حد بانى "هرم" فى البيت عنده ؟؟

[KHALED AYMAN]

العنوان غريب
اكيد قلتو خالد ده اهبل ...:10d5c8~1107:
بس اقرو الموضوع ..
هتعرفو انى مش اهبل ..(اهبل بس مش اوى يعنى),,,
المهم
نزلت اخرج
مع واحد صحبى ..
اعرف انه دماغه مطرقعه شويه ..
بس عادى ...
فى ناس كده ..
انما مكنتش اعرف انه وصل لمرحله "الجنون",,,
قعدنا نلف شويه و بتاع ..
و بعدين قالى
خالد تعالى هوريك حاجه تحففففففففففففففففه ...
قلت ماشى ...(انا اعرف دايما انه بيحب الاختراعات و واخد الدنيا تحدى ..كان ساعات يقولى مثلا الحته دى تجيبنى ؟؟اقوله لا مش هتكفى العربيه يا احمد يقولى طيب بص ..و يدخلها بالمللى ..)..
المهم روحنا شقه جدته ...(محدش بيروحها غير هو ..)
طلعنا الشقه عشان اشوف بقى التحفه ..
و طول الطريق مصمم ميقوليش فى ايه ..بيقولى جرب بنفسك ..
دخلنا اوضه فى الشقه ..
لقيت ايه ؟؟؟
هرم !!!!!!
ايوه هرم ..
جايب خشب ...
عامله على شكل هرم ..
4 عواميد ..واقفين
4 على الارض ..
و مغطيهم كلهم بقماش ...
بقوله ايه ده يا احمد ؟؟
بيقولى هرم
ايه رأيك ..
بقوله و ده من ايه يعنى خير ؟؟؟؟؟؟؟؟؟؟؟؟؟؟؟؟
بيقولى انا طول عمرى نفسى اعرف ليه الفراعنه بنو اهرامات ؟؟
فدورت على النت و كده عرفت ان الشكل الهرمى بيجمع جواه طاقه كبيره جدا و بيعالج من امراض و قعد يتكلم ييجى ربع ساعه عن فوائد الهرم و انا مش فاهم اى حاجه ..
بقوله طيب و ده زى بتاع الفراعنه ؟؟
قالى اه
انا ظابته بالملى ..
و فعلا الهرم الى هو عامله والله فى منتهى الدقه ..
بقوله عملته فى اد ايه ؟؟
قالى اسبوع (فعلا بقاله اسبوع مشفتوش ولا اتصل بيا ولا سمعت عنه حاجه )..
و قالى انه موجهه ناحيه الشمال و حاجات غريبه كده مفهمتهاش !!!
بقوله طيب هنعمل ايه دلوقت ؟؟
قالى ادخل بقى و شوف
دخلت طبعا عاااااادى مفيش حاجه
هو بقى
بيقولى شفت
تحس بالراحه
و الهدوء
و برده اعد يقول كلام حسيت ان قاعد مع توت عنخ آمون ...
الحاجه الوحيده الى حسيت بيها
اننا كنا نايمين على الارض ..
قالى بص كده ينفع تقف فى الهرم هنا ؟؟راسك هتخبط فوق صح ؟؟
قلت اه
و فعلا انا كنت شايف كده بس لما وقفت !!! لقيت نفسى واقف عادى و فى مسافه كمان بين راسى و بين قمه الهرم !!
و كمان صاحبى جاب فول و حطه فى ميه و سابه فى الهرم يوم كامل ..
و فى نفس التوقيت جاب فول و حطه فى ميه بس برا الهرم ...
الى فى الهرم طلع اسرع من الى برا الهرم !!!

طبعا كلامى كتييييييييير و زهقتو منه ..
الى عايز اعرفه ..
هو الهرم بجد ليه فوائد كده ؟؟
يعنى اجيب صحبى يعملى واحد فى البيت ؟؟

[pro_samir]

دة فعلا علي فكرة مش بيهيس

كان عندي كتاب زمان عن عجائب الهرم وتأثيرها علي حاجات كتير .. دانت لو حطيت موس تلم فية شفرتة هترجع حادة تاني تخيل :) متسألنيش ازاي

[نور القمر]

زمان وانا في اعداد لما كنت بحب اقرأ ..... قريت كتاب عن الهرم واسراره
وحاولت اعمل نموذج صغير
كان من ضمن التجارب المذكورة في الكتاب ان الهرم بيخلي شفرة الحلاقة حامية من جديد
بس طبعا كنت صغيرة لا عرفت اظبط ابعاد الهرم ولا عرفت اوجهه مظبوط


ايه توارد الافكار ده يا سمير
زي ميكون غشيت منك الاجابة

[KHALED AYMAN]

دة فعلا علي فكرة مش بيهيس

كان عندي كتاب زمان عن عجائب الهرم وتأثيرها علي حاجات كتير .. دانت لو حطيت موس تلم فية شفرتة هترجع حادة تاني تخيل :) متسألنيش ازاي

ممممممممممم
يعنى صحبى طلع عاقل ؟؟
بس انا حاسس انها وسعت منها اوى ..
ده بيقولى انا قعدت فيه ساعتين الحبوب الى فى وشه قلت !!
بس والله فكره الواحد يجيبه يعمله هرم فى البيت هنا ..

زمان وانا في اعداد لما كنت بحب اقرأ ..... قريت كتاب عن الهرم واسراره
وحاولت اعمل نموذج صغير
كان من ضمن التجارب المذكورة في الكتاب ان الهرم بيخلي شفرة الحلاقة حامية من جديد
بس طبعا كنت صغيرة لا عرفت اظبط ابعاد الهرم ولا عرفت اوجهه مظبوط

ده بجد بقى يا جماعه ...
انا هخلى صاحبى يعملى واحد ..
لو حد عايز ابعتهولو بس كلو بحسابو بقى

[محمد محمد]

عوووووود يا خالد...عوووووود عند شروق الشمس......ابو الوليد يناديك.

[ahmedbasto]

فكرة جامدة يا خلود اية ياعم بقالك فترة مش بتقعد على الياهو

[wesam_salom]

انا اعرف الهرم اللى كان مع الشيخ حسنى فى الكيت كات

لو عاوز موبايله قولى

[pro_samir]

ايه توارد الافكار ده يا سمير
زي ميكون غشيت منك الاجابة

وانا عمال اقول الكتاب راح فين

انا اعرف الهرم اللى كان مع الشيخ حسنى فى الكيت كات

لو عاوز موبايله قولى

ههههه يا ريت ينوبك ثواب

[KHALED AYMAN]

عوووووود يا خالد...عوووووود عند شروق الشمس......ابو الوليد يناديك.

هههههههههههههههه
على فكره انا دماغى اتنفخت من كتر التفكير اصلا مش ناقص رعب و بينى و بينك انا لوحدى فى البيت ...
ها اوصيه على هرم ليك ؟؟

فكرة جامدة يا خلود اية ياعم بقالك فترة مش بتقعد على الياهو

ها اوصيه على هرم ليك انت كمان يا ميدو ؟؟
هيفيدك فى المذاكره ده
و الياهو وحياتك عندى مكسل انزل نسخه للجهاز لان الياهو باظ

انا اعرف الهرم اللى كان مع الشيخ حسنى فى الكيت كات

لو عاوز موبايله قولى

لالالا شيخ حسنى ايه بقى يا عم ..
انا هخلى صاحبى يعملى هرم ..
لو عاوز موبايله قولى

[Ralliart]

والله فكره بدل ما الواحد يتعب نفسه ويروح الجيم ينامله اسبوع وهيعمل فورمه جامده
كان في مهندس مصري عايش في سويسرا منى الشاذلي جابته في العاشره مساءً كان بيتكلم عن الحاجات دي وانه بيعمل اشكال كده بتمتص الموجات الضاره وكان بيركب الحاجات دي في بيوت في سويسرا
وكان بيقول ان كل مباني ومعابد الفراعنه مختارين مكانها بدقه حسب تدفق الطاقه وحتى المباني الرومانيه والاسلاميه كنت تلاقي مركز المدينه في مركز الطاقه (مش فاهم حاجه )
المهم ان منى الشاذلي استخفت بيه وكانت قاعده تضحك وانا لقيت نفسي مش فاهم حاجه فمكملتش الحوار

[ahmedbasto]

هههههههههههههههه
على فكره انا دماغى اتنفخت من كتر التفكير اصلا مش ناقص رعب و بينى و بينك انا لوحدى فى البيت ...
ها اوصيه على هرم ليك ؟؟

ها اوصيه على هرم ليك انت كمان يا ميدو ؟؟
هيفيدك فى المذاكره ده
و الياهو وحياتك عندى مكسل انزل نسخه للجهاز لان الياهو باظ

ماشى يا عم المكسل ابقى قولى وابعتلك نسخة لغاية المحلة انت تأمر ولو كدة واصيه على هرم ليا انا كمان:10D5C8~1107:

[محمد محمد]

الأهرامات دي خليها ليك هاتلي توابيت علي قدي.

[KHALED AYMAN]

والله فكره بدل ما الواحد يتعب نفسه ويروح الجيم ينامله اسبوع وهيعمل فورمه جامده
كان في مهندس مصري عايش في سويسرا منى الشاذلي جابته في العاشره مساءً كان بيتكلم عن الحاجات دي وانه بيعمل اشكال كده بتمتص الموجات الضاره وكان بيركب الحاجات دي في بيوت في سويسرا
وكان بيقول ان كل مباني ومعابد الفراعنه مختارين مكانها بدقه حسب تدفق الطاقه وحتى المباني الرومانيه والاسلاميه كنت تلاقي مركز المدينه في مركز الطاقه (مش فاهم حاجه )
المهم ان منى الشاذلي استخفت بيه وكانت قاعده تضحك وانا لقيت نفسي مش فاهم حاجه فمكملتش الحوار

يا راجل ..
كنت تكلمنى عشان اخلى صاحبى يتفرج عليه

الأهرامات دي خليها ليك هاتلي توابيت علي قدي.

توابيت ايه يا عم انت هتفول على نفسك ليه بس ..
اااااااااااااه
نسيت اقولكو حاجه
صاحبى قالى ان الفراعته عرفو يحنطو الناس عشان كانو بيحنطوهم فى الهرم ..
و الاجسام مش بتتحلل فيه و الاكل مش بيبوظ فيه ..
فقالى انه هيجيب اى حيوان ميت ..
يحطه فى الهرم ..
لو اتحلل يبقى ايه ؟؟
يبقى فى عيب فى تصميم الهرم و هيعيد بنائه من تانى

[X_MM_X]

ههههههههههههههههههه

طب ممكن تصوره اصل انا مش متخيل ابعاده

[yehia]

كان عندي زمان كتاب فيه حقائق علمية غريبة ... لكنها ثابتة بالدراسة والتجربة ....

المهم كان فيه فصل كامل عن موضوع الشكل الهرمي وابداع الفراعنة فيما يتعلق بأبعاد واتجاهات الهرم الأكبر ... وإنه فعلا بيولد طاقة غريبة كفيلة بتجديد النشاط وتبطئ عمل البكتيريا والجراثيم ... لا و لدرجة انها بتحمي موس الحلاقة !!!!!

الكتاب كان عامل أبعاد الهرم والنسب بينها ... وكاتب مقاسات بذات النسب لصنع هرم صغير ممكن يتحط على ترابيزة أو مكتب ... وأنا عملته فعلا من الكرتون ووجهته نفس اتجاهات الهرم الأكبر .... وعملت تجربتين أكدوا لي أن ما يقال عنه صحيح ...

التجربة الأولى كبايتين لبن صغيرين واحدة جوة الهرم والتانية بره بس جمبه .... سبتهم كام يوم ولقيت ان اللي بره البن "قطع " فيها بدري عن اللي جوه .... (مش فاكر المدة قوي لأن فات عليها يجي 12 سنة ) .... وعشان كده حضراتكم تلاحظوا ان شركات الألبان في الخارج بتعمل علب حليب ذات قمة هرمية - زي بتاعت اللبن الرايب عندنا - عشان تستفيد من أطول فترة لحفظ اللبن طبعا بجانب العبوة العازلة .....

التجربة التانية اني فعلا جبت موس حلاقة كان بارد ولا يصلح للاستخدام بعد كده ... وحطيته جوا الهرم 3 أيام وكانت النتيجة مذهلة .... الموس رجع أحمى من الجديد :10D5C8~1107:..... بصراحة لو الواحد فايق ورايق زي أيام زمان ماكنتش اشتريت أكتر من عدد 2 أو 3 أمواس حلاقة كل سنة .....

أنا ان شاء الله حاحاول أدور على الكتاب وأقول لحضراتكم النسب بتاعة أضلاع الهرم وكيفية توجيهه مع اتجهات الشمال والجنوب ... وتجربوا بنفسكم ولا سحر ولا شعوذة !!!!!!