إعـــــــلان

**A.Saad** · 09-03-2010, 07:38 PM

المشاركة الأصلية كتبت بواسطة ahmed0nouh مشاهدة المشاركة

هههههههههههه يا راجل عمرك ما ركب معاك اتنين ابدا :) طيب ما كنت جبت حاجه كوبيه بقا

الا ملاقيش انا كوبيه 5 كراسى :)

ا

فيه كوبيه 7 كرسى على فكرة

**Ahmed Nouh** · 09-03-2010, 08:46 PM

المشاركة الأصلية كتبت بواسطة a.saad مشاهدة المشاركة

ا

فيه كوبيه 7 كرسى على فكرة

والله فكره , نعمل كوبيه بباب جرار بحيث يفتح الباب ونقدر ندخل كل الكراسى وفى نفس الوقت يبقى باب واحد ونقول عليها كوبيه

الحق بقا اسجل الفتكه العلميه ده بأسمى لحسن تتسرق :)

**El.Hossieny** · 09-03-2010, 09:47 PM

المشاركة الأصلية كتبت بواسطة mohamed.mostafa مشاهدة المشاركة

وانا معاكم باذن الله انا من سكان مصر الجديدة

تشرفنا طبعا يا محمد باشا ... و ان شاء الله هظبط موضوع المقابلة بتاعتنا قريب عشان نفسي صراحة في الموضوع ده بقالي فترة ؟

**Moh.Abdelbaset** · 09-03-2010, 10:11 PM

المشاركة الأصلية كتبت بواسطة a.saad مشاهدة المشاركة

دى كانت فين يا محمد
انا مش فاكر ان فيه اتنين ركبوا معايا

في الملف اللي عند مكتبة ديوان في مصر الجديدة
و بعدين دخلت يمين صلاح سالم

**Eng_Mostafa_89** · 09-03-2010, 10:54 PM

المشاركة الأصلية كتبت بواسطة r a n a مشاهدة المشاركة

بجد نيو اكسنت نبيتي في شارع عين شمس؟
لو سايقاها بنت تبقي عربيتي انا

ربنا يستر بس ومكنش غلست عليك في الطريق ولا حاجة

ههههههههههههههه

يبقى كدة تقريبا انتى
ومتخفيش مغلستيش ولا حاجة
وبعدين كمان متقدريش تغلسى لانى راكب الوحش 128 هتغلسى هغلس وعلى المتضرر اللجوء للسمكرى

واللى خايف يوسع

المشاركة الأصلية كتبت بواسطة r a n a مشاهدة المشاركة

انا عربيتي متشلفطة :_alshmokh08[1]:
هي اينعم كانت متشفلطة اه بس مش للدرجة دي يعني هي حاليا مفيهاش حاجة غير حكة بسيطة في الرفرف ومش باينة يعني

متقلقيش انا كمان عربيتى كانت متشلفطة باب ورفرف والحياة حلوة بس الحمد لله اتظبت وسمكرتها ورشتها
بس ساعة لما شفت عربيتك تقريبا كان الباب مخبوط او رفرف حاجة كدة مش فاكر والكلام دة كان من فترة كبيرة شوية

اه يامصطفى انت اللي خبطتها ولو سمحت انا عايزة ارش الرفرف اللي اتحك في عربيتي ده ادفعلي التكاليف من فضلك

وانا مالى لما اخبطها ابقى اصلحهالك
ولا اقولك بدلى عربيتك بعربيتى كدة بتاع اسبوع وياريت تكونى مفويلاها ويلا مش مشكلة ابقى ارشك الرفرف على حسابي

المشاركة الأصلية كتبت بواسطة r a n a مشاهدة المشاركة

موبيل اللي في شارع احمد عصمت قصدك؟

ولا هو الشارع ده اسمه الزهراء (اصلي معرفش اسماء الشوارع اوي اعرفها بالشبه يعني

)

انا مش بلطش في عربيات الناس ولا بخبطهم والله بس ماليش في اني استني الناس اللي بتدلع وتمشي قدامي على سرعة 2 كم في الساعة والشارع فاضي وبكون مستعجلة عشان مروحش متأخر برده يعني مش بغلس لمرجد اني اوصل بدري بلاهدف لا بيكون هدف وهدف حيوي يكاد ان يكون حياة او موت يعني

.
وبعدين انت عارف ان الشارع ده بالذات لو قفل ممكن يتقفل بالساعات وانا مش على استعداد ابدا انطرد من البيت بسبب دلع الناس واستهتارهم بالوقت :zb_sor1[1]:.

فعلا دة شارع الزهراء مش احمد عصمت

انا اكتر حاجة بكرها فى حياتى شارع لعنة الشمس دة متلاحقيش على الرخامة من سواقين الميكروباصات ولا المزلقان دة كمان يااااااااااااااااااااااااااااه رزل رزالة باتجهاتة الكتير دى

المهم بقى عملتى اية النهاردة فى الزحمة السخيفة اللى كانت الصبح
انا فضلت قاعد فى الميكرباص نص ساعة وموصلناش للمزلقان (كنت راكبة من عند الصيداوى لالف مسكن) ولما زهقت نزلت اخدت المشوار مشي لغاية الكلية(هندسة المطرية اللى فى ابراهيم عبد الرازق) وريحت دماغى

المشاركة الأصلية كتبت بواسطة el.hossieny مشاهدة المشاركة

يا مصطفي باشا تشرفنا طبعا ... و ان شاء الله نظبط مقابلة للناس اللي مصرالجديدة و مدينة نصر و اللي حواليها ...بس عايزين نشوف راي الناس في الحوار ده

الشرف ليا طبعا يا باشا انى اقابل الناس الكويسة والمحترمة دى
ومستنى تحديد مياعد المقابلة ان شاء الله

**SAiF3S** · 10-03-2010, 02:48 AM

المشاركة الأصلية كتبت بواسطة yoko مشاهدة المشاركة

كل واحد يكتب قابل كام واحد صدفة من نايل موتورز وعرفوا بعض إزاي

أنا هكتب أول واحد شفته كان أحمد نوح وكان في بريدجستون وهو الي عرفني من لون العربيه والإستيكر
والنهاردة قابلت الأستاذ SAiF3S وبرده هو الي عرفني برده من العربيه والإستيكر وقابلني في طريق الأوتوستراد وواقفني عند المعصرة

أنا قلت لك قبل كده اننا مسيرنا نتقابل وفعلا كان شرف لى التعرف عليك

المشاركة الأصلية كتبت بواسطة motoxp مشاهدة المشاركة

الأستاذ SAiF3S ده راجل محترم اوى هو اول واحد عرفته فى المنتدى لما كنت عارض كيسة الكومبيوتر للبيع عرفته ساعتها

انت اللى محترم وشاب على خلق

المشاركة الأصلية كتبت بواسطة yoko مشاهدة المشاركة

فعلا هو راجل محترم جدا (حسيت كده من الدقيقتين الي وقفتهم معاه) بس هو كان فكرني بجري بالعربيه مع إني مكنتش لحقت أجري بس كنت مسرع حاجة بسيطة عشان إتخنقت من الناس الي سايقة

ده من زوقك بس , ياراجل مسرع حاجه بسيطه ماشاء الله عليك عقبال ما شفت العربيه و لمحت الاستيكر وفكرت اكلمك جريت وراك دقيقتين واليوم ده كان تانى يوم أعاهد فى نفسى على القياده بالراحه
لينا مقابله تانيه ان شاء الله علشان نجرب ال T jet و ال TSI

عن نفسى انت اول واحد اقابله صدفه, قابلت اتنين من المنتدى م احمد كمال و الاخ motoxp بس كان بترتيب مسبق فعلا الناس فى المنتدى محترمه جدا

**medo_2060** · 10-03-2010, 02:53 AM

انا محصليش الشرف اقابل حد بس نفسي اقابل اى عضو هنا بجد فى عائلتنا الجميله نايل موتورز

**magyver** · 10-03-2010, 04:13 AM

المشاركة الأصلية كتبت بواسطة a7med_pharma مشاهدة المشاركة

ليلة المقابلة بتاعة إسكندرية
كان التلكس فاصل وروحت أعمله عن الكهربائي في ميت غمر
العضو (ماجيفر) كان جايب زينون وبيوريه للكهربائي
وهوا إلي عرفني من صورتي ..وعربيتي

كاااااانت ااحلي صدفة يادكتور
وانا اتشرفت اني قابلت شخصية محترمة

**Eslam.Elrefaey** · 10-03-2010, 05:54 AM

أنا شفت ميجان رمادى عليها الاستيكر وشفت الدكتور أحمد سامى بس

**Eslam.Elrefaey** · 10-03-2010, 05:55 AM

المشاركة الأصلية كتبت بواسطة magyver مشاهدة المشاركة

كاااااانت ااحلي صدفة يادكتور
وانا اتشرفت اني قابلت شخصية محترمة

ونفسى أشوفك أنا عمرى ما شوفت عربيتك إنت منين من المنصورة

**magyver** · 10-03-2010, 06:39 AM

المشاركة الأصلية كتبت بواسطة eslam.elrefaey مشاهدة المشاركة

ونفسى أشوفك أنا عمرى ما شوفت عربيتك إنت منين من المنصورة

اصل انا مش ساكن في المنصورة ساكن في ميت غمر
بس علي طوووول في المنصورة

**R A N A** · 10-03-2010, 11:46 AM

المشاركة الأصلية كتبت بواسطة yoko مشاهدة المشاركة

رتب وإبعتلي

وواضح إن الموضوع هيزعل رنا مني

لا خالص بالعكس انا مبسوطة جدا بموضوعك بغض النظر عن التشريد والتسييح اللي حصللي فيه

وبغض النظر عن اني من هنا ورايح هاشيل الاستيكر واغير لون العربية واتنكر كمان وهامشي جنب الحيط خالص

بس بجد موضوع جميل وحلو اوي انك تشوف حد من المنتدي وتعرفه من نوع عربيته او من الاستيكر صدفة وتلاقيه جنبك في اشارة مثلاً

المشاركة الأصلية كتبت بواسطة salahlanser مشاهدة المشاركة

اوعى حد ياخد فكرة وحشة عن الناس اللى فى عين شمس وسواقتهم الله يخليكى
ههههههههههههههههههههههههههههههههههه

لا والله انا سواقتي كويسة جدا واسأل الناس اللي شافوها بس هي المشكلة ان الناس اللي في عين شمس وماحولها عارفين الشوارع بتاعتها اد ايه سخيفة ومش مستحملة بقي دلع من الناس في السواقة فعشان كدة انا لما بدخل الشارع ده بنجز وبحاول اعدي العربيات اللي قدامي (لو لاقيتهم نازلين يتفسحوا بعربياتهم وماشيين يتفحصوا في المعالم السياحية اللي في المكان

) بس فخفت لايكون حد من نايل موتورز كانت طالبة معاه وقتها انه ينزل يستجم في الشارع ده

واكون غلست عليه بكلاكس اوي عديته ولا حاجة

.
وبعدين بزمتك يعني في حد مبيعرفش يسوق هايعرف يعدي في الشارع ده كل يوم دانا اتعلمت السواقة بسرعة بسبب القذارة اللي بشوفها في الشارع ده

.