عالمنا الافتراضي

[aelhossan]

الاثنين بيكملوا بعض لانه في النهايه عالم واحد لحياه واحده
المهم احنا بنستريح فين وفين بنلاقي نفسنا سواء هنا او هناك مش فارقه
المهم اننا نكون مبسوطين
ونحاول نحافظ علي السعاده دي ايا كان المحيط اللي احنا عيشينه حقيقي او افتراضي
ويجعله عامر

[MMamdouh]

ممدوح شكلك قلعت السيفتى بتاع الورشة ولبست شوز خفبف بتاع يوم الخميس اهلا بيك ماتخافش مش هانعضك

انا حاسس برضة بشعور غريب كدة بعد ما دخلت الاجتماعى مرتين تلاتة... ربنا يستر

ومش عارف حاسس انك هاتتكرم السنة الجاية في الاجتماعي
هاهاها

لااااااااااااااااااااااااااااااااااااااااااااااااا ااااااااااااااااااا

MMamdouh

[3ateef]

عالمنا الافتراضي اللي بنخلقه لنفسنا ونعيش فيه ونكون علاقات صداقة عبر صفحات افتراضية
ونسعى لتحويل العالم الافتراضي الى عالم حقيقي وصداقات حقيقية
ليه بنلجأ الى العالم الافتراضي مش مكفينا عالمنا الحقيقي ؟؟
العالم الافتراضى انا اللى خلقته وانا اللى اخترت العناصر بتاعته,,العالم الحقيقى تأتى فيه الرياح بما لا تشتهى السفن..
هل فشلنا في تحقيق سعادة حقيقية مع اصدقاء حقيقين في العالم الحقيقي عشان كدة لجأنا الى العالم الافتراضي لتكوين صداقات افتراضية وسعادة افتراضية ؟؟؟
ايوه,,,بس الفرق انها سعادة حقيقية حتى ولو كانت بمجاملة من شخص عمرى ما شفته
هل مجرد كلمات الثناء وكلمات الود والحب على الصفحات الافتراضية تسعدنا سعادة حقيقية ام سعادة افتراضية او وهمية ؟؟
حقيقية,,مفتكرش ان فى حد ممكن ((ينافق)) على النت الا لو كان وحش اوى ى ى
ولما احنا سعداء اكتر بالعالم الافتراضي ليه بنسعى لتحويله لعالم حقيقي عن طريق المقابلات ؟؟
بنسعى لتحويله لعالم حقيقى بس غير العالم الحقيقى اللى لقينا نفسنا فيه,,,عالم حقيقى من اختيارى مش مفروض عليه..
وهل بعد تحويل العلاقات الافتراضية الى علاقات حقيقية مازلت تشعر بنفس السعادة ؟؟
انا لسه مجربتش الموضوع ده,,,لكن حتى لو محستش بالسعادة,,مش ححس بالندم,,لان كل العلاقات الافتراضيه اللى انا اخترت انها تكون حقيقيه من اختيارى..
طب ليه سعيد مع عالمك الحقيقي اللي خلقته في البداية من عالم افتراضي ومكنتش سعيد بعالمك الحقيقي اللي نشأت فيه ؟؟
لأن انا اللى خلقته,,العالم الحقيقى انا اتخلقت فيه..
ولا انت اساسا مش سعيد بعالمك الافتراضي وبتوهم نفسك انك سعيد لحد ما بتصدق نفسك انك سعيد ؟؟
لو مش سعيد فى العالم الافتراضى بتاعى ((حفصل الفيشة))..مش حستنى انى اوهم نفسى بحاجه مش موجوده..
وهل لو في موقف حقيقي محتاج مساعدة حقيقية واقعية هتلاقي اصدقاء العالم الافتراضي واقفين جنبك بجد ولا مجرد كلمات مؤازرة على الصفحات الافتراضية؟؟؟
مش حيكون كله كده ولا كله كده,,,,فى اللى حيقف جنبى وفى اللى حيقولى شد حيلك.
حد فاهم مني حاجة ؟؟؟؟؟؟؟؟؟
انا حاولت :))
طيب اللي فاهم يشارك
واللي لسه مش فاهم يحاول يفهم من مشاركات باق الاعضاء

موضوع عنكبوتى

[بحري]

دكتور بحري اهلا بيك
ممكن تعزمني على واحد فسفور من اللي بتعمل بيهم دماغ دول او حتى واحد يود في انببة وانا هاشمه براحتي احسن العوادم كلت خلايا مخنا :-)

مرحب بيك يا كبير....يا باشا فوسفور ويود اسكندرية كله تحت أمرك بس انت انوي وملكش دعوة وجهز نفسك للمقابلة الجاية

أنا عاوز أكمل مشاركة في الموضوع المهم والمميز بس مضغوط جدا وبقالي كام مش عارف أدخل والنت كمان عامل الواجب وزيادة..إن شاء الله أشارك قريبا جدا والله المستعان

[بحري]

مقالة هامة نشرتها المصري اليوم

أبناؤنا الافتراضيون

بقلم ياسر عبدالعزيز ٥/ ٧/ ٢٠٠٩ابنى فى الثامنة من عمره، وهو يستطيع أن يقهر تنانين، وأن يؤدب مردة، ويخوض نيراناً، ويحارب وحوشاً، ويهزم جيوشاً، ويستخدم ترسانة كاملة من الأسلحة التقليدية والنوعية بمهارة وفاعلية، لكنه لا يستطيع عبور الشارع الجانبى الهادئ الذى نسكن فيه.
ابنى فى الثامنة من عمره، وهو يستطيع أن ينشئ حساباً بنكياً، ويشترى بيوتاً وسيارات ومصانع وبيتزا، ويمكنه أيضاً أن يبيع مدناً وعقارات وبعض السلع، أو أن يقايض عليها، لكنه لم يستطع يوماً أن يشترى حلوى بسيطة من متجر متواضع بجوار منزل جدته.
يعرف ابنى أسماء عواصم الدول الشهيرة، ويسجل معلومات وصوراً عن أهم معالمها، بل يعرف أسماء قارات وهمية ومدن متخيلة ويدرك أدق التفاصيل بشأنها، كما يستطيع أن يقدر المسافات الافتراضية التى تربط بين تلك القارات والمدن وأن يتوقع الأخطار الجمة التى تكتنف الرحلات إليها، لكنه لا يكاد يذكر اسم قريتنا النبيلة الرابضة فى حضن الدلتا.
يستطيع ابنى، وهو فى الثامنة من عمره، أن يعد أسماء أكثر من مائة بطل افتراضى، وأن يسرد الكثير عن بطولاتهم، وأن يعدد مزاياهم ومناقبهم، ويروى لمحات من تاريخهم، ويفصل السمات النسبية التى يتمتع بها كل منهم، ويصف بدقة أسلوب نزاله وقدراته التدميرية وطاقته الدفاعية، لكنه لا يستطيع أن يذكر اسم بطل مصرى واحد حقيقى من هؤلاء الذين بذلوا أرواحهم ليحفظوا له حقه فى الحياة.
ابنى فى الثامنة من عمره، وهو يعرف أسماء مخرجين عالميين وممثلين ومطربين من دول شتى وفصائل من الكارتون وبرامج المسابقات، ويخوض صراعات منهكة؛ بعضها يستلزم إتقان مهارات الغوص والسباحة والقتال بالأيدى العارية أو بالسلاح الأبيض فضلاً عن العدو السريع وقفز الحواجز، لكنى لاحظت أن وزنه يزيد باطراد، وأنه لا يكاد يبرح كرسياً وحيداً أمام شاشة الكمبيوتر فى كل أوقات الفراغ.
كنت أعتقد أن الإنترنت مجالاً لنا مفتوحاً، نتعلم منه أحياناً، ونلهو به ونعبث كثيراً، ونتحكم فيه فى كل الأوقات، وأخيراً بدأت أشعر أنها تدرك ذلك، وأنها هى التى تعبث بنا وتتحكم، وليس نحن.
يبدو لى أن تحالفاً شريراً قد نشأ وترعرع بليل طويل غارق فى الغفلة، فضم انتهازيتنا وانصرافنا إلى الصراع المرير على لقمة العيش والتحقق والرغبة فى الصعود، إلى الثورة التكنولوجية والمعلوماتية المبهرة،
منتجاً «والداً ثالثا»، بات يقضى مع أبنائنا وقتاً أطول، ويمنحهم اهتماماً أكثر، ويغريهم بمتع أفضل، ويسحبهم بعيداً عن واقعنا؛ فيمنحنا انصرافهم ورضاهم، ويغرقهم فى نشوته، ويخضعهم لسطوته، ويسحبنا جميعاً إلى حال من التفكك وافتقاد الرشد والإحساس.
لقد أدركنا جميعاً صيغة مريحة وسهلة؛ فالوالدان منشغلان ومرتاحان إلى هذا «الوالد الثالث» ذى الطبيعة غير البشرية غير المكلفة وغير مجسدة الأذى، والأولاد مبهورون بهذا التجدد والتنوع والاهتمام والبريق الرائع والألوان والحركة والصور، فيما الشر يكمن فى التفاصيل وينمو ويزدهر.
لسنوات طويلة خلال العقدين الأخيرين من القرن الماضى ومطلع هذا القرن، سادت فكرة أن التليفزيون بات «والداً ثالثا»، وراح نقاد وباحثون عديدون يفصلون المشكلات التى تنجم عن استفراد هذا الجهاز الخطير بأبنائنا لمدد طويلة، وما ينجم عن تعرضهم المطرد له من تأثير فى ثقافتهم وهويتهم وقيمهم.
ألف ساعة تقريباً يمضيها الطفل المصرى سنوياً أمام التليفزيون فى المتوسط، والكثير من السلوكيات والقيم السلبية التى تظهر فى أدائه الاجتماعى يرجع إلى تعرضه لمواد ضارة ومسيئة خلال مشاهدته هذا الجهاز، ورغم هذا فلا يبدو أن التليفزيون بات اليوم يستحق هذا اللقب الخطير.
فقد بات «الوالد الثالث» عبارة عن مجمع من إنتاج التليفزيون والسينما والفيديو، وصار متاحاً عبر تلك الوسائط كلها، فضلاً عن الوسيط الأهم "الإنترنت" والاسطوانات المدمجة من خلال جهاز الكمبيوتر.
إذا كان التليفزيون يوماً «والداً ثالثاً»، فالكمبيوتر فى طريقه ليكون «الوالد الأوحد»، ذلك الذى يغرى أبناءنا بالمتع والألوان والإثارة والصور، وينحينا عن أقدس واجباتنا فى الحياة، ويعزل جيلاً كاملاً عن سياقه الأصيل، فيبدل قيمه، ويعبث بهويته، ويسلب عقله، ويتفه تاريخه، فيما نحن غارقون فى الفرح لأن «الحداثة وصلت عندنا».
فإذا كنا غير قادرين على انتهاز الفرص البديعة التى تمنحها التكنولوجيا، بأن ننتج مواد وأفلاماً وألعاباً متصلة بقيمنا وواقعنا وتاريخنا وأهدافنا، وإذا كنا عاجزين عن مراقبة ما يرد إلينا وتنقيته قبل أن يصل إلى عقول أبنائنا وأفئدتهم، وإذا كنا مرتاحين لأن أبناءنا يزهون بلون البشرة المائل للبياض،
جراء البقاء لساعات بعيداً عن ضوء الشمس، ويرفلون فى حلل نظيفة بأجسام ممتلئة بعيداً عن تصدير الإزعاج لنا، مكتفين بالانكباب على ما يجود به «والدهم الأوحد».. فلا شك أننا فى خطر عظيم.

[نور القمر]

عالم حقيقي .... عالم افتراضي .... مدام فيه بشر واحتكاك بالبشر يبقه ميفرقوش عن بعض
في العالم الحقيقي لو اختلطت بالناس وكنت كائن اجتماعي بتجيلك مشاكل وحرقة الدم مهما كنت حريص في تعاملاتك مع الناس وبتحسس على كلامك وافعالك
ولو عشت في حالك واعتزلت الناس وكنت في حالك لاقصى حد ممكن برضو بتجيلك المشاكل لحد عندك بدون اي ذنب لمجرد انك كائن عايش معاهم في نفس الكون ... محدش بيسيب حد في حاله .. كل الناس بتدخل في حياة كل الناس بشكل مستفز .... طيب ايه الحل !!!!!!!!

في العالم الافتراضي .. احنا بنوهم نفسنا انه الافضل لكن في الواقع ميفرقش عن الجقيقي كتير إلا في جزئية واحدة انك لو عزلت نفسك وكنت مجرد زائر او قاريء بدون بدون مشاركة وتفاعل هتقي نفسك مشاكل وحرقة دم انت في غنى عنها وكفاية عليك مشاكل العالم الحقيقي
ايه اللي راجع عليا لما انقل موضوع من الميل سواء الموضوع معلوماته صح ولا غلط ويدخل واحد ينتقد الموضوع ويشتم وتقلب بخناقة
ولا واحد ياخد اقتباس من مشاركة عضو تاني ويكتب كلام كتير فيه هجوم لمجرد الاختلاف في الرأي ويجي يقول مكنتش قاصدك انت .. انا بتكلم في العموم .. المفروض اننا نفتح الفنجان عشان نعرف ان نيتك غير المكتوب ويزعل من ردة الفعل ويغلط اكتر .. ودي حصلت كتير معايا ومع غيري من الاعضاء؟؟!!!
ولا واحد قرأ مشاركة ليا موجه لشخص معين فيها رأي معين معتمد على مشاركة سابقة بتكمل المعنى وهو فهمه بطريقة عكسية في حين ان الاخرين بلا استثناء فهموا معنى المشاركة وهو لا لاي سبب من الاسباب يدخل يغلط ويتكلم بأسلوب غير لائق مرفوض وبالرغم انه عرف غلطته لكن كبرياءه ميسمحش بالاعتذار
وفي الاخر نرجع نقول الناس بقت وحشة .. الناس بتاكل في بعضها .. الناس واقفة لبعضها على الواحدة .. هم مين الناس دول !!!!!! .. هم انا وانت وانت وانت وهي وهو

[بحري]

الموضوع بقاله فترة وواضح إن المشاركة جاية بعد حرقة دم.. معلش ربنا يعينك....أحيانا الافتراضي بيحرق الدم أكتر من الواقعي بكتير جدا...في الواقعي تكون الناس على حقيقتها بلا تكلف وادعاء ويسهل حينها وضع كل إنسان في حجمه وإعطاؤه قدر الاهتمام اللائق به أو التجاهل التام كأنه مش موجود...أما في الافتراضي فلله الأمر...ما أسهل الأقنعة