اية ارخص طريقة للحج غير القرعة

[tahayt]

السلام عليكم
كنت عاوز اعرف اية ارخص طريقة للحج غير القرعة,مش مهم الراحة و الرفاهية
يا ريت يا جماعة لو حد عندة فكرة يقولنا...و شكرا

[محمد محمد]

ممكن عن طريق الجمعيات بتطلعها بسعر القرعة وفيه تبع الشيخ ياسين وده مشهور اوي في الحاجات دي بيطلعها تقريبا ارخص من القرعة.

[tahayt]

شكرا يا باشا على الرد و لو ممكن حضرتك تقوللى اعمل اية و امتى بالظبط عشان لنا ماعرفش اى جمعيات من دى وعلى فكرة انا من الجيزة(العمرانية) ربنا يجازيك خير

[محمد محمد]

شكرا يا باشا على الرد و لو ممكن حضرتك تقوللى اعمل اية و امتى بالظبط عشان لنا ماعرفش اى جمعيات من دى وعلى فكرة انا من الجيزة(العمرانية) ربنا يجازيك خير

يومين بالظبط وارد عليك.

[tahayt]

الله يبارك فيك يا باشا ,منتظر رد حضرتك بشدة

[A7MED_PHARMA]

ممكن تطلع بفيزا عمل.
ممكن تجيب فيزا سائق ..بسعر مناسب
وتكون أرخص من القرعة
والله أعلم

[أحمد كمال]

ممكن تطلع بفيزا عمل.
ممكن تجيب فيزا سائق ..بسعر مناسب
وتكون أرخص من القرعة
والله أعلم

فيزا سائق لازم تبقى المهنة في باسبورك سائق يعني معاك رخصة مهنية و عضوية في نقابة العاملين بالنقل البري ...

[tahayt]

شكرا يا جملعة على الاهتمام بس الحقيفة انا عاوز اروح بشكل قانونى من غير تغيير مهنة او السفر عن طريق بلد تانية و الحاجات دى
غير كدة الواحد ممكن ينام فى اى مكان و ياكل اى حاجة

[A7MED_PHARMA]

فيزا سائق لازم تبقى المهنة في باسبورك سائق يعني معاك رخصة مهنية و عضوية في نقابة العاملين بالنقل البري ...

أنا عارف ده كله

بابا جرب يطللع كام مرة في القرعة ..بس لم يُصبه الدور
فقرر يجدد رخصة السواقة بتاعته(كانت رخصة تالتة عملها من 32 سنة ..علشان يسافر بيها الكويت..كان مطلوب مهندس معاه رخصة سواقة..وكان عاملها للغرض ده)
روحت أنا وهوا النهاردة علشان نجددها
طبعا بعد لما عمل الكومسيون الطبي

وهيجيب عليها فيزا عمل سائق...ويسافر إن شاء الله
علشان مش عاوز يستنى القرعة تاني
علشان هوا مصمم يطلع السنة دي

[misoalex]

فى ناس بتجيب فيزا السعوديه ب 2000 و3000 جنيه لغرض العمل فقط بدون اى عقود
بس المشكله ان انت الى حتبقى متحمل مسؤليه نفسك فى السفر والاقامه وكل حاجه
الاحسن تشوف جمعيات وتكون مضمونه تتكفل بكل حاجه

[nakkash]

أنا عارف ده كله

بابا جرب يطللع كام مرة في القرعة ..بس لم يُصبه الدور
فقرر يجدد رخصة السواقة بتاعته(كانت رخصة تالتة عملها من 32 سنة ..علشان يسافر بيها الكويت..كان مطلوب مهندس معاه رخصة سواقة..وكان عاملها للغرض ده)
روحت أنا وهوا النهاردة علشان نجددها
طبعا بعد لما عمل الكومسيون الطبي

وهيجيب عليها فيزا عمل سائق...ويسافر إن شاء الله
علشان مش عاوز يستنى القرعة تاني
علشان هوا مصمم يطلع السنة دي

ربنا يكتبهاله إن شاء الله يا دكتور بس المشكلة إن الموضوع ده بيكون صعب انه يعرف يدخل مكة وخصوصا فى موسم الحج محدش بيعرف يدخل غير اللى معاه تصريح حج من وزارة الحج السعودية وبيكونوا مشددين قوى على الموضوع ده ودايما بيكون فى حملات تفتيش على الطريق وبيرجعوا الناس اللى معهاش تصريح حج .

[أبومعاذ]

فى ناس بتجيب فيزا السعوديه ب 2000 و3000 جنيه لغرض العمل فقط بدون اى عقود
بس المشكله ان انت الى حتبقى متحمل مسؤليه نفسك فى السفر والاقامه وكل حاجه
الاحسن تشوف جمعيات وتكون مضمونه تتكفل بكل حاجه

دي اسمها فيزا حرة ودي اخر سعر ليها سمعته من كام سنة 13000ج مش الفين ولا تلاتة

[sarawe511]

ف ناس كتير بتطلع عمرة رمضان و بيستخبو هناك لحد الحج و ايلي بيسافر العمرة بيبقي عامل حسابة ع كدة و كمان السكن ايلي هيستخبي فية هناك بيبقي جاهز قبل م يسافر ل السعودية

[أبومعاذ]

ف ناس كتير بتطلع عمرة رمضان و بيستخبو هناك لحد الحج و ايلي بيسافر العمرة بيبقي عامل حسابة ع كدة و كمان السكن ايلي هيستخبي فية هناك بيبقي جاهز قبل م يسافر ل السعودية

بس انا في قلبي شيئ من الموضوع ده لأن الحج عند المقدرة يعني ربنا مطلبش مننا نستخبى ونهرب من السلطات عشان نحج

[أحمد كمال]

بس انا في قلبي شيئ من الموضوع ده لأن الحج عند المقدرة يعني ربنا مطلبش مننا نستخبى ونهرب من السلطات عشان نحج

و السلطات دي الحرمين مش بتوع ابوهم عشان يحرمونا منهم و يسيبوهم للسعوديين اخر حلاوة .......... فيه فتاوى كتير ان من حقك تعمل كده