اتمسكت ماشى مخالف !!

[I.S.L.A.M]

ليلة البارحة كنت رايح مشوار فى صلاح سالم وقلت اركن فى الشارع الى جنب نادى الحرس الجمهورى وقيادة القوات الجوية المهم دخلت الف من قدام ومكنتش اعرف ان الفتحة دى اتجاه واحد انا فاكرها جراج بس طلعت جزء من الشارع على الرغم ان انا بركن هناك من اكتر من سنتين المهم لقيت الى جاى يجرى ورايه ومعاه دفتر وقالى على فكره انت ماشى مخالف قولتله انا معرفش انا اول مره اعرف انا الشارع ده اتجاه واحد ومشفتش اى علامات وكمان كنت لابس الحزام و وبكلمه بكل ذزق وهو كان مندوب شرطة فقالى يعنى انت ماتعرفش قلتله لأ!! وكمان انا ازاى هيبقى عكس واشوفك واقف واروح داخل ناحيتك على الاقل كنت لفت من بعيد راح قالى خلاص حصل خير اتفضل!! الصراحة انا استغربت وروحت مشيت وركنت ولقيته مكتبش اى حاجة فى دفتره قلت ماشاء الله دا الاحترام بيجيب فايدة اهو الصراحة بعد ما ركنت روحتلو قالى هو فى اى مشكله معاك قلتله لامفيش بس انت لازم تيجى تفطر معايا قالى لأ طبعا مش ينفع قوتلو خلاص اشترى لنفسك فطار واديته عشرين جنية وماكنش راضى ياخدها خالص قوتلو دى مالهاش دعوه بالموقف بتاعك انت لو مخدهاش ههجيبلك فطار وممكن مش يعجبك الراجل الصراحة بعد مااقنعته ان هى مش رشوة ودى عزومة وبعد ما نشف ريقي ريضي ياخدها بس بعديها كنت ماشى وانا مبسوط ان فى ناس لسه بتقدر على الرغم من انى دائما كنت فى انتقاد ليهم بس قلت لازم الحق يتقال واحكى الموقف بجد .

[Moh.Fahmy]

الله ينور عليك و كل مجال فيه الكويس و فيه الوحش و انا طول عمري بقول ان فيه شخصيات محترمة كتير جدا في الشرطة انما دايما الحاجات الوحشة هي اللي بتطفو علي السطح

محمد فهمي

[amrelsaqqa]

ايه الحلاوة دى

لا بجد قمة الاحترام المتبادل

ربنا يكتر من امثاله

اكيد عشان حضرتك محترم فربنا وقفلك حد محترم برده

[Eng.Geo]

موقف كويس منه جدا
بس انت اديته فلوس ليه أو بمعني ايه اللي خلاك تفكر انك تفطره ؟؟

[kimonesta]

واللله موقف جميل منك والله العظيم انا مبسوط جدا ان لسة فى ناس فى مصر كدة وربنا يبارك للراجل دة فى موقف زى دة كان ممكن يستغلك اوسخ الاستغلال

[I.S.L.A.M]

ان فيه شخصيات محترمة كتير جدا في الشرطة انما دايما الحاجات الوحشة هي اللي بتطفو علي السطح

محمد فهمي

+1111111111111111

ايه الحلاوة دى

لا بجد قمة الاحترام المتبادل

ربنا يكتر من امثاله

اكيد عشان حضرتك محترم فربنا وقفلك حد محترم برده

الف شكر على ذوقك بس الصراحة هو الى كان ذوق معايا

بس انت اديته فلوس ليه أو بمعني ايه اللي خلاك تفكر انك تفطره ؟؟

هو الصراحة مكنش عايز ياخد فلوس خالص وكنت عايز اعمله اى حاجة كرد للجميل للمعواملة الطيبة مش موضوع عدم اعطاء مخالفة وقولت اكيد طالما هو ذوق كده فاكيد حالته المادية مش متزبطة لان الكل عارف مرتبات الشرطة تعبانة ازاى دىه مش بيحصل 500 جنيه فى الشهر على بعض فقولت اكيد لو هو مش كويس كان عمل على فيلم واقل واجب كان ضرب كام ورقة بمية بعد التناحة .

واللله موقف جميل منك والله العظيم انا مبسوط جدا ان لسة فى ناس فى مصر كدة وربنا يبارك للراجل دة فى موقف زى دة كان ممكن يستغلك اوسخ الاستغلال

اكيد طبعا و ربنا يكتر من امثاله مع ان الراجل تشوفه تقول اكيد مكلش من شهرين بس هو حتى مفكرش ان انا راكب عربية وهو واقف فى الشمس وطالع عينه .

[rockana9112007]

تعرف انتا موقفك كويس بس المفروض مكنتش تدية فلوس كنت تدية اى حاجة هدية او تجيبلة اى حاجة مادية وكنت طبعااااا تشكرة لحسن معاملتة مع الناس وتأكد على كدة
عشان ميفتكرش انة عمل جميل فيك والشيطان يوزة ويستغل حد تانى

[Eng.Geo]

كدة السبب بقي احسن
ربنا يباركلك

[I.S.L.A.M]

تعرف انتا موقفك كويس بس المفروض مكنتش تدية فلوس كنت تدية اى حاجة هدية او تجيبلة اى حاجة مادية وكنت طبعااااا تشكرة لحسن معاملتة مع الناس وتأكد على كدة
عشان ميفتكرش انة عمل جميل فيك والشيطان يوزة ويستغل حد تانى

معلش ياباشا هو الشيطان لو كان هيوزة كان وزة من زمان بس انا قلت اهو يعمل اى حاجة تفيدة بالفلوس

[ahmad--ezzat]

ايه دة الكلام دة فى مصر؟؟؟

[I.S.L.A.M]

ايه دة الكلام دة فى مصر؟؟؟

لا فى صلاح سالم ياباشا نابرضو مكنت مصدق والله بعد الموقف ده لدرجة انى قعد افكر فيه فى العربية بعد ما الراجل الطيب ده مشى واضحك

[youssefmustang]

ليلة البارحة كنت رايح مشوار فى صلاح سالم وقلت اركن فى الشارع الى جنب نادى الحرس الجمهورى وقيادة القوات الجوية المهم دخلت الف من قدام ومكنتش اعرف ان الفتحة دى اتجاه واحد انا فاكرها جراج بس طلعت جزء من الشارع على الرغم ان انا بركن هناك من اكتر من سنتين المهم لقيت الى جاى يجرى ورايه ومعاه دفتر وقالى على فكره انت ماشى مخالف قولتله انا معرفش انا اول مره اعرف انا الشارع ده اتجاه واحد ومشفتش اى علامات وكمان كنت لابس الحزام و وبكلمه بكل ذزق وهو كان مندوب شرطة فقالى يعنى انت ماتعرفش قلتله لأ!! وكمان انا ازاى هيبقى عكس واشوفك واقف واروح داخل ناحيتك على الاقل كنت لفت من بعيد راح قالى خلاص حصل خير اتفضل!! الصراحة انا استغربت وروحت مشيت وركنت ولقيته مكتبش اى حاجة فى دفتره قلت ماشاء الله دا الاحترام بيجيب فايدة اهو الصراحة بعد ما ركنت روحتلو قالى هو فى اى مشكله معاك قلتله لامفيش بس انت لازم تيجى تفطر معايا قالى لأ طبعا مش ينفع قوتلو خلاص اشترى لنفسك فطار واديته عشرين جنية وماكنش راضى ياخدها خالص قوتلو دى مالهاش دعوه بالموقف بتاعك انت لو مخدهاش ههجيبلك فطار وممكن مش يعجبك الراجل الصراحة بعد مااقنعته ان هى مش رشوة ودى عزومة وبعد ما نشف ريقي ريضي ياخدها بس بعديها كنت ماشى وانا مبسوط ان فى ناس لسه بتقدر على الرغم من انى دائما كنت فى انتقاد ليهم بس قلت لازم الحق يتقال واحكى الموقف بجد .

انا نفسى يقابلنى واحد محترم زى اللى قابلك كده لكن انا حظى زى الزفت بقع من كتيبة اعدام بس على مين هو اتصال موبييل واحد بيبقى زى القطة السيامى معايا
وبصراحة هى مرة واحدة اللى حصل موقف شبيه بموقفك كده لما ماكنتش لابس الحزام لاقيته بيخبط على الازاز وبيشاور بأيده (الرخص يعنى) اديتهاله قالى حضرتك مخالف بقوله ليه ما انا سليم قالى ركز بس قعد ابص حواليا مش لاقى حاجة قولتلو العربية فيها حاجة من بره قالى لا ركز بس وانت تشوف خلانى اتروشت على الاخر قولتلو ما تجننيش فى ايه قالى الحزام قولتلو والله انا كنت سهران وما نمتش غير ساعتين ونص بس ومش مركز قالى بعد كده ممكن تتخيط وابقى نام كويس يا عم بلاش عشان المخالفة عشان خاطر ما تخبطش حد وانت نايم او يجرالك حاجة وانت سايق ... وادانى الرخص وهو ده الموقف الوحيد الذى اتذكره لرجل مرور نضيف ومحترم
اخوكم يوسف

[magyver]

واللة مانا مصدق ان الكلام دة في مصر
انا مرة اتمسكت مخالف بردو ومكنت اعرف خالص
ان الطريق دة مخاااااالف
وكنت انا واصحابي وقعد يقلي انتو شباب روشة ومش عارف اية
قمت غمزو ب10 جنية واتبسط قوي

[Khaled_Nowaihy]

تعرف انتا موقفك كويس بس المفروض مكنتش تدية فلوس كنت تدية اى حاجة هدية او تجيبلة اى حاجة مادية وكنت طبعااااا تشكرة لحسن معاملتة مع الناس وتأكد على كدة
عشان ميفتكرش انة عمل جميل فيك والشيطان يوزة ويستغل حد تانى

صـــــــــــــــــــــــــــــــــح

[I.S.L.A.M]

يا عم بلاش عشان المخالفة عشان خاطر ما تخبطش حد وانت نايم او يجرالك حاجة وانت سايق ... وادانى الرخص وهو ده الموقف الوحيد الذى اتذكره لرجل مرور نضيف ومحترم
اخوكم يوسف

الحمد لله كده ابتدو يكترو رنا يسهل عقبال الباقى ما يبظف