الزمالك بقى فله و شمعه منوره

[human]

انا فاكر المواضيع اللى كانت بتناقش سقوط نادى الزمالك و ازاى كانت اعصابنا بايظه و موش مضمون اى حاجه وولا عارف ايه التشكيل اللى هتلعب بيه

الموضوع ده عشان انا زملكاوى فرحان بفريقى اللى كان حارق دمى اللى بقى ماشاء الله فله و شمعه منوره

و بجد مبسوط جدا من اللى عامله الاخوان حسن مع الزمالك
الزمالك مافهوش اى حد خبره ولا تقيل غير عبد الواحد السيد والباقى كله صغيرين و شباب جدا

ده النهارده مقعد حازم امام و منزل واحد لسه بيتم 18 سنه فى ماتش تقيل زى الانتاج بجد و الله حاجه تفرح لما تبقى واثق فى المدرب و عارف انه بيقدر يغير الماتش و طريقه اللعب بسرعه

و نفس لاعيبه الزمالك اللى ماكانوش بيلعبوا بقوا بيلعبوا بتألق غير عادى

الاخ شيكابالا كان يلعب شوط حلو و بعدين مش موجود اللى يشوفوا فى الكام ماتش اللى فاتوا و ازاى مش عارف تحدد مركزه فى الملعب و مجهوده الوفير تعرف ازاى العميد قوم اداء لاعب مهلاث زى ده

و ياسر المحمدى اللى الاهلى ياما قال عليه ماعندوش لياقه الراجل دايس ماتشين ورا بعض بفاصل ايام معدوده و عباره عن موهبه و ابداع نادر فى الملاعب الموسم ده بغياب العناتيل

و طبعا مين يقدر يقعد هانى سعيد لغايه مايحفظ واجباته الجديده غير حسام حسن و عشان مابيلعبش بليبرو خلى هانى سعيد خط وسط و بيعمل فرق كبير لما حسام يغير طريقه اللعب فكسب خط وسط مدافع بدل ماكنا بنقول عايزين واحد زى حمص

ماشاء الله على الراجل ده و اللى عامله

اكتر حاجه كم التفانى اللى هوه فيه و خوفه على اللعيبه اكنهم ولاده و شوفوا بيروحوا يحضونوه ازاى فيه فرق - انا موش فاكر شفت العلاقه ديه الا ايام الجوهرى بالمنظر ده


ياريت ماحدش يقلب الموضوع اهلى وزمالك و خدنا الدورى كام مره و الكلام اللى مالوش معنى ده

انا لو الزمالك ماخدش الدورى موش مدايق - انا فرحان بالكوره الجميله اللى الزمالك بيقدمها

شوفتوا شيكابالا و هوه بيرقص على الكوره - ديه موش قرننه و لا استخفاف بالمنافس - ده لعيب فرحان بالكوره اللى بتتلعب و مبسوط من الجو اللى هوه فيه

[youtube]http://www.youtube.com/watch?v=2sKM_JOO6cQ[/youtube]

[Abo_Lina]

يا باشا احنا بيدربنا الجوهري بس بفكر هجومي ..
و لا عزاء للأخوة اللي كانو عاوزين من أبو cv و خبرة و الكلام ده ..
حسام أجبر الكل إنه يقف أمامه احتراما لكونه المدرب رقم 1 القادم في مصر

[Abo_Lina]

هو بالمناسبة متفق مع تحليلك و لكن أختلف معك إختلاف جوهري و هو إن الماتش كان قدام طلائع الجيش مش الانتاج

[Mostafa.Mahran]

بصراحة شيكابالا فى الكورة دى شكله زى الزفت و محسن هنداوى واقف بيتفرج عليه و سايبه و بيقول فى سره معلش عيل صغير بيتنطط شبه ال.......

[slim_shika]

اتفرجت برده على ماتش بتروجت اتوهمت , النهاردة أنا قاعد بتفرج على الماتش ومش مصدق, ده الفريق اللي كان هينْزل درجة تانية؟؟؟

حسام حسن و الجهاز بتاعه يمكن يكون أحسن جهاز في تاريخ الزمالك.

والدوري لو مش هنخده السنة دي, مش هتضايق علشان عارف إن احنا إن شاء الله السنة اللي جاية هناخد دوري - كاس مستريح....

[M.almaghraby]

يا رب الزمالك يفضل كدا علي طول

[youssefmustang]

انا اهلاوى (بس مش متعصب)و ماليش فى الكورة اوى بس بصراحة يا جماعة مش عارف ليه اضايقت لما الزمالك كسب انهارده وفى نفس الوقت فرحت لان فى بعض الاشكال القذرة زى عبدالحليم ما شوفتهاش (تقريبا عشان اتفرجت فى الاخر) بس لما اتكلمت مع واحد صاحبى زمالكاوى محترم وقولتلو على انى اتخنقت من المكسب للزمالك قالى انت اطبعت بطبع الناس المتعصبة بس انا مش متابع كرة عربية اصلا انا بتفرج على اى ماتش لمانشيستر يونايتد والله يا جماعة على قد ما انا اهلاوى بس ما اعرفش كل الناس فى الاهلاى ولا متابع اخباره اصلا ...
وبردو فى نقطة بضايق منها من حسن شحاته بلاقيه منزل اغلب اللاعيبة من النادى الاهلى طب ما تنزل لاعيبة من الزمالك يمكن تكون ارادتهم احسن لما يلعبو مع المنتخب ويعملو شغل احسن من وهما فى الزمالك..
كلمة اخيرة نفسى الزمالك يتعدل تانى ونتفرج على ماتشات سخنة وكلها اجوان مع الاهلى ...
اخوكم يوسف

[M.almaghraby]

لان فى بعض الاشكال القذرة زى عبدالحليم ما شوفتهاش (تقريبا عشان اتفرجت فى الاخر)

انتا بتتكلم علي عبدالحليم مين؟

[romeo_6887]

بصراحه انا مبسوط من مستوي الزمالك
بجد حاجه تفرح

[Terrible_DaRsH]

ايوا يا عممم اخيرا شميتوا نفسكم !

بس لو الزمالك اخد الدورى السنة دى و اللى بعدها كمان مش هجكم على حسام حسن غير لما اشوفه " افريقيا " .

يعنى الحكم على حسام حسن هيكون فى التالق الافريقي مش المحلى ..

و انا متوقع ان ممكن الزمالك يفوز على الاهلى بس حسام البدرى مش سهل ابدا و هيريح اللاعيبة الكبيرة للماتش ده علشان ده نقطة تحول و عايز خبرة ..

عموما الدورى السنة دى احلى بكتير مع ان نصف الفرق وقعة و ماتش الاتحاد جاب لى شلل , حسام البدرى بتشكيلته الجديدة و لاعيبته الصغيرة اللى كان جوزيه قاتلهم و حسام حسن مع الروح الجديدة و بتروجيت و الاسماعيلى منافسين بشدة , يعنى الدورى السنة دى احلى ..

[aliabutaleb]

انا لو الزمالك ماخدش الدورى موش مدايق - انا فرحان بالكوره الجميله اللى الزمالك بيقدمها

شوفتوا شيكابالا و هوه بيرقص على الكوره - ديه موش قرننه و لا استخفاف بالمنافس - ده لعيب فرحان بالكوره اللى بتتلعب و مبسوط من الجو اللى هوه فيه

انا كمان مش هاتضايق
كفاية إن الفرقة بتلعب كويس

بس بالنسبة لشيكابالا، أنا مبحبهوش من أنانيته ونفسي مُنى عيني يروح الأهلي
عشان يبقى عندهم شيكابالا وجمال حمزة
وربنا يوفقهم

بالمناسبة انا معجبتنيش حركة شيكا دي
فيها استهزار بالمنافس
فرحة إيه يا طارق وهو فرقته كاسبة جون واحد ومضغوطة وكل هجمات الإنتاج خطيرة ومعرض لضياع المباراة وهو عمال يطمع ومبيباصيش لحد؟

[mahmoud_magdy]

واضح ان في استقرار
ونفسية كل لاعب اتحسنت اوي
فاكرين لما شيكابالا كان بيعيط ومعاه حازم امام في الموسم الاول
يــــــــــــــــــــــاه منظر مؤلم اوي
وحسام برده شعلة نشاط وقام بالفريق
انا مبسوط انهم عدو مرحله صعبه من عدم الاستقرار
يارب ميجيش حد يهد اللي بيتبني ده

[MohaMed_Refaat]

بصراحه انا مبسوط من مستوي الزمالك
بجد حاجه تفرح

يا رب الزمالك يفضل كدا علي طول

انا فاكر المواضيع اللى كانت بتناقش سقوط

الموضوع ده عشان انا زملكاوى فرحان بفريقى اللى كان حارق دمى اللى بقى ماشاء الله فله و شمعه منوره

و بجد مبسوط جدا من اللى عامله الاخوان حسن مع الزمالك
الزمالك مافهوش اى حد خبره ولا تقيل غير عبد الواحد السيد والباقى كله صغيرين و شباب جدا

عاش يا زملكاوية
دايما الى الامام يا زمالك

[samoevil911]

بص مبدأين انا اهلاوي بس بحب الزمالك .. اصل انا واحد من الناس زهقت من البطولات الأهلى بيلعب لواحده الدوري مش عارف 5مرات والا 4 ورا بعض على كام شزبر ورا بعض على 3 بطولات افريقية في 4 سنين .. وكام سوبر افريقي دتنا مليت من البطولات .
بس فعلا الزمال بقي حاجة تانية بس المهم ليه .. يعني اصلا ايه اللي خلى حسام حسن ينجح ؟
1- اللعيبة بتحبوا .. كل مصر بتحب حسام حسن لأن حسام حسن معلش مش فز الكرة المصرية في التدريب وكان فيه قبليه ناس احسن منه في التدريب ومنجحوش .. بس المهم اللعيبة بتحب مين ؟ اللعيبة لما عرفوا ان حسام حسن هيدربهم اكيد شفت التصريحات والفرح فعمل دفعه معنوية قوية للعيبة بعد مكانوا افتقدوا الروح وحسين ان فيه فجوة بينهم وبين المدربين دا غير الفجوة اللي مع الأدارة خصوصا بسبب المستحقات .
2- حسام حسن لما مسك الفريق اول ممسك اولا مدرب مش كبيرسننا ولسه سايب الملاعب دا غير انه ابن بلد .. لما جه مسك اللعيبة كان فاهم كل واحد دماغة ماشية أزاي وعطيكل واحد حقه في المعاملة .. خصوصا المعوجين .. يعني اول مجه اعتقد قال اللي عايز يمشي يمشي احنا مش هنمسك في حد .. والمغرور والمعوج بيعرف يعدله لأن حسام اصلا محترف في التعامل هو انا عايزاقول لفظ بس زي(صايع بحر كدا :d) فاللعيبة عملاله هيبه وبيحترموه
3- ترتب على النقطة اللي فاتت انه بدأ يركز على الناشئين والصغار سننا .. وبيبعد اللعيبة عن المشاكل وهو نفسه بيتفادى المشاكل مع اللعيبة عشان ميعملشتوتر ويحقق الأستقرار اللي غايب عن النادي من زمان . واحد زي ميدو عايز يمشي مخدش مستحقاته , ممسكش فيه , قالوا اتفضل براحتك ..

كل دا خلى حسام حسن يعرف يحفز اللعيبة ويطلع من كل لعيب اللي جواه .. وساعد حسام حسن التوفيق بردوا و مستوى الأهلى المتذبذب لأن اللعيبة اولا في ماتش الأهلى اتعادلوا ودا كان في اول مشوار العميد فلو كانوا خسروا كان ممكن دت يأثر عليهم . دا غير ان الأهم ان الأهلى خصر نقاط في الدور التاني فاللعيبة بدأوا يشوفوا ان الفرق بيقل وان في امل ..
طبعا كل دا غير حسن توظيف اللعيب في الملعب وبيخلى كل لعيب يطلع اللي جوا .. فعلا بيعرف يستفر اللعيبة . واحد زي حسين ياسر قاعد على الدكة بقالوا سنة ونص أول مأخدوا لعبوا واستغل نقطة ان يخليه يثبت للأهلى انه خسروا وظلموا لما قعدوا على الدكة .. فلقينا حسين ياسر بياكل النجيلة في ماتش الطلائع بالذات

وغير انه بيتعامل مع اللعيبة على اساس انهم اخواته او ولاده ..وبنشوف دا في الملعب .. واقف طول الماتش قلقان عليهم وبيدي التعليمات بنفسه وبينفعل مع كل كورة كأنه هو اللي بيلعبها .. دا غير انه في التقسيمات بتاعت التمرين بيلعب معاهم . بعد كل جون تلاقي اللعيبة بتحضنوا ..

دا غير ثقة الجماهير الكبيرة اوي فيه وادت لثقة اللعيبة في نفسها .
فعلا الزمالك بتطور ورغم اني شايف ان صعب الزمالك ياخد الدوري دا .. بس الدوري الجي هيبقي حاجة تانية والله اعلم .

والدوريهيرجع الأهلى والزمالك قمة خصوصا السنين القادمة بعد عملية الأحلال والتجديد في الأهلى .. فهيبقى عندنا فريقين شباب وخبرة ان شاء الله .. والمهم دا هبفيد احلا وتجديد المنتخب ان شاء الله

[mahmoud_magdy]

بص مبدأين انا اهلاوي بس بحب الزمالك .. اصل انا واحد من الناس زهقت من البطولات الأهلى بيلعب لواحده الدوري مش عارف 5مرات والا 4 ورا بعض على كام شزبر ورا بعض على 3 بطولات افريقية في 4 سنين .. وكام سوبر افريقي دتنا مليت من البطولات .
بس فعلا الزمال بقي حاجة تانية بس المهم ليه .. يعني اصلا ايه اللي خلى حسام حسن ينجح ؟
1- اللعيبة بتحبوا .. كل مصر بتحب حسام حسن لأن حسام حسن معلش مش فز الكرة المصرية في التدريب وكان فيه قبليه ناس احسن منه في التدريب ومنجحوش .. بس المهم اللعيبة بتحب مين ؟ اللعيبة لما عرفوا ان حسام حسن هيدربهم اكيد شفت التصريحات والفرح فعمل دفعه معنوية قوية للعيبة بعد مكانوا افتقدوا الروح وحسين ان فيه فجوة بينهم وبين المدربين دا غير الفجوة اللي مع الأدارة خصوصا بسبب المستحقات .
2- حسام حسن لما مسك الفريق اول ممسك اولا مدرب مش كبيرسننا ولسه سايب الملاعب دا غير انه ابن بلد .. لما جه مسك اللعيبة كان فاهم كل واحد دماغة ماشية أزاي وعطيكل واحد حقه في المعاملة .. خصوصا المعوجين .. يعني اول مجه اعتقد قال اللي عايز يمشي يمشي احنا مش هنمسك في حد .. والمغرور والمعوج بيعرف يعدله لأن حسام اصلا محترف في التعامل هو انا عايزاقول لفظ بس زي(صايع بحر كدا :d) فاللعيبة عملاله هيبه وبيحترموه
3- ترتب على النقطة اللي فاتت انه بدأ يركز على الناشئين والصغار سننا .. وبيبعد اللعيبة عن المشاكل وهو نفسه بيتفادى المشاكل مع اللعيبة عشان ميعملشتوتر ويحقق الأستقرار اللي غايب عن النادي من زمان . واحد زي ميدو عايز يمشي مخدش مستحقاته , ممسكش فيه , قالوا اتفضل براحتك ..

كل دا خلى حسام حسن يعرف يحفز اللعيبة ويطلع من كل لعيب اللي جواه .. وساعد حسام حسن التوفيق بردوا و مستوى الأهلى المتذبذب لأن اللعيبة اولا في ماتش الأهلى اتعادلوا ودا كان في اول مشوار العميد فلو كانوا خسروا كان ممكن دت يأثر عليهم . دا غير ان الأهم ان الأهلى خصر نقاط في الدور التاني فاللعيبة بدأوا يشوفوا ان الفرق بيقل وان في امل ..
طبعا كل دا غير حسن توظيف اللعيب في الملعب وبيخلى كل لعيب يطلع اللي جوا .. فعلا بيعرف يستفر اللعيبة . واحد زي حسين ياسر قاعد على الدكة بقالوا سنة ونص أول مأخدوا لعبوا واستغل نقطة ان يخليه يثبت للأهلى انه خسروا وظلموا لما قعدوا على الدكة .. فلقينا حسين ياسر بياكل النجيلة في ماتش الطلائع بالذات

وغير انه بيتعامل مع اللعيبة على اساس انهم اخواته او ولاده ..وبنشوف دا في الملعب .. واقف طول الماتش قلقان عليهم وبيدي التعليمات بنفسه وبينفعل مع كل كورة كأنه هو اللي بيلعبها .. دا غير انه في التقسيمات بتاعت التمرين بيلعب معاهم . بعد كل جون تلاقي اللعيبة بتحضنوا ..

دا غير ثقة الجماهير الكبيرة اوي فيه وادت لثقة اللعيبة في نفسها .
فعلا الزمالك بتطور ورغم اني شايف ان صعب الزمالك ياخد الدوري دا .. بس الدوري الجي هيبقي حاجة تانية والله اعلم .

والدوريهيرجع الأهلى والزمالك قمة خصوصا السنين القادمة بعد عملية الأحلال والتجديد في الأهلى .. فهيبقى عندنا فريقين شباب وخبرة ان شاء الله .. والمهم دا هبفيد احلا وتجديد المنتخب ان شاء الله

كلام جميل
مش مهم الدوري السنه دي مش مهم خالص
النقله اللي اتنقلها الزمالك في الفتره القصيره دي تحسب ليهم كلهم ودا يطغى على الدور والكاس نفسه
دا فريق كان بيموت وهيدفن خلاص والحياه اعيدت فيه من جديد
وخليهم يفرحوا بقى بقالهم سنين مطحونين هزايم