الحب قبل الجواز ...

[WalidAdel]

أنا شخصيا ضد انك تتقدم و انت طالب تماااااامااااا.... و انت فاضلك سنتين على حسب كلامك...

ممكن تكلمها بشكل محترم و تفاتحها و لو القبول متبادل و موجود, يبقى تقولها على ظروفك و انك
هتتقدم في الوقت الفلاني رسمي (بس لازم تكون صادق في وعدك), و لو تفهمت ظروفك هتستناك
ان شاء الله, و تبعد و تركز في دراستك علشان تخلص على خير و تقدر تتقدم رسمي و من الباب
و بما يرضي الله...

و بالشكل ده تبقى ارتحت انها هتستناك و مش هتضيع انسانه محترمه و انت بتحبها منك
و في نفس الوقت بتركز في دراستك و انت مطمن و عامل حسابك و مظبط كل امورك
انك هتتقدم رسمي في الوقت اللي حددته ان شاء الله.....

ده رأي بصراحه, و فكر فيه على حسب ظروفك و موقفك اللي انت بس أدرى بيه...

انا مع رأي دا اوي اوي وي

ممكن بردوا لو هيا وافقة علي الموضوع و تفهمة ظروفك تحاول تفاتح مامتها فيه علشان لو اتكلمتوا او هيا كلمتك مايبقاش في حاجه غلط او مش مظبوطه في العلاقه دا في حالة انها تكون واثقه ان مامتها مش هاتعارض الموضوع اصلا

[أحمد كمال]

انا مع رأي دا اوي اوي وي

ممكن بردوا لو هيا وافقة علي الموضوع و تفهمة ظروفك تحاول تفاتح مامتها فيه علشان لو اتكلمتوا او هيا كلمتك مايبقاش في حاجه غلط او مش مظبوطه في العلاقه دا في حالة انها تكون واثقه ان مامتها مش هاتعارض الموضوع اصلا

انا ضد الرأي ده

يعني ايه لو مامتها عارفة مايبقاش فيه حاجة غلط لو اتكلمتوا؟

ده باعتبار ان الأم بقت هي ولي الأمر و الأب بقى مقطف و لا كيس جوافة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حسبي الله و نعم الوكيل في أي واحد بيقرطس أبو أي بنت

و بكرة اما ربنا يكرمكم و يرزقكم و تخلفوا بنات هتفهموني كويس ....... بقى بعد ما اربي و ادلع و اصرف و اعلم و افهم ...... اتقرطس؟

ده و الله ما اخليه يطولها !!!!!!! حتى لو كان مين !!!!!! اللي يتخطاني و الله ما اديله بنتي ......

[M.ABDEEN]

انا ضد الرأي ده

يعني ايه لو مامتها عارفة مايبقاش فيه حاجة غلط لو اتكلمتوا؟

ده باعتبار ان الأم بقت هي ولي الأمر و الأب بقى مقطف و لا كيس جوافة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حسبي الله و نعم الوكيل في أي واحد بيقرطس أبو أي بنت

و بكرة اما ربنا يكرمكم و يرزقكم و تخلفوا بنات هتفهموني كويس ....... بقى بعد ما اربي و ادلع و اصرف و اعلم و افهم ...... اتقرطس؟

ده و الله ما اخليه يطولها !!!!!!! حتى لو كان مين !!!!!! اللي يتخطاني و الله ما اديله بنتي ......

الله ينور يا عم احمد ......بس للاسف في اباء متساهليين جدا مع بناتهم والاور عندهم ايزي ميزي ومش فارقة معاهم حاجة ......ربنا يهديهم

[ghazy12]

انا ضد الرأي ده

يعني ايه لو مامتها عارفة مايبقاش فيه حاجة غلط لو اتكلمتوا؟

ده باعتبار ان الأم بقت هي ولي الأمر و الأب بقى مقطف و لا كيس جوافة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حسبي الله و نعم الوكيل في أي واحد بيقرطس أبو أي بنت

و بكرة اما ربنا يكرمكم و يرزقكم و تخلفوا بنات هتفهموني كويس ....... بقى بعد ما اربي و ادلع و اصرف و اعلم و افهم ...... اتقرطس؟

ده و الله ما اخليه يطولها !!!!!!! حتى لو كان مين !!!!!! اللي يتخطاني و الله ما اديله بنتي ......

معلش يا احمد بك.... انت ضد رأي وليد انه يكلم والدتها, و لا ضد رأي أنا؟؟؟؟؟

لو رأي أنا, فماحصلش في كلامي كله ان فيه أي قرطسه لأبوها لأني قلتله بالنص..

ابعد و ركز في دراستك و تخلص على خير علشان تتقدم رسمي من الباب و بما يرضي الله...

ده الى جانب اني منغير ما اخلف بنات و مش شرط اخلف علشان اعرف احساس أب ببنته
او بغيرته عليها أو باي شئ من هذا القبيل.... أكيد انا فاهم ده تماما...

لكن السؤال بقى بعد اذنك يا باشا.... هل انت مع ان يتقدم لبنتك طالب لسه بيدرس في الكليه؟؟؟؟

[M.Osman]

جاهز = اتقدم لأهلها و اللي فيه الخير يقدمه ربنا
طالب او لسة مش جاهز = فكك خالص دلوقتي و لما تجهز ابقى شوف هي لسة موجودة ولا لأ...

... لكن
تشغل دماغك من دلوقتي = فاكـــس!

[أحمد كمال]

معلش يا احمد بك.... انت ضد رأي وليد انه يكلم والدتها, و لا ضد رأي أنا؟؟؟؟؟

لو رأي أنا, فماحصلش في كلامي كله ان فيه أي قرطسه لأبوها لأني قلتله بالنص..


ده الى جانب اني منغير ما اخلف بنات و مش شرط اخلف علشان اعرف احساس أب ببنته
او بغيرته عليها أو باي شئ من هذا القبيل.... أكيد انا فاهم ده تماما...

لكن السؤال بقى بعد اذنك يا باشا.... هل انت مع ان يتقدم لبنتك طالب لسه بيدرس في الكليه؟؟؟؟

انا ضد كلام وليد مش كلام حضرتك طبعا

و لأ مش هاقبل بطالب في الكلية طبعا ...... على فكرة انا مش اب مادي و عايز شقة مش عارف ايه و شبكة مش عارف بكام ..... بس عايز واحد معاه دخل يفتح بيت ..... انا ايش عرفني الطالب ده مستقبله ايه

و يخطب و يخش و يخرج براحته و بعد التخرج نفترض جاله التجنيد 3 سنين احتياط و لا لأي سبب قعد في البيت كام سنة على ما لقى شغل و لسه بعدها كام سنة بيكون نفسه؟

و لو هيتجوز من فلوس ابوه و ابوه هيفتح له البيت ....... شكررررررررااااااااً ما يلزمنيش لأن بنتي ساعتها هتبقى رقبتها في ايد حماها و حماتها و انا شفت أسر الحما و الحماة بيختاروا لابنهم و مراتوا يشتروا الحاجة منين و يصرفوا في ايه و ما يصرفوش في ايه حتى المصيف بيحددوا لهم يسافروا فين ...... اما تبقى فلوس جوزها هتصرف براحتها بالاتفاق بينهم ....... فلوس أهله ....... شكرا ......

مش قصدي طبعا لو اهله هيدوله الزقة الأولانية في الشقة و التجهيز و كده لأن اكذب عليك لو قلت لك اني ما اخدتش زقة جامدة من اهلي ربنا يبارك لهم و انا اللي كملت ...... و ده طبيعي في بلدنا و ظروف بلدنا ...... بس يبقى معاه دخل هو اللي يفتح البيت ...... مصروف البيت و مصروف جيب بنتي يبقى من عرق جوزها مش من نفحات أبوه و أمه عليهم و أمه تفتكر ان بقى حق مكتسب انها تتحشر في حياة بنتي ......

[ghazy12]

و لأ مش هاقبل بطالب في الكلية طبعا ...... على فكرة انا مش اب مادي و عايز شقة مش عارف ايه و شبكة مش عارف بكام ..... بس عايز واحد معاه دخل يفتح بيت ..... انا ايش عرفني الطالب ده مستقبله ايه

و يخطب و يخش و يخرج براحته و بعد التخرج نفترض جاله التجنيد 3 سنين احتياط و لا لأي سبب قعد في البيت كام سنة على ما لقى شغل و لسه بعدها كام سنة بيكون نفسه

كلام سليم 100% و متفق معاك تماماً.... عين العقل....

و لو هيتجوز من فلوس ابوه و ابوه هيفتح له البيت ....... شكررررررررااااااااً ما يلزمنيش لأن بنتي ساعتها هتبقى رقبتها في ايد حماها و حماتها و انا شفت أسر الحما و الحماة بيختاروا لابنهم و مراتوا يشتروا الحاجة منين و يصرفوا في ايه و ما يصرفوش في ايه حتى المصيف بيحددوا لهم يسافروا فين ...... اما تبقى فلوس جوزها هتصرف براحتها بالاتفاق بينهم ....... فلوس أهله ....... شكرا .....

الراجل اللي يقبل يصرف على مراته من فلوس أبوه, فده يا باشا لا يسمى (راجل), ليه أسم تاني...

لو مش مستعد او مش جاهز للجواز و الاستقرار و الاستقلال بحياته و بيته و مراته.........
مايتجوزش أحسن في رأي الشخصي...

يعني يتخرج و يشتغل و يتجوز و بردو بياخد المصروف..!!! فرق ايه عن الطالب اللي بيدرس و ماعندوش دخل.؟؟

مش قصدي طبعا لو اهله هيدوله الزقة الأولانية في الشقة و التجهيز و كده لأن اكذب عليك لو قلت لك اني ما اخدتش زقة جامدة من اهلي ربنا يبارك لهم و انا اللي كملت ...... و ده طبيعي في بلدنا و ظروف بلدنا ...... بس يبقى معاه دخل هو اللي يفتح البيت ...... مصروف البيت و مصروف جيب بنتي يبقى من عرق جوزها مش من نفحات أبوه و أمه عليهم و أمه تفتكر ان بقى حق مكتسب انها تتحشر في حياة بنتي .....

%95 من الشباب لازم أهلهم يساعدوهم في البدايه, يعني مبلغ بسيط يمشي الأمور و تبقى زي ما بتقول كده زقه...

مش عييب أبدااا و ده العادي حتى لو العريس مقتدر, بس الأهل بردو بيبقوا عايزين يحسوا انهم بيساعدوا ابنهم و يسندوه...

بس زي ما بتقول يا باشمهندس احمد, يبقى الأساس موجود, يعني في دخل يسد مصاريف البيت و الزوجه و احتياجاتهم...

وجهة نظرك سليمه 100% يا هندسه و متفق جداا معاك, و ربنا يباركلك في بيتك و أولادك يا باشا...

[الصيداح]

انا رأى انك تخليك دوغرى وتقطع عرق وتسيح دمه

جاهز يبقى اتقدم

مش جاهز يبقى ابعد تماما وركز فى مستقبلك لغاية متبقى جاهز ولو هى من نصيبك يبقى مش حتعرف تهرب منه ابدا فمتقلقش

لكن الحورات دى عاملة زى اللى رقصوا على السلم ومفيش منها نتيجة

كلام ناشف شوية بس دا اللى مقتنع بيه

عين الصواب
وحتى لا تعصي ربك بمكالمتك لها في السر
فاصطبر لحين الإستعداد
واستعن بالله

[ahmedabutaleb]

بص ياباشا
وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِبُ
وانا متاكد انت عارف الصح فين
وعلى راى عمرو خالد محدش بيتجوز مرات حد
بس والله عن تجربة العلاقات اللى بتكون من ورا الاهل حتى لو محترمة جدا لا تنتهى بنهاية سعيدة

[ابوهاشم]

انا بقى هقولك على رأى مختلف تماما
حكاية اللى ايده فى الميه والنار كل ده كلام مر علينا زمان
وكام قصة حب ايام المراهقه والجامعه وبنات الجيران
وبعد كده لما كبرنا فهمنا انها كانت اوهام صبيانيه
سيبك من الموضوع ده طالما انك لسه مافيش استقرار عندك
كمل دراستك وشوف هتقضى جيش ولا لا وكون مستقبلك
وبعد كده صدقنى هتلاقى نفسك تفكيرك فى الجواز واختيار شريكة الحياه
اتغير كليا للاحسن طبعا
واخيرا الحب الحقيقى اللى بيعيش فعلا هو اللى بييجى بعد الجواز
لانه بيكون حب العشره
اما الحب اللى قبل الجواز بيكون اكثره اعجاب بالشكل
ومسيرك لما تتجوز ويعدى عليك 10 ولا 15 سنه
ان شاء الله هتفتكر كلامى ده