عيد ورا عيد ورا عيد .!!!!!!!!!!

[خالدابوالنجا]

عيد ورا عيد ورا عيد

والسنين بتعدى ومفيش جديد

سنا ورا سنا حلم ورا حلم

والحزن طايح والالم بيزيد

يا هل ترى يا عيد وياك فرح

ولا مخبى ايه فى جرابك الحديد

نفسى افرح واطير بعيد بعيد بعيد

عن واقع حزين

وناس من الظلم مقهوريين

عن ناس بلقمة العيش متسلسلين

خايفين من بكره الى جاى


يا هل ترى سعيد ولا حزين

نفسى اعلق زينات

كريشه وبلالين

واقول خلاص رجعت فلسطين

وبلاد الرافدين

اه يا عيد لو جايب معاك فرح

والله وحشنا الفرح واشتقنا للمرح

للخرفان والعيديه والمراجيح

[Ahmed Anwer]

ما شاء الله يا سيادة السلطان ،،،

شعر أكثر من رائع ،،

بس حطله شوية تفاؤل ،،،

[خالدابوالنجا]

شكرا يا احمد بيه

كان نفسى والله احط بس مش لاقى اى ذرة تفاؤل

الناس بجد تعبانين

تحياتى يا باشا

[eng_mkhalaf]

أية يا سلطان أنت رجعت تانى وراجع بقوة ضاربة كلها محترفين

[خالدابوالنجا]

انته عارف كاس الامم قربت ولازم الواحد يستعد
ههههههههههههههههههههههه
شكرا يا خاف باشا
وعيد سعيد ان شاء الله

[hazem_khidr]

رايي معروف طبعا يا خالد باشا و مش محتاج اني اقوله
كفايه ان كل ما الاقي عر ليك لازم اقرأه رغم اني مش غاوي.
كل سنه و انت طيب يا باشا

[tmz9111]

شعر أكثر من رائع

[Ahmed Anwer]

السلطان حالة أدبية فريدة في المنتديات العربية ،،

باسلوبه الساخر الرشيق الجميل ،،

إحنا جمهورك يا سلطان ،،

بجد أفكاره عجباني أوي ،،

كفاية الحتة دي

السلطان ابوالنجا الاول
ادام الله ملكه
سلطان الجزيره المفقوده
ومرشح للجزيره الموجوده

الراجل بيقول ببساطة إنه سلطان نفسه ،، و محدهش سلطان عليه

[خالدابوالنجا]

رايي معروف طبعا يا خالد باشا و مش محتاج اني اقوله
كفايه ان كل ما الاقي عر ليك لازم اقرأه رغم اني مش غاوي.
كل سنه و انت طيب يا باشا

شكرا يا حازم باشا وربنا يخليك
معلهش انا بتعبك فى القراءه تعالى على نفسك علشان خاطر بلدياتك
هههههههههههههههههههه
كل سنه وانته طيب يا زعيم



tmz9111 شعر أكثر من رائع
الف شكر يا باشا وكل عام وانتم بالف خير



Ahmed Anwer السلطان حالة أدبية فريدة في المنتديات العربية ،،
اخجلتم تواضعنا يا احمد بيه
ربنا يبارك فيك
وبعدين الواحد معدش حيلته غير دماغه يبقه سلطان عليها مش معقول هيه كمان هنتنازل عنها
شكرا ليك وكل سنه وانته طيب