العربية دي حولة !

[hazem_khidr]

اوبل فيكترا 96 شبه السيده الجميله الرشيقه.
سيارات الفاروميو بمعظم موديلاته تشبه الوحوش الرصينه :)
الضفدعه زي نا قال احمد كده الريتمو و كان في عربيه من فيات اسمها مولتيبلا كانت ميني فان و شبه الضفدعه

[sab3aawy]

البيكانتو من الامام عاملة زى ما يكون عيل شاف عفريت او فيل طائر مثلا قام جاله حالة ذهول وعينيه اتسعت ذهولا وفتح بقه من الإنذهال

الماتيز والشيرى Qqبيفكرونى بالفار جيرى

الشاهين من الأمام بتفكرنى بموظف الحكومة ابو نضارة كعب كباية

العربية اللانسر الكريستالة بتفكرنى بسمكة القرش ، خصوصا لما يكون لونها فيرانى، ولو متركب لها سبويلر من ورا بحس انه زعنفة القرش

العربية الفورد توراس اللى كانت موجودة فى مصر فى التسعينات بتفكرنى بصابونة الوش

ال128 المعدلة ذات الفانوس المربع شكلها من قدام بيفكرنى بالطالب المجتهد

البيجو 504 شكلها من قدام بيحسسنى انها واحد بيحتشد للعدائية بس لسة موصلش لمرحله اظهار غضبه

اللى بحس انها فعلا شخص عبر عن غضبه وكشر عن انيابه هى البى إم الجديدة بكل فئاتها

الميتسوبيشى باجيرو بتفكرنى بكلب البولدوج

ال 132 والبى إم موديلات التمانينات بحس فى شكلها انها كانت يخت جار عليه الزمن وتحول الى سيارة

اللانوس من بعيد شكلها بيفكرنى بالمكنسة الكهربائية لدرجة انى احيانا لما اشوف واحدة منها وعقلى مشغل فى مسالة آخرى، عقلى الباطن يفرض على ذهنى صورة خرطوم متركب فى الشكمان بتاعها

الماتريكس بحس انها مكواه بالبخار

التويوتا لاند كروزر بتفكرنى بالبقرة الحلوب المرسومة عى علب السمنة الهولندية

العربية الفولكس البيتلز، شكلها بيفكرنى بست بيت مصرية قاعدة تخرط ملوخية او تقور بتنجان للمحشى

العربية ال126 شكلها بيفكرنى بالفار الصغير قريب جيرى الذى كان دائم يظهر فى افلام توم وجيرى مرتديا حفاظة

العربية الكيا برايد هاتش باك بحس انها طالبة جامعة من النوع اللى بيلبس نضارة ويعمل شعره كحكة وتمشى بخطوة عسكرية وهى محتضنة الكتب ومالهاش دعوة بحد

الرينو كليو سيدان بحس انها كائن انتجته الهندسة الوراثية نصفه الامامى سمكة ونصفه الخلفى بطة

الرينو ميجان هاتش باك بتفكرنى بمنظر براد الشاى الإستانلس ابو صفارة

البيجو 405 انا متأكد ان اللى عملها كان عاملها اساسا للإستخدام فى الجهات الأمنية لأن شكلها ظابط شرطة، لما بشوف البيضاء منها عينى بتدور على عدد النجوم الموجودة على كتفها

الفيات بونتو التسعينات بتفكرنى بمترو الانفاق (القديم -المرحلة الاولى)

الهامر بتفكرنى بثور المصارعة الأسبانى

[HRH_Sameh]

sab3aawy باشا
+11111111111111111111111111
هههههههههههههههههههههههههههههههههههههه

[eslamspirit]

اللادا بتفكرني بعلبة المناديل الكلينكس
هاااااااااهااا

[خالد]

ماحدش جاب سيرة عن السوزوكى ماروتى ليه ؟
أنا شخصياً بحس أنها شكل الطفل اللى لسه مولود حالاً ومبتسر ( ناقص نمو يعنى ) وعايزين ندخله الحضانة

[Powert]

البيجو 405 انا متأكد ان اللى عملها كان عاملها اساسا للإستخدام فى الجهات الأمنية لأن شكلها ظابط شرطة، لما بشوف البيضاء منها عينى بتدور على عدد النجوم الموجودة على كتفها

+1

:)علشان كده جايبنها لظباط شرطة الكبار:)

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ



دي بقى شكله درفيل او سمكة قرش عيانة

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

[mino]

البيجو 504 شكلها من قدام بيحسسنى انها واحد بيحتشد للعدائية بس لسة موصلش لمرحله اظهار غضبه

انا بتفكرني بشكل البقرة او الثور اللي عاوز ينطحك لو دورت ظهرك ثانية و دايما اتخيلها بقرون

[hazem_khidr]

انا بتفكرني بشكل البقرة او الثور اللي عاوز ينطحك لو دورت ظهرك ثانية و دايما اتخيلها بقرون

بتتخيلها بقرون اكيد علشان العصافير اللي علي كصدامها و انا صغير كان بيجيلي نفس الشعور برضه

ال 505 من الضهر بتفكرني بالواحد اللي بيقضقض في شفايفه .

[dr_3eshoo]

اليارس بتفكرني بسلاحف النينجا
البي ام بحسن ان انا واقف ادام واحد ابن ناس بس عاوز يبقى صايع و ينجح
الاودي و المرسيدس بحس بالاحترام لواحد محترم
الاوبل بحس اني واقف ادام واحد صايع
البسات بحس انها عربيه غلبانه و حزينه <مش عارف ليه بتصعب عليا العربيه >
الافنسيس بحس انها سلاحف النينجا بس كبار شويه
النيسان بابا بيقول عليها انها عامله انها بتفكره بتامر حسني

[M_ashraf]

الفورد فييستا 98 كانها واحد بيعيط
وموديل2000 كانها واحد بيضحك

[hazem_khidr]

الفورد كا شبه الضفدعه برضه و تحس من ضهرها انها (مكفيه) علي وشها:)
الجولف2 برضه بفوانيسها الاربعه الاماميه بتفكرني بالضفدعه.

[oshy]

الفورد كا شبه الضفدعه برضه و تحس من ضهرها انها (مكفيه) علي وشها:)
الجولف2 برضه بفوانيسها الاربعه الاماميه بتفكرني بالضفدعه.

مش عارف ليه يا حزومه بحس ان الريتمو عامله زى الضفدعه برضه :D:D

[hazem_khidr]

مش عارف ليه يا حزومه بحس ان الريتمو عامله زى الضفدعه برضه :D:D

معاك حق يا اوشي

بس محدش ينكر ان الريتو تصميمها و شكلها جمييييل

[Mostafa]

ال 128 اللى فوانيسها مدوره (مش معدل) واحد صاحبى كان مسميها مرسيدس ام عيون معمصه
السيينا القديمه من قدام بتدينى احساس بواحد جد . من ورا بتفكرنى بالبيضه المسلوقه
البيجو 405 بتفكرنى بالنسر
الياريس بحس باحساسين لما ببص عليها : ساعات كائن فضائى . وساعات كائن متخلف عقليا .... اقولكم على حاجه : بحس انها كائن فضائى متخلف عقليا
بى ام الفئه السابعه كل لما بشوفها بيجيلى احساس غريب انها هتطير

[hazem_khidr]

بي ام الفئه السابعه بتفكرني يالحوت .