حد لقى فلوس قبل كده على الارض :)

[ahmad--ezzat]

ياجماعه حد لاقى فلوس قبل كده فى الشارع...اصل انا واحد صحبى بيلاقى كتير اوى (حظه غريب) المهم محدش يعرف طريقه الاقى بيها هههههههههههههههههههههه

[Mostafa.Mahran]

مرة لقيت10 ومرة100 ومرة135

وساعات بلاقى حاجات فكة صغيرة بس بكسل اوطى اجبها

[pro_samir]

اخويا بيحكيلي علي واحد صاحبة طول ماهو ماشي باصص في الأرض وبيلاقي حاجات تحفة

[ahmad--ezzat]

مرة لقيت10 ومرة100 ومرة135

وساعات بلاقى حاجات فكة صغيرة بس بكسل اوطى اجبها

ههههههههههههههه

[M.Alshafie]

ههههههههههههههه

المره الوحيده اللى لاقيت فيها فلوس كانوا 30 جنيخ و كنت فى الساحل مش عاوز اقولكم كنت فرحان بيهم ازاى

[kh_talaat]

أنا بقى مره وقع مني في الشارع 2000 جنية

ونفسي اعرف مين ابن المحظوظه اللي لقاهم

[Haitham10]

انا لقيت علي جنب فمرة بس مش متأكد من الرقم واعتقد ميقلش عن 10 الالاف متأستكين وكل حاجه
قلت سبحان الله اديتهم للشيخ في الجامع .. كنت نازل اصلي الفجر اصلا ولقيتهم في طريقي
وكل مااحكي لحد بسمع العجب لكن الهزار والكلام حاجه وانك تلاقي حاجه تغير طريقك وانت رايح لربنا حاجه تانية


بس لو كانو اكتر شوية يعني مليون ولا اتنين كان الواحد يخلع بيهم من البلد هههههههههه

[ahmad--ezzat]

انا لقيت علي جنب فمرة بس مش متأكد من الرقم واعتقد ميقلش عن 10 الالاف متأستكين وكل حاجه
قلت سبحان الله اديتهم للشيخ في الجامع .. كنت نازل اصلي الفجر اصلا ولقيتهم في طريقي
وكل مااحكي لحد بسمع العجب لكن الهزار والكلام حاجه وانك تلاقي حاجه تغير طريقك وانت رايح لربنا حاجه تانية


بس لو كانو اكتر شوية يعني مليون ولا اتنين كان الواحد يخلع بيهم من البلد هههههههههه

اديتهم لشيخ ليه؟؟؟؟؟؟؟؟؟؟؟؟؟؟؟؟؟؟؟؟؟ظ المفروض تخليهم معاك لو مظهرش صاحبهم خلال 3 4 ايام خدهم....وطلع جزء منهم لله وخد الباقى لكن اعذرنى ملهاش لازمه تديهم لشيخ

[lancerevolution]

طيب لما بتلاقيهم يتعمل بيهم إيه ؟؟؟
المفروض تسأل عليهم و ترجعهم لصاحبهم لأنه بيبقى بجد يوم مقرف بالذات لو الفلوس كتير
زى واحد صاحبى لقى كاميرا ديجيتال لما سأل على تمنها إتقاله ب 3000 جنيه تقريبا "على حد قوله" طبعا الباشا خدها ولا سأل و لا عمل و كمان كان عليها صور مسحها كلها من غير ما يدور و يعرف مين صاحب الصور دى
بس انا عمرى ما لقيت حاجة زى كدا

[Haitham10]

اديتهم لشيخ ليه؟؟؟؟؟؟؟؟؟؟؟؟؟؟؟؟؟؟؟؟؟ظ المفروض تخليهم معاك لو مظهرش صاحبهم خلال 3 4 ايام خدهم....وطلع جزء منهم لله وخد الباقى لكن اعذرنى ملهاش لازمه تديهم لشيخ

يابشمهندس انا قصدت امام الجامع لانهم كانو جنب الجامع عشان يذيع عنهم هو فضل يقولي لو بعد معرفش كام يبقوا بتوعك قلتله لا اعتبرني متبرع بيهم للجامع لو مظهرش صاحبها ومعرفش بعد كدة اي حاجة بصراحة ودة التفكير الي اهداه اليه ضميري بعد ما صليت فضلت قاعد افكر

[dr.nemo]

أنا لقيت موبايل نوكيا 6131 وكانت الشاشة مكسورة
ومفيهوش شريحة كمان
وصلته على الكمبيوتر وطلعت الأرقام
وبعت لرقم منهم رسالة تفيد بوجود الجهاز معايا
وبالليل كلمني
وبعت صاحبه اخده مني

[Xander2010_Evo]

مرة 50 مرة 20 مرة 100
بس صراحة صاحب ال100ده ظهر وش علطول وآديتهالو
والطبيعي إني بيقع مني أكتر مما بلاقي
وقع مني قبل كده 50جند وفلاشة

[AhMeD EzZ]

مرة لقيت في البحر في الاسماعلية 100 في 10 في 20
طلعو بتوع راجل صعيدي كان نازل بيهم المية اديتهمله طبعا
و مرة تانية لقيت 85 جنية

[نور القمر]

مرة وانا صغيرة اول ما نزلت الشارع لقيت قلوس فضية وطول منا ماشية الاقي الاقي ههههههههههه والله بجد
تقريبا حد كان جيبه مخروم كنت فرحانه بيها اوي
وانا في ثانوي لقيت واحد نازل من عربيته ووقع باكو او اتنين مأستكين ومشي ومخدتش باله ومحدش كان في الشارع غيري وغيري جريت علشان احصله وقلت له كان سعيد جدا وفضل يتشكرلي لحد ما مبعدت عنه خالص
ومن كام شهر لقيت موبايل e65 في قاعة افراح اديته لابن عمتي لانه كان معايا في الفرح ووصله لصاحبه
اقيم حاجة لقيتها او لقاها زوجي قطعة دهبية عبارة عن سلسلة مقطوعة من حاجة غالبا ميدالية ووزنها كبير حوالي 15 جرام عملنا عنها اعلان في الجرنان عشان نبقه براءة من اي ذنب ومحدش اتصل وقال الاوصاف بالظبط وبعد 3 شهور بدلتها بحاجة تاني وطبعا طلعت زكاتها

[hady83]

أنا مرة بعد ما خرجت من الشغل وكان المدير في اليوم ده قارفني لدرجة إن كل الموظفين اللي في الشركة مشوا وانا وهو بس اللي قعدنا نشتغل حتي الساعي مشي.المهم بعد ما خرجت لقيت 100 جنيه إتصلت بالمدير وقولتله انا عايزك كل يوم تقرفني وتسهرني.هههههههه.وسألت شيخ قالي خليها معاك أربعين يوم لو ما لقيتش صاحبها يبقي حلال عليك.
بس دايما الاقي جنيه أو نص جنيه بالذات الفضة لأنها سهل إنها تقع من حد.