الموبايل الصيني وقناة الناس

[نور القمر]

شغال اعلان حاليا على قناة الناس عن مويايل صيني اسمه gaoxinqi ارسلت رساله تحذيرية للقناة الي المفروض بتظهر على البانر محتواها احترسوا الاتصالات المصرية بدأت في ايقاف الموبايلات الصيني من يومين
وقلت اتصل بالشركة المعلنة رقمهم 33858585 واتصلت بيهم ورد عليا واحد وقلت له نفس الخبر وقلت له ممكن تتأكد من الموضوع من جرائد يوم الثلاثاء لان اعلانكم كدة فيه غش للناس
عارفين رده عليا قالي ايه !!!
انهم مش المصدر الوحيد للموبايل الصيني في مصر وان الجرائد فيها مشاكل كتير ممكن احلها وقفل الخط
رده مستفز بصراحة يعني بدل ما يتأكد من الموضوع ويبطلوا يذيعوا اعلان عن سلعة فيها غش مباشر للناس بيبرر موقفهم ان المشاكل كتير مجتش على موبايل صيني اللي هايشتريه هايخسر تمنه
ياريت كلنا نتصل برقمهم ونقولهم ان ده غش للناس وانا ناوية ان شاء الله اتصل بجهاز حماية المستهلك واشوف ردهم ايه
مع العلم ان القناة دائما تعلن عدم مسئوليتها عن السلع المعلن عنها علشان الناس اللي ناوية تغلط في القناة واصحابها انا بريئة من كلامهم

[أبو إياد]

دى عالم عايزه الحرق
انا اكره ما عندى فى التليفزيون الاعلانات الغريبه دى شركه ام على وشركه ابو الليل وحاجه اخر استفزاز وواحد قاعدلى على سرير يوصف ويتغزل فى جمال اللحاف وواحد دقنه نازله لغايه بطنه لزوم الثقه وعمال يشرح طقم صينى مكون من 20 الف قطعه

وبعدين بقا رغى رغى رغى رغى

بجد حاجه تقرف ده انا عندى اعلانات البنات اللى بتطلع والمسابقات ارحم على الاقل انت عارف ان دى حاجه تافهه

[Terrible_DaRsH]

بيستغلوا الدين فى النصب على الناس ..

من يومين والدتى بتقولى شوف اعلان الكاميرا ده دى ارخص من كاميرتك بكتيررر و مواصفاتها شبهها .

خرجت اشوف الاعلان الجميل , لاقيت الرجل " اللى مربي دقنه " بيقول لا تفوت الفرصة مع الكاميرا السونى الممتازة .

و فى اخر الاعلان بيقول شركة سونى الكورية . سونى بقت كورية و انا معرفش .

الناس دى بيستغلوا المظاهر الدينية فى بيع سلع " نص عمر " او مصنوعة تحت السلم فى الصبن و فاكرينها تجارة حلال .

و على فكرة الموبايلات الصينى متقطعش عنها الخدمة و لا حاجة .

[romeo_6887]

يعني خلاص الموبايلات الصيني جيم اوفر ؟

[نور القمر]

امبارح مش فاكرة على الناس ولا الرحمة الشيخ اسحاق الحويني علق على موضوع الاعلانات وقال ياريت الادارة تفكر فيها شوية


بالنسبة للموبايلات الصيني قالوا هايقفوها تدريجيا وهايدوا مهلة لشركات المحمول للانتهاء منها

[الطنطاوي]

مش كل الموبيلات الصيني هاتتوقف عنها الخدمة فقط الموبيلات التي تحمل نفس السريال لأن المفروض كل موبايل له رقم عالمي وبعض الشركات الصينية غير معتمدة عالميًا فتحط نفس السريال على كل الأجهزة

[ehabradwan]

امبارح مش فاكرة على الناس ولا الرحمة الشيخ اسحاق الحويني علق على موضوع الاعلانات وقال ياريت الادارة تفكر فيها شوية


بالنسبة للموبايلات الصيني قالوا هايقفوها تدريجيا وهايدوا مهلة لشركات المحمول للانتهاء منها

يا نور انتي فاهمة الموضوع غلط
اللي هايتمنع الصيني اللي متهرب مش كل الصيني لان لو كل الصيني هيتمنع كلنا هنرجع نتكلم في الارضي تاني لان الموبايلات اللي مصنوعة في الصين تمثل 99% بما فيها نوكيا وسامسونج و...

اللي هيتمنع اللي داخل من قنوات غير شرعية يعني متهرب من الآخر وماعتقدتش انهم يبقوا مهربين تليفونات و بيعلنوا عنها في التلفزيون
بس بصرف النظر عن الكلام ده الشركة السعودية اعلاناتها مستفزة بطريقة بشعة

[lancerevolution]

أعتقد إن الى هتسحب هيكون الى من شركات صينى يعنى مش نوكيا ولا سامسونج

[نور القمر]

مش عارفة والله يا ايهاب الحقيقة فين

انا دورت في النت ولقيت الاتي
إيهاب سعيد رئيس شعبة مراكز الاتصالات باتحاد الغرفة التجارية .........
وأضاف ان الخطورة لا توجد في جميع الاجهزة الصيني ولكن هناك حوالي3 أنواع معتمدة لدي الجهاز القومي للاتصالات وتكون خاضعة ومطابقة للمواصفات العالمية مؤكدا انه لابد أن يقوم الجهاز القومي للاتصالات بعمل نشرة يعلن فيها هذه الانواع المعتمدة التي تطابق المواصفات العالمية حتي لايقع المستهلك ضحية للتاجر المهرب.


يعني الى الان محدش عارف ايه ال 3 انواع المعتمدة واللي مش هايتقطع عنها الخدمة
يعني ممكن اشتري منهم الموبايل وتاني يوم الخدمة تقف

وبالبحث اكثر لقيت الموضوع التالي
يبدو أن حماس وزير الاتصالات الدكتور طارق كامل وجهازه القومي لتنظيم الاتصالات لشركات بيع أجهزة المحمول لاينقطع، خاصة شركة راية التي تستحوذ علي نسبة كبيرة من سوق أجهزة المحمول، ولحماس الجهاز القومي تاريخ طويل بدأ عندما تدخل الجهاز ضد زميله جهازحماية المستهلك، وأوقف مسار القضية التي رفعها الجهاز ضد شركة راية، والتي وصلت إلي النيابة العامة. ولكن قبل إحالتها للمحكمة، فوجئ الجميع بخطاب يصل للنيابة المختصة من جهاز تنظيم الاتصالات يؤكد أن شركات المحمول تابعة لرقابته وليس لجهاز حماية المستهلك. وهكذا أغلقت قضية راية بالضبة والمفتاح، الآن يواصل الجهاز حربه المقدسة لحماية الشركة الاكبر في قطاع بيع المحمول بصفحة جديدة اسمها (الموبايل الصيني)، الآن يطل علينا رئيس الجهاز المهندس عمرو بدوي بتهديد أربعة ملايين مصري بقطع الخدمة عنهم بعد أن طلب من شركات المحمول الثلاث قطع الخدمةعن الأجهزة التي لاتحوي رقما مسلسلا، ومعظمها أجهزة صينية الصنع انتشرت في السوق المصري كالنار في الهشيم ، وألمح بدوي إلي ان السبب وراء قراره يرجع إلي حماية الامن القومي ،ولكن بدوي وجهازه لم يبديا حماسا مماثلا في وظيفته الاساسية بمنع ظاهرة بيع خطوط التليفون دون تسجيل بيانات اصحابها.

اما بالنسبة للاعلانات على قناة الناس عموما فكل اللي جربها أكد على رداءة المنتجات وارتفاع اسعارها
انا كنت شارية بوتوجاز مسطح من عبد العزيز لمكتب زوجي المفروض انه انه استانلس استيل ماركة معينة لكن غير مشهورةوفي نفس التوقيت كانت القناة بتعرضه والله بضعف السعر ومطلعش استانلس وصدى !!!!

[elassar2010]

مش عارفة والله يا ايهاب الحقيقة فين

انا دورت في النت ولقيت الاتي
إيهاب سعيد رئيس شعبة مراكز الاتصالات باتحاد الغرفة التجارية .........
وأضاف ان الخطورة لا توجد في جميع الاجهزة الصيني ولكن هناك حوالي3 أنواع معتمدة لدي الجهاز القومي للاتصالات وتكون خاضعة ومطابقة للمواصفات العالمية مؤكدا انه لابد أن يقوم الجهاز القومي للاتصالات بعمل نشرة يعلن فيها هذه الانواع المعتمدة التي تطابق المواصفات العالمية حتي لايقع المستهلك ضحية للتاجر المهرب.


يعني الى الان محدش عارف ايه ال 3 انواع المعتمدة واللي مش هايتقطع عنها الخدمة
يعني ممكن اشتري منهم الموبايل وتاني يوم الخدمة تقف

وبالبحث اكثر لقيت الموضوع التالي
يبدو أن حماس وزير الاتصالات الدكتور طارق كامل وجهازه القومي لتنظيم الاتصالات لشركات بيع أجهزة المحمول لاينقطع، خاصة شركة راية التي تستحوذ علي نسبة كبيرة من سوق أجهزة المحمول، ولحماس الجهاز القومي تاريخ طويل بدأ عندما تدخل الجهاز ضد زميله جهازحماية المستهلك، وأوقف مسار القضية التي رفعها الجهاز ضد شركة راية، والتي وصلت إلي النيابة العامة. ولكن قبل إحالتها للمحكمة، فوجئ الجميع بخطاب يصل للنيابة المختصة من جهاز تنظيم الاتصالات يؤكد أن شركات المحمول تابعة لرقابته وليس لجهاز حماية المستهلك. وهكذا أغلقت قضية راية بالضبة والمفتاح، الآن يواصل الجهاز حربه المقدسة لحماية الشركة الاكبر في قطاع بيع المحمول بصفحة جديدة اسمها (الموبايل الصيني)، الآن يطل علينا رئيس الجهاز المهندس عمرو بدوي بتهديد أربعة ملايين مصري بقطع الخدمة عنهم بعد أن طلب من شركات المحمول الثلاث قطع الخدمةعن الأجهزة التي لاتحوي رقما مسلسلا، ومعظمها أجهزة صينية الصنع انتشرت في السوق المصري كالنار في الهشيم ، وألمح بدوي إلي ان السبب وراء قراره يرجع إلي حماية الامن القومي ،ولكن بدوي وجهازه لم يبديا حماسا مماثلا في وظيفته الاساسية بمنع ظاهرة بيع خطوط التليفون دون تسجيل بيانات اصحابها.

اما بالنسبة للاعلانات على قناة الناس عموما فكل اللي جربها أكد على رداءة المنتجات وارتفاع اسعارها
انا كنت شارية بوتوجاز مسطح من عبد العزيز لمكتب زوجي المفروض انه انه استانلس استيل ماركة معينة لكن غير مشهورةوفي نفس التوقيت كانت القناة بتعرضه والله بضعف السعر ومطلعش استانلس وصدى !!!!

الى انا اعرفة ان الموبايلات الصينى الى ليها توكيل مش هينقطع عنها الخدمة
زى انيكول
والى بيتعرض على قناة الناس
لان الموبايلات دى داخلة بشكل شرعى وفى توكيل والسريالات بتاعتها مختلفة
والله اعلم

[samoevil911]

جضرتك هو مبدأين القناة مش هيا صاحبت المنتج دا مجرد الشركة صاحبت المنتج بتعلن على القناة . فالقناة فعلا غير مسؤلة عن المنتج ولا تعرف عنه حاجة
اما موضوع اللي رد على حضرتك فدا واحد في المبيعات يعني بردوا مش تبع القناة خالص
أما واجب القناة في التأكد من المنتج أولا هي مجرد بتعلن ولحد دلوقني الهواتف الخطرة الانواع متحددتش عشان تتوقف.. ويا عالم يمكن مفيش هواتف خطر .. والله اعلم

ولو حد عايز يقدم شكوة يبقي لأدارة القناة نفسها ولو عجز عن كدا يبقي لأحد شيوخ القناة وأكيد مش هيسكت
بس لازم نراعي بردو ان دي مشكلة فنيه داخل الموبيل يعني مش أي حد هيعرف هي صح والا لأ .. ولحد دلوقت الأنواع متحددتش يبقي هما هيعرفوها ازاي . بس بردو منكسلش واللي فعلا عايز يحس ان ادى دوره يبقي يشتكى لإدارة القناة .. يمكن يعرفوا ينسقوا مع الوزارة ويعرفوا الأنواع او النوع اللي بيعلن عنه عتدهم دا كويس والا ضار
(واعتقد ان اللي عندهم مش ضار والله اعلم)


اما موضوع الكاميرا السوني الكوري .. فبكل بساطة دا مش غش هو لما يقول كاميرا سوني الكوري يبقي حدد انها مش سوني الياباني .. ودا في حد ذاته دليل عدم الغش .. زي مقول محمد المصري ومجمد العراقي معناه ان محمد دا غير دا أما الغش انه يقول دي كاميرا سوني اصلي بس مصنوعه في كوريا ام ميقلش كوريا ويسيبك تتفاجئ بعد الشراء.. دا غير ان المواطن في الغالب عارف ان السعر دا استحالة يكون سعر سوني الياباني ..

[نور القمر]

انا قولت في اول مشاركة ان القناة بتعلن عدم مسئوليتها عن المنتجات المعلنة يعني لم احملها مالا يخصها من مسئولية وشايفة ان المسئولية كاملة تقع على الشركة المعلنة وانا بالفعل بعت لادارة القناة اميل ويحتوي على الخبر المنشور في المصري اليوم
اما بخصوص الموبايل الصيني انا مش بتكلم في ضرره على الصحة او عدمه
انا بتكلم في نقطة ان ممكن الموبايل يتباع للمواطنين بناءا عن اعلانهم وتاني يوم الخدمة تتوقف ومدام مش معلن الى الان ايه الموبايلات المعتمدة وايه الموبايلات الغير معتمدة اذن في احتمال 50% انها تكون مش معتمدة وبالتالي ده فيه غش للناس

اما بالنسبة للكاميرا السوني الكوري فده نوع من انواع الغش
لان في ناس كتير ميعرفوش غير ان سوني ماركة محترمة وميعرفوش اذا كانت كوري ولاياباني وبالتالي فيه استغلال لسمعة الشركة الحسنة في ترويج منتج ليس محل ثقة
وميفرقش عن ماركات الاجهزة اللي بتقلد اسم ماركات شهيرة ويبقه اختلاف بسيط في الحروف وبتقلد لوجو المنتجات الشهيرة
كل دي حالات تقع تحت بند الغش

[nabaster]

فعلا نفس الي حصل مع والدتي

بتقولي في مره شوف الكمبيوتر ده رخيص ازاي

ارخص ما انتا جبته

وكان كمبيوتر كامل وشاشه 17 تقريبا وعامل 1200

لحد هنا عادي

الي مش عادي بقي لما قريبي اتصل يسال علي مواصفات الجهاز واول حاجه سمعها ان الجهاز بنتيام 3 استعمال الخارج

يعني اصلا الجهاز كله علي بعضيه ميجبش 500 ولا 600 جنيه

ويقولك تمنه 1200 جنيه

استغلال سيء لشهرة القناه ومكاناتها وغير كده المزيعيين الملتحيين الي بياكدو الموضوع ده

ربنا يهدي

A.Yakout

[zizo50001]

للاسف قناة الناس هتضيع نفسها بالطريقة اللى بتعمل بيها الاعلانات دى لان الناس اللى بتعلن بتعلن عن حاجة وبتستغل مصداقية القناة

[smsmxxxxxx]

بالنسبة لموضوع ان القناة غير مسئولة عن الاعلانات
فمعلش دى مش قناة اغاني
دى قناة دينية يعنى بيبقي فى ثقة زايدة من المشاهد
فالمفروض ان فى مراقبين للاعلانات دى فى القناة وبيشوفوا الاعلان قبل ما يتزاع
والناس دى اكيد دارسة وفاهمة

فلما احنا كمستهلكين عاديين نفهم ان مش منطقي ان سعر كمبيوتر بنصف السعر بدون سبب

او ان مش ممكن ان يكون فى شركة اسمها سونى الكورية ومتتزكرش كلمة الكورية غير فى اخر الاعلان
لان من المعروف الشركات العالمية بتتسجل فى كل الدول ومينفعش تتسجل شركة بنفس الاسم

كل ده والمراقبين دول فين يبقي معلش القناة مسئولة
ومسئوليتها تتحدد فى اظهار تفاصيل الاعلان المخفية والتأكد من مواصفات المنتج على الاقل
انها مطابقة للاعلان

-------------
محمد سالم