محتاج نصيحتكوا اعمل ايه فى صاحبى ده

[M.Alshafie]

اية يا عم دة دة انتو بالكو طويل قوى
انا لو عندى صاحب كدة كنت حطتلة حتة حشيش فى جيبة وابلغ عنة
بجد مش عارف اقولك اية مش معقولة يعنى كدة انتو ناس كبار وسنة مش صغير على التصرفات دى يعنى لو لسة اولى جامعة هانقول ماشى لسة السن والخبرة فى الحياة والتعامل مع الناس وطبعا كلنا مرينا بالمرحلة دى
يعنى عقل واحد عندة 17 سنة غير واحد عندة 25 سنة ولا اية الكلام
وبعدين يعنى هوة بيفضل لابس الوش البلاستك دة كدة على طول لية قلة يفكها شوية محدش طايق نفسة اليومين دول دة ساعات الواحد مش بيبقى طايق الهدوم الى لابسها وبيخانق دبان وشة ييجى صاحبى كمان يزودها احنا خارجين مع بعض نفك عن نفسنا شوية مش نتقفل من بعض

و الله عندك حق بس المشكله ان انا يا جماعه عاوز حد حل كويس بجد اتفق معاه بكره عليه ياريت تنصحونى باحسن حل بسرعه قبل بكره

[romeo_6887]

كان عندي صاحب زي صاحبك ده تقريبا
و قطعت علاقتي بيه
عشان مش عايز وجع دماغ

[M.Alshafie]

ايه يا جماعه انا بقولكم عاوز نصيحه فين المشاركات ما تبخلوش عليا بيها

[Abdm]

أنا هقلك نصيحة حلوة لو عايز تبقى علية ومش عايز تخسرة ما فيش غير كدة :

أولا : خلى علاقتك بية زيارات منزلية فقط بدون خروجات خالص مع شوية تليفونات ودة نظام مش وحش وفى ناس كتير بتعملة نظرا للحياة العملية والشغل
يعنى هقولك حاجة بصراحة أنا أصحابى بحبهم جدا وما أقدرش أقطع علاقتى بيهم نهائى وكنت قبل الزواج بنتقابل بأستمرار يعنى بردة علشان مش قريبن فى السكن من بعض على الآقل كل شهر بنتقابل مرة أو أثنين بالكتير والتليفونات كانت كذلك
دلوقتى بعد ما كلنا أتجوزنا الحمد لله وبقى عندنا أولاد الزيارات قلت أكتر نظرا لزيادة المسئولية وكمان التليفونات لكن الحمد لله العلاقة موجودة بينا دائما ولم ولن تنقطع وستستمر بأذن الله لآننا بنحب بعض والحمد لله وبنخاف على شعور بعض
فالنوعية اللى ذى صاحبك هو هيكون دائما المقصر معاكم وهيبيعكم قبل ما تبيعوة فى أى يوم ما أقصودش حاجة وحشة لكن لو حصل عندة أى أعباء أو مسئوليات عائلية هينفض لكم على طول ومش هيسئل خالص

فأنا مش عايزك أنت اللى تقطع الحبل اللى بينكم لكن فى نفس الوقت خلى أتصالك بية عن طريق الزيارات المنزلية والتليفونات بدون الخروجات وممكن طبعا فى المجاملات والآفراح والآحزان وربنا يبعد عنا الآحزان وكدة هيبقى حلو قوى
وحاول أنت تعلمة وتفهمة أذاى يعامل الناس والآصدقاء علشان ما يجيش فى يوم يلاقى نفسة وحيد وهو مع الزمن هيفهم ويعرف الكلام دة وهيعرف أنة كان غلطان مع مرور الزمن وهيكون جزئك خير من عند ربنا

ربنا يغفرلى ويسامحنى أن كنت أسأت فى أحد . اللهم أتوب أليك وأسغفرك . أسغفر الله العظيم
وربنا يهدى ويصلح النفوس والقلوب يا رب العالمين

[M.Osman]

بص يا باشا...
انا فضّلت اني اكمل من غير صحاب تقريباً على اني اكون مصاحب حد شبيه بالنوعية دي ... و اخدت القرار بدري بدري و مش ندمان ... بالعكس...

[Terrible_DaRsH]

عندك مشكلة فى صاحبك ؟؟

لما قرات الموضوع ملقتش اصلا صاحب هههههه :)

[M.Alshafie]

طب اعملله ايه طيب

[ابوهاشم]

احسن حاجه تعملوها انكم تقللو العلاقه بيه واحده واحده
وهو لو حس بكده هيفهم ان فى حاجه غلط
ويحاول يحسن من نفسه معاكم
على فكره
انا ممكن استحمل شخص بالعقليه دى لو زميلى فى العمل مثلا
وزمالته دى مفروضه عليا يعنى مضطر استحمله
انما صديق مستحيل طبعا لان كده مافيش تكافؤ فى الصداقه

[M.Alshafie]

دى مواصفات صاحبك انا هاقولك رائى بس ممكن اعرف هو عنده كام سنه ؟ وليه اخوات ولا لا ؟ وترتيبه وسط اخواته ؟ والده متواجد ؟

حضرتك ما ردتش عليا ليه مع انى كاتبلك البانات اللى حضرتك كنت عاوزها انا مستنى ردك

[yse]

في حل :
1- انتو التمانية تقطعوا علاقتكم بيه مرة واحدة .
2- هو هيستغرب وييبتدي يتصل عليكو قولو ده احنا كنا نع بعض اميارح والله انت مت فين ؟؟؟

هو هيعيش طبعا دور المغرور شوية وانا مش محتاجلكو وبتاع من الكلام ده.. وانتو برضه منفاضينله واتحججو بأي حجة اصال احنا ابتدينا الخروجة متاخر وانت ما بتحبش تسهر ركبوا الغلط من الاخر.

ولما الباشا يبتدي يفك شوية ويرجعلكو غصب عنه اول خروجتين اتكلموا عن حوار هو ماكنش شافوه وخلوه كل الخروجة قاعد مالوش لازمة غير بقى كلكو تشتغلو مرة واحدة فهيديكو وش جبس ... مفيش مشاكل ....

أسبوع وهتلاقيه رجع تاني بيجر ناعم مع الكل

مع مراعاة لو اتصل على حد فيكو يخلص معاه بسرعة في الكلام او يقولوا هتصل بيك وبعدين وينفضلوا .... لغاية مايتعلم الأدب

ولو دخل في مناقشة مع حد فيكو الباقي يقف ضده علشان هو هيتعب وهيزيهق مع كم من الأشخاص فهيقبل رأيكو غصب عنه ....

غير طبعا قاعدة خالف تعرف يعني لو قال يمين قولوا شمال وهكذا ...

من لاخر حاولوا تفقعوا واول مااتحسوا اتزبط ودهى شيء مؤكد ارجعوا تاني عادي

الطريق ديه مجربة مع مني مع تلات اشخاص واتزبطو وعرفتهم ان الله حق...وشكرا


ولو حضرتك مشغول ومش فاضي ابتدي نفضلوا لغاية ماهتلاقيك نسيتوا لوحدك


لأن بالسن الده والعقلية ديه ده مافيش منه امل ولا افكر اني اصاحبه حتى لو كان سنه من سني 20 سنة .

[أبو إياد]

الصداقة يعنى واجبات والتزامات وانا شايف اللى مش هايقدر على الحاجتين دول يبقى عليه و الهروب منها أو تجنبها
انت شايف فى صاحبك الحاجتين دول ؟؟؟؟؟؟؟؟؟؟؟؟؟

اول حاجه لازم تحدد انت عندك استعداد تكمل مع صاحبك ده ولا لا
فكر في السلبيات اللى ممكن تحصل اذا استمرت علاقتك بيه
لو انت عاوز تكمل صداقتك معاه عليك بالنصيحه ليه وتظهرله الامور اللى حواليه ونتائح افعاله وشعور الاخرين نحوه
ومن جانب اخر عليك والدعاء ليه بالهدايه ولازم طبعا تطول بالك عليه
اسال عليه استشيره حسسه باهميته لكن من غير ماتيجى على نفسك

اما بقى لو مش هاتقدر او لو انت شايف ان مافيش امل من تغييره يبقا مافيش غير الابتعاد عنه واعلم جيدا ان من ترك شيئا لله عوضه عنه خير

[hh]

بصراحة موضوعك ده غريب جدا. انتوا ايه يعني اللي يجبركوا على كدة؟؟؟
واضح ان انتوا طيبين معاه زيادة عن اللزوم و ده اللي خلاه يتمرع. اللي زي ده حله الوحيد انكوا تنفضوله تماما. ما بقولش تقطعوا علاقتكم معاه بس تتعاملوا معاه بلا مبالاه. يعني مقموص و مش راضي يخرج, عادي تخرجوا انتوا مش تتحايلوا عليه. صدر الوش الجبس في خروجة, تتعاملوا انتوا عادي جدا مع بعض كلام و هزار و لا اكنكوا خدتوا بالكوا. عايزين تروحوا مكان و هو قافش يروح مكان تاني, تفهموه انكوا كدة كدة رايحين, عايز ييجي اهلا و سهلا مش عايز براحته. اتقمص و قال حاروح سيبوه يروح. خد بالك انتوا كدة محدش غلط فيه, انتوا بتتصرفوا طبيعي, انما مش معقول تسيبوه يتحكم فيكوا و يمشي الكل على مزاجه. و الله اتعدل بعد فترة يبقى خير و بركة, ماتعدلش يبقى هو اللي خسركوا مش انتوا اللي خسرتوه.
و لو حتتكلموا معاه بكرة زي ما بتقول قولوله على كل حاجة بتضايقكم منه بصراحة, و فهموه انكوا معندكوش استعداد تقبلوا الطريقة دي منه,علشان لما تبتدوا تتصرفوا معاه بالطريقة اللي فوق دي يبقى فاهم انه هو اللي جابه لنفسه.

[ahmed4000]

معلش انا اسف بس بصراحة تحس انه طفل ومدلع كمان
سيبكم منه لان الصحوبية مش خروجات وفسح..ووقت الجد مش حينفعكم

[Mostafa.Mahran]

الى مطلوب منى انى استحملهم(الاب-الام-الاخوات) حتى لو بيعملو العجب
علشان مينفعش اغيرهم
انما اى حد تانى بالسلامة

[M.Alshafie]

الى مطلوب منى انى استحملهم(الاب-الام-الاخوات) حتى لو بيعملو العجب
علشان مينفعش اغيرهم
انما اى حد تانى بالسلامة

يا باشا انت اكيد طبعا نسيت من غير قصدك الزوجه ههههههههه
و متشكر اوى على ردك