سؤال بخصوص البورصة

[champoo]

اليومين دوول فى إكتتاب لاوراسكوم اتصلات لحاملى الأسهم قبل شهر 12 اللى فات و طبعا ده تتسبب فى هبوط سعر سهمها إلى حوالى 6 جنيه و ناس كتيير عمالة تقول لى اشترى دلوقتى علشان سعرها هايطلع تانى بعد ما يتم طرح الأسهم الجديدة فى البورصة فأرجو منكم التوضيح لأنى ضعيف جداً فى موضوع البورصة ده

[mado83]

ممكن اجاوب حضرتك فى الموضوع ده
اولا معنى ان الاسهم تطرح ان الاسعار هتنزل لان فى ناس كتيره شاريه باسعار اقل من اللى انته شارى بيها اكيد يعنى
وفى ناس عامله متوسطات فلو الاسهم نزلت الناس هتبيع واصلا فى ناس باعت اللى معاها ومستنيه الاسهم الجديده تنزل عشان تبيع مش عشان تشترى

[amir]

اكتتاب تيلكوم كان 4.9 سهم لكل سهم بقيمه 1 جنيه لكل سهم
اللي حصل مش نزول للسعر ده كان تحريك الحدود السعريه عليه ليتناسب السعر مع عدد ما سيتم طرحه
فعلا لما هييجي يوم التوزيع ده السعر هيريح شويه عن الوضع الحالي
بس الموضوع مش هيمر مرور الكرام لأن في فئه كبيره من الناس كانت بتحجم عن الدخول فيه علشان سعره الكبير نسبيا
لكن مع تحريك الحدود السعريه عليه ناس كتير اتجهت للشراء و الاحتفاظ نظرا لأنه من نجوم ال كيس 30
انا شخصيا متوقع انه ممكن يتجاوز حاجز ال 8 و ال 10 جنيه قبل اخر السنه الحاليه
بس نصيحه اخويه لصاحب الموضوع البورصه مش تكهنات و تجريب لازم تقرا و تتدرس و تتابع كل الاخبار و كل ما يمكنك من الحصول عليه من اساسيات التحليل الفني

[amir]

وفى ناس عامله متوسطات فلو الاسهم نزلت الناس هتبيع واصلا فى ناس باعت اللى معاها ومستنيه الاسهم الجديده تنزل عشان تبيع مش عشان تشترى

خلي بالك دايما ان كل عمليه بيع بيقابلها عمليه شرا
و دايما دايما اللي بيبيع و هو خايف او قلقان خسران يا اما جزء من فلوسه او جزء من ربحه

[champoo]

بس للعلم يا جماعة السهم قبل ما يعلنوا موضوع الإكتتاب يعنى من حوالى شهر كان لا يقل عن 25 جنيه و كل بيتوقع انه هايرجع للسعر ده تانى فى خلال 3 شهور لأنه الشركة مقبلة على توسعات و ده كان سبب فىانها طرحت إكتتاب

[amir]

بس للعلم يا جماعة السهم قبل ما يعلنوا موضوع الإكتتاب يعنى من حوالى شهر كان لا يقل عن 25 جنيه و كل بيتوقع انه هايرجع للسعر ده تانى فى خلال 3 شهور لأنه الشركة مقبلة على توسعات و ده كان سبب فىانها طرحت إكتتاب

و وصل 32.6 كمان بس نصيحه ليك شغل البورصه مش كده ابدا حاسب علي نفسك ولازم تدرسها شويه الاول

[champoo]

و وصل 32.6 كمان بس نصيحه ليك شغل البورصه مش كده ابدا حاسب علي نفسك ولازم تدرسها شويه الاول

هاتعبك لو فهمتنى تقصدد ايه ؟

[amir]

اليومين دوول فى إكتتاب لاوراسكوم اتصلات لحاملى الأسهم قبل شهر 12 اللى فات و طبعا ده تتسبب فى هبوط سعر سهمها إلى حوالى 6 جنيه و ناس كتيير عمالة تقول لى اشترى دلوقتى علشان سعرها هايطلع تانى بعد ما يتم طرح الأسهم الجديدة فى البورصة فأرجو منكم التوضيح لأنى ضعيف جداً فى موضوع البورصة ده

بس للعلم يا جماعة السهم قبل ما يعلنوا موضوع الإكتتاب يعنى من حوالى شهر كان لا يقل عن 25 جنيه و كل بيتوقع انه هايرجع للسعر ده تانى فى خلال 3 شهور لأنه الشركة مقبلة على توسعات و ده كان سبب فىانها طرحت إكتتاب

هاتعبك لو فهمتنى تقصدد ايه ؟

انا و الله مش ضدك او ضد انك تكون في البورصه و يمكن تكون انت احسن مني بمراحل بس كلامك ده مش موحي انك بتحاول تكتسب خبره و علم في مجال البورصه
حاول تتابع منتديات متخصصه و تتابع التحليل الفني للسوق بس خد بالك من ان ساعات كتير الكلام مش بيكون لوجه الله تعالي

عندك معلومات مباشر،سوق الاسهم السعودي،البورصة المصرية،سوق دبي المالي،سوق ابو ظبي،سوق الكويت و برضو ده مش موثوق قوي في تعليقات الناس اللي فيه
ممكن تدخل علي موقع عين علي المؤشر و تقرا التحليل بتاع كذا شركه
و عندك برنامج للبورصه علي قناه فراعين الساعه 6 مساء
و البورصه اليوم علي otv الساعه 7 مساء
و عندك cnbc arabia في حوالي الساعه 3 ظهرا

دي نصايح ليك مش تنطيط نهائي و ربنا يوفقك و يوفقنا