دعوة للايجابية !! ثقافة يجب اشاعتها

[Moh.Fahmy]

ياريت كلنا نبقى ايجابين فى حياتنا ولما نشوف اى موقف سلبى نغيره مهما كان صغير بس اكيد هيفرق فى حاجه تانيه

وموقف ايجابى عجبنى من صحابك

بس لازم يا محمد باشا نبدأ بنفسنا الاول لان فاقد الشيء لا يعطيه و كمان عشان الواحد يبقاله مصداقية لدي الطرف الاخر يعني ما ينفعش اكون سلبي و اطلب منك الايجابية و علي وزن كن جميلا تري الوجود جميلا فكن ايجابي لتري الوجود ايجابي
و شكرا يا باشا علي تعليقك

موقف فعلاااا نبيل من صديقك
وساعات الواحد بيكوون محتاج لانسان محترم عشان يحكم بالعدل بينة وبين شخص اخر مختلف معاة

واتذكر مرة كنت راكب تاكسى فى الارياف واختلفت انا والسائق بالطبع على الاجرة لما السواق عرف انى غريب ومش من المدينة دى وكان عاوز ياخد عشرين جنية فى توصيلة ثمنهاااا بالكتير 5 جنية زى ماقالولى قرايبى اللى كنت رايح عندهم وكنا باليل
المهم قعدنا نزعق انا وهو لحد ماجة راجل يبان علية انة محترم وكان معدى بالصدفة فحكمناة بينا

يقوووم يقولى اية يابية انتا مش وصلت بالسلامة خلاص اديلو اللى هو عاوزة

الغرض و الله يا زعيم من الموضوع ده اننا نتفاعل مع الايجابية و نعيشها و نذكر بعض دايما لان في زحمة الحياة و الضغوط الانسان بينسي قيم كتير جدا و طبعا الذكري تنفع المؤمنين
فتلاقي واحد عنده مباديء و مثل بيرددها كتير جدا و تبقي منبهر بيه جدا انما تلاقي رد فعله عند اقرب موقف بعيد تماما عما ينادي بيه ..احنا بقي عايزين نفعل القيم دي و ننزلها من علي الرفوف و ننفض التراب اللي عليها عشان نشغلها و صدقني و الله منتهي المتعة انك تفعل ما تؤمن به و تحبه و تصم آذانك عن وساوس السلبيين من عينة يعني انت اللي حتغير الكون..يا عم كبر..دماغك بقي..
فلو مقدرتش تغيرهم ما تسمعش كلامهم
و بعدين صحيح انت ايه اللي مزعلك من سواق التاكسي مش الراجل وصلك بالسلامة مش عايز تديله اللي هو عايزه ليييييييييييييه

محمد فهمي

[أحمد كمال]

في السعودية التأمين اجباري و بملاليم

تحصل الحادثة الناس تنزل تسلم على بعض و تتطمن على بعض و تكلم البوليس ييجي يعاين و يصور و يرفع و يدي الناس تصاريح تصلح بيها (ما ينفعش تصلح من غير تصريح) و التأمين يشيل و خلاص نسلم على بعض و حمدا لله على سلامتك يا بو فلان و فرصة سعيدة يا بو علان و سلام عليكم ....... بمنتهى التحضر ...... عقبالنا يا رب

[otefa]

زي اوروبا والدول المتقدمة

[Imhotep]

ربنا يبارك لصاحبك فى وقته و مجهوده و اهتمامه..... و فعلا ايجابيته هى اللى خلت الموقف ياخد منحنى تانى غير المتوقع ياخده من خناقات و مشاحنات و حرق دم و ممكن ما هو اسوأ..... الايجابية احساس و فكرة(تفكيره وهو فى العربية بعدما شاهد الموقف بتفاصيله) ثم قرار (حين قرر ان يشهد شهادة حق) ثم فعل (نزل و اشترك و تعاطف مع الناس اللى تستاهل و هذب الناس اللى متستاهلش زى صاحب التاكسى)..... فعلا لما الانسان يتغير من جواه ممكن يغير من الواقع اللى حواليه.....

[elassar2010]

موقف جميل جدااااااااا

[Moh.Fahmy]

في السعودية التأمين اجباري و بملاليم

تحصل الحادثة الناس تنزل تسلم على بعض و تتطمن على بعض و تكلم البوليس ييجي يعاين و يصور و يرفع و يدي الناس تصاريح تصلح بيها (ما ينفعش تصلح من غير تصريح) و التأمين يشيل و خلاص نسلم على بعض و حمدا لله على سلامتك يا بو فلان و فرصة سعيدة يا بو علان و سلام عليكم ....... بمنتهى التحضر ...... عقبالنا يا رب

بالظبط كده انا عندي اخويا عايش في السعودية و بيعاني معاناه شديدة لما ييجي يسوق في مصر
السيستم في السعودية مختلف تماما عن اللا سيستم في مصر و دايما السيستم بيريح الناس و تحس ان حقك مش حيضيع انما احنا هنا في مصر و ده الواقع بتاعنا بكل اسف...حنعمل ايه
المفروض ان تعديلات قانون المرور بدل ما كانت تركز علي الغرامات و الجباية كانت تركز علي وضع اسس الناس تتعامل علي اساسها في حالة الحوادث
يييييييييه برضه دخلنا في السياسة لو الادارة شايفة ان فيه تجاوز فأنا بعتذر و ممكن يحذفوا التجاوز

زي اوروبا والدول المتقدمة

يا جماعة لازم نتكيف مع واقعنا المرير و ما نخليش الواقع ده يؤثر في سلوكيتنا لان القوي من وجهة نظري هو اللي تبقي اخلاقه و سلوكياته اقوي من اي واقع مرير

ربنا يبارك لصاحبك فى وقته و مجهوده و اهتمامه..... و فعلا ايجابيته هى اللى خلت الموقف يا خد منحنى تانى غير المتوع ياخده من خناقات و مشاحنات و حرق دم و ممكن ما هو اسوأ..... الايجابية احساس و فكرة(تفكيره وهو فى العربية بعدما شاهد الموقف بتفاصيله) ثم قرار (حين قرر ان يشهد شهادة حق) ثم فعل (نزل و اشترك و تعاطف مع الناس اللى تستاهل و هذب الناس اللى متستاهلش زى صاحب التاكسى)..... فعلا لما الانسان يتغير من جواه ممكن يغير من الواقع اللى حواليه.....

الله ينور عليكي لانك بكده اصبت كبد الحقيقة و تعايشتي صح مع الموقف لان تحليلك للموقف كأنك كنتي موجودة فيه بالظبط
و ده الغرض من استعراض الموقف ده اننا نبطل يأس و سلبية و اللي مش ايجابي يحاول يكون ايجابي و يجرب كده كام موقف ايجابي و يتذوق طعم الايجابية لاني اعتقد ان الايجابية دي معدية زي الانفلونزا كده - عايزين نصاب بأنفلونزا الايجابية

محمد فهمي