لو مرهق وعندك ضغط عصبى اتفضل ادخل معانا

[mado83]

ساعات الواحد بيبقى زهقان او مضايق من حاجه معينه او تعبان من ارهاق الشغل او عنده مشكله ومحتاج يفكر فيها بهدوء
او ضغط عصبى ومحتاج يرتاح شويه
برضو مش هيا دى المشكله
المشكله انه يبقى عارف ايه اللى هيريحه بس مش عارف يوصله
اختصر عليكو واقولكو ياريت حد يكون عارف مكان فيه ساونا وتدليك وجاكوزى حاجه كده زى الحمام المغربى بتاع زمان ياريت يقولنا على مكان واحد بس يكون نظييييييييييييييييييييف ودى اهم حاجه وبعدين يقولنا الاسعار
ايه رايكو فى الاختراع ده

[El.Hossieny]

متابع باهتمام

[mxz911]

متابع ...!!

[Hany.ElBaathy]

يا ريت بس يكون نظيف و محترم يعني مش الى بيعمل المساج بنات و كدة لان دول كتير

[mado83]

ياجماعه ولا واحد جرب الموضوع ده او يكون عنده فكره عنه

[Hondawy_2008]

يا ريت بس يكون نظيف و محترم يعني مش الى بيعمل المساج بنات و كدة لان دول كتير

ما هو لو اللي بيعملو راجل كده قلق أكتر ههههههههههههههههه

[hamedo0]

ما هو لو اللي بيعملو راجل كده قلق أكتر ههههههههههههههههه

كنت داخل اقول كده برده
بس متابع معاكو

[أبو صلاح]

متابع معاكم

[hamedo0]

بص انا سائلت قالولي اى فندق من الفنادق الكبيرة فيها صبي الفورسيزون او السوفيتال الجزيره

[zanativich]

يا ريت بس يكون نظيف و محترم يعني مش الى بيعمل المساج بنات و كدة لان دول كتير

يا عم هما فين الكتير دول

[ainshouka]

وحنطلع منه بايه يعنى

احنا ناس غرقنا خلاص فى الهموم لا حتنفعنا تدليك ولا جاكوزى

حتطلع مبسوط منه وبعدين اول متخرج منه حتيجى تركب العربية مش حتعرف لانك حتلاقى واحد ابن تييييييت لازقلك فيها من كل جنب ومش عارف تفتح الابواب وتقول لنفسك خليك هادى ياواد انت لسه طالع من حمام جاكوزى

وتحاول تعافر لغاية متركب وبعدين تدور تلاقيها مش راضية تدور
ولسه حتتنرفز تفتكر حمام الجاكوزى اياه اللى انت لسه واخده من دقايق

اشتغلت والحمد لله بعد زق متواصل وتمشى بيها عشان تروح للبيت
بيتهيالى كده يبقى انت اللى بتنزل للمشاكل تانى برجليك
ميكروباصات بقى على سواقين على اللى بيكسر عليك من كل ناحية على اشارات مرور على رخامة ظباط مرور وبعدين تقف فى طابور من العربيات طويييييييييييييييل ملهوش اخر ولما ربنا يفكها وتزود شوية بنزين تلاقى ان الرادار لقطك وبعدين تلاقى اللجنة انبثقت من تحت الارض وبتقولك غرامة وانت تقولهم وتعيد وتزيد وتدفع يامعلم

وتروح البيت وتلاقى مراتك مستنياك وتقولك انت اتاخرت كده ليه يا منيل تقولش جايب الديل من ديبه وانا قاعدة طلعان عينى فى المذاكرة مع عيالك وغسيلهم وشراباطهم وانت قاعدلى فى الجاكوزى بتاعك دا وفاصل وموشح طويل وعريض من الاطباق والكلمات والرصاص المتدافعة يمين وشمال وبعدين تخش على مصاريف البيت والذى منه واتصرف ودبرها يا جوز (مش انت اللى اتجوزت اشرب بقى)
وبعدين تلاقى الضغط على اكتر عندك والسكر زاد والعيال من حواليك عاوزين حاجة حلوة ويتنططوا على قفاك بقى والواد يعملها عليك

تقوم واخد بعضك ونازل على الصيدلية اللى تحت بيتكوا وتجيب دوا الضغط والسكر تلاقيه بيقولك ان الدوا غلى للضعف بشكل مفاجئ وبدون سابق انذار وتكع يامعلم وبعد فترة تلاقى ان الدوا مجابش نتيجة وتروح للدكتور وتستنى فى العيادة ييجى بتاع خمس ساعات وتخشله ويكشف عليك وتكع الفزيتا المحترمة وتروح تشترى الادوية المحترمة برضه وترجع البيت فى نص الليل وتلاقى مراتك نايمة وتدور فى التلاجة على حاجة تاكلها متلاقيش تقوم واخد بعضك وناطط على السرير وتغط فى سبات عميق وتبتدى بقى تحلم احلام غير طبيعية .........( تحب اكمل ولا كفاية كده)

كل دا ياراجل عشان رحت الجاكوزى

لسه برضه بتفكر تروح جاكوزى

[zaza_lanos]

هو فيييييييييييييييييييين بس

[ZALABANY]

في واحد في فيصل جنب مغسلة الأريزونا black and white حمام وساونا وفي تدليك وتكييس كمان هو كان الحلاق بتاعي اصلا وربنا كرمه وفتح المركز ده واسعاره كويسه اظن بيبدان من 50 للساونا او الحمام 70 خمام وتكييس وعندهم اخصائيين تدليك برده انا هاجربه واقلكم بس الجو يدفي شويه عشان البرد بتاع اليويمن دول

[sniperfox]

فى حد يسيب تلبيك البنات ويطلب راجل يدلكه ؟؟؟؟؟؟
يا راااااااااااااااااااااجل دا كلام برده

[powerofhelll]

ما هو لو اللي بيعملو راجل كده قلق أكتر ههههههههههههههههه

راجل لالالالالالالا يا نهار اخضر خلني بهمومي و الضغط احسن