سوق الدوا المصري

[A7MED_PHARMA]

للمعرفة ياشباب

أحب أنقل ليكم بعض من مشكلات السوق المصري للأدوية

.................................................. ........
بسم الله
نبدأ

باللبن الصناعي
اللبن الصناعي للرضع ..كان مدعم
ولما شالوا الدعم جزئيا من عليه ..إرتفع سعره لحد 15 جنيه ..والبديل المتاح بيكون بسعر 35 جنيه
ودي طبعا مشكلة للبعض كبيرة جدا ..35 جنيه تمن علبة لبن لأيام معدودة ..ويشتري غيرها ..وتخلص ..ويشتري غيرها
(الوزارة مش عارفة تحارب مافيا لبن الأطفال ..شالت الدعم ..علشان يغلى )


الأنسولين المدعم
وياااااااااااااريته موجود
بتروح تعمل طلبية من الشركة المصرية للأدوية ...وتتحايل على الأوبيراتور علشان يديلك إتنين أو تلاته من الأنسولين المدعم
أنا إتصاحبت مخصوص على الأوبيراتور ..علشان يديني واحدة زيادة على كل طلبية
والناس مش بتلاقيه
وده مش عقار مسكن ..ولا علشان البرد
ده عقار أساسي ..حياة أو موووت

.................................................. ....................
نقص أنواع الأدوية

أنواع أدوية كتير أوي ناقصة جدا جدا من السوق
أهمها

أفيـــــــــل .أمبول
تافيجيــــل .أمبول
الفاكيموتربسين .أمبول
أدينوبلكس .أمبول
أدينوسين.أمبول
إيفورتيل(للضغط).نقط ..ساعات مش بنلاقيها خالص
زينوس .فوار

ده حتى الفلورست
جات له فترة وكان ناقص جدا ..ومش موجود


ولو وقعت في علبة بالصدفة ..بتجيبها (net) من غير خصم
يعني مثلا
أدينوسين..بـ7.5 جنيه
بتجيبها من المخزن بـ7.5 جنيه
علشان تبيعها بنفس السعر .ساعات صيادلة بيبعوها بـ10 جنيه
علشان يحافظ على نسبة ربحه

ودي مشكلة
سوق الدوا المصري ..فضيحة

وبالنسبة لعقاقير الجدول
دي بقا مفتوحة
حدث ولاحرج

منها المستورد ..ومنها المُهرب ..ومنها الحكومي
وبتتباع بأسعار خيالية ( إلي بيخالف ضميره ويبيعها للمدمنين)

مثلا
أمبولة النالوفين( جدول أول)
لاتصرف إلا بأمر الطبيب ..وبروشتة معتمدة
سعرها 8 جنيه
أعرف تجار (مش صيادلة) بيبيعوها بـ50 للواحدة

علشان دي من مشتقات المورفين ..وبتستخدم أساسا بعد العمليات الجراحية



ربنا يتولانا
ويتولى الناس

[rockana9112007]

لا تعليق غير حسبى الله ونعم الوكيل
على فكرة يادكتور احمد انا بحييك على مواضيعك الجادة
وشكرااا

[romeo_6887]

البلد دي خربت خلاص

[A7MED_PHARMA]

ربنا يخليك يارااااااايق

بس كل حاجة حوالينا بقت تقرف
وياريت أقدر أعمل حاجة تغير القرف إلي بقينا فيه

بس للأسف
مفيش

[memohamada]

لا ياجماعة البلد لا خربت ولا حاجة , سوق الدواء المصرى وضعة ممتاز بالمقارنة بغيرة و بحكم انى صيدلى بشتغل فى السعودية و قبلها كنت بشتغل فمصر احب اقولكم

فمصر عندنا اكتر من 60 شركة ادوية بين مصنع و مكتب علمى و شركات حكومية وخاصة اما فالسعودية هما 5 شركات وطنية والباقى استيراد

فمصر عندنا لكل دواء 100 بديل و بديل ودة مخلى عدد الادوية الى عندنا فمصر اكتر من 7000 نوع فالسعودية مفيش اكتر من بديل او اتنين لكل دواء و تبقى كارثة لو نقصوا زى الى حاصل دلوقتى السعودية بحالها مفيهاش لبوس حرارة للاطفال زى البارامول بتاع مصر....تخيلوا حجم المشكلة

فمصر الصيدلية صيدلية مهما دخل فيها مستحضرات تجميل و غيرة برضة بتفضل صيدلية لكن هنا الصيدليات بقت بوتيك للعب الاطفال و المكياج و مستحضرات التجميل اما الادوية فهى فركن كدة صغير على جنب

الادوية المصرية زى بريزولين نقط العين و ليبراكس حبوب القولون لما نزلت فى السعودية اكتسحت البلد و اصبح لاغنى عنها لكن فمصر ممكن حد يقولى كام دوا سعودى او اماراتى ولا هندى حتى يعرفة الصغير قبل الكبير ...لا يوجد

[karim fathy]

ربنا يرحمنا برحمتة ويتولانا

[A7MED_PHARMA]

لا ياجماعة البلد لا خربت ولا حاجة , سوق الدواء المصرى وضعة ممتاز بالمقارنة بغيرة و بحكم انى صيدلى بشتغل فى السعودية و قبلها كنت بشتغل فمصر احب اقولكم

فمصر عندنا اكتر من 60 شركة ادوية بين مصنع و مكتب علمى و شركات حكومية وخاصة اما فالسعودية هما 5 شركات وطنية والباقى استيراد

فمصر عندنا لكل دواء 100 بديل و بديل ودة مخلى عدد الادوية الى عندنا فمصر اكتر من 7000 نوع فالسعودية مفيش اكتر من بديل او اتنين لكل دواء و تبقى كارثة لو نقصوا زى الى حاصل دلوقتى السعودية بحالها مفيهاش لبوس حرارة للاطفال زى البارامول بتاع مصر....تخيلوا حجم المشكلة

فمصر الصيدلية صيدلية مهما دخل فيها مستحضرات تجميل و غيرة برضة بتفضل صيدلية لكن هنا الصيدليات بقت بوتيك للعب الاطفال و المكياج و مستحضرات التجميل اما الادوية فهى فركن كدة صغير على جنب

الادوية المصرية زى بريزولين نقط العين و ليبراكس حبوب القولون لما نزلت فى السعودية اكتسحت البلد و اصبح لاغنى عنها لكن فمصر ممكن حد يقولى كام دوا سعودى او اماراتى ولا هندى حتى يعرفة الصغير قبل الكبير ...لا يوجد

يادكتور

بلاش نقارن نفسنا بأي حد ..علشان المقارنة قطعا مش هتكون في صالحنا
متوسط دخل السعودي كام ..ومتوسط دخل المصري كام؟؟؟

والمصريين بقا
لو قلت له بديل ...يفتكر إنك هتنصب عليه
وإنت عارف كده
وأنا دلوقتي بتكلم عن مشكلة الأصناف إلي ماينفعش تنقص ..مهما كانت الظروف
زي الأنسولين

[ahmed ismail]

متفق معاك يا دكتور احمد فى كل اللى قلته

لكن ارجع و اقول ان سوق الدوا فى مصر بصراحة على كل المساوئ اللى فيه لكنه فعلا سوق واعد جدا و بيتقدم و لو حصل عندنا نهضه اقتصاديه عموما و سياسية خصوصا و قدرنا نحسن من نفسنا شوية فى مجال تصنيع الدوا و يبقى فيه استراتيجية واضحة لكيفية تطوير تلك الصناعة و انشاء مراكز بحثية محترمة حنقدر ناخد حصة كويسة جدا من سوق الدوا الدولى و ننافس بقوة خصوصا ان كليات الصيدلة فى مصر الناتج بتاعها مش بطال و مع شوية تركيز على جودة التعليم حنقدر نحسن من كفاءة الخريج الصيدلى معظم اصدقائى اللى اكبر منى فى الجامعة و اتخرجوا واخدين منح دراسات عاليا فى استراليا و السويد و سويسرا و كندا



اللى محتاجينه فعلا ان الفساد الادارى المستشرى فى مصر كلها يقل ويبقى فيه سياسة واضحة لدعم البحث العلمى و انشاء مراكز بحثية بتمويل من شركات الدوا فى مصر و ان القرار السياسى بتاعنا ياخد ينضج وناخد قرار ان نبقى حاجه بقى كل الدنيا سبقتنا و احنا فعلا حننطلق فى مجالات كتير جدا والدوا حيكون من المجالات الى ممكن نبرع فيها جدا جدا جدا جدا و نبقى من الرواد فيها لو بدأنا بس فى ظرف عشرة سنين

[magyver]

واللة الشعب المصري دة لة الجنة

[memohamada]

يادكتور

بلاش نقارن نفسنا بأي حد ..علشان المقارنة قطعا مش هتكون في صالحنا
متوسط دخل السعودي كام ..ومتوسط دخل المصري كام؟؟؟

والمصريين بقا
لو قلت له بديل ...يفتكر إنك هتنصب عليه
وإنت عارف كده
وأنا دلوقتي بتكلم عن مشكلة الأصناف إلي ماينفعش تنقص ..مهما كانت الظروف
زي الأنسولين

بالعكس يا دكتور احمد المنطق بيقول عشان تعرف حجمك متبصش لنفسك فالمراية لكن قارن نفسك بغيرك , واحنا الحمد لله المقارنة فى صالحنا على طول الخط و الواقع بيقول ان اكبر بلدين فى المنطقة عندهم إكتفاء ذاتى فى الصناعات الدوائية هما مصر والاردن

الشركات المصرية موفرة كل الادوية الاساسية زى المضادات الحيوية و خافض الحرارة و ادوية الضغط وادوية منع الحمل وغيرها و لو نقص اى دواء بتلاقى اكتر من بديل لة

لكن الانسولين الى حضرتك بتتكلم علية لا يصنع الا فى شركتين فقط على مستوى العالم و هما Novo Nordisk و Eil lilly و دة بسبب انة بيحتاج تكنولوجيا عالية لانتاجة مش ممكن تتوفر لاى شركة عادية

[A7MED_PHARMA]

ماقلناش حاجة
بس المشكلة هنا ..الحكومة الفاضله ليه مش قادرة توفر عقار زي الأنسولين
وده عقار حيوي جداااااااااا

بدل مايروحوا يصرفوا 13 الف مليون جنيه (13 مليار) على مشروع الفوسفات إلي إتقفل ومادخلش جنيه واحد
يشوفوا صحة الناس

.
و -والله أعلم- الخطة الجديدة لربط سعر الدوا في مصر ..بالسوق العالمي

علشان الناس تموت

[memohamada]

ماقلناش حاجة
بس المشكلة هنا ..الحكومة الفاضله ليه مش قادرة توفر عقار زي الأنسولين
وده عقار حيوي جداااااااااا

بدل مايروحوا يصرفوا 13 الف مليون جنيه (13 مليار) على مشروع الفوسفات إلي إتقفل ومادخلش جنيه واحد
يشوفوا صحة الناس

.
و -والله أعلم- الخطة الجديدة لربط سعر الدوا في مصر ..بالسوق العالمي

علشان الناس تموت

متفق معاك 100%