أعز الناس ..simply

[icehearted girl]

على طول الحياة نقابل ناس

ونعرف ناس ونرتاح ويا ناس عن ناس

وبيدور الزمن بينا يغير لون ليالينا

وبنتوه بين الزحام والناس ويمكن ننسى كل الناس

ولا ننسى حبايبنا أعز الناس حبايبنا أعز الناس حبايبنا

سنين وسنين تفوت ما نحس بوجودها ولا وجودنا

ولحظة حب عشناها عشناها نعيش العمر تسعدنا

ومين ينسى ومين يقدر فى يوم ينسى

شعاع أول شرارة حب




ونظرة من بعيد لبعيد تقول حبيت ورمش قول غلبني الحب غلبني

ومين ينسى ومين يقدر في يوم ينسى

ليالي الشوق ولا نارها وحلاوتها

ولا أول سلام بالايد ولا المواعيد ولهفتها

ولا ننسي ولا نقدر فيوم ننسي

حبايبنا أعز الناس..حبايبنا




مش عارفة ليه الكلمات دي عمالة تدور في ودني من بدري

فيه لسه ناس فحياتنا ممكن نشاور عليهم ونقول انهم فعلا أعز الناس بنفس المعني دا؟؟

[Samah AbdAllah]

انتى اساسا مين قالك تكتبى باللون بتاعى
ينفع ادخل دلوقتى
اقول انا كتبت الكلام ده امتى

[حاتم سليم]

فيه لسه ناس فحياتنا ممكن نشاور عليهم ونقول انهم فعلا أعز الناس بنفس المعني دا؟؟

فى الحياه فيه شويه

و فى الاغانى فيه كتير ...

[نور القمر]

توء توء توء
كله بيتنسي وكله بيروح واللي الواحد بيبقه فاكره اعز الناس بيجي عليه يوم ويبقه شخص عادي

[SAiF3S]

فيه لسه ناس فحياتنا ممكن نشاور عليهم ونقول انهم فعلا أعز الناس بنفس المعني دا؟؟

نعم يوجد , بدون الاقلال من حبى لوالدى ووالدتى
بعد 15 سنه زواج اقدر اقول زوجتى ,زميله الدراسه ,رفيقه الكفاح ,ام اولادى و موطن السكن و الرحمه
اقرب الناس أعز الناس

[medo_2060]

هو موضوع انك تلاقى اشخاص يكونوا اعز الناس بالمعنى دا موجود بس صعب شويه بس الكلام فى الموضوع دا متهيالى بيخص الحبيبه بس ولا المقصود اشخاص بصفه عامه

[mahmoud_magdy]

نعم يوجد , بدون الاقلال من حبى لوالدى ووالدتى
بعد 15 سنه زواج اقدر اقول زوجتى ,زميله الدراسه ,رفيقه الكفاح ,ام اولادى و موطن السكن و الرحمه
اقرب الناس أعز الناس

انا معجب بكلامك

[مؤمنة]

الاغنيه دى ماشيه معايا قوى لان اول شرارة حب كانت لزوجى وحبيب حياتى واعز انسان لقلبى
على فكره يا ايس انا كل ما بسمعها بتفكرنى بذكريات جميله قوى

[ghada_zaky]

انا مع نور فى رايها
طول ما الدنيا بتدور بتغير مين اعز الناس
والناس بس اللى يقدورا يفضلوا فى حياتنا ويحافظوا على المكانة ديه بشكل او باخر دول قليلين جداااا
استاذ saif3s بصراحة كلام جميل ونادر ان حد يقدر الشخص اللى مشاركه حياته لحد دلوقتى من غير ما يكون الحياة لهيته انه فعلا يحس بكده او تشغله و يبقى حاسس ان اللى معاه بقى عادى وانه مبقاش اعز الناس . ربنا يبارك ليك يارب

[icehearted girl]

يعني قفلتوها فوشي؟


اعز الناس مش بس مقتصرة ع الحبيب والحبيبة والاب والام

ممكن اشخاص منكنش قابلناهم غير مرات قليلة ويكونوا من اعز الناس

مؤمنة تصدقي نفس اللي بيحصلي مع ان مفيش لاذكريات ولادياولو

[SAiF3S]

يعني قفلتوها فوشي؟

ممكن اشخاص منكنش قابلناهم غير مرات قليلة ويكونوا من اعز الناس

الاعزاز لشخص ما لايأتى الا بالعشره والحب , حتى الحبيب فى الاول مش بيكون اعز الناس بتبقى عاطفه فقط لكن مع الوقت يبقى اعز الناس
يبقى مش معقول حد نقابله مرات متفرقه و قليله يكونوا أعز الناس

[M.almaghraby]

not available :((

[pro_samir]

في قصيدة تانية بتقول راحو الحبايب

[الغزالى]

في قصيدة تانية بتقول راحو الحبايب

اه بتاعة الفنان والمبدع العالمى احمد عدوية اسمها يا بنت السلطان
ودة كان موال بيغنية قيل الاغنية دى

[أبو إياد]

توء توء توء
كله بيتنسي وكله بيروح واللي الواحد بيبقه فاكره اعز الناس بيجي عليه يوم ويبقه شخص عادي

باحترم النظره الواقعيه ليكى فى الحياه