احبائي دكاتره المنتدي ايه خبرتكم عن الامتياز

[Nile_Storm]

السلام عليكم احبائي
هبدا بعد يكره باذن الله الامتياز بتاعي في القصر العيني و عاوز اعرف خبراتكم عن السنه دي و ازاي اخرج منها باكثر استفاده
اهتم بايه و اسيب ايه ايه الي مهم اعمله و ايه الي اطنشه و ازاي اهرب من الديرتي و قرفه و شيل وودي و جيب

وشكرا ياجماعه

[الغزالى]

طبعا انا تجارة فاملييش فى طب وامتياز والكلام دة بس كل الى هاقولهولك ربنا يكرمك ان شاء الله

[Nile_Storm]

ربنــــــــــــــــا يخليــــــــــــــك

[KSA2011]

الف مبروك يا دكتور
بص عشان ما اطولش عليك
سنه الامتياز دى سنه اخر دلع و هتزهق فيها من الفراغ والملل الا اذذا انت ...............
الى هقولهولك طبعا انا ما عملتوش
اول حاجه شوف انت ناوى تتخصص ايه ان شاء الله او بتحب ايه ؟
انا دخلت الامتياز وانا عايز رمد او اطفال ان شاء الله اشتغلت الاطفال و ارتحت ليها وما عرفتش اشتغل الرمد وما عنديش استعداد لسه اضيع جزء من عمرى استنى اتعلم حاجه جديده شويه
لو بتفكر فى الجراحه و بصراحه انا بعشق الجراحه بس مش حابب اشتغلها
المهم الاول برضه ليك بوست فى الجامعه ولا لا
لو ليك تبقى باشا ومش هتفرق انك تتعلم اى حاجه لانك هتاخد نيابتك فى الجامعه وهتتعلم غصب عنك
لو مالكش يبقى ادامك حل من اتنين يا تتخصص تخصص محتاج تعليم يبقى هتقضى السنه كلها فيه فى الجامعه تتعلمه
لو فى دماغك حاجه سهل تشتغلها باطنه او اطفال جلديه التخصصات الى مش محتاج ممارسه يدويه
تقعد يا باشا شهرين تلف فيه كل حاجه فى الجامعه ما بين الاطفال و الطوارىء وعيادات الباطنه تلم الشغل العام يعنى تخيط تغير على جرح الحاجات العاديه دى وبعدين يا اما
اولا تكمل شغل برايفيت وتجيب فلوس و هتتعلم برضه وهتاخد ثقه و على فكره فى الاول ممكن تتخض بس كمل ودوس هيفرق معاك الموضوع ده والشغل مش هتلاقيه غير فى اول الامتياز والبرايفيت بيعلم اوى على فكره
او مالكش فى البرايفيت زى تشوف حاجه تذاكرها زماله بريطانيه فى التخصص الى ناوى عليه ان شاء الله واول ما تخلص االامتياز تقدم وتمتحن الفيرست بتاعها تبقى انت كده باشا
بس دى افضل الظروف الى انا فشلت فيها ههه بس انا كنت قريب من اخر حاجه المذاكره بس ما ذاكرتش بس الحمد لله نويت على المذاكره بس ضيعت سنه فى الفاضى برضه كان زمانى داخل امتحان الفيرست الايام دى
اشتغلت برايفيت من شهر يعنى فى اخر شهرين وما عرفتش اتعامل مع الناس بصراحه وانا مش بحب الخنقه فما كملتش
وربنا يكرمك ويوفقك
وااذا احتجت اى حاجه انا تجت امرك

[dr.amr]

الف مبروك يا دكتور
بص عشان ما اطولش عليك
سنه الامتياز دى سنه اخر دلع و هتزهق فيها من الفراغ والملل الا اذذا انت ...............
الى هقولهولك طبعا انا ما عملتوش
اول حاجه شوف انت ناوى تتخصص ايه ان شاء الله او بتحب ايه ؟
انا دخلت الامتياز وانا عايز رمد او اطفال ان شاء الله اشتغلت الاطفال و ارتحت ليها وما عرفتش اشتغل الرمد وما عنديش استعداد لسه اضيع جزء من عمرى استنى اتعلم حاجه جديده شويه
لو بتفكر فى الجراحه و بصراحه انا بعشق الجراحه بس مش حابب اشتغلها
المهم الاول برضه ليك بوست فى الجامعه ولا لا
لو ليك تبقى باشا ومش هتفرق انك تتعلم اى حاجه لانك هتاخد نيابتك فى الجامعه وهتتعلم غصب عنك
لو مالكش يبقى ادامك حل من اتنين يا تتخصص تخصص محتاج تعليم يبقى هتقضى السنه كلها فيه فى الجامعه تتعلمه
لو فى دماغك حاجه سهل تشتغلها باطنه او اطفال جلديه التخصصات الى مش محتاج ممارسه يدويه
تقعد يا باشا شهرين تلف فيه كل حاجه فى الجامعه ما بين الاطفال و الطوارىء وعيادات الباطنه تلم الشغل العام يعنى تخيط تغير على جرح الحاجات العاديه دى وبعدين يا اما
اولا تكمل شغل برايفيت وتجيب فلوس و هتتعلم برضه وهتاخد ثقه و على فكره فى الاول ممكن تتخض بس كمل ودوس هيفرق معاك الموضوع ده والشغل مش هتلاقيه غير فى اول الامتياز والبرايفيت بيعلم اوى على فكره
او مالكش فى البرايفيت زى تشوف حاجه تذاكرها زماله بريطانيه فى التخصص الى ناوى عليه ان شاء الله واول ما تخلص االامتياز تقدم وتمتحن الفيرست بتاعها تبقى انت كده باشا
بس دى افضل الظروف الى انا فشلت فيها ههه بس انا كنت قريب من اخر حاجه المذاكره بس ما ذاكرتش بس الحمد لله نويت على المذاكره بس ضيعت سنه فى الفاضى برضه كان زمانى داخل امتحان الفيرست الايام دى
اشتغلت برايفيت من شهر يعنى فى اخر شهرين وما عرفتش اتعامل مع الناس بصراحه وانا مش بحب الخنقه فما كملتش
وربنا يكرمك ويوفقك
وااذا احتجت اى حاجه انا تجت امرك

ممكن توضح بقي يا محمد ايه هو البرايفت يعني ازاي

وليه ماعرفتش تتعامل مع الناس

معلش بقي عايز توضيح ممل

[KSA2011]

عشان رحت متاخر يا دكتور عمر
وانا ماليش خبره فى التعامل مع الناس ليها فى اللف والدوران بصراحه
شغل البرايفيت كله كده من اول المريض لحد صاحب المستشفى لحد الممرضات
انا لما بيجيلى مريض بعامله بما يرضى الله ومش بسيبه غير لما بكون مش هقدر اعمله حاجه
يعنى مثلا مره حاله جاتلى ضغطه عالى المهم قلتله ناخد نص امبول لازكس و استنى نشوفك راح وما جاش الا بعد ساعتين وضغطه زى ما هو المهم الكل فى المستشفى قعد يقولى لازم كنت تديله امبول كامل او اتنين
رديت على حد فيهم وقلتله انا لما اديته نص اديته فهلوه يعنى ولا من عندى والى حصل انه انا كنت قاعد مع استشارى باطنه انا كنت بحضر وبقعد مع دكاتره فى اغلب الشيفتات قالك انه الصح انك ماتنزلش الضغط مره واحده عشان العيان ممكن يخش فى STROKE بس طبعا لا العيان فى ايدك و لا المستشفى فى ايدك هم عايزين تنجز و تمشى العيان وخلاص
انا رحت 3 مرات بس يا دكتور عمر بقالى شهرين سايبهم لحد دلوقتى الناس بتروح تسأل عليا و دكاتره استشاريين موجودين هناك بيكلمونى وبيسالوا عليا لحد دلوقتى من غير ما اكلمهم والله واحد منهم هو مدير الاطباء فى مؤسسه الاهرام كسبت احترام الناس وده يكفينى
الى اقصده انى ما حبيتش اكمل وحد يجبرنى على شغل انا مش مقتنع بيه
يعنى مره برضه جاتلى حاله بره اروح اغير ليها Diabetec foot استاذ انا فى الغيار ده لانى اشتغلت جراحه تجميل و اشفت استاذ كبير وشغله مع حالات زى دى
المهم رحت مع ابن الحاله فى عربيته ورحت قالى الدكتور فلان نايب عظام غيرلها امبارح نايب يعنى اكبر منى والمفروض اشطر منى بزمان 6 او 7 سنين المهم صاحب المستشفى كان موجود قاله الدكتور هياخد 100 جنيه انا ادايقت اوى من المبلغ ده
المهم رحت اشوف الحاله لقيت الجرح كله necrotic tissue قلت لابن الحاله انت متاكد الجرح ده متنضف امبارح قالى اه قلتله الابيض ده لازم يتشال قالى ماشى لقيت الست بتصرخ قالى خلاص مش مشكله يا دكتور سيبه كده يعنى الدكاتره الى بتروح ليها تغير على الجرح بيشتغلوهم المهم قالى ممكن تعطيها الكام حقنه دول ما قدرتش اقوله لا اديتها
وبعدين لما رجعنا لقيته بيفاصل مع الممرضه وبيقولها ده دكتور صغير 100 جنيه كتير بس دفعهم المهم هو برضه صعب عليا و حسيت انى ما عملتش حاجه تستاهل ال 100 جنيه
يعنى هو شغل البرايفيت عجيب شوى
فيه واحد زميلنا متجوز ومحتاج شغل بعته مكانى راح اتشاكل معاهم وشتمهم و بيتشاكل مع العيانين تصور لسه مكمل لحد دلوقتى وبيخافوا منه جداا فهمت قصدى بقى !!!
فانا ما كنتش مجبر على انى اشتغل فى جو انا مش حابه او متعود عليه
ومعاك فى اى استفسارر تانى

[د.محمود صلاح]

تعريف سنة الإمتياز الشهير : -

White coated , blood carrier ,harmless organisms
appear busy do nothing
وكلام كتيير صعب أكتبه هنا وكلام مش فاكره أكيييييد هتسمعه

النصيحة في الإمتياز هو اكتساب المعرفة والمهارة في جميع الفروع بدون تفضيل لأن هذا ما ستبني عليه مستقبلاً خبراتك ومعلوماتك تجاه التخصصات التي لم تتخصص فيها

[بحري]

تعريف سنة الإمتياز الشهير : -

White coated , blood carrier ,harmless organisms
appear busy do nothing
وكلام كتيير صعب أكتبه هنا وكلام مش فاكره أكيييييد هتسمعه

النصيحة في الإمتياز هو اكتساب المعرفة والمهارة في جميع الفروع بدون تفضيل لأن هذا ما ستبني عليه مستقبلاً خبراتك ومعلوماتك تجاه التخصصات التي لم تتخصص فيها

هههههههههههههههههههههههههههههههههههه
موافق تماما

[Nile_Storm]

الف شكر لحضارتكم عامه انا مليش بوست في الجامعه ترتيبي 465 :(
و غالبا الممعاهد بخ برضه
فغالبا همشي علي نصيحتك بس انا بميل اني اشتغل زماله و ربنا يكرم
و عامه انا ماشي في سكه الباطنه مش الجراحه
الف شكر للمعلومات الجامده