لو هتجوز تعمل فرح ولا لا

[shaddadfalcon1]

بيتهيالي الموضوع مختلف من المدن والريف
يعني انا مثلا بما اني كنت عايش في الريف لما اتجوزت بنعمل الفرح كذا يوم ونور متعلق وناس تيجي تسهر كل ليله ويوم الفرح ندبح العجل ونعمل الوليمه والناس كلها تاكل وتتبسط والعصر يكون الموضوع كله خلص ومفيش غير ان العريس يجيب عروسته وهنا بقي يعتبر الفرح خلص علي الأقل بالنسبه ليا لاني مش بحب الحاجات اللي بعد كده كلها
انا مجرد ان رجت جبت مراتي واهلي زفوني زفه حلوه ودخلت علي طووووووول

باختصار مش لازم مصاريف كتير وزيطه وزمبليطه عشان يبقي في ذكريات حلوه

بس انا كان في قاعده ماشي عليها انا ومراتي اننا مش هنعمل حاجه تغضب ربنا

وخلو بالكو ان التكلفه الكتيره دي تعتبر تبذير
يعني 40000 مبلغ يشتري عربيه ياجماعه حرام اضيعه في ساعتين حتي لو كانت ليلة العمر

[egyptawy2010]

طيب فيه حاجة تانية

الا ملوش فى الرقص والتنطيط يعمل ايه
هيحس انه دمه تقيل والناس هتقول عليه عريس رخم ودمه تقيل

تعمل ايه لو انت كده

[sh21s]

موضوع الفرح بيكون فيه إعتبارات كثيرة و منغيرة وفقا لظروف الطرفين، و تختلف من مكان لآخر و من وقت لآخر.
على سبيل المثال لا الحصر: بالنسبة للعريس الذي يسكن القاهرة و أهله من إحدى المحافظات بيكون عايز يعزمهم على فرحه و طبعا عيب قوي إن أهله يسافروا عشان يباركوا له و لا يقوم معهم بالواجب.
و في هذه الحالة كثيرا ما يكون الفرح - بصرف النظر عن شكله - هو الحل الأفضل من حيث المكان و الوقت و تقديم واجب الضيافة و ما إلى ذلك

[Ignition-Kid]

طيب فيه حاجة تانية

الا ملوش فى الرقص والتنطيط يعمل ايه
هيحس انه دمه تقيل والناس هتقول عليه عريس رخم ودمه تقيل

تعمل ايه لو انت كده

انا زى حضرتك كده بالظبط, ووصلت ان اخر مره كنت فى فرح وكان فيه الزفت اللى اسموا سعد الصغير هو وفرقته وكنت هامسك فى واحد منهم علشان قاللى هاترقص يعنى هاترقص !!!

[AbO_FaRaH]

ممكن يبقى على الديق (باخرة- مطعم كويس) وده برده هيبقى فيه ذكريات حلوه وجميلة وتصوير وكل حاجة...

+1111

انا عملت كده فعلا .... خد راى خطبيتى.........زوجتى حاليا....واحنا خدنا القرار...
طبعا الكل عارض وزعل بس احنا....قالنا هو كده واحنا عارفين ظروفنا اكتر من اى حد
وبفضل الله بفلوس الفرح اشترينا عربيه بعد الجوز بشهر....:b4_048:

[zaza_lanos]

اهم حاجة فى الجواز الفرح
ممكن التنازل عن اى حاجة الا الفستان الابيض والفرح
اى حاجة تانية ممكن تجيبها بعد كده
لكن الفرح هتعمله تانى ازاى حتى لو بقيت مليونير بعد كده؟؟؟؟؟؟؟؟؟

وبالمرة الواحد يشيل ذنوب الناس اللى بتيجى الفرح ويسمعوا اغانى واختلاط وفى بعض الافراح بيبقى فيها طقوس مش ظريفة
والواحد يبداء حياته زى الفل
وطول ما الزفة ماشية فى الشارع الناس عمالة تدعى عليها
وما ينتج عنه من ازعاج

الفكرة متى تمت فكرة الفستان الابيض

[osoliman88]

هعمل فرح اسلامي ومش هغضب ربنا في اليوم ده
ان شاء الله
عشان ربنا يباركلنا في اليلة بتاعتنا ان شاء الله

100 100

هو دا الكلام

[icehearted girl]

هعمل فرح اسلامي ومش هغضب ربنا في اليوم ده
ان شاء الله
عشان ربنا يباركلنا في اليلة بتاعتنا ان شاء الله

[3ateef]

انا نفسى لو ربنا شاء واتجوزت انى اعمل فرح زى الافراح اللى بتتعمل بره
الفرح بيبقى فى النهار وفى فيلا كده((اكيد ايجار)),,ووموسيقى هاديه ورقص وجو لذيذ

مش موسيقى شعبى وهاتك يا دوشه وخبط وتنطيط على الفاضى
:)

[rockana9112007]

انا نفسى لو ربنا شاء واتجوزت انى اعمل فرح زى الافراح اللى بتتعمل بره
الفرح بيبقى فى النهار وفى فيلا كده((اكيد ايجار)),,ووموسيقى هاديه ورقص وجو لذيذ

مش موسيقى شعبى وهاتك يا دوشه وخبط وتنطيط على الفاضى
:)

على فكرة نوع الافراح دى بدأ ينتشر فى مصر بس طبعااا بيتعمل فى الشتا عشان الناس متتشويش فى الشمس وتخيل ان تكلفتة فى الاوتيلات بتكون اكبر من اللى بيتعمل فى قاعة مغلقة
والفرح بتكون مدتة طويلة فعلااا اكتر من الفرح التقليدى بس اعتقد ان الناس بتنبسط اكتر لانها بتقعد مع بعض اكتر

[3ateef]

على فكرة نوع الافراح دى بدأ ينتشر فى مصر بس طبعااا بيتعمل فى الشتا عشان الناس متتشويش فى الشمس وتخيل ان تكلفتة فى الاوتيلات بتكون اكبر من اللى بيتعمل فى قاعة مغلقة
والفرح بتكون مدتة طويلة فعلااا اكتر من الفرح التقليدى بس اعتقد ان الناس بتنبسط اكتر لانها بتقعد مع بعض اكتر

عندك حق
:)

[sherif_84]

فعلا ياجماعة انا زهقت من الروتين بتاع الأفراح أفراح عاملة زى المصالح الحكومية زفة وبعدين دخول القاعة ورقص وتنطيط وبعدين تقطيع التورتة وبعدين البوفيه وبعدين رقص وتنطيط تانى وبعدين الدى جى يشغل أغنية شوقنا أكتر شوقنا بتاعت عمرو دياب ويقول للمعازيم مع السلامة كل الافراح اللى بروحها نفس الروتين بالظبط عشان كده انا عايز ان شاء الله أعمل حاجة مختلفة بعيد عن الروتين ده والأغانى الشعبية اللى بكرهها وبكره الرقص والحمدلله ان الواحد مالوش فى الرقص أصلا .

[I.S.L.A.M]

اهم حاجة فى الجواز الفرح
ممكن التنازل عن اى حاجة الا الفستان الابيض والفرح
اى حاجة تانية ممكن تجيبها بعد كده
لكن الفرح هتعمله تانى ازاى حتى لو بقيت مليونير بعد كده؟؟؟؟؟؟؟؟؟

اكيد طبعا دا راى كل البنات انا بهزر طبعا
بس الصراحة الى ناوى اعمله اعمل فرح على الضيق واخد المدام بعديها واقعد اسبوعين عسل فى تركيا ونتفسح وادلع نفسي بس لازم هى تكون مقطنعة بالموضوع ده عشان هى حاجة من التنين يافرح كبير ياتركيا وكمان الافراح دلوقتى بدخل فى متهات صيف ولاشتاء فستان مفتوح ولا مقفول حجاب ولا من غير هنرقص ولا مش هنرقص والمشكلة الكلام والمشاكل بتيجى من المعازيم وكله بيعيب فى الاخر ابقى اوجع دماغى ليه مع ناس مش هيعجبها حاجة وجاية تاكل وتمشى ابقى ادلع نفسي بره احسن ولا ايه رايكم؟؟

[مؤمنة]

انا لما اتجوزت من ست سنين كنت انا وزوجى مش عايزين نعمل فرح والفلوس نسافر بيها فى اى حته
لكن تحت ضغط الاهل من النحيتين عملنا الفرح وسافرنا برده والحمدلله

[amr mokhtar]

انا الحمد لله لسه بدرى على الموضوع ده
بس انا من خلال كل الأفراح اللى دخلتها بداية من أرخصهم لأغلاهم ( أعتقد فوق 20 الف جنيه)
أقدر أقول إن كله زى بعضه
و زى ما شريف قال بقوا عاملين زى الروتين

اما بالنسبة للأحاديث الجانبية و التريقة على كل حاجة
فدى حاجة اساسية فى اى تجمع ... يعنى مش حاجة غريبة

انا والله مش بتريق ولا أقصد حاجة وحشة
بس إيه إحساس العريس و العروسة بعد الجواز بكام شهر لما يفكروا فى ال25 الف جنيه (متوسط الأسعار) اللى إتصرفوا فى 3 ساعات؟؟