ترشحوا مين لمنصب شيخ الأزهر

[human]

هو الناس قرفانة من عمرو خالد لية؟

الراجل بيقول كلمتين ... عاجبينك اسمعهم .. مش عاجبينك خلاص ..

بس دا برضه مش معناه انه ينفع يبقى شيخ لأزهر

ماهو ده اللى بيقولوه و بيعملوه

التعبير عن الامتغاض من ترشيحه مشيخه الازهر

بس ماتوصلش لابو تريكه يعنى

ما الشيخ حسنى بتاع الاهلى موجود و اهو عاطل شغل

[NoRmAl]

هو الناس قرفانة من عمرو خالد لية؟

الراجل بيقول كلمتين ... عاجبينك اسمعهم .. مش عاجبينك خلاص ..

بس دا برضه مش معناه انه ينفع يبقى شيخ لأزهر

يا باشا أديك قلت الى فيها راجل كويس بس مش أى حد يبقى شيخ الازهر
واضح أن الناس مش واعيه أيه هو الازهر والله أعلم
فمش كل من قال كلمتين فى الدين هنصبه "الامام الاكبر"
يعنى زى الى بيقول أبو تريكه
ليه حق فعلا
لأن هو دا الى ناقص
ناخد الشاطر فى الفيزيا نشغله بقال!!!!!
بجد بقى الموقف يحكم
بعد الكام موضوع عن ترشيح الرئيس والان شيخ الازهر
الشعب دا ميعرفش يختار قيادات...للأسف :(

[محمد محمد]

الشيخ والعلامه ابو اسحاق الحوينى
دا من وجهة نظرى المتواضعه
والله ساعتها بس الازهر هيرجع لمكانته من تانى و هيقى منارة الاسلام فى الوطن العربى

ياريت بس صعب جداااااااااا.

[human]

بعد الكام موضوع عن ترشيح الرئيس والان شيخ الازهر
الشعب دا ميعرفش يختار قيادات...للأسف :(

مافيش هنا مواضيع عن ترشيح رئيس

فيه ايه يا ريس

انت نسيت البرنامج

[أشرف العدوي]

ماهو ده اللى بيقولوه و بيعملوه

التعبير عن الامتغاض من ترشيحه مشيخه الازهر

بس ماتوصلش لابو تريكه يعنى

ما الشيخ حسنى بتاع الاهلى موجود و اهو عاطل شغل

تصدق بردو الشيخ حسني جامد


مش عايز حد يزعل من الكلام الي هقوله

احنا ما ينفعش نرشح حد
ايوة هو ده الواقع
الي هيكون في المنصب ده شخص غير عادي و مهامة غير عادية
هيكون في رقبته اكتر من 80000000 بني آدم
يعني لو قال نصيحة او حد خد رايه في شئ و غلط
هيشيل ذنب الناس دي كلها
علشان كدة انا بقول نسيب مهمة ترشيح حد يكون مكان المغفور له للعلماء و الفقهاء من المسلمين

يعني مثلاً حد قال عمرو خالد على اي أساس عمرو خالد ينفع
و ايه الي ميز عمرو خالد عن بقية المنافسين
و الاهم بقى مين هم المنافسين أصلاً لعمرو خالد الي على اساسهم عمرو خالد هو انفعهم و ما هي عيوبهم

و الاسئلة السابقة لكل الذين تم ترشيحهم و منهم ابو تريكة

بلاش نكون عاطفيين اكتر من اللزم

و مش مهم نكون بنفهم في كل حاجة
يعيني الطب للدكاترة مش للعطارين
و الهندسة للمهندسين مش للأسطوات
و الدين للعلماء و الأئمة و الفقهاء مش مقدمي البرامج و خطباء الفضائيات


أرجو اني ما كونش زعلت حد
و لكنها وجهه نظري

[ecybrarian]

حتى الآن أكثر الأصوات لصالح الدكتور أحمد عمر هاشم والدكتور أحمد الطيب
وصوت واحد لكل من د\عبد الله سمك و د\عبد الله بركات ود\يوسف القرضاوي

أما عمرو خالد والشيخ الحويني فهم من غير خريجي الأزهر شأنهم في ذلك شأن د. علي جمعة..بس طبعا عمرو خالد والشيخ الحويني من المستحيل وصولهما للمشيخة. بالنسبة لعمرو خالد احنا عارفين ليه لعدة اسباب منها إن عمرو ليس فقيها..أما بالنسبة للشيخ الحويني فهو من المدرسة السلفية (الحنبلية) وليس الأزهرية (الشافعية)، وقد هاجم الشيخ الحويني الأزهر في مناسبات عديدة

[human]

حتى الآن أكثر الأصوات لصالح الدكتور أحمد عمر هاشم والدكتور أحمد الطيب
وصوت واحد لكل من د\عبد الله سمك و د\عبد الله بركات ود\يوسف القرضاوي

أما عمرو خالد والشيخ الحويني فهم من غير خريجي الأزهر شأنهم في ذلك شأن د. علي جمعة..بس طبعا عمرو خالد والشيخ الحويني من المستحيل وصولهما للمشيخة. بالنسبة لعمرو خالد احنا عارفين ليه لعدة اسباب منها إن عمرو ليس فقيها..أما بالنسبة للشيخ الحويني فهو من المدرسة السلفية (الحنبلية) وليس الأزهرية (الشافعية)، وقد هاجم الشيخ الحويني الأزهر في مناسبات عديدة

انسى احمد عمر هاشم

[NoRmAl]

انسى احمد عمر هاشم

ليه بس؟

[hossam_elwani]

يا جماعه في علماء اجلاء كتير فى الازهر وغير مشهوريين وفى الغالب حيجى واحد منهم مش معروف للناس قوى زى الاسماء المطروحه

[human]

ليه بس؟

بايظ فى السياسه و كاريزما صعبه و دماغه ناشفه على اللى بالى بالك و كمان كان ليه مشاكل بالزوفه و هوه رئيس الجامعه و عنده مشاكل كتير و فيه ناس كتير الت اليه ما ال اليه الازهر من ترنخ فى الفتره الماضيه

يا جماعه في علماء اجلاء كتير فى الازهر وغير مشهوريين وفى الغالب حيجى واحد منهم مش معروف للناس قوى زى الاسماء المطروحه

اتفق بشده

-

[noble911]

ارشح يوسف القرضاوي

احمد عمر هاشم كبير في السن و لا يستطيع تحمل اعباء المنصب
أحمد الطيب لا احبه بسبب تعامله العنيف و البطش بطلبة الازهر
الباقون لا اعرفهم
او من غير خريجي الازهر كالعلامة ابي اسحاق الحويني

[NoRmAl]

يا جماعه في علماء اجلاء كتير فى الازهر وغير مشهوريين وفى الغالب حيجى واحد منهم مش معروف للناس قوى زى الاسماء المطروحه

+1
أنا كمان أتفق مع حسام باشا وغالبا هو دا الى هيحصل

[icehearted girl]

قرضاوي


قرضاوي

قرضاوي

قرضاوي


قرضاوي

قرضاوي


قرضاوي


قرضاوي

قرضاوي

[dr-mohamed]

عمرو خالد



انا شايفو اكتر واحد مناسب


علشان عرف يأثر في الشباب ويبقى قدوى ليهم بجد وانا واحد من الشباب اللي ربنا هداهم على يد عمرو خالد

الله يهديك
كمان هيبقي شيخ الازهر
والله كدة فعلا تبقي كملت
الراجل اخره يقول كلمتين في التليفزيون للشباب اللى ميعرفوش اي حاجة في الدين لكن لما نقارنه بعلماء الازهر الاجلاء يبقي يقعد زي اصغر تلميذ ويتعلم منهم

يا جماعه في علماء اجلاء كتير فى الازهر وغير مشهوريين وفى الغالب حيجى واحد منهم مش معروف للناس قوى زى الاسماء المطروحه

+1
أنا كمان أتفق مع حسام باشا وغالبا هو دا الى هيحصل

وانا كمان بتفق مع الراي ده جدا
يا جماعة
والله الازهر فيه علماء ورجال دين بمعنى الكلمة لكن احنا منعرفهمش
عارفين ليه
لانهم لا يصلحوا للتليفزيون والبرامج الدينية اياها اللى بتعتمد على ان الشخص يبقي عنده كاريزما وليس عنده دين
شيخ الازهر يجب ان يكون رجل دين حتي لو لم تكن له كاريزمة اعلامية
الله يرحمك يا شيخ جاد الحق وقبله الشيخ المراغي وقبلهم سلسلة طويلة من مشايخ الازهر الاجلاء
كل ما نرجوه هذه المرة ان يكون شيخ الازهر من رجال الدين وليس من رجال الدنيا
من رجال الله وليس من رجال السلطان

[abogogo]

الازهر فيه علماء اجلاء كتير بس ياريت يكون شيخ الازهر بالانتخاب وليس بالتعيين وترشيح المشايخ عن طريق الدعاه وطلاب الازهر والانتخاب يتم من عموم المسلمين في مصر