هل أنت من السخفاء؟!! (وائل عطية)

[وائل عطية]

الفتاة تريد الزواج والستر
والرجل يريد الزواج والعفة
وأبو الفتاة يريد النقود
وأم الفتاة تريد المفاخرة
وأبو الرجل يريد السمعة
وأم الرجل تريد المديح
كلهم سخفاء .. ونخرج منهما أثنين
الفتاة .. والرجل
عرس كبير وخسائر ضخمة لليلة واحدة يمرح فيها الجميع ويعيش اثنان فقط من هؤلاء
يعيشون حياة تسديد ديون هذه الليلة التي أجبروا على عملها لكي يجمع بينهما بيت الزوجية
صندوق قمامة ضخم بالقرب من صالة الأفراح تكدست فيه المأكولات من جميع الأصناف
وكثير منها لم يمس أصلاً .. وهناك بالقريب أناس لا يجدون كسرة الخبز في أيام
وهذه المأكولات المكدسة في القمامة صنعت لليلة واحدة فقط .. ليلة عرس
لكي ينظر لها الزوار لذلك العرس ويتذوقون القليل منها ثم إلى القمامة يصير مقرها
مشاحنات وخلافات في غرفة الفتاة والرجل المذكور عرسهما سابقاً لعجز الرجل عن توفير متطلبات وحاجات تلك الغرفة لأنه أصبح مدين لمدة سنين لكي يمرح غيره في ليلة واحدة .. ليلة زفافه
الآن .. الكل أصبح سخيف !!
نتوقف قليلاً ..
الرجل والفتاة مجبرين على ذلك .. إجابة تقليدية من أشخاص مضحكين سخفاء أيضاً
أين تلك العقول التي كرمنا الله بها عن الحيوانات
العقول التي تفكر أنها سوف تخسر أموالها وتقترض الأموال من غيرها لا لشيئ إلا لتمرح لليلة واحدة فقط
ومن بعدها تمضي سنوات من أعمارها تحت قهر نير الديون ومتوارين من هؤلاء المطالبين لأموالهم
فتغشاهم غمامة من التعاسة والحسرة فقط لأنهم في ليلة واحدة دفعوا مبالغ ضخمة
ليمرح الآخرين ويمتدحهم الآخرين...جهل مابعده جهل
ثم بدأ رحلة العناء لتسديد تكاليف تلك الليلة .. الرحلة التي ستطول لمدة سنوات
فهل صحيح أن الكل .. سخيف ؟
عن نفسي وللأسف كنت أحد هؤلاء السخفاء..
فلا تكن سخيفاً أنت الآخر وتحذو حذو من سبقوك في دخول ذلك القفص !!!
**********************
منقول بتصرف كبير

[dr_3eshoo]

الزواج نصف الدين و من استطاع منكم الباء فاليتزوج
اما الواجب فهو اتباع تعليمات الدين في الزواج
اما الي بيحصل ده في مصر تهريج رسمي
انا امبارح سمعت الحورات الزواج لاني مقبل على الخطوة الجريئه دي اتصعقت
مهر 270 الف جنيه شبكه 100 الف و غيره و غيره و الفرح و شهر العسل
كل واحد له وجه نظر مقتنع بيها و صعب انك تقول عليه سخيف او يقتنع انه سخيف
و يا سيدي

[وائل عطية]

كل واحد له وجه نظر مقتنع بيها و صعب انك تقول عليه سخيف او يقتنع انه سخيف

مش صعب ولا حاجة لأني بدأت بنفسي وقلت إني كنت أحد هؤلاء السخفاء..أو فلنقل المُغيبين لتخفيف وقع الكلمة
شكراً على مداخلتك

[PRO-DRIVE]

اعتقد بدل فلوس الفرح اللي حتروح في ليله واحده ممكن يسافروا بيها هما الاثنين
افضلهم :)

و انا متفق معاك 10000000000000%

[Abdallah]

الحمدلله يا وائل انا كنت نصف سخيف لأنى عملت فرح بس مجبتش اكل وجاتوه.

[Ashraf A.Kader]

انا شايف المصاريف دي نوع من انواع السفاهه وما اكثرها عندنا بالمحروسة
انا متزوج لكن مكنتش بالسفاهه دي ايام ماتجوزت

[tutankhamoun]

لم أكن سخيفا ............ الحمد لله

[hazem_khidr]

مش عاوز ابقي سخيف لكن الكل ضدي و كل ما اقول مش لازم فرح يتقابل كلامي برفض شديد !!!!!!!

[وائل عطية]

مش عاوز ابقي سخيف لكن الكل ضدي و كل ما اقول مش لازم فرح يتقابل كلامي برفض شديد !!!!!!!

خليك على مبدأك واثبت ياحازم..إنت صح

[Hossam_Hassan]

المسألة لازم يتبصلها من وجهة نظر تانية، يعنى لو واحد قايم بالواجب اللى عليه، يعنى بيزكى و يتصدق و ربنا مقدره يدفع مهر و يجهز، يبقى ايه المشكلة انه يعمل فرح مادام قادر.

و اللى معاه الف و يكلف فرحه 100 جنية محدش يلوم عليه، و اللى معاه مليون و يكلف فرحه 50 الف برضوا محدش يلوم عليه، ماله و هو حر فيه مادام ما بيصرفوش فى الحرام و لو بيصرفوا فى الحرام يبقى الواجب علينا النصيحة مش أكتر و لا أقل.

[araberphilosoph]

انا قلت من زمان مش كل حاجه عندنا صح ده احنا عندنا بلاوي
الحمد لله انا عمرو مكنت سخيف

[memo_hefnawy]

أنا معاك يا وائل فى الموضوع الشائك ده و مع حسام فى رأيه أيضا

لكن يا حسام وائل يقصد السواد الأعظم من الناس و هم من يقومون بعمل أفراح تفوق ما يتحملون من مصاريف و هم فى الأساس مدينين بأقساط الشقة و العربية و الفرش و و و

دوول بيفكروا بس شكلهم هايكون إيه أمام الناس و الأهل و الأقارب و الأصدقاء و لم يفكر أحد منهم كيف سيكون شكله أمام نفسه و أمام أولاده عندما يوفر لهم معيشة أضيق فى ظروف أقل لأنه صرف أكثر من ما يستطيع أن يصرف على شكليات

و الواحد بيسمع حكاوى غربية الأيام دى على ناس بتعمل أفراح تخرج منها مدينة مش عارف بكام ده غير ديون الشقة و المهر و و و و فى الوقت نفسه مفيش شهرين 3 و هب طلق ......و الفيلم العربى السخيف ده

أنا أحب أطبق مبدأ معاييش مايلزمنيش - معايا محدش ليه دعوى أعمل إيه بس بما يرضى الله

[وائل عطية]

أنا أحب أطبق مبدأ معاييش مايلزمنيش - معايا محدش ليه دعوى أعمل إيه بس بما يرضى الله

وهو دا الغرض من الموضوع ..
لكن لو واحد معاه بزيادة ومش هايدين نفسه علشان الشكل الاجتماعي خلاص هو حر يعمل اللي هو عايزة

[Hossam_Hassan]

وهو دا الغرض من الموضوع ..
لكن لو واحد معاه بزيادة ومش هايدين نفسه علشان الشكل الاجتماعي خلاص هو حر يعمل اللي هو عايزة

+10000000000

[wildwest100]

الزواج نصف الدين و من استطاع منكم الباء فاليتزوج
اما الواجب فهو اتباع تعليمات الدين في الزواج
اما الي بيحصل ده في مصر تهريج رسمي
انا امبارح سمعت الحورات الزواج لاني مقبل على الخطوة الجريئه دي اتصعقت
مهر 270 الف جنيه شبكه 100 الف و غيره و غيره و الفرح و شهر العسل
كل واحد له وجه نظر مقتنع بيها و صعب انك تقول عليه سخيف او يقتنع انه سخيف
و يا سيدي

ايه الاسعار اللى انتوا بتجيبوا الارقام دى منين يعنى ايه 100 الف جنيه شبكة
المغالة فى المهور والحاجات دى هيا اللى مقللة نسبة الجواز
والرسول صلى الله عليه وسلم امرنا بعدم المغالة فى المهور حتى تتيسر امور الزوج