موضوع ملوش لازمة..لكن الفضول هيقتلني..

[ahmed-moga]

الناس اللى مكلتش سمين قبل كدة هيا اللى تطلع الرحلة
على فكرة شنورى اختفى
شكله ابتدى ينظم الموضوع ليكم

وبعدين لو مسالتش
هتسأل مين

ياللا بقىيا شباب
حد يشرح لهم الكرشة والكوارع

الكرشه عباره عن المعدة الداخليه للكائن المدبوح وبكون بها بقايا الطعام الممضوغ والمهضوم وبعدين بتتفتح بعد وضع كمامه علي الأنف نظرا لمايخرج من الغازات السامه و المسيله للدموع والروائح المزكمه للأنوف وبعد تفضية هذه الفضلات نقوم بغسل هذه المعده بالماء والملح والخل ودعكها جيدا بفرشه مخصوصه للتنضيف حتي نضمن خروج جميع فضلات الطعام ثم يتم تقطيعها قطع صغيره ثم تسلق ثم تحمر او تقدم بالصوص الأحمر الحراق (صلصه حرائه)ثم تقدم وتأكل بالهناء والشفاء
أما الكوارع عباره عن أقدام هذا الحيوان بجزء من الساق يسلخ الجلد جيدا ثم تضع في ماء درجة حرارته 500 فهرنهيت حتي نضمن عدم وجود شعر علي هذه الأقدام ثم تباع هكذا ويتم سلقها جيدا في البيت مع عدم رمي الماء التي سلقت فيه واضافه أليه البصل والكمون وفي الأخر الطبخه سيظهر لك حاجه كده ملظلظه بتلظ وبتترك أثار صمغيه علي اليد وفي المعده وأخيرا سخونه في الجسم وعرق شديد يليها حاله من ......................هذا بأختصار معلوماتي عنهم

[SHNORY]

الكوارع عباره عن أقدام هذا الحيوان بجزء من الساق يسلخ الجلد جيدا ثم تضع في ماء درجة حرارته 500 فهرنهيت حتي نضمن عدم وجود شعر علي هذه الأقدام

بتتحط في بوتاس يا باشا او ميه نار
علشان تنضف

[icehearted girl]

أناللي جبت دا كلو لنفسي :(

[SHNORY]

أناللي جبت دا كلو لنفسي :(

لا احنا حنجيبلك وانتي تنضفي وتعمليلنا
ولما تلاقيلك برزتين ولاتلاته مصنعيه ايدك في الموضوع
حتسيبك من الدكتره بتاعتك دي وتفتحي عربيه كبده وسقط

[ahmed-moga]

بتتحط في بوتاس يا باشا او ميه نار
علشان تنضف

أيوه ياباشا أنا عارف بس محبتش أسد نفسهم أكتر من كده علي الرغم أنهم مطهر قوي للمعده

[aif]

انتى ادرى بالنسبة للزيزو نتانة دة بس
برضو فى مشروب بيطلب على القهوة اسمة ساكلانس

على فكرة
زيزو نتانة اللي عند باب النصر له اسم شهرة تاني .... زيزو تيفود
ده مشهور جدا ...
ده اول واحد في مصر عمل سندوتشات كبدة بني آدمين ميتين .... وطبعا المصدر معروف .... مقابر باب النصر التي لا تبعد عنه سوى امتار ....
يعني الواحد ممكن يكون بياكل أجداده من غير ما يقصد

[Mo.Kareem]

يا شباب الاكلة دى موجودة فى مطعم فى السيدة زين اسمه حبايب الست ، وبجد ملوش حل ، انا عملتها كذا مرة وفيه قهوة امامه على طول ، الغريب بقى انى بطلع من المطعم ده اقعد على القهوة وكل اللى شاغل بالى عدد الاتوبيسات اللى ماشيه ، بفضل اعد فيها ، بالظبط اكنى واكل وشارب حاجة من اللى بتخلى الواحد يسطل دى ههههههههههههه

[نور القمر]

انا لسه سائلة واحدة قريبتي من اسبوعين تلاتة على السمين قالت لي انه الكبدة والكلاوي
طبعا سهلة مش معضلة في عمايلها
يعني الاشاعات بتاع انها دهن ومعرفش ايه طلعت مش حقيقة
الحقوني يا بنات واعملوا مقابلة على حاجات من دي
عشان شخص الله يسامحه ميشوفش وشي إلا ويتكلم على الاكل ده لما بقيت حاسة اني هفتانة على طول

[ahmed-moga]

انا لسه سائلة واحدة قريبتي من اسبوعين تلاتة على السمين قالت لي انه الكبدة والكلاوي
طبعا سهلة مش معضلة في عمايلها
يعني الاشاعات بتاع انها دهن ومعرفش ايه طلعت مش حقيقة

لأ الكبده والكلاوي والقلب بتوع الناس الهاي ودول اللي بيتقال عليهم حلويات بجد عارفه حضرتك طلب كبده وكلاي يجي ب15 جنيه أسبشيل كمان طيب حضرتك جربتي الكبده بالصلصله المشطشطه جربيها كده وقوليلي رأيك هتبقي طبق فاتح للشهيه

[الغزالى]

على فكرة
زيزو نتانة اللي عند باب النصر له اسم شهرة تاني .... زيزو تيفود
ده مشهور جدا ...
ده اول واحد في مصر عمل سندوتشات كبدة بني آدمين ميتين .... وطبعا المصدر معروف .... مقابر باب النصر التي لا تبعد عنه سوى امتار ....
يعني الواحد ممكن يكون بياكل أجداده من غير ما يقصد

بجد والله بتهزر يا حج احمد اصلا انا بصدق الحاجت دى على طول
وهوا حتى لو يقصد برضو ياحج هيكلهم

[human]

بيبقي لحمه راس وفشه وكرشه وممبار(مصارين الحيوان محشيه رز ) ولسان ومخ وحتت من الدهون الصافيه ممزوجه ببعض اللحم الخفيف وكفته مكوره طعمها غريب وكل ده بيتقلي في ليه بتاعة الخروف ( الجزء اللي بيبقي مدلدل في آخر الخروف)ويضاف عليه بعض التوابل كل ده بيتحط في رغيف عيش بلدي مع بعض الجرجير لتزين السندوتش وكل ده ب5 جنيه هو ده سندوتش السمين

و بعد كده المفروض اللى اكل الاختراع ده يعيش مع بنى ادمين؟

ده عايز خلاط اسمنت مش معده بنى ادم

[human]

حتسيبك من الدكتره بتاعتك دي وتفتحي عربيه كبده وسقط

ديه هتمشى فله

هتظبط فى المستشفى تاخد الكبد طازه فى طازه

[ahmed-moga]

و بعد كده المفروض اللى اكل الاختراع ده يعيش مع بنى ادمين؟

ده عايز خلاط اسمنت مش معده بنى ادم

ماهو الخلاط ده موجود في معده الناس الغلابه والعمال اللي مقضينها فول جبس وطعميه وبصاره ومش بدودوه وحاجات من دية
مسمعتش عن مقوله ده معدته تهضم الظلط الحاجات دية هتروح جنب الظلط فين دية بالنسبلهم أكله خفيفه سريعة الهضم ههههههههههههه

[ابوهاشم]

حلو قوى المضوع اللى يفتح النفس ده
على فكره انا بحب اكل المسامط ده جدا
رغم انى خريج زراعه ودارس اضرار الانواع دى من اللحوم
وتقريبا كل دول العالم بيسمو الحاجات دى الاجزاء غير المأكوله
لكن احنا شعب اكيل
طلب عاجل من اخونا شنورى
لو تعرف مسمط كويس عندكم فى اسكندريه
يبقى تظبطلنا مقابله عاجله هناك

[human]

ماهو الخلاط ده موجود في معده الناس الغلابه والعمال اللي مقضينها فول جبس وطعميه وبصاره ومش بدودوه وحاجات من دية
مسمعتش عن مقوله ده معدته تهضم الظلط الحاجات دية هتروح جنب الظلط فين دية بالنسبلهم أكله خفيفه سريعة الهضم ههههههههههههه

ديه عايزه معاها محجر فحم عشان البشريه تستحمل تتنفس