مش قادرين على العربجي وبيتشطروا عليا !!

[abo_lamar]

السلام عليكم يا شباب
النهاردة وانا رايح الشغل الصبح بمشي في الماظة جنب مصانع ايديال في اتجاه الكيلو 4.5
لقيت واحد عربجي بيعمل بقى ايه ؟؟؟؟
الباشا بيعدي من الأتجاه الأخر وبيطلع الرصيف وبعدين بينزل على قضيب الترام بتاع الماظة وبعدين بيطلع الرصيف اللي ناحيتنا وبيخش على الطريق بمنتهى الغباء والأستهتار والعبط ولا كأنه في غيط واللي غظني ان كان في عربية مرور واقفة بتتفرج كأنها بتتفرج على فيلم ولا في دماغها اي حاجة .

والنكتة بقى من كام يوم كنت في اشارة محكمة مصر الجديدة وعديت الخط الأبيض لقيت البيه العسكري بتاع المرور حاطط mp3 في ودنه بيسلي نفسه وهو واقف وبيقولي بمنتهى العنجهية ( هي الحكومة لغت الخط الأبيض ولا ايه يا أستاذ ) فكرني بهاني رمزي في فيلم عايز حقي .

[maka]

متزعلش نفسك ياباشا البلد ماشية بظهرها


وكان لسه امبارح عربية لانسر متفيمة و كان فيه ظابط و ماشى عكس فى الحتة اللى بعد مشعل

[mohamedbook]

عسكري المرور دة وظفتة حاجة واحدة بس
ان شكلة يسد النفس ويجيب اكتاب للي ركبين السيارات لبسهم زفت وشكلهم زي الشاحتين
الحكومة مختارهم بعناية عشان مظهر البلد الحضاري
ولما تسال واحد سوال عن الشارع الي هو فية مش عارف اي حاجة علي الاطلاق تحس انه زي زي الشارة الي لبسها علي كتفة ولا فاهم حاجة في اي حاجة

[nour2007]

الحاجات الغريبه في بلدنا وشوارعنا بقت هيا حياتنا عيشها زي ما هي
صدقني ملهاش حل

[NoRmAl]

متزعلش نفسك ياباشا البلد ماشية بظهرها


وكان لسه امبارح عربية لانسر متفيمة و كان فيه ظابط و ماشى عكس فى الحتة اللى بعد مشعل

أهو أنا مش مكدرنى غير النوعيه دى من البشر
الظباط الى فاكرين ان القانون أتعمل علشان يحمى سيادتهم و يغطى خرقهم ليه
بجد مش قادر أحترم الظباط الى مفيمين أزاز عربيتهم
ومش قادر أقول أن مش الكل مفيّم
لأ
كلهم مفيمين عربيتهم و ماشين على أساس أن محدش يعرف يعملى حاجه دانا ظابط
آه يا بلد مفهاش قانون غير على المدنيين
أنا عايز أشوف ظابط فى المنتدى دا
يمكن يفهمنى وجه نظر زمايله
لحد مدا يحصل مش قادر بجد أحترم الظباط دول
عيب أوى أن واحد المفروض يحمى القانون و هو ماشى خارقه و بيتباها بدا
بجد مش عارف أقول أيه
حسبى الله ونعم الوكيل فيهم

[romeo_6887]

بلدنا دي ماشيه بقفاها

[abo_lamar]

متزعلش نفسك ياباشا البلد ماشية بظهرها


وكان لسه امبارح عربية لانسر متفيمة و كان فيه ظابط و ماشى عكس فى الحتة اللى بعد مشعل

انا ليا ابن عمتي ضابط في الجيش برتبة نقيب عربيته متفيمة اعلى درجة ده غير انه غاوي يمشي من غير لوحات معدنية خالص والله العظيم بعدي انا وهو على الكماين ولا حد بيكلمه .

[Mohamed.Ramah]

انا ليا ابن عمتي ضابط في الجيش برتبة نقيب عربيته متفيمة اعلى درجة ده غير انه غاوي يمشي من غير لوحات معدنية خالص والله العظيم بعدي انا وهو على الكماين ولا حد بيكلمه .

طب وحيستفاد اية لما يعمل كدة يلفت نظر الناس يعنى

[mmffor]

اولا لا يمكن التعميم ان جميع الضباط بيخرقوا القانون لان انا اعرف ضابط بيحترم القانون جدا! و كذا مره كنت ماشي على الدائري و ماسك حارته بالضبط ولا بيدي غرز ولا حاجه و ملتزم بالسرعه و لما اعديه الاقيه ضابط! ثانيا ممكن اللي بيفيم ده يكون لدواعي امنيه

[Mohamed.Ramah]

اولا لا يمكن التعميم ان جميع الضباط بيخرقوا القانون لان انا اعرف ضابط بيحترم القانون جدا! و كذا مره كنت ماشي على الدائري و ماسك حارته بالضبط ولا بيدي غرز ولا حاجه و ملتزم بالسرعه و لما اعديه الاقيه ضابط! ثانيا ممكن اللي بيفيم ده يكون لدواعي امنيه

طب وشيل النمر دواعى امنية او اللى بيكتب ملاكى يثرب وقريش والزهور دة لاية علشان الغذو ولا اللى سايق ابو لهب

[Eng_Mostafa_89]

دة العادى بتاع مصر

[AboELsoud]

انا اخويا ضابط شرطه و عمره مافكر يفيم
بس انا اقترحت عليه نحط الباريه بتاعه في العربيه عشان ميجيش اي امين شرطه فاضي يتسلى عليا .......و وافق بس بالعافيه

[magyver]

انا اخويا ضابط شرطه و عمره مافكر يفيم
بس انا اقترحت عليه نحط الباريه بتاعه في العربيه عشان ميجيش اي امين شرطه فاضي يتسلى عليا .......و وافق بس بالعافيه

اعرف ناس حاطة البارية وماالوش اي لازمة معاهم بالاصح مش بيعمل حااجة

[mmffor]

طب وشيل النمر دواعى امنية او اللى بيكتب ملاكى يثرب وقريش والزهور دة لاية علشان الغذو ولا اللى سايق ابو لهب

انا قلت لا يمكن التعميم و ده يدل على ان في ضباط كتير بيستغلوا نفوذهم و سلطاتهم لخرق القانون. بس برضه في بعضهم ملتزم بالقانون

[NoRmAl]

انا اخويا ضابط شرطه و عمره مافكر يفيم
بس انا اقترحت عليه نحط الباريه بتاعه في العربيه عشان ميجيش اي امين شرطه فاضي يتسلى عليا .......و وافق بس بالعافيه

أحب أسجل أعجابى بأخوك
وياريت تقله أنه عمله نادره فى الزمن دا