Donate Blood..Donate Life =) تبرع بالدم..تبرع بالحياه

[icehearted girl]

اسم الحملة "تبرع بالدم, تبرع لانقاذ حياة" هو شعار معبر عن مهمة حملتنا
, نحن طلبة الجمعية العلمية الطلابية و هي مؤسسة مستقلة غير ساعية للربح، يديرها
متطوعين من طلبة كليات الطب وتنتسب الجمعية الى الاتحاد الدولي للجمعيات
العلمية لطلبة الطب "IFMSA".

مكان ومواعيد حملاتنا :

يوم السبت13/ 3 /2010 في معهد الاورام من الساعه 10 صباحا حتى 3 عصرا

يوم الثلاثاء 16/3/2010في كليه طب القصر العيني

يوم الخمييس18/3/2010في كليه تجاره جامعه القاهره

يوم الاربعاء 24/3/2010في كليه هندسه جامعه القاهره


عدم وجود نظام للتبرع بالدم على أساس احتياجات المجتمع المحلي يعتبر"
مشكلة رئيسية في معظم بلدان الشرق" اعتمادا الى احصائيات منظمة الصحة
العالمية في منطقة حوض البحر الابيض المتوسط لعام2000

أن التبرع بالدم هو وسيلة انقاذ فعالة لانقاذ حياة حالات طبية
كثيرة تحتاج الى نقل الدم طوال الوقت كمرضى الثلاسيميا ومرضى السرطان والفشل الكلوي, فالاحتياج الى التبرع بالدم لا يتوقف فقط على اوقات الكوارث
والحروب


وقد أطلقت الجمعية العلمية الطلابية حملة التبرع بالدم التي تهدف -
بالتنسيق مع جمعية شريان ومجددون - الى رفع مستوى الوعي حول أهمية التبرع بالدم
والمتبرعين بالدم بشكل منتظم، وبناء قاعدة بيانات للمتبرعين
بصفة منتظمة لضمان امدادات مستمرة من الدم لمرضى الأورام في المعهد
القومي للأورام

سوف تبدأ الحملة يوم السبت المقبل وستقام في المعهد القومي للأورام في
وجود جمع من مشاهير ووسائل الإعلام, وتهدف الحملة الى ان تصل الى قاعدة البيانات
الي ضم مائتي متبرع

هل تريد أن تحدث تغييرا؟

يمكنك أن تكون إيجابيا وتساهم في مساعدة المجتمع من حولك !!

انضم الى حملتنا مع جمعية شريان ومجددون , يوم السبت المقبل يمكنك مساعدتنا بالتبرع
بالدم, وبالمشاركة في تنظيم الحملة, والعمل على التوعية بأهمية التبرع
بالدم

شارك معنا , و البداية يوم السبت 13 مارس 2010 في تمام العاشرة صباحا :)

مستنيينكم :)

متخذلوناش

[mahmoud_magdy]

التبرع بالدم مفيهوش مشكله
لكن المشكله اني مش عارف المصدر ده هيودي الدم ده فين ولمين
وهل اللي هياخد دمي هياخده بمقابل ولا من غير
انا متبرع ومش عاوز مقابل مادي لكن المصدر ده هياخد مقابل على الدم ؟؟ هي دي المشكله اللي تخلي ناس كتير ميتبرعوش
مفيش ثقه
ربنا يوفقكم ويارب يكون الهدف طلبا في رضا الله فقط وليس مقابل مادي

[بحري]

جزاكم الله خيرا موضوع مهم جدا
وبالنسبة لمسألة الثقة فأنا عموما أحسن الظن بالجمعيات الطلابية من هذه النوعية بالذات في مجال الخدمات لاسيما والقائمون على هذه الحملات من طلبة الطب ..أي نعم لي تحفظ على مجال التبادل الطلابي ولكن موضوع التبرع بالدم بالذات من المواضيع الخطيرة والمهمة اللي المفروض نساهم فيها بأكبر قدر ممكن

هل ممكن نعمل حملة تبرع بالدم باسم نايل موتورز؟ يعني لو قدرنا نجمع ١٠٠ كيس في مقابلة من مقابلات المنتدى تبقى حاجة جميلة جدا وممكن ساعتها التعامل يكون مع بنك الدم الجامعي مثلا
إحنا عندنا في المنطقة بنعمل حملات دورية للتبرع بالدم في المساجد وبتعمل شغل جامد جدا بحمد الله

[icehearted girl]

التبرع بالدم مفيهوش مشكله
لكن المشكله اني مش عارف المصدر ده هيودي الدم ده فين ولمين
وهل اللي هياخد دمي هياخده بمقابل ولا من غير
انا متبرع ومش عاوز مقابل مادي لكن المصدر ده هياخد مقابل على الدم ؟؟ هي دي المشكله اللي تخلي ناس كتير ميتبرعوش
مفيش ثقه
ربنا يوفقكم ويارب يكون الهدف طلبا في رضا الله فقط وليس مقابل مادي

حضرتك عنك حق طبعا


بس الحملات دي بالاخص انا شغالة فيها من فترة

ويعلم الله من مصدرها لبنك الدم الخاص بمعهد القومي للاورام مباشرة

وبدون مقابل

[icehearted girl]

جزاكم الله خيرا موضوع مهم جدا
وبالنسبة لمسألة الثقة فأنا عموما أحسن الظن بالجمعيات الطلابية من هذه النوعية بالذات في مجال الخدمات لاسيما والقائمون على هذه الحملات من طلبة الطب ..أي نعم لي تحفظ على مجال التبادل الطلابي ولكن موضوع التبرع بالدم بالذات من المواضيع الخطيرة والمهمة اللي المفروض نساهم فيها بأكبر قدر ممكن

هل ممكن نعمل حملة تبرع بالدم باسم نايل موتورز؟ يعني لو قدرنا نجمع ١٠٠ كيس في مقابلة من مقابلات المنتدى تبقى حاجة جميلة جدا وممكن ساعتها التعامل يكون مع بنك الدم الجامعي مثلا
إحنا عندنا في المنطقة بنعمل حملات دورية للتبرع بالدم في المساجد وبتعمل شغل جامد جدا بحمد الله

فعلا يعني عندنا ع الاقل تلات حملات للمساجد اسبوعيا غير الاندية والجامعات

ومعنديش اي مشكلة لو في مقابلة لنايل موتورز ارتب مع الجمعية حملة خاصة بالموضوع دا


لو حضرتك تتخيل كم الاطفال اللي فلمعهد محتاجين الدم دا

عدد لاحصر له

[ultrasoft]

انا مش بتبرع الا اذا كانت حالة طوارئ .. لان فيصلة دمى نادرة جدا ( ab - ) و بخاف اروح اتبرع كده لأنى عارف انهم هيبيعوها من بره بره

[X_MM_X]

فعلا يا جماعه المشكله ان التبرع ده بنسبه كبيررره جدا بيتباع ومش اقل من 100 جنيه للفصايل المتوفره

[Ahmed Nouh]

انا من فتره حصل لأخو واحد صاحبى حادثه وكان محتاج تبرع , اللى شوفته معاه فى بنوك الدم والاسعار الخياليه والمساومات القذره خلانى خدت قرار انى مش هتبرع الا لحد اعرفه

للأسف التبرع بالدم ان مكنش لمكان ثقه بيبقى اهدار للدم , ربنا يوفقكم وتغيرو الوضع ده ويبقى التبرع فى محله الصحيح

[بحري]

على فكرة أكياس الدم بتتعمل عليها تحاليل مكلفة جدا غير وسائل الحفظ والعناية والتوالف يعني الكيس الواحد بيتكلف كتير جدا
فالفكرة إن بعض البنوك بتخليك تدفع رسوم للمساهمة في التكاليف..يعني المسألة مش بيع..إلا لو كانت هناك حالات استغلال
أكثر الأماكن المحتاجة دم هي المستشفيات الجامعية لأن غالبا اللي بيروحها بيكون حاله على قده ومبيقدرش يوفر الدم
وأيضا من الأماكن الهامة مراكز ومعاهد علاج الأورام

[Ahmed Nouh]

على فكرة أكياس الدم بتتعمل عليها تحاليل مكلفة جدا غير وسائل الحفظ والعناية والتوالف يعني الكيس الواحد بيتكلف كتير جدا
فالفكرة إن بعض البنوك بتخليك تدفع رسوم للمساهمة في التكاليف..يعني المسألة مش بيع..إلا لو كانت هناك حالات استغلال
أكثر الأماكن المحتاجة دم هي المستشفيات الجامعية لأن غالبا اللي بيروحها بيكون حاله على قده ومبيقدرش يوفر الدم
وأيضا من الأماكن الهامة مراكز ومعاهد علاج الأورام

المشكله مكانتش فى التكلفه , المشكله كانت فى شروط علشان ناخد الدم

زى 3 اكياس فى المقابل من فصيله معينه مقابل كيس عايزينه + 400 جنيه

وزى علشان تاخد الفصيله دى تجيبلى الفصيله دى ولو ملاقيتش منها مقدرش اديلك اللى عندى

واللى تقف تتكلم معاه تلاقيه مش منتبه للكلام وكل شويه يمشى ويسيبك ويطلعلك تانى بعد ربع ساعه يقولك كنت بتقول ايه واللى تبقى بتتنطط قصاده من الاستعجال وهو بروده ميتوصفش وحاجه يعنى لا تليق ابدا بوضعهم فى مكان مهم زى بنك الدم

ده بجانب ان فى حالات التبرع العاديه المفروض ان يكون فى ايصال يوضح انى اتبرعت وده بينفع لا قدر الله فى حاله انى احتجت ابدله بعد كدا بدم لحد محتاجه وللأسف معظم اماكن التبرع بترفض تديلك الايصال ده

علشان كدا فعلا فرصه التبرع للجمعيات زى اللى هنا فى الموضوع حاجه محترمه مش متوفره كتير وتستحق اكتر من كتير قوى من بنوك دم المستشفيات

[icehearted girl]

الله يكرمكم نفصل بين الآراء والحقائق

اللي شاف بنفسه كيس بيتباع من برا برا من مؤسسة تعليمية يقول ويجيب برهان

لان دي بتطير فيها رقاب

غير كدا منقللش مجهود ناس شغالين ليل نهار عشان يوفروا الدم خصوصا للاطفال

ونقلل من مجهود ناس بييجوا من اخر الدنيا عشان يتبرعوا

انا مش بتكلم عن الحملة دي بالذات

انا بتكلم عموما

بلاها حملات خالص

ادخل فيوم معهد الاورام علي سبيل المثال هتلاقي ميت واحد ماشي


بيشحت كيس دم لابنه عشان يدخل يعمل عملية مثلا ..اتبرعله

اهو تبقي وفرت كيس وضمنت انه مش هيتباع

ودا فعلا حاصل هنا يوم ملقيت واحدة محتاجة تستقصل ورم وفصيلة

دمها نادرة لقيت 7 اشخاص راحوا يتبرعولها ولا يعرفوا حتي اسمها

ولا فيوم مالايام هيقابلوها حتي ولا منتظرين كلمة شكر من حد

دا غير انك ممكن تستلم ايصال وتسيب حتي اسم المتبرع اليه

فاضي عشان لو احتجت كيس الدم دا لشخص تاني غيرك وداللي

بنحاول نطبقه اليومين دول

[mohamedbook]

المشكلة مش في التبرع بالدم
المشكلة مين الي هياخد الدم دة وهيتصرف فية ازاي
المصيبة الكبيرة انا معظم الي شغالين في الحكومة نصابين الا من رحم ربي
عشان كدة اسف مش هتبرع بالدم