محافظه جديده فى مصر !!!!!!!

[meza]

انا أعرف واحد وكيل نيابة كان راكب عربيته وعليها طبعا كل انواع النسور والصقور وكل الطيور الجارحة اللي ترعب اى واحد من اخواننا البعدا اللي بيلبسوا ميري انه يوقفها.... المهم ظابط جريئ راح موقفه في لجنه وقالله انت مفيم الزجاج ليه يا استاذ؟؟؟

قاله ايه؟؟؟ !!! انت مش واخد بالك من كل النسور دي ؟؟؟!!!! عموما برضه اهو ممكن تكون عندك حاجه .................................................
.................................................
طلع مين بيكلمه ؟؟؟ مدير أمن المحافظة اللي بيشتغل فيها ...

المهم الظابط راح جرى اعتذر لصاحبنا وقاله انا آسف وسيادتك عارف ان دي تعليمات واتفضل سيادتك وفرصه سعيده وانا اتشرفت بمعرفة سيادتك (يظهر ان الحبايتين كان مفعولهم انتهى :) )

شفتوا بلدنا يا رجالة !!!!!!!!!!!!!

إيه اللى بيحصل ده ... ده هوا الفساد بعينه .... بجد لازم يكون فى رقابة على الناس دول .. يعنى إيه يستغل سلطته فى حاجة بره شغله .. ده بيسموه فى بلاد بره فساد و إستغلال للسلطة و وقعته سوده اللى يتمسك .. زى ما حصل مع جاك شيراك دلوقتى و رئيس البنك الدولى و غيره .... لكن إحنا هنا فى المخروبة قصدى مصر !!!!!

[محمد المشد]

لكن إحنا هنا فى المخروبة قصدى مصر !!!!!( اقتباس )
بصراحة كدة دا اسلوب غير لائق عن مصر وكنت اتمنى ان تصب غضبك وزعلك من الامر على الواقعة وتقول فيها ماتشاء ولكن ان نلعن بلادنا فهذا ما لاارضاة لك ولا لغيرك
فبكل صراحة نحن الشعب الوحيد الذى يلعن بلادة بهذا الشكل واتمنى ان تتفهم وجهة نظرى فأنا لا اقصد الا تنبهك لهذا الامر وخطورتة على الاجيال القادمة من عدم احترام بلادهم ولعنها وسبها وخلافة
فيا اخى العزيز انا اعيش فى السعودية ولم ارى اى مواطن يجرؤ على سب بلادة ويعتزون بها اشد الاعتزاز فأرجوكم إلا نلعن بلادنا ، لان هذا يكون مصدر من مصادر التجرؤ علينا فى الداخل والخارج
فألاعتزاز بمصريتنا هو اساس قوتنا وفخرنا

[mada121977]

طب حضرتك عرفت منين انها دقهليه اذا كان النمره مش مكتوب عليها حاجه.
بس فعلا لو دقهليه تبقي من مرور ميت غمر علشان ارقامه بتبدأ فعلا ب 10000

حازم باشا انا من ميت غمر و صورت العربيه عندنا و البيه وكيل النيابه صاحب العربيه من عندنا للاسف

[meza]

لكن إحنا هنا فى المخروبة قصدى مصر !!!!!( اقتباس )
بصراحة كدة دا اسلوب غير لائق عن مصر وكنت اتمنى ان تصب غضبك وزعلك من الامر على الواقعة وتقول فيها ماتشاء ولكن ان نلعن بلادنا فهذا ما لاارضاة لك ولا لغيرك
فبكل صراحة نحن الشعب الوحيد الذى يلعن بلادة بهذا الشكل واتمنى ان تتفهم وجهة نظرى فأنا لا اقصد الا تنبهك لهذا الامر وخطورتة على الاجيال القادمة من عدم احترام بلادهم ولعنها وسبها وخلافة
فيا اخى العزيز انا اعيش فى السعودية ولم ارى اى مواطن يجرؤ على سب بلادة ويعتزون بها اشد الاعتزاز فأرجوكم إلا نلعن بلادنا ، لان هذا يكون مصدر من مصادر التجرؤ علينا فى الداخل والخارج
فألاعتزاز بمصريتنا هو اساس قوتنا وفخرنا

يا سيدى الفاضل أعتذر لو كنت فهمت كلامى غلط .... أنا لم أقصد إطلاقاً أغلط فى بلدى
أنا بوصف اللى الحالة اللى وصلتلها البلد بسبب كمية الفساد اللى موجودة ... و اللى حكاه الأستاذ أبو أحمد بيحصل زيه كتييير و عينى عينك كأن البلد بقت فوضى خلاص كل اللى يقدر يستغل يستغل محدش هيقف فى طريقك .. مادام إنت واصل

و على فكرة أنا أعتز بمصريتى و عمرى ما هسمح لحد إنه يغلط فى بلدى ... بس ده ميمنعش إنى أنتقد الوضع اللى إحنا فيه .. على أمل إنه يتغير
بالنسبة للسعودية .. حضرتك مشاكلنا قد اللى عندهم مليون مرة ... كمان هما معندهمش حد يقدر يقول لأ.

[محمد المشد]

يا سيدى الفاضل أعتذر لو كنت فهمت كلامى غلط .... أنا لم أقصد إطلاقاً أغلط فى بلدى( اقتباس )
اولا اشكر على حسن ردك وذوقك 000 واعلم والله انك تنتقد الوضع ولكن واقع الكلمة كان كبير على النفس اما (كمان هما معندهمش حد يقدر يقول لأ.) هذا بصراحة لايعنينى ما يعنينى بلادى فقط اما الاخرين فهم احرار وكلمتك تدل على مدى الحرية التى نتمتع بها وان كانت مازالت قليلة ولكن احسن من الاول وفى تقدم بأذن الله للمزيد
واشكر لك حسن تفهمك لوجهة نظرى وحسن ادبك فى الرد

[SS]

على فكرة يا جماعة لو لاحظتم هتلاقوا ان اغلب اللى بيعملوا كده فى عربياتهم من الصغار سواء كانوا ضباط او وكلاء نيابة او اى مهنة اخرى...يعنى مش هتلاقى رتبة كبيرة يعنى عميد او لواء او مستشار بيعمل كده لان هو عارف وضعه كويس و مش محتاج يبين للناس لانه واثق من نفسه وانا عن نفسى اعرف ناس شخصيا منهم بيمنعو اولادهم يعملو كده اعنمادا ع مراكزهم ...لكن الفئة اللى هتلاقيها بتعمل كده هى صغار الضباط و معاونى و وكلاء النيابة ....ده حتى الطالب اللى ف كلية الشلاطة تلاقيه مفيم العربية و حاطيت بدجات و نسور لا حصر لها ...

[Victor Alex]

المفروض يا جدعان كل واحد يشوف نمره بالشكل ده يستني كده لما الشارع يكون فاضي والعربيه لوحدها ويعمل اي حاجه في العربيه...... يعني يكسرله فانوس يخربشهاله يبوظ فيها اي حاجه

ولو انتشر الموضوع ده هتلاقي كل واحد لم نفسه وحط النمر الاساسيه بتاعت العربيه بتاعت زي بقيت الناس

[Tamer-Ezzat]

مع احترامى الكامل لكل رجل قضاء وشرطة نزية ....
المشكلة ان فيه فئة معينة جابت مجموع ضايع فى الثانوية العامة .. وكان نفسه يطلع حاجة لكن طلع عين أهلة ومجابش مجموع ... ابوه ولا أمه عرفت تدخله بواسطة أو بفلوس وخليته يدخل كلية هى فى الاصل تكليف وليست تشريف
طبعا بعد التخرج لو من شرطة عايز يقول لكل اللى دخلوا كليات ... انتم ولا حاجة لا تفرق معايا دككتور ولا مهندس ولا محامى ولا محاسب ... انتم اللى نكدتم عليا حياتى وفرحتى فى الثانوية العامة حنكد عليكم بقية عمركم ....

ولو كان قضاء ... طبعا شايف المحامين وقد أيه بيتعبوا فى المحاكم فبدل ما يشكر ربنا على النعمة اللى ربنا حطه فيها ويبدأ بالعدل فى نفسه ... لا يركبه الشيطان أكثر وأكثر ويشعر انه مجابتهوش ولاده ....

المهم نرجع ونقول برضه احنا اللى عملنا فى انفسنا كدة وبنتعامل برهبة وخوف واحترام زائد ملوش لازمة ... طبعا مش قصدى انك تلغى الالقاب لازم يكون فيه شخصية وهيبة لرجل البوليس أو القضاء ولكن فى حدود وظيفتة وليس للمحسوبيات ويعمل اللى هو عايزة فى البلد ....

[Ahmed Hassan]

الصوره المرفقه لعربيه فيرنا ملاكى الدقهليه وطبعا علشان البييه صاحبها وكيل نيابه يبقى لازم يكون على راسه ريشه علشان ازاى يمشى و هوا نمره عاديه زى باقى الخلق الغلابه اللى زينا فبدل ما يكتب ملاكى دقهليه كتب هيئه قضائيه وعلى اساس ان الساده المواطنين الغلابه اللى مفيش على راسهم ريشه عارفيين ان البيه شخصيه مهمه فبالتالى ليس من المهم ذكر اسم المحافظه و استبدالها بالمحافظه الجديده و هى محافظه هيئه قضائيه

ياريت يا اخوانا اللى يعرف المحافظه الجديده دى فيين فى مصر يبقى يقولنا ؟؟!!

المحافظه دي تقع شمال محافظه (مجلس الشعب)

[major_memo]

كما قال يوسف شاهي في فيلمة الجديد



هيا فوضي

[ahmedsrs]

فعلا نمر تدل على التخلف

[CryptonX]

ممكن نعمل ستيكر خاص ( متخلف ) و نلزقه على اي سيارة من ديه لو حاد شافها :) و بكدة ممكن نعلم المتخلفين من المتعلمين في بلدنا الحضارية الي من 7000 سنة :)

[CryptonX]

هدية مني اهه :) حد يطبعه بقى :)

[Dr Ahmed]

والله فكرة وفعلا فكرت فيها قبل كده لدرجة انى كنت بجيب قلم دوكو فى العربية لكتابة (حمار) على مثل هذه العربيات بس الاستيكر هيكون أسرع ويفرس ، وياريت يكون استيكر بايخ بيلزق ومايطلعش.

وانا امبارح شفت عربية نمرها سوداء تماما ولا حتى عليها أثر نمر ، ومكتوب عليها فقط : I Love u وفيها اتنين خنافس تدوس عليهم بالجزمة.. كانوا عايزين استيكر من ده على وشهم.

[BASHAR]

المحافظة دي انا عارفها
بس ده ان دل فبيدل على شخصية مالك السيارة مش اكتر ولا اقل

انا مع راي ابو عبدالله