صحح صلاتك ........منقول

[w-m-a]

[A7MED_PHARMA]

نقل موفق

ربنا يباركلك.....يارب
ولك الشكر على المعلومة ..بتاعة مكان بداية الصف

أول مرة حصلت ليا
كانت وأنا عندي 9 سنين
والصف كان خلص..وكان المفروض إن أنا أكون الأول في الصف التاني
ووقفت محتار ..أبدأ من اليمين ..ولا الشمال

هرشت في راسي..
وقولت..طالما إنها " تيمنوا "
يعني إلي هييجي هيقف على يميني..يبقا أنا أبدأ بأقصى اليسار
علشان إلي ييجي يقف جمبي ..يتـــيمن


والنتيجة..
الناس جت وقفت على أقصى اليمين
وأنا وقفت أصلي لوحدي

[w-m-a]

لا انا بيجننى الى بيقف فاتح رجلية وكأنة بتاع جمباز
ولا الواقف انتباه
والواقف شمال ويشدك
ده غير الموبيلات
ربنا يهدى

[أبو إياد]

بالنسبه لموضوع سد الفرجات
يقال سد الفرج حتى لا يدخل الشيطان

هل يوجد بالفعل ايه تدل على ان الشيطان يتسلل فى مناطق الفرج الواسعه ؟
هل الشيطان ممكن ان يتواجد داخل بيت الله ؟

ممكن اللى يجاوب اجابه تكون مدعومه بالقران او حديث شريف

[Terrible_DaRsH]

فى حاجات بتدايقنى جدا و انا بصلى و ببقي مستغرب جدا من الناس .

تلاقى واحد واخد ابنه معاه المسجد و هو يصلى و ابنه يقعد يلعب فى الجامع و ممكن يتمشي و الناس بتصلى و الرجل فرحان انه اخد ابنه معاه الجامع .

يا تعلمه الصلاة و ان المسجد بيت ربنا و لازم يقعد ساكت يا اما سيبه فى البيت , مش فاهم ايه وجهة النظر فى كده ..

و اللى بيقف بعيد عنك بمتر :@ بقف اصلى و احازى رجلى على رجل اللى جمبي و هو مش دريان اصلا تلاقوه ضامم رجله على الاخر او فاتحها على الاخر , ببقي عايز اقوله بص تحتك يا اخى مش معقولة هفرد رجلى كل ده علشان انت مش واخد بالك ..

و كمان فى رمضان لما السيدات تطلع تصلى فى المسجد !!!!! يااااااه .

و الله ولا كانهم فى بيتهم , دى بتتكلم مع دى و دى بتحكى مع دى و دى معرفش بتعمل ايه و اللى واخده عيل معاها و اللى و الى , لحد ما فى مرة الشبخ قال انا هقفل مصلى السيدات .

[salsat]

الله عليك وجزاك الله خير ربنا يكتر من امثالك وجعلها الله فى ميزان حسناتك

[أحمد علاء]

بالنسبه لموضوع سد الفرجات
يقال سد الفرج حتى لا يدخل الشيطان
[U][COLOR=Purple]
ممكن اللى يجاوب اجابه تكون مدعومه بالقران او حديث شريف

السلام عليكم
موضوع جميل بارك الله فيك على النقل والإفادة
بالنسبة لموضوع دخول الشيطان مساجد الله ووسوسته للمصلين
فأنقل إليكم الدليل بناء على طلب اخونا محمد عزت:

فقد ثبت في المسند وغيره أن النبي صلى الله عليه وسلم كان يقول: "سووا صفوفكم، وحاذوا بين مناكبكم، ولينوا في أيدي إخوانكم، وسدوا الخلل، فإن الشيطان يدخل بينكم بمنزلة الحذف". يعني أولاد الضأن الصغار. وهذا الحديث صريح الدلالة على أن الشيطان يدخل المسجد.
ويدل على ذلك أيضاً أحاديث أخر، منها: حديث أبي هريرة رضي الله عنه أن النبي صلى الله عليه وسلم قال: " إذا نودي للصلاة أدبر الشيطان وله ضراط حتى لا يسمع التأذين، فإذا قضي النداء أقبل، حتى إذا ثُوب بالصلاة أدبر، حتى إذا قضي التثويب أقبل، حتى يخطر بين المرء ونفسه، يقول اذكر كذا، اذكر كذا، لما لم يكن يذكر، حتى يظل الرجل لا يدري كم صلى" متفق عليه.
ففي هذا الحديث دلالة على أن الشيطان يوسوس للمصلين، سواء كانوا في المسجد أو في غيره.
وفي سنن أبي داود: عن قتادة عن أنس بن مالك عن رسول الله صلى الله عليه وسلم قال: رصوا صفوفكم، وقاربوا بينها، وحاذوا بالأعناق فوالذي نفسي بيده إني لأرى الشيطان يدخل من خلل الصف كأنها الحذف. صححه الألباني :قال في عون المعبود شرح سنن أبي داود وهو يشرح هذا الحديث : (رصوا صفوفكم ) معناه ضموا بعضها إلى بعض ومنه رص البناء، قال الله تعالى: كأنهم بنيان مرصوص ( وقاربوا بينها ) أي بين الصفوف بحيث لا يسع بين الصفين صف اخر قاله في المرقاة ( وحاذوا بالأعناق) أي اجعلوا بعضها في محاذاة بعض أي مقابلته. انتهى بحذف يسير.

ولم أراد ان يستزيد فهذا الرابط فيه الفائدة إن شاء الله في موضوع تسوية الصفوف وإقامتها
تسوية الصفوف

[أبو إياد]

متشكر جدا يا استاذ احمد لان المعلومه دى كانت تنقصنى واغلب اللى بيقولها مايعرفش اى دليل ليها وطبعا المسائل الدينيه يستحب الاستناد بالقران او بالاحاديث

[Mohamed.Raafat]

الله يفتح عليك
بجد معلومات مهمة جدا تغيب عن معظمنا ( للأسف ان الناس الكبيرة يرحمها الله بنشوف منها الحاجات دي ) و لو فكرت في مرة انك تنصحه او تخليه يسوى الصف - ياااااااااااااااااااااااااه على اللى بشوفه منه و بسمعه
ولا كإن غلطت في رئيس جمهورية
يارب اهدينا و اياكم الى الصراط المستقيم

[SkyBird]

بالنسبالي ممكن اللي يطلعني من الصلاة اخ يحط رجله (القدم) فوق رجلي وكل ما ابعد رجلي يمشي وراها

للشيخ على جمعه حفظه الله محاضرات رائعة جدا جدا جدا عن الوقوف في الصلاة
لا يقوتك هذا الجزء
YouTube - ‫ط¯.ط¹ظ„ظٹ ط¬ظ…ط¹ط© - ظƒظٹظپظٹط© ط§ظ„ظˆظ‚ظˆظپ ظپظٹ ط§ظ„طµظ„ط§ط© ط§ظ„ط¬ط²ط، -1‬‎