أول حادثة في تاريخي القيادي

[Abdo_Eldesokey]

امبارح والحمد لله عملت أول حادثة في تاريخي

كنت في القاهرة في زيارة للوالد ، وبعدين لما خلصت كنت طالع مشوار حلوان

كنت ماشي في الحارة الشمال على الكورنيش والطريق 3 حارات

وكان فيه مرسيدس من العربيات بتاعة الوزراء دي بس ملحقتش أشوف موديلها ، كانت ماشية في الحارة الي في النص

الي حصل إن واحد بفيات 124 حدف على المرسيدس جامد

فالباشا حب يفاديه قام جاي في الحارة بتاعتي

وأنا كنت ماشي 80 تقريباً

يا دوب فرملت شوية ولبست فيه من ورا

طبعاً أنا نزلت وأنا متنح ومش عارف اتكلم

أول مرة بقى

الراجل بتاع المرسيدس : معلش أنا آسف الراجل ابن الـ....* حدف عليا

وطبعاً الناس كلها حصل خير وبسيطة والكلام ده

الحمد لله الخسائر بسيطة

الكبوت اتحرك من مكانه وبقى فارق من الناحية الشمال والاكصدام والمصفحة فيهم شوية أضرار

ولسه هروح للسمكري أشوف فيه حاجة في صدر العربية ولا لأ ، ربنا يستر

وبالنسبة للمرسيدس

ولا خدش ، مش عارف ازاي ؟؟

يا دوب بس شوية بوية من عندي نتروا عنده

غالباً عشان هو مخبوط من ورا فالخبطة في اتجاه محصلة القوى

قلت يا ريتني كنت بالـ 128 ، كان زمان اكصدامه ده على الأرض

الفلاش ده بيوضح الحادثة
[flash=http://www.swfcabin.com/swf-files/1268230957.swf]WIDTH=350 HEIGHT=600[/flash]

أو من اللنك ده
SwfCabin - Free Swf Upload & Swf Hosting - Viewing: My First Accident

دلوقتي أنا بس عايز أعرف حاجة

هل كده أنا غلطان في حاجة ؟؟

ولو أنا مكان الراجل بتاع المرسيدس ده أتصرف ازاي في موقف زي ده

لأن الموقف ده بيحصل كتير جداً بسبب التوقف المفاجيء للتاكسيات والميكروباصات في الحارة اليمنى

منتظر تعليقاتكم

[NoRmAl]

فلاش كمان
أدا أنا حاسس أنى قاعد فى محاضره فيزيا :)))))
أولا قدر الله وما شاء فعل والحمد لله أنها على قد كده
أنا كنت لسه هعمل موضوع عن ثقافه غريبه جدا جدا جدا فى الشعب المصرى
شىء مميز جدا عندنا
وهو شعار لو حد وقف قدامك متفرملش..أكسر على الى جنبك
الشعب المصرى مبيستخدمش الفرامل الا علشان يوقف العربيه علشان يركن
غير كده أكسر على الى جنبك وهو بدوره يكسر على الى جنبه
لا أنت غلطان ولا بتاع المرسيدس المفروض بتاع الفيات يفرمل ورا الراجل الغبى الى واقف دا

[Abdo_Eldesokey]

فلاش كمان
أدا أنا حاسس أنى قاعد فى محاضره فيزيا :)))))
أولا قدر الله وما شاء فعل والحمد لله أنها على قد كده
أنا كنت لسه هعمل موضوع عن ثقافه غريبه جدا جدا جدا فى الشعب المصرى
شىء مميز جدا عندنا
وهو شعار لو حد وقف قدامك متفرملش..أكسر على الى جنبك
الشعب المصرى مبيستخدمش الفرامل الا علشان يوقف العربيه علشان يركن
غير كده أكسر على الى جنبك وهو بدوره يكسر على الى جنبه
لا أنت غلطان ولا بتاع المرسيدس المفروض بتاع الفيات يفرمل ورا الراجل الغبى الى واقف دا

أيوة فلاش كمان ، أنا ليا بركة إلا نايل موتورز

أنا متفق معاك في رأيك ، بس غالباً العربيات الي فراملها ضعيفة بيستسهلوا ويتنقلوا من الحارة أسهل

على فكرة بعدها بفترة حصل نفس الموقف بس مكان الفيات كانت عربية إسعاف ، بس الراجل عمل الصح وفرمل جامد

[mohamedbook]

انت مش غلطان ولا اي حاجة
بس بتاع ال 24 هو الي عايز ضرب النار
حصلي نفس الموقف
كنت ماشي علي لكبري الدائري بتاع المنيب متجة الي 15 مايو وفية واحد في احد طلعات المنبي من الناحية الشمال ام طالع وداخل في الحارة ونا جي بسرعة وحادف يمين جدا رحت مفادية وحدفت انا التاني يمين رحت خابط عربة ربع نقل من روا بجمب العربية المهم الراجل بتاع الربع نقل نزل زعق وراح بتاع 28 نازل من عربيتة وقالة انا الي غلطان انا دخلت علية دخلة غلط وحب يفاديني المهم واله انا هصلحلك العربية علي حسابي دة بتاع 28
ونا رحت ماشي مع جروج وخدوش بسيطة في السيارة
بس مش عارف هل بتاع المرسيدس الي هو في نفس موقفي كان ممكن يعملك اية خصوصا انه ملوش زنب

[ganash]

حمد الله على سلامه حضرتك قولى الفلاش ده معمول ازاى

[NoRmAl]

انت مش غلطان ولا اي حاجة
بس بتاع ال 24 هو الي عايز ضرب النار
حصلي نفس الموقف
كنت ماشي علي لكبري الدائري بتاع المنيب متجة الي 15 مايو وفية واحد في احد طلعات المنبي من الناحية الشمال ام طالع وداخل في الحارة ونا جي بسرعة وحادف يمين جدا رحت مفادية وحدفت انا التاني يمين رحت خابط عربة ربع نقل من روا بجمب العربية المهم الراجل بتاع الربع نقل نزل زعق وراح بتاع 28 نازل من عربيتة وقالة انا الي غلطان انا دخلت علية دخلة غلط وحب يفاديني المهم واله انا هصلحلك العربية علي حسابي دة بتاع 28
ونا رحت ماشي مع جروج وخدوش بسيطة في السيارة
بس مش عارف هل بتاع المرسيدس الي هو في نفس موقفي كان ممكن يعملك اية خصوصا انه ملوش زنب

طب والله بتاع ال28 دا محترم

[Abdo_Eldesokey]

انت مش غلطان ولا اي حاجة
بس بتاع ال 24 هو الي عايز ضرب النار
حصلي نفس الموقف
كنت ماشي علي لكبري الدائري بتاع المنيب متجة الي 15 مايو وفية واحد في احد طلعات المنبي من الناحية الشمال ام طالع وداخل في الحارة ونا جي بسرعة وحادف يمين جدا رحت مفادية وحدفت انا التاني يمين رحت خابط عربة ربع نقل من روا بجمب العربية المهم الراجل بتاع الربع نقل نزل زعق وراح بتاع 28 نازل من عربيتة وقالة انا الي غلطان انا دخلت علية دخلة غلط وحب يفاديني المهم واله انا هصلحلك العربية علي حسابي دة بتاع 28
ونا رحت ماشي مع جروج وخدوش بسيطة في السيارة
بس مش عارف هل بتاع المرسيدس الي هو في نفس موقفي كان ممكن يعملك اية خصوصا انه ملوش زنب

هوا فعلاً نفس الموقف

المفروض الي يلاقي حد وقف قدامه فجأة ، يفرمل بأقصى قوة حتى لو هيخبط في الي قدامه

المهم ميضرش غيره

[Abdo_Eldesokey]

حمد الله على سلامه حضرتك قولى الفلاش ده معمول ازاى

الله يسلمك

والفلاش أنا عامله عادي على Flash CS3

[Abdo_Eldesokey]

طب والله بتاع ال28 دا محترم

على فكرة الراجل بتاع الـ 124 وقف بردوا ، ونزل بيشتم الراجل الي وقف قدامه فجأة

بس الصراحة أنا مكنتش مدرك الموقف ساعتها عشان أتكلم أو أناقش

يا دوب فتحت الكبوت أتطمن على الرادياتير والسربنتينة وركبت ومشيت

[Mohamed.Ramah]

الحمدلله على كل شىء بس وانا اللى شد انتباهى موضوع الفلاش فكرة جامدة

[A7MED_PHARMA]

هوا الغبي الأصفر سبب الموضوع كله

طالما طريق سريع ..إلي عاوز يركن ..يبقا ينزل على الطريق الترابي
وبعدين هوا الغبي صاحب الـ128 ماشفش الغبي الأصفر من بعيد

.
المهم
حصل خير

[Abdo_Eldesokey]

الحمدلله على كل شىء بس وانا اللى شد انتباهى موضوع الفلاش فكرة جامدة

الحمد لله فعلاً

أنا وأنا راجع على المنصورة لقيت نوبيرا معجونة على جنب الطريق ، حمدت ربنا وشكرت فضله

[Abdo_Eldesokey]

هوا الغبي الأصفر سبب الموضوع كله

طالما طريق سريع ..إلي عاوز يركن ..يبقا ينزل على الطريق الترابي
وبعدين هوا الغبي صاحب الـ128 ماشفش الغبي الأصفر من بعيد

.
المهم
حصل خير

هو الموضوع كان على الكورنيش يا دكتور ، يعني الركنة ممنوع

وأكيد بتاع الـ 124 سرح أو كده فمخدش باله من الي راكن

والحمد لله جت سليمة

[mohamedbook]

على فكرة الراجل بتاع الـ 124 وقف بردوا ، ونزل بيشتم الراجل الي وقف قدامه فجأة

بس الصراحة أنا مكنتش مدرك الموقف ساعتها عشان أتكلم أو أناقش

يا دوب فتحت الكبوت أتطمن على الرادياتير والسربنتينة وركبت ومشيت

من الاخر هي اقدار ونصيب والواحد ابل مايخرج يدعي دعاء السفر
عشان ربنا يحفظة من كل سوء
بس في حديث عن الني صلي الله علية وسلم بيقول من افسد شياء فعلية اصلاحة

[ghazy12]

قدر الله و ما شاء فعل... انت أكيد مش غلطان, و بتاع المرسيدس كمان مش غلطان..

بس لو أنا من مكان بتاع المرسيدس, و هرمي على الحاره بتاعتك, هبص في المرايه و اشوف اللي ورايا,
هلاقيك جاي بسرعه, هقوم قارص و مزود السرعه لو الطريق يسمح و انا برمي, و بالتالي
هخلي فرق السرعه اللي بيني و بينك يقل... بمعنى....

لو انت ماشي على 80كم\س... و انا ماشي على 40كم\س لما رميت على الحاره بتاعتك و قدامك
هيبقى الفرق بين السرعتين 40 كم\س, و بعد فرملتك هيكون الفرق مثلا 20كم\س, هو ده اللي هنخبط
في بعض تحت تأثيره... لكن لو سرعتك 80, و انا زودت لـ60 مثلا و دخلت قدامك و انت جاي
المفروض ان الفرق 20كم, بس بعد الفرامل مش هتخبط فيا و هتعرف تفادي و تهدي قبل ما تخبطني...

و دي الطريقه اللي اسعف نفسي و اسعفك بيها.... أنا بعمل كده دائماً في المواقف دي, زي ملف او غيره

عموما ربنا ستر, و الحمد لله انك بخير يا باشا, و ان شاء الله العربيه ترجع احسن من الأول....