يعني اشتغل سواق موكروباظ مثلا و لا اعمل ايه ؟

[osoliman88]

1- في البداية تقبل منا المواساة في هذه المصيبة.
2- من المعروف أن الشخص في الأيام الأولى لترك العمل يكون سعيدا جدا، يعني بتكون السكينه سارقاه، وبعد يبدأ يحس بصعوبة المشكلة خاصة بعد الفلوس اللى معاه تبدأ تخلص.

بس لي رجاء من كل الأخوة اللى شاركوا في التعليق على هذا الموضوع وتركوا العمل أن يشرحوا لنا ما هي الظروف والملابسات الأسباب التي جعلتهم يتركون العمل بدون إحراج أو خجل للتعلم والعظة وكمان نشاركك الحكم في القرار - كأخوة - لكي نعرف من هو الظالم ومن المظلوم وما هي الدروس المستفادة ..... هام جدا.

ربنا يعوض عليك بوظيفة أفضل إن شاء الله

[elassar2010]

وانا كمان منضم للحزب دة

[Eng_Mostafa_89]

اية يا رجالة انت كلكم عاطلين ولا اية
طمنطونا على المستقبل الوردى اللى مستنينا لما نتخرج

[romeo_6887]

وانا كمان منضم للحزب دة:y_hi_3[1]:

اهلا و سهلا بيك في الحزب

اية يا رجالة انت كلكم عاطلين ولا اية
طمنطونا على المستقبل الوردى اللى مستنينا لما نتخرج

مستقبلكوا لوووووووز ان شاء الله

[mrwho1982]

نداء للمهندس مصطفي

اية يا رجالة انت كلكم عاطلين ولا اية
طمنطونا على المستقبل الوردى اللى مستنينا لما نتخرج

اوقف في الطابور ياحبيبي ده انت هاتشوف ايام ........ايام بامبي




ممنوع الكتابة بالأحمر

مشرف الاجتماعي 1

[M.Osman]

وانا كمان عاطل معايا بكالوريوس تجاره ودبلومه في الاوراكل فينانشيال

ابشررررررر
انا باخد كورس الـoracle financial

[ahmed-moga]

ابشررررررر
انا باخد كورس ال ـoracle financial

أنا حاليا باخد كورسfinanial the end من البلد

[Abdm]

بصوا يا شباب فى الوقت الحالى للآسف الشباب ممكن يشتغل أى شغلانة بس بتفرق نوع الشغلانة دى من شخص لآخر حسب العمر يعنى لو سنة كبير هيحتاج شغلانة تجيبلة عائد كبير أما لو سنة صغير ممكن أى شغلانة بأى مرتب فى البداية وبعد كدة لما يقدم فى الشغل مرتبة بيزيد وبيترقى مع الزمن ونصيحة أحب أقولهلكم

أولا : أنا بالنسبالى فى أسوء الآحوال ممكن أشتغل فى أعمال حرفية لآنها بتدخل عائد كبير شوية ممكن يفتح بيت
ذى مثلا النقاشة وأنا بحبها ودة لآن سنى كبير ومحتاج دخل عالى شوية

حاجة تانى المفروض كل أنسان للآسف فى الزمن دة لا يعتمد على مؤهلة فقط لازم يكون معاة أى حرفة تانى أو مهنة تانى يحاول يتعلمها أثناء الدراسة علشان لما يتخرج يلاقى شغل جاهز

حاجة ثالثة ودية أحسن حاجة وهى أن كل واحد يحاول يشتغل بالمؤهل بتاعة كعمل حر فى أى مكان يعنى محامى فى مكتب أو مجموعة مع بعضهم أو محاسب فى أى مكان كويس أو يفتحوا مكتب محاسبة مع مجموعة مع بعض وكذلك أى مهنة
عيب الطريق الثالث دة أنة نتائجة وأنتاجة ومكاسبة بتيجى بس على المدى البعيد فمحتاج صبر جامد قوى واللى يصبر ينول ومميزاتة أنك بتشتغل فى المهنة بتاعتك وبالمؤهل بتاعك وبيكون ليك خبرة كبيرة بعد كدة

حاجة رابعة لو فى أى أمكانية لعمل مشروع أو العمل فى أى مهنة غير المؤهل حتى لو فى مطاعم التيك أواى أو أى مكان تانى بس يكون كويس تبتدى فية من الصفر مع الوقت بيكون ليك شأن وبتترقى وبيزيد مرتبك .

أو تروح لمؤخذة تتعلم أى صنعة بردة من الصفر صبى عند عفشجى أو ميكانيكى أو أى مهنة تبع شغل السيارات ودى مع الزمن بتكسب دهب أو حلاق يعنى كوافير رجالى وبعد ماتكسب خبرة تفتح محل أو أى مشروع تانى

الخلاصة : الواحد يحاول يدور ويختار المهنة اللى عايز يشتغل فيها طول عمرة وأيضا المكان الكويس المحترم اللى عايز يشتغل فية ويكون شايف أنة ممكن يكون فية مستقبل وسهل قوى أنة يبتدى فية من الصفر ويستحمل لغاية ما يوصل ومرتبة يزيد ويترقى كمان ودة بيحصل كتير قوى جدا بس عايز صبر وواحد عندة أستعداد ويكون سنة صغير علشان هيبتدى من الصفر وأن شاء الله ممكن خلال 5 سنين يكون أستقر بأذن الله ويقدر يفتح بيت ويجوز ويكون أسرة
والله الموفق

[SkyBird]

انا يا سيدي مهندس كمبيوتر
خبره 4 سنين في الشغلانه الهم دي
و معايا بكالوريوس حاسب

روح ارمي ورقك في سفارة ليبيا والكويت والسعودية والامارات
وكمان مكتب العمل بالخارج بالقوى العاملة مش متذكر اسمه ايه
وهتجيلك شغلانة علطول ان شاء الله
وهج من البلد

[Ralliart]

سيب البلد وامشي !!!!!

[momopersona]

يا جماعه انا عندى 18 سنه بس
وان شاء الله محبط جدا وشكلى هاسيب الدراسه لانى بئيت باعتبرها وقت ضائع من عمرنا
وتفكيرى رايح لانى اجيب تاكسى فيرنا او اسبرانزا بالتقسيط
وطبعا واكيد والدى لازم يساعدنى على الاقل ب 20 الف مقدم وبضمان مرتبه
واعتقد انه مشروع ممتاز مقارنة بالحال اللى احنا فيه واللى معاه تمن تاكسى حقه مايترددش حتى لو كان خريج ايه
مفيش مجال دلوائتى للبريستيج خالص
كله زى بعضه واللى بيعرف يجيب فلوس(بالحلال) اكتر وبمجهود اقل هو الافضل
فكرو معايا فى الفكره
ومميزاتها كتيييييير جدا
1- مش شغال عند حد
2- زمن الشغل (براحتك)
3- اجزاتك انت حر فيها
4- شغلانه سهله مقارنة بأى شغلانه
5- مكسبها كبير

عيوبها:
1- محتاجه رأس مال
2- مش مضمونه لاقدر الله (حادثه) بس فى تأمين طبعا
3- بريسنيج مش تمام

عايز رأيكو معايا فى الفكره ؟؟؟؟؟؟

[KSA2011]

كل واحد يا جماعه بعمل سى فى محترمه و هاتوا الاهرام الجمعه وشوفوا اى سفر بره او شغل جوه مصرفيها اعلانات بالهبل
وفيه هجره كمان للى عايز يسيبها
ربنا يكون فى عوننا جميعا
انا ان شاء الله مستنى استلم التكليف هسافر كل يوم بلد تانيه
لو استلمت طبيب اول وده مش هيحصل طبعا لانه الطبيب الاول فى اغلب الوحدات مشغول بدكتور كبير مبلط فيه من زمان بيقبض حوالى 800 جنيه و بتقبضم بعد 3 او4 او6 شهور حتى
ولو طبيب تانى ممكن 600 جنيه ولو تالت الى هم الغالبيه يبقى 400 وشويه
ولو الواحد متجوز بياخد اتنين جنيه زياده فى المرتب
ولو جاب عيل ياخد اتنين جنيه كمان اخر كرم بجد

[Abdm]

يا جماعه انا عندى 18 سنه بس
وان شاء الله محبط جدا وشكلى هاسيب الدراسه لانى بئيت باعتبرها وقت ضائع من عمرنا
وتفكيرى رايح لانى اجيب تاكسى فيرنا او اسبرانزا بالتقسيط
وطبعا واكيد والدى لازم يساعدنى على الاقل ب 20 الف مقدم وبضمان مرتبه
واعتقد انه مشروع ممتاز مقارنة بالحال اللى احنا فيه واللى معاه تمن تاكسى حقه مايترددش حتى لو كان خريج ايه
مفيش مجال دلوائتى للبريستيج خالص
كله زى بعضه واللى بيعرف يجيب فلوس(بالحلال) اكتر وبمجهود اقل هو الافضل
فكرو معايا فى الفكره
ومميزاتها كتيييييير جدا
1- مش شغال عند حد
2- زمن الشغل (براحتك)
3- اجزاتك انت حر فيها
4- شغلانه سهله مقارنة بأى شغلانه
5- مكسبها كبير

عيوبها:
1- محتاجه رأس مال
2- مش مضمونه لاقدر الله (حادثه) بس فى تأمين طبعا
3- بريسنيج مش تمام

عايز رأيكو معايا فى الفكره ؟؟؟؟؟؟

بص يا سيدى ذى ما أنت قولت أى شغل طالما بيكسب رزق بالحلال ما فيهوش عيب
الحاجة المهمة أنك برضة لازم تكون على الآقل معاك دبلوم أو مخلص معهد . هية بردة شهادة بتنفع
أو لو أنت فى الجامعة ممكن تشتغل وتذاكر أنتساب وفى ناس كتيير عاملة كدة ودة حل كويس علشان تقدر تكون نفسك وفى نفس الوقت تكون بتدرس وتحصل على مؤهل ممكن فى يوم من الآيام ينفعك وتستخدمة ودة أكيد لية لزمة حتى ولو بسيطة كفاية الناحية المعنوية أنك أنسان متعلم
بس الوضع الدراسى الجامعى هيتطلب كلية نظرية علشان تقدر تنتسب فيها وتشتغل فى نفس الوقت يعنى أنت لو فى كلية عملية مش هينفع الموضوع خالص

والله الموفق

[esam_refaat]

ربنا يفك كربكم جميعا ويرزقكم بشغل قريب ان شاء الله

عاوز اقول للزميل اللى بيفكر فى مشروع التاكسى ،يدرسه كويس ويبص دائما لاحتمالات الفشل

قبل احتمالات النجاح بمعنى اخر يبحث السلبيات قبل الايجابيات ويتأمل جيدا فى اسباب فشل

الاخرون فى المشروع المماثل وبكده تقل درجة المخاطر بقدر الامكان انا بقول النصيحة دى

لاى حد عاوز يعمل استثمار لانى بلاقى احيانا ناس متفائلة بالمشروع اكثر من اللازم وبيقيوا

مش شايفين احتمالات الفشل كويس او بيستهونوا بالسلبيات وكأنهم بيضحكوا على نفسهم

والامكانيات مش مستحملة خسارة ورأس المال لو ضاع من الصعب انك تعوضه تانى

وفى الاول وفى الاخر التوكل على الله والدعاء المستمر لان ربنا بيحب العبد اللحوح فى الدعاء
وربنا سبحانه ةتعالى اكرم من ان يرد عبد محتاج له

رزقنا الله واياكم رزقا حلالا طيبا واسعا مباركا فيه ، وصلى اللهم وسلم على سيدنا محمد وعلى اله وصحبه اجمعين

[KarimAbulEla]

بصوا يا شباب فى الوقت الحالى للآسف الشباب ممكن يشتغل أى شغلانة بس بتفرق نوع الشغلانة دى من شخص لآخر حسب العمر يعنى لو سنة كبير هيحتاج شغلانة تجيبلة عائد كبير أما لو سنة صغير ممكن أى شغلانة بأى مرتب فى البداية وبعد كدة لما يقدم فى الشغل مرتبة بيزيد وبيترقى مع الزمن ونصيحة أحب أقولهلكم

أولا : أنا بالنسبالى فى أسوء الآحوال ممكن أشتغل فى أعمال حرفية لآنها بتدخل عائد كبير شوية ممكن يفتح بيت
ذى مثلا النقاشة وأنا بحبها ودة لآن سنى كبير ومحتاج دخل عالى شوية

حاجة تانى المفروض كل أنسان للآسف فى الزمن دة لا يعتمد على مؤهلة فقط لازم يكون معاة أى حرفة تانى أو مهنة تانى يحاول يتعلمها أثناء الدراسة علشان لما يتخرج يلاقى شغل جاهز

حاجة ثالثة ودية أحسن حاجة وهى أن كل واحد يحاول يشتغل بالمؤهل بتاعة كعمل حر فى أى مكان يعنى محامى فى مكتب أو مجموعة مع بعضهم أو محاسب فى أى مكان كويس أو يفتحوا مكتب محاسبة مع مجموعة مع بعض وكذلك أى مهنة
عيب الطريق الثالث دة أنة نتائجة وأنتاجة ومكاسبة بتيجى بس على المدى البعيد فمحتاج صبر جامد قوى واللى يصبر ينول ومميزاتة أنك بتشتغل فى المهنة بتاعتك وبالمؤهل بتاعك وبيكون ليك خبرة كبيرة بعد كدة

حاجة رابعة لو فى أى أمكانية لعمل مشروع أو العمل فى أى مهنة غير المؤهل حتى لو فى مطاعم التيك أواى أو أى مكان تانى بس يكون كويس تبتدى فية من الصفر مع الوقت بيكون ليك شأن وبتترقى وبيزيد مرتبك .

أو تروح لمؤخذة تتعلم أى صنعة بردة من الصفر صبى عند عفشجى أو ميكانيكى أو أى مهنة تبع شغل السيارات ودى مع الزمن بتكسب دهب أو حلاق يعنى كوافير رجالى وبعد ماتكسب خبرة تفتح محل أو أى مشروع تانى

الخلاصة : الواحد يحاول يدور ويختار المهنة اللى عايز يشتغل فيها طول عمرة وأيضا المكان الكويس المحترم اللى عايز يشتغل فية ويكون شايف أنة ممكن يكون فية مستقبل وسهل قوى أنة يبتدى فية من الصفر ويستحمل لغاية ما يوصل ومرتبة يزيد ويترقى كمان ودة بيحصل كتير قوى جدا بس عايز صبر وواحد عندة أستعداد ويكون سنة صغير علشان هيبتدى من الصفر وأن شاء الله ممكن خلال 5 سنين يكون أستقر بأذن الله ويقدر يفتح بيت ويجوز ويكون أسرة
والله الموفق

كلامك سليم و فعلا العمل فى حد ذاته ليس صعبا و ليس بعيد المنال يعنى ممكن تشتغل فى اى وقت بس الفكرة حتشتغل ايه و تشتغل بكام و ازاى تشتغل يعنى ( مؤهلاتك او خبراتك الفنية ) فى مجال العمل و لهذا يجب على كل شخص النظر للامام دائما و البدء من الان فى التخطيط بشكل سليم
و فعلا كما قلت انت حتى لو قام الشخص بالعمل فى عمل حرفى على اساس انه مثلا بيجيب فلوس كتير و سهل الالتحاق فيه بدون مؤهلات فهو محتاج ايضا ان يقطع المشوار من اوله من صبى الى متدرب الى محترف الى صاحب ورشة حتى يكون العائد المادى مجزى

بس ايضا هناك شىء يجب على الجميع من الشباب ان يعلموه - سهل عليك انك تسيب العمل النهاردة و تقعد فى البيت لحد ما تلاقى شغل احسن بس صعب عليك بكرة لما يكون عليك مسئولية اسرة وأعباءها ان تفكر حتى فى الانتقال من عمل الى عمل اخر و لو كان افضل من العمل السابق لانه سوف يترتب عليه تغيير فى عادات الاسرة و نظامها فى بعض الاحيان نظرا لتغيير عمل رب البيت

انا مثلا تركت عمل اشتغلت فيه 13 سنة و ذهبت الى عمل اخر او بمعنى اخر عملت كاريير سويتش اى ان مجال العمل و طبيعة الشركة تختلف تماما عن السابق و كان عندى شعور ممتزج بين الخوف الشديد و الاندفاع و النهور فى نفس وقت و لا اعلم كيف بس الحمدالله و التوفيق من عند الله مشيت الامور كما يجب - و بعد فترة من الانتقال اكتشفت ان خطوة التغيير كانت مطلوبة من زمان مع ان العمل السابق كان مريح و فيه مميزات و مع ان ايضا مواعيد العمل و نظامه يختلف كثيرا و ساعات العمل تزيد فى بعض الاحيان كثيرا عن السابق بس يجب على الشخص دائما اكتساب خبرات جديدة و الاختلاط ببيئات عمل جديدة لما فيه من اثر جيد مستقبلا

النقطة المهمة فى الموضوع هو ان سوق العمل يحتاج الى الكثير - اهرام يوم الجمعة بيقول كدة ، بس يجب اختيار التخصص المطلوب و النجاح فيه حتى نلاقى نفسنا مطلوبين من قبل اصحاب العمل

تمنياتى بالتوفيق للجميع