الحقوني سانت كاترين

[Dr Zezo]

صراحة معنديش اي خلفية عن موضوع سانت كاترين
بس ممكن ادي حضرتك معلومة عن بئر العبد ممكن تفيدك

بئر العبد لو بسيارة خاصة ممكن تروح و تيجي كل يوم

من بور فؤاد تعدي لسيناء طريق 30 كم توصل لطريق القنطرة العريش 20 او 30 كم كمان حضرتك بقيت في بئر العبد

و دي حاجة حلوة قوي ساعة بالكتير و تكون هناك و في نفس الوقت تبقي في بورسعيد برضه بس لازم سيارة لأن المواصلات هتطول الموضوع ده

الرجالة هناك بتشتغل في اللذيذ خالص حسب ما بيزبطوا مع بعض يعني ممكن ترسي في الاخر علي 14 يوم في الشهر و الباقي اجازة في البيت

و في الغالب الشغل في سانت كاترين هيبقي كده برضه

[egytamer]

طيب هوا مينفعش تتلغي وتدفع غرامة وتريح نفسك اسهل

[mohabelnegm]

بص يا باشا...كاترين تبعد عن شرم 220كم,هناك مفيش حاجة أسمها بلد و محلات و مطاعم..أنسى الكلام دة...يعنى هتكون فى مكان شغلك و اللى غالبا هيكون سكنك فى نفس المكان و بس على كدة..هدوء قاتل لو بنحب الهدوء. الميزة هناك فى الصيف الجو بيكون معتدل جدا (ألأرتفاع عن سطح البحر 1500متر) و فى الشتا تلللللج. لو أنت غاوى مناظر طبيعية و عزلة و جو من أنقى ما يمكن فى العالم (كاترين محمية طبيعية)توكل على الله
أنما لو عايز بلد و حياة و محلات و مطاعم رخيصة و بحر خليك فى الطور, الطور بلد هادى و جميل و رخيص و الطور قبل شرم ب 100كم.

[X_MM_X]

شكرا يا جماعه على الردود انا هحاول انقل بير العبد بس مش عارف ليه فيه حاجه جوايا بتقولي قشطه مشي حالك بس نفسي الاقي حد هنا عاش هناك هيوضحلي الصوره احسن, وياريت يا اخ ايجيتامير كلامك ده ينفع المتاح بس تستقيل من وزاره البتنجان والكوسه بتاعتنا

[A7MED_PHARMA]

رأي

خليك في سانت كاترين
وجرب تعيش مع الطبيعة شوية...وهتلاقي حاجات ماكنتش واخد بالك منها
ويمكن ترسم حياتك من جديد