Tweet
السلام عليكم ورحمه الله وبركاته
اولا احب اطمئنكم اني النهارده احسن بكتير من الاول من مده تزيد علي الثلاث اشهر وبالاصح من رمضان اللي فات كنت بتفرج علي برنامج خواطر خمسه واتفرجت علي الحلقه بتاعه الراجل الصيني اللي غلب مقدم البرنامج في مسافه 3 كيلو المهم في اخر البرنامج الاخ الفاضل مقدم البرنامج نصح بممارسه الرياضه اللي بتزود الدوره الدمويه زي الجري او ركوب العجل طبعا بما اني مش من هواه المشي وكمان لما بتمشي اول مااكسل بركب مواصله توصلني لغايه البيت فكرت وقررت اني اشتري عجله وبالفعل بعد رمضان بفتره كبيره تقريبا شهر او اكتر اشتريت عجله وكانت فرحه عظيمه بالنسباللي وحسيت اني عملت معجزه من معجزات القرن المهم عدي عليا وقت مش كتير لغايه قبل عيد الاضحي بشويه المهم كنت ماشي في الشارع بالعجله واذا بواحد راكب موتوسيكل صيني طلع في وشي المهم طبعا تلقائي اخدت فرامل وبس......... ضلمه .....وبعد كده صوره مهزوزه وبعد شويه اصوات وناس المهم قمت من علي الارض ونفضت هدومي وكرامتي اللي مش لاقي ولا فتفوته منها ومسكت العجله لقيتها مكسوره في العجله الاماميه (فلاش باك) لما اخدت فرامل دوست فرامل اماميه راحت طلعت من مكانها اتكسرت وطلعت بالرفرف والرفرف لف علي العجله اتحشرت وطبعا بالنسبه للقصور الذاتي اتقلبت الي الامام وطبعا اطاحت بالخرتيت اللي كان راكبها وعملت دايفينج في الهواء ووقعت علي دماغي واخدت 30 ثانيه مش حاسس بحاجه
المهم رحت الشغل فتحت باب الشركه حسيت بتعب في ايدي الشمال مرضيتش اوهم نفسي وبعدها ماستحملتش ورحت مروح علي طول المهم اخدت اسبوع وانا اقول ان ايدي كلها يومين وتخف لان مفيش ورم يبقي مفيش كسر طيب ايدي ما بتخفش لييييييييييييييييه
المهم بعد شويه ضغوط وزعيق من الحاجه ومن المدام رحت علشان اكشف علي مضض (لاني مقتنع انه مفيش حاجه)
وكانت المفاجئه كسر في عظمه الزورقيه وطبعا النتيجه جبس
ومش اي جبس لا جبس 45 يوم يااااااااااااااااااه لسه هستني 45 يوم تاني وكمان في الجبس
المهم جبست ايدي
وبعدها قعدت 21 يوم وما استحملتش رحت كاسر الجبس لان المده دي كافيه (طبعا ده من وجهه نظري)
وبعدها تعبت رحت لدكتور تاني وقعدت معاه وحاولت اكتر من مره اني اقنعه بان مستحيل يكون العلم والتكنولجيا اللي العالم فيه ويكون مفيش حل غير الجبس (طبعا مااقتنعش وراج مجبس ايدي تاني مره )
ونبه عليا اني لو فكيت الجبس مش عايز يشوف وشي تاني ومرضيش ياخد فلوس غير الاشعه فقط(ده دكتور والاولاني واحد تاني)
المهم المره دي مااستحملتش هما 15 يوم وفكيت الجبس لتاني مره
طبعا كل الناس قالولي حرام عليك وايدك يابني احسن تبوظ وانا مهمنيش المهم اشتريت جبيره قماش من الصيدليه ولبستها يجي اسبوعين وبعد كده واحد بيسلم عليا وجيت بااخده بالحضن اتخبطت في ايدي ( طبعا صوتي كان جايب اخر الشارع)
بعدها رجعت لعقلي وكلمت دكتور صاحبي واترجيته يشوفلي دكتور يعالجني بس بمزاج ههههههههههههههه
المهم رحنا لواحد دفعتنا شغال في المستشفي العام وبالفعل عملي اشاعه ونبهت عليه اني مش هجبس وطبعا علي مين مرضيش وقال جبس يعني جبس
وبعد عده محاولات راح قايللي انا هخدمك وهخليك تجبس بس مش هتحط جبس قلت ماشي وكانت النتيجه اللي في الصوره دي
جبس بلاستيك
والحمد لله ربنا سهلها وفكيت الجبس (البلاستيك) النهارده
انا تعبت من الكتابه اكتر ... هكمل بعدييييييييييين
اولا احب اطمئنكم اني النهارده احسن بكتير من الاول من مده تزيد علي الثلاث اشهر وبالاصح من رمضان اللي فات كنت بتفرج علي برنامج خواطر خمسه واتفرجت علي الحلقه بتاعه الراجل الصيني اللي غلب مقدم البرنامج في مسافه 3 كيلو المهم في اخر البرنامج الاخ الفاضل مقدم البرنامج نصح بممارسه الرياضه اللي بتزود الدوره الدمويه زي الجري او ركوب العجل طبعا بما اني مش من هواه المشي وكمان لما بتمشي اول مااكسل بركب مواصله توصلني لغايه البيت فكرت وقررت اني اشتري عجله وبالفعل بعد رمضان بفتره كبيره تقريبا شهر او اكتر اشتريت عجله وكانت فرحه عظيمه بالنسباللي وحسيت اني عملت معجزه من معجزات القرن المهم عدي عليا وقت مش كتير لغايه قبل عيد الاضحي بشويه المهم كنت ماشي في الشارع بالعجله واذا بواحد راكب موتوسيكل صيني طلع في وشي المهم طبعا تلقائي اخدت فرامل وبس......... ضلمه .....وبعد كده صوره مهزوزه وبعد شويه اصوات وناس المهم قمت من علي الارض ونفضت هدومي وكرامتي اللي مش لاقي ولا فتفوته منها ومسكت العجله لقيتها مكسوره في العجله الاماميه (فلاش باك) لما اخدت فرامل دوست فرامل اماميه راحت طلعت من مكانها اتكسرت وطلعت بالرفرف والرفرف لف علي العجله اتحشرت وطبعا بالنسبه للقصور الذاتي اتقلبت الي الامام وطبعا اطاحت بالخرتيت اللي كان راكبها وعملت دايفينج في الهواء ووقعت علي دماغي واخدت 30 ثانيه مش حاسس بحاجه
المهم رحت الشغل فتحت باب الشركه حسيت بتعب في ايدي الشمال مرضيتش اوهم نفسي وبعدها ماستحملتش ورحت مروح علي طول المهم اخدت اسبوع وانا اقول ان ايدي كلها يومين وتخف لان مفيش ورم يبقي مفيش كسر طيب ايدي ما بتخفش لييييييييييييييييه
المهم بعد شويه ضغوط وزعيق من الحاجه ومن المدام رحت علشان اكشف علي مضض (لاني مقتنع انه مفيش حاجه)
وكانت المفاجئه كسر في عظمه الزورقيه وطبعا النتيجه جبس
ومش اي جبس لا جبس 45 يوم يااااااااااااااااااه لسه هستني 45 يوم تاني وكمان في الجبس
المهم جبست ايدي
وبعدها قعدت 21 يوم وما استحملتش رحت كاسر الجبس لان المده دي كافيه (طبعا ده من وجهه نظري)
وبعدها تعبت رحت لدكتور تاني وقعدت معاه وحاولت اكتر من مره اني اقنعه بان مستحيل يكون العلم والتكنولجيا اللي العالم فيه ويكون مفيش حل غير الجبس (طبعا مااقتنعش وراج مجبس ايدي تاني مره )
ونبه عليا اني لو فكيت الجبس مش عايز يشوف وشي تاني ومرضيش ياخد فلوس غير الاشعه فقط(ده دكتور والاولاني واحد تاني)
المهم المره دي مااستحملتش هما 15 يوم وفكيت الجبس لتاني مره
طبعا كل الناس قالولي حرام عليك وايدك يابني احسن تبوظ وانا مهمنيش المهم اشتريت جبيره قماش من الصيدليه ولبستها يجي اسبوعين وبعد كده واحد بيسلم عليا وجيت بااخده بالحضن اتخبطت في ايدي ( طبعا صوتي كان جايب اخر الشارع)
بعدها رجعت لعقلي وكلمت دكتور صاحبي واترجيته يشوفلي دكتور يعالجني بس بمزاج ههههههههههههههه
المهم رحنا لواحد دفعتنا شغال في المستشفي العام وبالفعل عملي اشاعه ونبهت عليه اني مش هجبس وطبعا علي مين مرضيش وقال جبس يعني جبس
وبعد عده محاولات راح قايللي انا هخدمك وهخليك تجبس بس مش هتحط جبس قلت ماشي وكانت النتيجه اللي في الصوره دي
جبس بلاستيك
والحمد لله ربنا سهلها وفكيت الجبس (البلاستيك) النهارده
انا تعبت من الكتابه اكتر ... هكمل بعدييييييييييين
Comment