اسم ستك ايه ؟

[KSA2011]

الموضوع ده دايقتى وجه على بالى بعد كذا موقف طبعا
عمى الله يسامحه بنته لما كبرت وراحت المدرسه اكتشفنا مفاجاه او صاعقه
انه مسمى بنته ... اسم جديد طبعا مع انه طول الوقت كنا بناديلها يا لوجى الى هو اسم ستى ههههههه شوفوا اد ايه واحنا بناديلها بكده
طب طالما الاسم مش عاجبه من الاول سماها كده ليه و طبعا ستى كانت توفت قبل ما البنت تروح المدرسه بزمن وفضل كاتم السر ده يا سلااااااام
ابن عمى والدى زوجته حامل وبرضه فيه نفس المشكله بسبب الاسماء دى ما بين الرفض و العصبيه
انا بستغرب ليه الحال وانا معاكم طبعا ماعادتش الاسماء القديمه دى مقبوله فى مجتمعنا
يعنى اسماء زى زينب وخديجه وعائشه من اروع واعز الاسماء صعب انك تلاقيها فى زمننا دلوقتى وماعادش حد بيسمى بنته كده حتى لو كان شيخ الشيوخ
انتم ايه رايكم فى الموضوع ده الى مأرقنى الليالى ومش مخلينى انام ههههههه
ااه وبالحق انتم اسماء ستاتكم ايه
يعنى انا ستى ام والدى الله يرحمها كان اسمها لوجى :10D5C8~1107:
وستى ام والدتى الله يخليها اسمها جنا
لا بجد الاولى كان اسمها حكمت والثانيه غاليه
وانتم ؟
طبعا ناس كتير هتخلع وهتتكسف وهى دى بقى المشكله والى اقصده وياى وبرستيجى وحواجبى بتوجعنى
مال الحواجب ومال اسم ستكم

[mahmoud_magdy]

ست ابوها وبهانه ههههههههههههههههههههههههههههههههههههههههههههه
بهزر ومش هقول
انت كده بتحرج فئه كبيره من الشعب وانا اولهم هههههههههههههه
بس الموضوع تحفه
هي جرت العاده ان الناس كلها بتدور على اسم عصري وجديد وموضه
وهكذا لحد ما وصلنا لاسامي عجيبه بسمعها

[yoko]

من ناحيه الوالد رتيبة !!!
ومن ناحيه الوالده عفاف

[FunnyMickey]

انا بقي حاسس ان كان فيه موضه زمان انهم يسموا اسمين
اسم بطاقه
واسم للاستعمال

عندنا مثلا واحده قريبتنا اسمها فاطمه يندهولها يقولولها ياست قمر
ليه مش فاهم
واحده تانيه اسمها ملكه ويندهولها يقولولها ياهايدي

وانا اسم ستي كان سلسبيله وطبعا المفروض تتكتب سلسبيلا علي اسم العين اللي في الجنه
بس بقوا يقولولها ياسنيه

حاجه صباح الاستفزاز
اما انتو بتسموا اسم
بتسموه ليه اما انتو بتندهوا باسم تاني

اه جدتي ام امي اسمها صفيه ودي لحقت نفسها الحمد لله واسمها صفيه بردو مسموهاش ايتن وندهولها يااسعاد

[KSA2011]

ست ابوها وبهانه ههههههههههههههههههههههههههههههههههههههههههههه
بهزر ومش هقول
انت كده بتحرج فئه كبيره من الشعب وانا اولهم هههههههههههههه
بس الموضوع تحفه
هي جرت العاده ان الناس كلها بتدور على اسم عصري وجديد وموضه
وهكذا لحد ما وصلنا لاسامي عجيبه بسمعها

لا والله يا استاذ محمود لا احراج ولا حاجه
الستات دى كانت اجمل ستات فى العالم فى نقاءهم وبراءتهم وايمانهم بربنا
ده احنا فى زمن ما يعلم بيه الا ربنا
الى اقصده من الموضوع انه شوف هنبتدى نضحك و نتريأ
وهى دى المشكله
انا عايز رايكم فى الموضووع ده بجد مش مجرد كتابه الاسماء وبس
حاسس انه محتاج وقفه مننا احنا الرجاله
مش عارف ليه حاسس انه تكاسلنا و حاضر ونعم للستات هى السبب الغير مباشر لفساد البشريه

[Samah AbdAllah]

جدتى لامى كان اسمها منيرة
وجدتى لابى كان اسمها دولت

[mahmoud_magdy]

انا بقي حاسس ان كان فيه موضه زمان انهم يسموا اسمين
اسم بطاقه
واسم للاستعمال

عندنا مثلا واحده قريبتنا اسمها فاطمه يندهولها يقولولها ياست قمر
ليه مش فاهم
واحده تانيه اسمها ملكه ويندهولها يقولولها ياهايدي

وانا اسم ستي كان سلسبيله وطبعا المفروض تتكتب سلسبيلا علي اسم العين اللي في الجنه
بس بقوا يقولولها ياسنيه

حاجه صباح الاستفزاز
اما انتو بتسموا اسم
بتسموه ليه اما انتو بتندهوا باسم تاني

اه جدتي ام امي اسمها صفيه ودي لحقت نفسها الحمد لله واسمها صفيه بردو مسموهاش ايتن وندهولها يااسعاد

انا عندي حاله من الحالات دي في العائله لحد ما مبقتش عارف الاسم الاصلي ايه
كنت اسمع انهم بيعملو كدا مع الرجال علشان ميدخلوش الجيش
مش عارف ازاي بس مجرد اني سمعت فقط

[نور القمر]

هههههههههههههههههه انا قلت العنوان هايطلع فيه إن ومش معقولة بيسأل على اسم سيتي بجد

بس بجد بقه يعني اللي يسمي بنته اسم ولا ابنه ويناديه بغيره طب مكنش له لازمة من الاول
زي خالي كانت طالعة موضة احياء اسماء الصحابة ومن حب التقليد سمى ابنه صهيب وبيناديه علي لما الولد كبر وراح المدرسة الموضوع برجله غير تريقة العيال عليه اللي هم معظمهم من المعارف والجيران والاقارب
اما الاهالي اللي من البداية عودوا ابناءهم على اسمائهم الحقيقية فميش مشكلة عندهم

طبعا انا مش هقول اسامي جداتي الله يرحمهم بس مش عشان مكسوفة من اساميهم بالعكس بس اكيد عندي اسبابي

[yoko]

بالنسبه للأسامي إن واحد بإسم وبيندهوله بإسم حمات أختي بعد ما أختي خلفت إكتشفنا إن الإسم الي بنديها بيه مش إسمها الحقيقي

[بحري]

إحنا نعرف أسماء زوجات النبي صلى الله عليه وسلم وأسماء الصحابيات وهذا يعني أنه لا حرج في ذكر أسماء الأمهات أو الزوجات والبنات
ولكن الموضوع أيضا راجع للعرف بمعنى أنه لو كان عرف البلد أو العائلة ستر أسماء الإناث فلا حرج في ذلك ولا ينبغي لوم من يفعل ذلك
ذكر أسماء الإناث كانت له فائدة في شهود عقد الزواج وإثبات النسب وحفظ الحقوق وتيسير المعاملات
بالنسبة للتسمية بأكثر من اسم على سبيل التدليل فبيعمل مشاكل كتير ونوع من التخبط لا داعي له

نسيت صحيح
اسم جدتي لوالدي آمال
وجدتي لوالدتي إحسان

[Ralliart]

ياااه فكرتنا بالناس الحلوه الله يرحمهم
اساميهم كانت جامده جداً (فرج الله - امينه)
نفسي اعرف السبب انهم يسمو واحد بإسمين ملهمش علاقه ببعض؟؟

[bmya]

جدتي من والده والدي (الله يرحمها ) كان اسمها عائشه
جدتي والده والدتي (ربنا يخليهالنك ويبارك لنا فيها يارب) اسمها نوال
وفعلا الناس دلوقتي بقت تسمي اي كلام يجي في دماغها وخصوصا اسماء البنات بقيت بسمع حاجات غريييييييييييييييبه
ده انا بنت اختي اسمها بتول ومستغربه جداا مع انها صفه من صفات السيده مريم وذكر في القرءان بس مش متداول اوي

ولما مسلسل حضره المتهم ابي اتعرض في رمضاااااان وظهرت الاخت ايمان العاصي وكان اسمها نيجار
يييييييييييييييييه بقت اي طفله تتولد يبقى اسمها نيجار
حاجه تقرفف
انا عن نفسي لما ربنا يكرمني ببنت هسميها حبيبه او رحمه ان شاء الله

[dr.amr]

هههههههههههههههههه
ايه المواضيع الجامده ده علي الليل كده
الاسماء زمان كانت تحفه فعلا
بس ان جيت للحق كانت اسماء تتفهم
مش الاسماء دلوقتي اللي مابقيتش افهمها ومحتاجه كتالوج علشان تتقري
طيب انا اعرف اسماء غريبه جدا
في مثلا اسم واحده (مهريبان) اسم غريب جدا
فضل محيرني من اول السنه لغاية ماسمعت واحده زميلتها بتندهها
انا نفسي ان شاء الله ربنا يرزقني ببنت اسميها رقيه

[تامر.محمد]

هههههههههههههههههههههههههههه
سؤال محرج و مش هاجاوبه
بس الاتنين الله يرحمهم , واحدة كان اسمها اسم قديم
و التانية كان اسمها اسم واحدة من بيت رسول الله عليه الصلاة و السلام
:)

[magyver]

انا شاايف انها مافيهااش احرااج
جدتي لوالدي فاطمة
جدتي لوالدتي غنا (بكسر الغين )