) جل جلاله يحتاج لحكم الفقهاء!!
وكون مشاركاتك كثيرة أو غير ذلك لا يعطى الحق فى أى مخالفة أو منّ على المنتدى فالموضوع لا يقاس بعدد المشاركات ولا إسم ولا شخص صاحب المشكل رغم تمسكى شخصيا بك كأخ فاضل فى المنتدى وخارج المنتدى.
وأخيرا أحب أن أخبرك أن ما حدث ناتج من مسئوليتى تجاه المنتدى وليس أى شئ آخر، وفى حال تضررك من أى شئ قمت بفعله فمنتدى الشكاوى موجود لمثل هذه الأمور وليس هنا، وجل من لا يسهو.
مشرف المنتدى

[Nader]

محمد انت كدة بتخالف قواعد تانية وهي انك بترد على تعليقات الاشراف المكتوبة باللون الاحمر، راجع قواعد المنتدى، لو كان عندك تظلم فكنت تبعتة في الشكاوي وممكن تطلب تدخل لجنة فض المنازعات.

بس بيني وبينك انك تغلط في كتابة لفظ الجلالة متعمد دة شئ مش هين انت كدة بتتكبر على ربنا سبحانة وتعالى علشان مش عاوز تكتب صح ولا اية؟، راجع نفسك واستفر الله.

[eng_mkhalaf]

أخى الفاضل الموضوع بالنسبة لى مش كبير قوى علشان أروح احط شكوى فى قسم الشكاوى - أنا دماغى أكبر من كدة - أنا فى حياتى أشياء أكبر بكتير أشغل بيها دماغى - أنا ما عمرى هتعصب أو أعزل من حد بسسب شىء صغير زى دة وأحب أوضح حاجة
1- أنا الصراحة أول مرة أعرف أن لفظ الجلالة بيكتب كدة وكمان مكنتش مصدق وعملت سيرش وفعلا لقيت أنة اللة بالشكل دة عبارة عن اللتى والعزة ودة صنم بيعبدة الكفار لكن الله بالهاء تعنى الألة الأوحد عز وجل - أنا قعدت نص ساعة على الكيبورد أعرف أزاى الشدة بتتعمل لحد ما أستعنت بصديق قال ليا على موضوع الهاء دة - وللعلم طول عمرى بكتبها كدة ومحدش أتكلم خالص
2- وكمان لما تعمل سيرش الكمبيوتر ميبقرقش خالص بين الأتنين ودة كان ملغبطنى خالص
3- ومحدش ينكر أن المشرف كان متحيز جدا فى حكمة على الكلام والغريبب فى الأمر أن محدش رد على أسئلتى خالص سواء أعضاء أو مشرفين ودية حاجة غريبة لأنها حاجة من الأتنين - يا أما أسئلتى غامضة وانا جاى من كوكب تانى أو الناس عارفه أنها صح ومش عايزة تتكلم علشان متوعلشى حد منها
4- وأحب أقول لنادر - تمام أنا عارف أن كدة هيبقى أنذار تانى وأنا كاتب دة فى المداخلة السابقة ليا - وإى حد من المشرفين عايز يطبق عليا القانون أنا معنديشى مانع لأنى عارف أنا بعمل أية
5- أنا زعلان جدا جدا لأنى مكنتش متخيل نفسى بعد التعب ومشاركتى المنتدى فى كل شىء أنى أقعد دلوقتى وأكتب كل المدخلات دية النهاردة وأخد أنذارين - فعلا حاجة تحزن - بس إللى مهوم عليا أنى مش السبب والسبب معرف لجميع الناس إللى شافوا الموضوع
وشكرا لكل من قراء أو شارك فى الموضوع

===========
كلنا نتعلم حتى يأتينا الأجل يا سيد محمد ، وأرجو أن تسامحنى لو كنت سببت لك الضيق بملاحظاتى ، وتقبل عذرى بغلق الموضوع لابتعاده الآن تماما عن هدف صاحب الرسالةغدا بإذن الله ولك وللجميع جزيل الشكر.
مشرف المنتدى

[Karim_Monir]

طبعا انا مش عايز اتدخل عشان ما تفتكرنيش من الادارة يا محمد وتفتكرني متعصب للادارة
مع اني فعليا خارجها
لكن احب اوضحلك ان الجهل بالدين لا يعذر بتشديد الذال
وانت خالف اكتر من قانون للمنتدي وتعمدت كتابة اسم خالقك خطأ وده الاثم الاكبر اللي بالومك عليه
بس مش معقول يا محمد طول عمرك بتكتب اسم خالقك غلط
ده انت لو كتبته في الوورد زي مابتكتبه هايحطلك تحتية خد احمر ويوقلك خطأ املائى
واخر طلب تريث وتمالك اعصابك قبل كتابة الرد لان واضح انك بتنفعل لاقل الاسباب

[Nader]

- وأحب أقول لنادر - تمام أنا عارف أن كدة هيبقى أنذار تانى وأنا كاتب دة فى المداخلة السابقة ليا - وإى حد من المشرفين عايز يطبق عليا القانون أنا معنديشى مانع لأنى عارف أنا بعمل أية

انا مقلتش لا انذار واحد ولا انذار ولا اتنين يا محمد، انا بس كنت بلفت نظرك قبل ما يتحسب حاجة تانية عليك:)

المهم من الموضوع انك عرفت الفرق بين (اللة) و(الله) ترضى انت بقى بعدما عرفت معناها انك تكتبها غلط تاني؟؟ يعني انا بصراحة شايف ان المشرف معاة حق وهو اكيد ميعرفش انك متعرفش الفرق بين الاتنين. انا لو منك ابعت التماس للادارة توضح فية وجهة نظرك للمشرف ومتتكلمش تاني في الموضوع دة خلاص علشان متخالفش تاني. وفي الاخر المهم انك عرفت الصح علشان متدعوش الله سبحانة وتعالى باسم صنم مثلاً.

[عزوز]

كالعاده شويه مشاركات من بعض العضاء تحول الكلام عن الموضوع الرئيسى
شكرا كل الشكر لصاحب الموضوع على الافاده