شاركوا معي بدور علي اسم لمولد ( ولــــد ) جديد عقبالكم

[Nile_Storm]

انا بحب اسم حسام الدين مش عارف ليه

[أحمد كمال]

وقد صح في فضل التعبيد لله ، والتسمي بعبد الله وعبد الرحمن : ما روى مسلم (2132) عَنْ ابْنِ عُمَرَ رضي الله عنهما قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( إِنَّ أَحَبَّ أَسْمَائِكُمْ إِلَى اللَّهِ عَبْدُ اللَّهِ ، وَعَبْدُ الرَّحْمَنِ ) .

و انا شخصيا إذا ربنا شاء يرزقني بولد هاسميه عبد الرحمن

[أبو صلاح]

يا جماعة الراجل بيسالكم عن اسم مولود
قلبتوا الموضوع نكتة (معلش يا شنوري)
ههههههههههههههههههههههههههههههههه

[Terrible_DaRsH]

يا خوفى بعد كل ده يطلع مش ولد , ربنا يرزقك الذرية الصالحة ان شاء الله .

خالتى زمان و هى حامل 3 دكاتره قالوا لها ولد و كله كان متاكد و قعدوا يفكروا قى اسماء كتيرة جدا جدا , و انا قلت لهم هتطلع بنت و هتسموها " فلانة " طبعا كله كان متجاهل :)

يوم الولادة الصبح جه تليفون " مبروك "يا دجال :)

[M.Mosaad]

ربنا يرزقك بالذريه الصالحه ان شاء الله

ادهم

سيف

فارس

[أشرف العدوي]

ممكن اسمحلك تسميه آسر
باسل
في اسم جامد بردو بس انا حسيته تقيل
سهيل

[A.Elsheikh.01]

انا عن نفسى حاطت اسامى معينه لو خلفت
إياد
ذياد
مؤمن

[hamedo0]

اسامي اولاد عندك عماد الدين ؛ بدر ؛ سيف ؛ عز ؛ اياد ؛ اهم حاجه تبعد عن مهند
بنات بقي سوزان ؛ سلمي ؛ فاطمه ؛ زينب
وربنا يرزق بلخلفه الصالحه ويبقو سند لحضرتيك ولولدتهم

[mohabelnegm]

ممكن :) مهاب يبقى عندك مهاب و شهاب

[sss]

البراء
على فكرة ده اسم اخويا و بعد ما سميناه بيه اكتر من حد سمى ابنه على اسمه وعلى فكرة عند النداء تحذف الالف و اللام " يا براء"
البراء ده اسم لاكتر من صحابي منهم البراء بن مالك اخو سيدنا انس بن مالك وكان من اشجع الصحابة و كان مستجاب الدعوة
و منهم البراء بن عازب و البراء بن معرور و كان من سادات الانصار رضي الله عنهم اجمعين
للاسف اصبح فيه من يعتبر التسمي باسماء الصحابة وصمة
ربنا يهدينا و يهديهم

[مواطن مصرى]

خير الأسماء ما عُبِد و حُمِد

كل اسماء الرسول عليه الصلاه و السلام جميلة : محمد - احمد - محمود - مصطفى - ...

كل اسماء الله الحسنى جميله جداً : عبدالرحمن - عبدالرحيم - عبدالملك - عبدالقدوس - عبدالسلام - عبدالمؤمن - عبدالمهيمن - ....

[Eng.Sameh]

أنا عندي "سيف الدين" وإن شاء الله أخوه قدامه بتاع 3 شهور ويجي وإن شاء الله ناوي اسميه فارس ..

شوف انت بقه تحب ايه اكتر

سيف - فارس وكمان يوسف حلو بردو

[sss]

بص
نصيحة
بلاش الأسامي المكلكعة بتاعت اليومين دول زي الزبير وجاسر ومصعب و عبد الرحمن .. تحس كده انك كده داخل على تنظيم القاعدة أو معقل إرهابي
حاول ترجع للتقليدي شوية زي وائل و تامر و نادر و طارق و عمرو أو تجدد بس يكون إسم لطيف برضه مش قافش على نفسه زي الموضة اللي إتبلينا بيها من فترة دي على رأي صاحب مدونة إسمها "سبعاويات" و هوة بيقول:

ماما رشا مشكلتها انها دايما مشغولة، ودايما محتاسة ودايما غرقانة فى شبر مية ، تراها فى المنزل وهى تهدهد رضيعها حمزة(عهد الأطفال الذين كان اسمهم تامر وطارق و شريف ذهب الى غير رجعة حيث اصبح الاطفال الآن اسمهم الخوارزمى وحمزة ومعاوية) باحدى يديها وباليدى الأخرى تقلب الشوربة وباحدى قدميها تقوم بتجفيف ارضية المطبخ التى القى عليها حنيف (اخو حمزة الأكبر) كوب اللبن ،......إلخ

اتق الله
من امتى كانت اسماء الصحابة وصمة للارهاب وعلامة على القاعدة
فيه احاديث عن الرسول ان لكل انسان حظ من اسمه
ياريت يكون للمولود حظ في احد خصال الزبير و مصعب و عبد الرحمن

[أحمد كمال]

خير الأسماء ما عُبِد و حُمِد

باشا ..... هذا الحديث غير صحيح

قال في "كشف الخفاء" (1/468) : " خير الأسماء ما حُمّد وعُبّد : قال النجم : لا يُعرف . .

وروي بلفظ : ( أحب الأسماء إلى الله ما عبد وحمد ) قال السيوطي : لم أقف عليه " انتهى بتصرف .

وقال في "المقاصد الحسنة" (ص 87) : " وأما ما يذكر على الألسنة من : ( خير الأسماء ما حمد وما عبد ) فما علمته ) انتهى .

وقال الألباني رحمه الله : " (أحب الأسماء إلى الله ما عبد وحمد ) : لا أصل له كما صرح به السيوطي وغيره " انتهى من "السلسلة الضعيفة" (1/595) رقم (411) .

وقد صح في فضل التعبيد لله ، والتسمي بعبد الله وعبد الرحمن : ما روى مسلم (2132) عَنْ ابْنِ عُمَرَ رضي الله عنهما قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( إِنَّ أَحَبَّ أَسْمَائِكُمْ إِلَى اللَّهِ عَبْدُ اللَّهِ ، وَعَبْدُ الرَّحْمَنِ ) .

[shiko85]

احمد
محمد
يوسف
شريف (على اسمى)
شهاب
نور
اسلام