عاوز حقي ..زي الناس المحترمين

[A7MED_PHARMA]

ياجماعة الخير
أنا بتكلم على حقي

يعني أنا شفت عربيات مقلوبة بسبب الرمل إلي على طريق ميت غمر - الزقازيق
أصحابها يعملوا إيه
وإحنا في مصر ..الواحد يفضل يشتغل نص عمره..ويحسب ويوفر ويعمل جمعيات
علشان يعرف يركب عربية
تيجي في لحظة ..تحويشة عمره الي حطها في عربية ..تتقلب منه ع الأسفلت
ده طبعا غير حياته إلي ممكن تروح

والمطبات دي كمان
أكبر تهديد لحياة الناس ..مش حماية ليهم
تخيلوا لو واحد كان ماشي ورايا وواحد جاي في المقابل
وأنا فرملت فجأة لما شفت المطب
إلي ورايا هيلبس فيا
وإلي قدامي هيلبس فيا
والكل ممكن يموووووووووت

أنا متهيألي إن إختراع المطبات ده ..موجود في مصر بس

حسبي الله ونعم الوكيل

[romeo_6887]

متزعلش نفسك يا ابو حميد
صحتك بالدنيا

[A7MED_PHARMA]

طبعا من حقك
بس لازم تكون فاضى و نفسك طوييييييل
لو عملت محضر واثبت المكان و الحالة و التلفيات ممكن ترفع قضية و تطالب بالتعويض
الكلام ده قانونى جدا بس عايز واحد محامى مناكف و مدائر و دائر
ولايموت حق وراءه مطالب
وصدقنى لو بدأت صح مع محامى شاطر هتلاقى المقاول جه لغاية عندك و صلحلك العربية علشان تتنازل

شكرا جدا لتشريفك لموضوعي سيادة العميد

[Eng.Sameh]

أرفع قضية يا باشا .. وطالب بحقك .. ولما انت وانا وكل واحد يدور على حقه ساعتها اللي مبيختشيش هيخاف ... السلبية بتاعتنا هي اللي بتخليهم يزيدو .. لكن لو احنا شعب ايجابي وبيدور على حقه كانت الدنيا اختلفت كتير

[ghazy12]

أيوه من حقك طبعاااااااااااااا.......

بس انت عارف يا دكتور لو فكرت ترفع قضيه بجد على الدوله و تطالب بتعويض عن الأضرار...

هتلاقي نفسك انت اللي بتدفع و مرفوع عليك (قواضي) و محاضر من حيث لا تحتسب و انت مش عارف ليه..!!!

و السبب هيكون ببساطه....... خربشت المطب الصناعي اللي هو ملك للدوله, بعربيتك اللي هي ملك ليك...

السؤال بقى و بعد كل ده...... يا ترى من حقك ترفع قضيه؟؟

أنا بقولك الكلام ده و أنا في غاية الأسف على فكره......

[Eng_Mostafa_89]

طبعا من حقك
بس لازم تكون فاضى و نفسك طوييييييل
لو عملت محضر واثبت المكان و الحالة و التلفيات ممكن ترفع قضية و تطالب بالتعويض
الكلام ده قانونى جدا بس عايز واحد محامى مناكف و مدائر و دائر
ولايموت حق وراءه مطالب
وصدقنى لو بدأت صح مع محامى شاطر هتلاقى المقاول جه لغاية عندك و صلحلك العربية علشان تتنازل

انا مع الرئى دة

بس الكلام دة لو عربيتك اتضرت بسبب الرملة ممكن فعلا تقطع فيها رقبت المقاول
انما المطب هتثبت ازاى ان هوة اللى كسر قواعد المكنة
وعلى فكرة بحييك على ايجابيتك

[A7MED_PHARMA]

أنا مقهور والله ياشباب
يعني أنا دلوقتي لما أروح أغير قواعد المكنة ..بمبلغ مالي
أنا طالع عيني بيه شغل ..علشان أجيبه
وكمان أنا كنت ماشي وماعدتش السرعة القانونية
..
الفلوس دي بقا
مين هيعوضني عنها



والله ياغازي ياأخويا
بقت حاجة تقرف

[ghazy12]

أنا مقهور والله ياشباب
يعني أنا دلوقتي لما أروح أغير قواعد المكنة ..بمبلغ مالي
أنا طالع عيني بيه شغل ..علشان أجيبه
وكمان أنا كنت ماشي وماعدتش السرعة القانونية
..
الفلوس دي بقا
مين هيعوضني عنها



والله ياغازي ياأخويا
بقت حاجة تقرف

انا حاسس بيك لأن ده نفس اللي حصللي لما عملت الحادثه بتاعتي...
كنت عايز أرفع قضيه و لقيت نفسي هدفع اضعاف اللي (ممكن) اخده بعد عمر طويل جداااا...

استعوض ربنا, و كأنه واحد خبطك و جري و انت مش عارف تجيبه منين...

دي مش سلبيه على فكره, لكن لما يبقى بالامكان انك تاخد حقك, ساعتها نتكلم عن الوسيله...

و هو ده بقى حال كل شئ في مصر, انك لو ليك حق مش هتعرف تاخده من مين, و ازاي..؟؟!!!
بس أملنا كبير في ان الأوضاع تتغير او حتى يبقى فيه بوادر تغيير في الفتره اللي جايه و في كل شئ

ربنا يصبرك و يكون في عونك يا دكتور والله...

[A7MED_PHARMA]

أنا مقهـــــــــــــــــور

.
أنا بدفع ضرايب للصيدلية
وبدفع تأمينات
وبدفع مخالفات ماليش ذنب فيها
وبدفع ضرايب على تجديد رخصة العربية
وبدفع فلوس علشان كل شويه حاجة في العفشة تبوظ ..من الطرق المكسرة إلي ماشيين فيها طول النهار
وبدفع..لما ييجي واحد غبي يحك ليا العربية بمسمار ..أروح أرشها
وبدفع .. لما تجيلي فاتورة الكهربا بأكتر من إستهلاك العداد
وبدفع ..
وبدفع
وبدفع




حاااااااااااااااااجة تقررررررررررررررررررررف

[misoalex]

دكتور احمد احمد ربنا انت كده مفيش حاجه حصلت عندك
صديق لى عربيته زيرو اتقلبت بيه بسبب طوب على الطريق
والحمد لله طلع منها بخير ومخدش حق ولا باطل والتأمين خدها منه واداله 30 الف ويحمد ربنا انه لقا حد يديله فلوس
وانت بتقول انك شفت عربيات اتقلبت وعملت حوادث بسبب الرمل يعنى احمد ربنا ان الى حصل هندك حيتصلح الحمد لله
انا حاسس ب الى انت فيه والله لانى فيه انا كمان المساعدين الى تعبت فى تمنها وقعدت فتره الم فى فلوسهم مبقالهمش 5 شهور وباظو بسبب مطب وحفره اكلتها تحت نفق والحمد لله ان العربيه متقلبتش لان سرعتى كانت بسيطه الحمد لله

[tommys]

أده إنت عايز تاخد حقك .... لا لا لا لا لا لا ...عيب ياراااااجل كان غيرك أشطر . ياباشا شوف مصلحتك وكل عيش وأكنك ماحصلكش حاجة . وروح بوس المطب بوسه كمان وتأسفله .... وقول تحيا مصر ..وسلامتك بالدنيا

[crazylambada]

اعمل محضر و اثبات حاله و ابتدي اتصرف
انا مؤيد ليك و مستعد اجي معاك
لاني مؤمن لو كل واحد اتحرك تجاه سلبيه البلد ديه حتتغير بجد
و مش حنبقى سلبيين زيها

[A7MED_PHARMA]

اعمل محضر و اثبات حاله و ابتدي اتصرف
انا مؤيد ليك و مستعد اجي معاك
لاني مؤمن لو كل واحد اتحرك تجاه سلبيه البلد ديه حتتغير بجد
و مش حنبقى سلبيين زيها

كان وقتها ممكن أعمل كده

بس السؤال ..إزاي
يعني أنا دلوقتي أكلت المطب والعربية إتضررت بشكل شديد
أسيبها مكانها ..وأروح أعمل محضر إثبات حالة
ولا أتصل برقم النجدة ....وهما يجولي هناك ..ويثبتوا الحالة

ولا أعمل إيه..أنا مش عارف الإجراءات المتبعة

[crazylambada]

لا تتصل بالنجده المفروض
زي الحادثه بالظبط

[pro_samir]

ياما اتحرق دمي وانا بفكر زيك كدة