If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
رحمانية ايه اللي في مكة دي يا استاذ احمد .. الرحمانية دي جنب بلدنا في البحيرة وجنب دسوق : اعدادي : اولى وتانية مدرسة الأورمان اعدادي بالدقي 10d5c8~1107:
يا اهلا بالبحاروة
وانا بقول الزوق ده كله جاي منين
انا من كوم حمادة يا باشا
ومدرسة الاورمان دي انا كنت في الجيزة الثانوية اللى جنبها بس متزعلش يا باشمهندس كنا بنحس ان الطلبة بتوعها فرافير اوي بالنسبة لنا في الايام دي
فاكر الكنتين وكان في فراش بيبيع السندوتشات من ورا الكنتين في الحمامات وكلمة السر( المم ياولا) فاكر المنط في آخر الحوش عند المدرسة الاعدادي وده كان مكان شرب السجائر...فاكر مركن العجل الي ورا المبنى الرئيسي... فاكر في الطبور الولد بتاع الاكوردين كان بيعزف واحنا طلعين على الفصول لحن لمبادا
ههههههههههههههههههههههههههههههههه
ليه كل المدارس على اختلافها دايما تلاقي الفراش بيبع السندوتشات في الحمامات ورا الكنتين
وليه دايما المنط بتاع المدرسة كلها بيبقي في اخر الحوش وبيبقي مكان شرب السجاير
وليه دايما العيال بتوع فرقة المزيكا بيبقي زي اللى عاملين اصطباحة علي الصبح وكل واحد فيهم بيعزف على مزاجه
ايه يا جماعة هو انا اللى هابقي لوحدي هنا ولا ايه
مفيش حد كان في المدارس دي
1- الاهرام الابتدائية في نصر الدين اول الهرم
2- ابو الهول الاعدادية في ميدان الجيزة وسط السوق
3- الجيزة الثانوية بنين (بنين مش بنات علشان محدش يدخل يرمي كلمة من اخوانا بتوع الجيزة) اللى عند مطلع كوبري 6 اكتوبر وجنب الاورمانت الاعدادي
مدرسة الشهيد منصور على إسماعيل الإبتدائية (بالغورية)
مدرسة المحمدية الإعدادية ( شارع بور سعيد بجوار مدرسة الخديوية الثانوية)
مدرسة الحسينية الثانوية (أحمد سعيد - العباسية)
الابتدائى كنت فى مدرسة اسمها الظفرة فى ابوظبى بعدين كملت فى مصر فى مدرسة الرواد فى الحى التامن لغاية 3 اعدادى و روحت اولى ثانوى مدرسة اسمها سان جورج فى مصر الجديدة و جبت 75 فى المية و كنت الرابع على المدرسة و كملت الثانوية العامة فى الرواد تانى و جبت مجموع 97.5
[CENTER]لكل فاسد في بلادي سجن .... طره بينادي
[/CENTER]
طبعا فاكره هو ومستر اكرم وناجى بتاع الفيزيا والمدير شوقى الغطاس والمصيبه الداهيه بتاع المصاريف بس مش فاكر اسمه تقريبا اسمه ناصر
كانت ايام
وطبعا عبد الرسول بتاع الفول ولو تفتكر فى طلبه كانت مشهوره اوى على راسهم تمام بتاع العجوزه وهيثم سراج ورونق
بس الفتره اللى انا كنت فيها كانت من 96 الى 99
أنت علي كدة بقي يا ابو أياد تعرف عمرو أسباني ياسرمولة و كاستر و جبسة وشريف سوكة و محمد أمام ولا الاسامي دية معديتش عاليك أنا عارف أن الاسامي تقيلة شوية بس للاسف دية أسامي شباب ثانوي بقي؟
الابتدائي مدرسة الجهاد الابتدائية أرض الجمعية أمبابة -2-اعدادي مدرسة العجوزة النموزجية المشتركة بالعجوزة -3- ثانوي مدرسة مبارك كول الالمانية 6 أكتوبر و مالقيتش حد كان معايا خالص في ال3 مدارس
جواد علي حسني بشبرا---- الابتدائية
وبصراحه احسن مرحلة في حياتي كانت في المدرسة ديه
الاعداديه مش فكرة
الثانويه كانت في مدرسه شبرا الثانويه بنات
الكليه -- هندسة شبرا
يعني الحمد لله شبرا للأبد
Comment