عايز اشترى لاب توب اجيب اية؟؟

[elrasy]

عايز اشترى لاب توب اجيب اية؟؟

عايز لاب توب ينفعنى فى شغلى تنصحونى اجيب اية؟؟

-انا عايزة فى حدود من 4000 الى 5000
-انا اغلب استخدماتى عادية , يعنى انترنت و اوفيس و فيديو ,, مفيش شغل جرافيك والكلام الكبير كدة:).
-وياريت يكون الشحن بتاعة بيطول علشان انا اغلب شغلى خارج المكتب.

واشكركم مقدما,,

[modux]

الايسر هيكون تختيار موفق


اما لو البدجد بتاعك اكبر اعمل زيي

هات ديل 1520
ب 8000

تحفة

[Karim_Monir]

احتياجاتك دي بنتيم 3 يكفيها
بس نتكلم بكلام منطقي
انت عايز حجم كويس وبطارية محترمة ووزن خفيف ما يتعبكش في التحرك
hp530 في منه موديلين
سليرون ب 3 وشوية و سنترينو ب 4 وشوية
الجهاز ده ب 4200 وانا طبعا بتكلم عن السنترينو ضمان سنة شاشة 15.4 كريستال الجديدة
بطايرة 6 خلية متوسط شغل عادي من ساعتين الى ساعتين ونص ومش هاتلاقي اكتر الا لو لقيت بطارية 8 خلية او 10
دفيدي وهارد 8- وواي فاي وكل حاجة ما عدا بلوتوث
الجهاز ده 512 رام اول ما تجيبة وقبل ما تستلمة ترفعه ل واحد جيجا ومش هايكلفك اكتر من 175 زيادة بس فرق جامد
ولو عايز مساعدة في اماكن الشراء كلمني وادلك
كريم
0101263030

[ammahah_ahmed]

بص أنا انصحك انك تبعد عن ال acer لأنه فعلا عن تجربة كذا واحد أعرفه مش كويس
اللي كويس حاليا في السوق ال dell وال hp و اللي أحسن منهم ال toshiba
أما بالنسبة للموديلات شوف الإمكانيات اللي مناسبة ليك بعد ما تستقر على نوع معين تجيبه

ولو عاوز أي مساعدة في الموضوع ده أنا في الخدمة
iluv_egypt@yahoo.com
أحمد خليفة

[Ahmed Samy]

توشيبا
الأجهزة دي روعة
انا بتاعى الحمد لله تماام

[محمد عز]

على فكره انا معايا ايسر Aspire 5584 وهو intel core 2 due وبقاله معايا حوالى 9 شهور وشغال كويس جدا وفيه اوبشن كويسه جدا زى البلوتوث والواى فاى والكاميرا المدمجه وبيشغل الدى فى دى وسعره معقول بس البطاريه مش بتقعد غير حوالى 90 دقيقة
لكن لو عاوز لاب توب والبطاريه بتاعته بتقعد كتير ييبقى dell على فكره انا كان معايا قبل الايسر ديل بيتانيوم 3 وكان حمار شغل

[ehab]

اسمحلي اقولك حاجة عن موضوع اللاب توب انا عندي واحد toshiba المهم في حاجة لازم حضرتك تأخد بالك منها ان اي لاب توب عليه ويندوز vista استهلاكوا بيكون اعلي شوية في البطارية و لو حضرتك عملت بحث علي النت هتتأكد الحكاية دي انا كنت نزلت برنامج جاي من السي دي الي معاه بيحل المشكلة دي نسبيا بس مش بيزيد عن 3 ساعات .و شكرا

[amrrashed]

الايسر كويس البطارية بتاعته تعبانة مع ان معايا ايسر ....الديل ممتاز والبطارية بتاعته ممتازة بس الصيانة وحشة
توشيبا صيانة كويسة بس مش عارف ايه نظام البطارية اعتقد كويسة،
اعتقد كريم منير باشا ممكن يفيدك اكتر واحد فى القصة دى... وابقى قولنا عملت ايه

[Ahmed Anwer]

الأنواع كتير ،،

بس انصحك بحاجة ظريفة ،،

هات واحد شاشته 12بوصة

بيكون شيك و ظريف و خفيف و متميز ، احسن من ال 15 و ال 14 بوصة ،،الضخام

حتي لو لاحظت كل ما اللاب توب بيصغر كل ما سعره بيغلي ،،

انا معايا حاليا سيمنس ،، كويس بس ضعيف و اي خبطة في الفيبر بتعلم ، و بطاريته مبتقعدش كتير ،

و كان معايا قابليه IBM انضف من السيمنس يكتير و حمال اسيه فعلآ بس مش شيك ، لو Leonovo نفس المستوي يبقي ممتاز

عموما انا وجهة نظري الحجم اهم حاجة في اللاب توب و كل ما صغر حجمه قل كل ما حقق الغرض منه ، عشان كده اعتقد حجم ال 12 بوصة هوا المناسب ،،

[elrasy]

اشكر كل اخوانى على الردود والاهتمام,,,هفكر وابقى اقولك ناوى على اية, بس اسمحولى لو افتكرت اى سؤال ابعتلكم,,,,,,:o

[sab3aawy]

احتياجاتك دي بنتيم 3 يكفيها
بس نتكلم بكلام منطقي
انت عايز حجم كويس وبطارية محترمة ووزن خفيف ما يتعبكش في التحرك
hp530 في منه موديلين
سليرون ب 3 وشوية و سنترينو ب 4 وشوية
الجهاز ده ب 4200 وانا طبعا بتكلم عن السنترينو ضمان سنة شاشة 15.4 كريستال الجديدة
بطايرة 6 خلية متوسط شغل عادي من ساعتين الى ساعتين ونص ومش هاتلاقي اكتر الا لو لقيت بطارية 8 خلية او 10
دفيدي وهارد 8- وواي فاي وكل حاجة ما عدا بلوتوث
الجهاز ده 512 رام اول ما تجيبة وقبل ما تستلمة ترفعه ل واحد جيجا ومش هايكلفك اكتر من 175 زيادة بس فرق جامد
ولو عايز مساعدة في اماكن الشراء كلمني وادلك
كريم
0101263030

الجهاز ده انا جبته بناء على نصيحة مجموعة من الناس كان منهم كريم وبعد لف ودوران كتير، هو فعلا السيليرون ب 3000 مقفولة فى المولات والكور ديو ب 4200، وجهاز ممتاز جد سلس جدا فى التعامل بس انصحك هات البروسيسور الكور ديو زى ما كريم قال وبلاش السيليرون

انا معايا جهاز تانى غيره بتاع الشركة DELL latitude D620 بروسيسور كور 2 ديو ورامات 2جيجا وهارد 160 ، وطبعا فرق السعر خرافى ، ومع ذلك مش حاسس بفروق ضخمة فى التشغيل،

الحاجة الوحيدة اللى احتجت ازودها للHP530 هى انى اشتريت له USB hub تمنه 50 جنيه علشان هو مافيهوش غير اتنين USB بس

[sherif Anton]

انا اشتريت من شهرين وبعد مسح كامل للسوق للحصول على افضل مواصفات واقل سعر (بعيدا عن الماركات الصيني العجيبة واللي سعرها اعجب) ورسيت على ACER ASPIRE 4720z الجهاز في وجة نظري رائع ... سريع ... خفيف الوزن ... ومواصفاته هي:
Processor

Intel Pentium DualCore T2330 (1.66ghz)

Memory

1 Gb

Hard Drive

120 Gb

Display

14.1''

Graphics

Mobile Intel Graphinc Media Accelerator X3100 128MB

Optical Drive

DVDRW Super Multidrive

Bluetooth

Yes

Camera

Yes
Interface

1 x ExpressCard™/54 slot,

1 x 5-in-1 card reader (SD™, MMC, MS, MS PRO, xD),

4 x USB 2.0 ports,

1 x IEEE 1394 port,

1 x External display (VGA) port,

1 x S-video/TV-out (NTSC/PAL) port,

1 x Headphone/speaker/line-out jack with S/PDIF support,

1 x Microphone-in jack,

1 x Line-in jackEthernet (RJ-45) port,

1 x Modem (RJ-11) port,

1 x DC-in jack for AC adapter

Operating System

Vista Home Premium

وسعره : 4650 جنيه مصري

[hh]

ما تفكرش في P3!!

تعليقا على رد أحد الاعضاء انه بنتيوم 3 يكفي احتياجاتك فانا انصحك الا تفكر فيه اطلاقا. في الكمبيوتر بالذات يجب أن تهتم ب3 أشياء:
1- البروسيسور
2- الMother Board
3- الرامات.
يجب أن تحرص أن تكون هذه العناصر الثلاثة أحدث الموجود بالسوق. تكون الرامات كبيرة بما هو متوافق مع السوق حاليا ( لا تقل عن 1G حاليا و قد تزيد في المستقبل) و البروسيسور Intel Core 2 Duo1.8GHz فأكثر.
ان التطور في الApplication الخاصة بالكمبيوتر سريع جدا و بعد سنة سيعتبر أحدث الموجود حاليا قديم. بعض البرامج تصبح بطيئة جدا مع الاجهزة القديمة بل ان بعض البرامج تشترط حد ادنى من الرامات مثلا.أنت تقول أن استخداماتك بسيطة لكن قد تحتاج برامج أكثر تطورا فهل تشتري جهاز جديد؟ مثلا برنامج Power Point الخاص بالتقديمات بيهنج الجهاز اذا كانت الرامات أو البروسيسور ضعاف رغم انه من برامج الoffice يعني مش حاجة جامدة أوي!
بخصوص الماركات أعتقد أن الAcer جيد جدا و ليس ضعيف كما يقال عنه. عموما كل المكونات الاساسية للأجهزة و احدة أيا كانت الماركة (البروسيسور مثلا intel او Celeron, كارت الشاشة intel او Nividia ......الخ) لكن اللي ممكن يفرق الحاجات التانية (الواي فاي, البلو توث..الخ). أنا معايا ال acer Travelmate 3275 من شهر 2 و باشغل عليه أفلام و باعمل Power point presentations كتير في شغلي و باشغله على Network في البيت و الشغل و شغال معايا زي الفل. هو ميزة الAcer انه وزنه خفيف بالنسبة لي دي مهمة جدا عشان باتنقل بيه كتير. بس هي البطارية مش بتقعد (يعني ساعتين ساعتين و نص حسب الاستخدام) بس أعتقد ممكن تجيب بطارية Spare تبقى شاحنها و شايلها معاه في شنطته. و ربنا يوفقك للاختيار الانسب ليك.

[elrasy]

واية رايكم يا جماعة فى لاب توب يكون شاشة 12 ,(اقتراح أ/احمد انور),,,
انا شايف انة هيكون عملى من ناحية الوزن علشان انتقالاتى كتير,,,, بس فى نفس الوقت خايف يضايقنى فى حاجات تانية,,

مستنى رايكم

[amrrashed]

واية رايكم يا جماعة فى لاب توب يكون شاشة 12 ,(اقتراح أ/احمد انور),,,
انا شايف انة هيكون عملى من ناحية الوزن علشان انتقالاتى كتير,,,, بس فى نفس الوقت خايف يضايقنى فى حاجات تانية,,

بص ياسيدى ال 12 بوصة هيكون غااااااااااااااااالى جدا لان اللاب توب كل لما الشاشة تصغر السعر يزيد علشان كدة الشاشة ال 14 ساعات بتبقى اغلى من 15

بص ال hp ماركة ممتازة بصراحة خليك فى المضمون وهاتها واقولك على حاجة احسن لو ليك قريب او معرفة فى امريكا ونازل قريب ادخل على موقع
www.bestbuy.com واختر كمبيوتر وخليه يجبهولك معاه انا اشتريت اللاب توب بتاعى كدة