الي سمع شريط اليسا الجديد عاوز اراكم

[dr_3eshoo]

عاوز اراكم بالنسبه لاغنيه اواخر الشتا

[Ashraf A.Kader]

ماسمعتوش ومش ناوي00 شكرا

[وائل عطية]

عاوز اراكم بالنسبه لاغنيه اواخر الشتا

يا اخي الفاضل أًعيذك بالله أن تكون من المُروجين لمثل هذا..وليكن ترويجنا لما هو أنفع في الدين والدنيا
ثم من هذه الإليسا حتى نجتمع حولها للتباحث في " ممارساتها" التي لا قيمة لها !!

[MTAK]

ثم من هذه الإليسا حتى نجتمع حولها للتباحث في " ممارساتها" التي لا قيمة لها !!

+1000000000

[hussein]

ماشاء الله فى شباب هذا المنتدى (احلى منتدى دخلتوا من حيث الناس المشتركة فيه)
ربنا يبارك فيهم و فى الجميع

[dr_3eshoo]

انا اسف يا جماعه و الله مقصد خالص
بس هيا اغنيه و عجبتني كنت عاوز اعرف اراء الناس فيها مش بروج ليها و الله

[oshy]

أيه يا جماعه مالكوا فى أيه انتوا سخنتوا على الراجل كده ليه
الراجل بياخد رأى اللى سمع الاغنيه مش بيقولكوا اسمعوها
عموما الشريط جامد جدا و أحسن أغانى بتعجبنى فيه شخصيا أيامى بيك و أواخر الشتا و اديك عرفت و خد بالك عليا
و ياريت يا جماعه متكبروش الموضوع من غير لزمه الراجل مغلطش انه بياخد رأينا فى أغنيه عجبته

[meza]

انا اسف يا جماعه و الله مقصد خالص
بس هيا اغنيه و عجبتني كنت عاوز اعرف اراء الناس فيها مش بروج ليها و الله

يا سيدى بتعتذر ليه إنت معملتش مصيبة يعنى ... إنت كل اللى عملته إنك سألت على أغنية
و فى ناس مش بتحب الأغانى ... مش مشكلة ... عادى

أنا عن نفسى سمعتها و كانت حلوة بصراحة و الشريط كله عجبنى و بسمعه و أنا بذاكر ... بس بوطى الصوت على الأخر عشان أركز فى اللى قدامى ;)

[Ahmed Samy]

أنا كنت باسمع اليسا أيام زمااان أيام العز و الفضا :)
دلوقتي هي اسطوانة واحدة بتكر في العربية بقالها كام شهر فيها من كل حته حاجة علشان تحرق الوقت على الطريق و خلاص

[tarekkasaby]

فعلا الاغنيه من اجمل اغانى الالبوم
بس انا عايز اسال على حاجه فى اغنيه اسمها بتمون يعنى ايه بقى لو فى حد لبنانى يترجم

[sab3aawy]

فعلا الاغنيه من اجمل اغانى الالبوم
بس انا عايز اسال على حاجه فى اغنيه اسمها بتمون يعنى ايه بقى لو فى حد لبنانى يترجم

متهيألى يعنى ان بتمون دى يعنى بتحط بنزين فى التنك، او ممكن يكون جاز حسب نوع العربية، دا باعتبار اننا هنا منتدى سيارات فده التفسير اللى جه على بالى :) :) :)

برضه انا من انصار ان الراجل مرتكبش جريمة، واحد له اهتمامات معينة سأل فى محفل عام عن رأى من يشاركه فى الإهتمامات وانا شايف انه لم يتعدى على حرية اى حد بهذا السؤال حتى لو كان هذا الحد له اهتمامات من نوع تناى ، يبقى ليه ننصبله المشانق

بالمناسبة انا من غير المهتمين بأليسا او بغيرها واخر اغنية ركزت معاها فيها كانت اغنية اسمها بدى دوب عملتها من 12 سنة ايام بدايات شبابى وبعد كدة اسمع الناس تقول اليسا اليسا لكن معرفش هى بتعمل ايه بالضبط ،لكن فى نفس الوقت زى ما انا شايف انى من حقى اتكلم فى اهتماماتى التى قد تهم البعض وقد لا تهم الآخرين واللى مهتم بها بتفاعل معايا واللى مش مهتم بها لا يتفاعل معايا ، فانا مش مقتنع انه من حقى انى اعيب فى اهتمامات الآخرين لو انها لا تماثل اهتماماتى، طالما قبلنا مساحة من الحرية فى هذا المنتدى يبقى نقبلها فى كل الإتجاهات وليس فى اتجاه واحد وإلا فإنها لا تصبح حرية اصلا،

[tarekkasaby]

متهيألى يعنى ان بتمون دى يعنى بتحط بنزين فى التنك، او ممكن يكون جاز حسب نوع العربية، دا باعتبار اننا هنا منتدى سيارات فده التفسير اللى جه على بالى

انت مشكله :D
انا فعلا مش عارف امسك نفسى من الضحك :D
انا والله بتكلم بجد فى اغنيه بالاسم ده و فعلا مش عارف معناها

[fahd_628]

انا فعلا مش عارف لية سخنتو على الراجل

انا راى ان الشريط جامد جدا جدا و كل الأغانى حلوة

[Abu Aly]

اللى عاوز يسمع اليسا هو حر .. اللى عاوز يسمع تواشيح هو حر .. اللى مش عاوز يسمع هو حر !

بديهيه !!

[tarekkasaby]

خلاص جبت المعنى بتمون يعنى تأمرنى او تتحكم فيا و العهده على احد المواقع